Иманбек Зейкенов

Иманбек Зейкенов "Грэмми" сыйлығын жеңіп алды

1934
(Жаңартылды 08:03 15.03.2021)
Қазақ баласы беделді музыкалық сыйлықты Roses әніне жазған ремиксі үшін алды. Ол қазір әлемдегі ең танымал әншілермен бірге музыка жазып жатыр

НҰР-СҰЛТАН, 15 наурыз – Sputnik. Қазақстандық музыкант және ди-джей Иманбек Зейкенов "Грэмми" сыйлығын жеңіп алды. Бұл туралы ол өзінің Instagram парақшасында хабарлады.

"Музыканттың карьерасындағы ең тамаша жетістік – Grammy жеңіп алу, біз оған қол жеткіздік!", - деп жазды Иманбек.

Посмотреть эту публикацию в Instagram

Публикация от Imanbek Musiс (@imanbekmusic)

Иманбек ата-анасына, өзінің командасына және менеджері Кириллге, сондай-ақ Grammy ұйымдастырушыларына алғысын білдірді.

Павлодар маңындағы Ақсу қаласында тұратын Иманбек Зейкенов бұған дейін теміржолда жұмыс істеді, оның жалақысы 147 мың теңгеден аспады. Музыка оның бала күнінен хоббиі болды, әкесі гитара тартуды үйретті. Иманбек SAINt JHN орындайтын Roses әніне ремикс жасағаннан кейін танымал болды. Иманбектің туындысын әлем халқы Youtube-те 234,5 миллион рет көрді.

Қазір Иманбек Павлодар қаласындағы Торайғыров атындағы университетте тасымалды  ұйымдастыру мамандығы бойынша бірінші курста оқиды, әлемдегі ең танымал әртістермен бірге музыка жазып жатыр. 12 ақпанда британдық әнші Rita Ora мен Иманбек Bang атты жаңа мини-альбом шығарды.

"Грэмми" (Grammy) - 1959 жылдан бастап Американың Ұлттық дыбыс жазу өнері және ғылым академиясы (NARAS) тапсыратын музыкалық сыйлық.  

Биыл сондай-ақ Леди Гага, Ариана Гранде және Бейонсе де "Грэмми" иегері атанды.

1934
Тақырып бойынша
"Грэмми" табыстау рәсімі кейінге шегерілді
"Маған қоңырау шал": Павлодар облысының әкімі Иманбекпен кездесті
"Грэммиге" үміткер Иманбек Зейкенов "Вечерний Ургантқа" қатысты – видео
"Грэммиге" ұсынылған ақсулық жігіт ойламаған жерден танымал болып кеткенін айтты
Тоқаевтың алдында өнер көрсеткен Imanbek: қатты ұялдым
2020 жылы қазақстандықтар ең көп көрген видеолар
Ақсулық DJ Imanbek шетелдік жұлдыздармен альбом шығарады
Иманбек Зейкенов

"Хит болады": Иманбектің шетелдік жұлдыздармен бірлесе жазған жаңа әні шықты

7562
(Жаңартылды 16:59 10.04.2021)
Ақсулық диджей танымал музыканттармен бірлескен шығармашылық жұмысының нәтижесін жариялады

НҰР-СҰЛТАН - 10 сәуір, Sputnik. "Грэмми" сыйлығының жеңімпазы диджей Иманбек Зейкенов жанкүйерлеріне Шон Пол (Sean Paul) және София Рейеспен бірлесе жазған жаңа туындыны ұсынды. Бұл туралы ол өзінің Instagram парақшасында жариялады.

Посмотреть эту публикацию в Instagram

Публикация от Imanbek Musiс (@imanbekmusic)

48 жастағы ямайкалық орындаушы Шон Пол да Иманбек Зейкенов сияқты беделді "Грэмми" музыкалық сыйлығының иегері. Ол 2003 жылы әндері әлемдегі ең танымал радиостанциялардан көп берілетін орындаушы болып танылған.

София Рейес - поп-латын, поп-рок, кантри, R&B жанрларында өнер көрсететін мексикалық-америкалық композитор, актриса әрі әнші.

"Қауіпті! @Duttypaul мен @sofiareyes-пен бірге жаңа синглді қабыл алыңыздар", - деп жазды Иманбек.

Бұл жазбаға желі қолданушылары мыңға жуық пікір қалдырды. "Бұл ән жаңа хит болады", "Ырғақ жүрек соғысы іспетті, сондықтан болар сіздің шығармашылығыңыз бәріне ұнайды", "Алға, жерлес", "Жоғары деңгейде", - деп жазды оның жанкүйерлері.

Оқи отырыңыз: Теміржолшыдан "Грэмми" жеңімпазына дейін: Imanbek қалай тарихқа енді – видео

Естеріңізге салсақ, ақсулық диджей Иманбек Зейкенов (DJ Imanbek) "Грэмми" музыкалық сыйлығын жеңіп алған болатын. Ол осы әлемдік музыкалық сыйлыққа ие болған алғашқы қазақстандық атанды.

Иманбек SAINt JHN (Карлос Сент-Джон) орындайтын Roses әніне ремикс жазып, бүкіл Қазақстанға және әлемге танылды. Трек әлемдік хит-парадтарда бірінші орынға шығып, ең танымал әуендердің біріне айналды. Композиция YouTube-те 234 миллионнан астам қаралым жинады.

Sputnik Қазақстан тілшісіне берген сұхбатында Иманбек ремиксті кездейсоқ жазғанын айтқан болатын. Теміржолдағы жұмысынан кейін ол ноутбугында тәжірибе жасап, музыканы екі сағаттың ішінде жасаған.   

7562
Кілт сөздер:
хит ән, Иманбек Зейкенов
Тақырып бойынша
Иманбек өз табысы мен маска киген "сыңары" туралы айтты
Иманбектің әкесіне медаль табысталды
"Грэмми – 2021" сыйлығын табыстау рәсімі қалай өтті – фото
Ақсуда Иманбек Зейкеновті қызыл кілеммен қарсы алды – видео
Майра Мұхамедқызы

Қазақстандық опера әншісі халықаралық сыйлықпен марапатталды

4547
(Жаңартылды 15:50 04.04.2021)
Майра Мұхамедқызының айтуынша, жыл соңына қарай Тасқын Жармұқаметтің "Домалақ ана" операсын Париж сахнасында қою жоспарланған

Нұр-Сұлтан, 4 сәуір – Sputnik. Қазақстанның еңбек сіңірген әртісі, мемлекеттік сыйлықтың лауреаты, Париждегі "Үлкен операның" алғашқы қазақстандық солисті Майра Мұхамедқызы халықаралық BraVo сыйлығымен марапатталды. Ал салтанатты шара Мәскеудегі Үлкен театрда өтті.

Бұл марапат халықаралық кәсіби қазылар алқасының берген бағасы ретінде қабылданады және ол классикалық музыканың әлемге әйгілі ресейлік және шетелдік орындаушыларына беріледі.

Өткен жылы пандемияға байланысты бұл рәсім өтпей қалған. Ал соңғы екі жылда айтарлықтай жетістіктерге жеткен өнерпаздар марапатталды. Бұған дейін опера әншісі Салтанат Ахметова мен әнші Данэлия Төлешова Қазақстан атынан өнер көрсеткен.

"Қазақстан әлемге таңғажайып таланттарды сыйлады. Біз бүгін мұнда Шымкенттің опера және балет театрының алғашқы әйел-жетекшісін қабылдағанымызға өте қуаныштымыз. Енді біздің қатарымызда опера және балет театрының директор-әншісі бар. Бұл өте құрметті әрі Майра Мұхамедқызын осы жеңісімен құттықтаймыз", – деді BraVo сыйлығының атқарушы продюсері Юрий Андрейчук.

Майра Мұхамедқызы қазір композитор Тасқын Жармұқаметтің "Домалақ ана" операсымен жұмыс істеп жүр. Оны Шымкенттің визит картасына айналдыру көзделіп отыр. Ал әншінің айтуынша, қойылымды осы жылдың соңында Париж сахнасында қою жоспарланған.

Опера әншісі онда басты рөлді ойнап қана қоймай, оны құрудың идеялық шабыттандырушысы болды.

"Бізді қазірдің өзінде Германия, Лондон, Парижге шақырып жатыр. Бірақ біз карантиннің аяқталуын күтіп жүрміз. Менің ойымша, карантин жақын арада аяқталады және театрымыз ашылады. Сөйтіп, "Домалак Ана" барлық жерде естілетін күнді асыға күтудеміз", – деді ол.

Оқи отырыңыз: "Грэмми – 2021" сыйлығын табыстау рәсімі қалай өтті – фото

Айта кетейік, BraVo сыйлығымен марапаттау рәсіміне әр жылдары Хосе Каррерас, Анна Нетребко, Денис Мацуев, Владимир Спиваков және Жапония, Қытай, Корея мен ТМД елдерінен классикалық орындаушылары қатысқан.

4547
Кілт сөздер:
марапаттау, өнер, Майра Ілиясова
Тақырып бойынша
Меруерт Түсіпбаева Назарбаевтың қолынан қандай марапат алғанын айтып берді
Қазақ пен қытайдың достығы жайлы фильм АҚШ-та бірнеше марапат алды
Ақтөбелік әнші Рим Папасының қолынан марапат алады
Димаш Құдайберген Қытайда тағы бір марапат алды
"Қарызын неге өтемейді?": Сайрагүл Сауытбайдың марапат алғаны Қытай елшісінің ашуына тиді
Газодобывающее предприятие, архивное фото

Еуропаға газды кім жеткізеді: Ресей ме, АҚШ па?

0
Осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting

НҰР-СҰЛТАН, 12 сәуір — Sputnik. Ұзаққа созылған қыс еуропаның газ қоймаларын бос қалдырды. Газ қорының үштен бір бөлігі ғана қалды. Америкалықтар осы мүмкіндікті пайдаланып, көп көлемде сұйылтылған газ ұсынды. Алайда коронавирус дағдарысы Еуропаға мұхиттың арғы жағынан келетін қымбат газға шығындалуға мүмкіндік бермейді. Сондықтан ресейлік шикізатты сатып алуға тура келіп отыр, деп жазды РИА Новости.

Күзде және қыста еуропалықтар 65 миллиард текше метрден астам газ тұтынды. Бұл он жылдық максимумға тең. Бұл туралы Газпром GasInfrastructureEurope-ке сілтеме жасап хабарлады. Алдыңғы жоғары көрсеткіш 2018 жылы болған. Ол кезде ақпан-наурызда Еуропаны қалыптан тыс аяз бен қар жауып қалды.

Ауа райы биыл да тосын мінез көрсетті. Қаңтарда Газпромға аяз құрсауында қалған Еуропаға жеткізілімдерді шұғыл көбейтуіне тура келді. Компания Германияға 32,4 процентке, Францияға 77,3 процентке, Нидерландыға 21,2 процентке, Италияға 100 процентке әдеттегіден артық газ жіберді.

Сонымен қатар суықтың беті қайтпаған Азияға да экспорт артты. Нәтижесінде нарықта тапшылық пайда болып, бұл споттық бағаның шарықтауына алып келді. Ол бойынша тауарлар, бағалы қағаздар немесе валюта шұғыл жеткізу шарты бойынша сатылады.

Мысалы, Азияда баға кесімі мың текше метр үшін 1 000 доллардан асқан сәт болды. Кейбір мәмілелер 1400 бағасы бойынша жасалды. Еуропада баға 300 доллар болып белгіленді. Ал "Газпромның" 2021 жылға арналған бюджетінде 170 деген баға көрсетілген.

Нәтижесінде алыс шетелге жөнелтілген ресейлік экспорт 19,5 миллиард текше метрге дейін артты. Бұл бір жыл бұрынғы көрсеткіштен 46 процентке көп.

Ақпан айында да ауа райы қуанта қоймады. Осы айда үш күн қатарынан еуропалық қоймалар тәулігіне миллиард текше метр жіберіп отырды. 25 наурызға қарай қоймадағы газ қорының көрсеткіші 29 процентке дейін түсті. Германия мен Автрияда – 26, Нидерландыда – 23, Францияда – 17.

Алдағы қыста суықтан қорғану үшін еуропалықтарға өткен жылғыдан 57,3 процентке артық газ өндіру қажет. Бұл 2020 жылы Франция мен Нидерландыға жеткізілген экспорт көлеміне тең. Қоймаларды толтыру бойынша басталған газ өндіру науқаны 2011 жылғыдан кейінгі ең ауқымды шараға айналмақ.

Еуропа нарығындағы ресейлік шикізаттың үлесі 2020 жылы шамамен 33 процентті құрады. Бұл жөнінде "Газпром экспорт" бас директоры Елена Бурмистрова мәлімдеді. Оның айтуынша, "үшінші тоқсанда-ақ экспорт көлемі дағдарысқа дейінгі көрсеткіштен асып түсті". Импорттаушылар алдындағы барлық міндет толық орындалды. Жыл соңына қарай келісімшарт бойынша баға еуропалық хабтардағы споттық бағадан төмен болды. Бұл да қосымша жеткізулерді орындауға ықпал етті.

Еуроодаққа көгілдір отын Ресейден бөлек Норвегия, Катар, Алжир, АҚШ пен Нигериядан жеткізіледі. Басты тұтынушылар – Германия, Ұлыбритания және Италия. Немістер мен ағылшындар ресейлік газды "Солтүстік ағын" құбыры арқылы алып отыр. Басқа амал жоқ. Әрине сұйылтылған табиғи газға ауысуға болар еді. Бірақ ол тым қымбат. Сонымен қатар ол үшін арнайы терминалдар керек. Ал Германияда мұндай техника қарастырылмаған. Сұйылтылған табиғи газ ол елге Бельгия мен Нидерланды арқылы жеткізіледі.

Италия мен Ұлыбританияда қажетті терминал бар. Бірақ олар да құбыржол газынан бас тартуға асығар емес. Сол себепті ресейлік энергия ресурсын сатып алушылар АҚШ-тың "Солтүстік ағын – 2" жобасына қарсы ашқан соғысын қолдамай отыр. Жалпы ресейлік жобаның қарсыластары аз емес. Олардың қатарында Чехия, Польша, Венгрия, Словакия, Румыния, Хорватия бар.

Жалпы Варшава 2022 жылға қарай Ресей газынан бас тартуға дайын екенін бұған дейін мәлімдеген болатын. Поляктар Солтүстік теңізде норвегиялық қайраңдағы Baltic Pipe құбырына үміт артып отыр.

Жалпы дағдарыстың беті әлі қайта қойған жоқ. Ал сұйылтылған табиғи газ баяғыдай құбыржол газынан қымбат болып тұр. Оның үстіне "Газпром" бәсекелестеріне қарағанда өндіріс көлемі мен тәуліктік жеткізу көлемін өте жылдам арттыра алады.

Г.В.Плеханов атындағы РЭУ доценті Александр Тимофеев "Солтүстік ағын" жобасының өзін-өзі ақтауы әлі де нақты болмағандықтан, батысеуропалық бағыт басымдықта тұр деп санайды.

"Ұзаққа созылған қыс сұранысты арттырды. Бұл күзге қарай бағаның қымбаттауына алып келеді", - дейді ол.

Ресей ЖЭК даму мәселелері жөніндегі тәуелсіз кеңесшісі VYGONConsulting пікірінше, осы жылы "Газпром" алыс шетелге жөнелтетін экспорт көлемін 210 миллиард текше метрге дейін арттыра алады. Бұл 2020 жылғы көрсеткіштен 17 процентке, коронавирус дағдарысына дейінгі 2019 жылғыдан 5,5 процентке артық.

Осылайша бірінші тоқсанда "Газпромның" экспорты 30,7 процентке өсті.

"Бұған дейін жабдықтаушы бюджетке мың текше метр газ үшін 170 доллар көлеміндегі бағаны көрсеткенін ескеру керек. Бірақ содан кейін жоспарлар қайта қаралды. Енді орташа жылдық баға 200 доллар деп болжануда. Себебі ұзақ мерзімді келісімшарттар көбіне еуропалық споттық бағаларға тәуелді. Оның үстіне газ бағасы тікелей тәуелді мұнай бағасы да шарықтап кетті. Сондықтан "Газпром" өз тұтынушыларын жоспарының негізді екеніне сендіре алуы әбден мүмкін", - дейді TeleTrade ақпараттық-талдау орталығының бас экономисі Марк Гойхман.

Жалпы газ бағасы жылыту маусымы аяқталғаннан кейін де қымбаттай берді. Қазір нидерландтық TTF (Title Transfer Facility Natural Gas Price Index) хабындағы спотта мың текше метр газ бағасы 252 доллар. Бұл 2018 жылдан бері ең жоғарғы көрсеткіш.

Нәтижесінде осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting. Ал бұл Ресейдің мемлекеттік бюджетіне майдай жағады.

0