НҰР-СҰЛТАН, 15 сәуір – Sputnik. Қарағандыда еліміздегі коронавирус инфекциясының қалай басталғаны жайлы баяндайтын "Бірінші толқын" атты фильмнің түсірілімі басталды, деп хабарлайды eKaraganda.
Фильм нақты оқиғаларға негізделген. Туындыда қызметінде жүріп беймәлім вируспен алғаш бетпе-бет келген қарапайым қарағандылықтар - дәрігерлер, полиция қызметкерлері, еріктілер, ата-аналар мен олардың балалары туралы баяндалады. Түсірілім халық көп шоғырланған Қарағанды облысының Майқұдық ауданында өтеді. Сюжетке еліміздегі COVID-19 бірінші толқынының басталуы мен аяқталуы арқау болған.
Сәрсенбі күні топ дәстүр бойынша қолтаңбалары бар табақшаны сындырып түсірілімді бастап кетті.
Оқи отырыңыз: Бұл италиялық сценарий емес – ресейлік дәрігер Қазақстандағы жағдай туралы
Фильм актерлері - Қарағанды облысының тұрғындары, оның ішінде кәсіби актерлер де бар. Фильм продюсері - Saryarqa телеарнасы басшысының орынбасары Жәнібек Садықанов. Ол фильм сценариін Дмитрий Белугинмен бірлесе жазды. Режиссері - Арман Әлімжанов. Туындының концепциялық нобайын қарағандылық суретші, фильмнің суретші-дизайнері Еркебұлан Молдабеков жасайды.
