Самал Еслямова

Самал Есләмова Ресейде үздік актриса атанды

83
(Жаңартылды 11:24 26.04.2021)
Қазақстандық актриса Самал Есләмова 2018 жылы ресейлік режиссер Сергей Дворцевойдың "Айка" фильміндегі рөлі үшін Канн кинофестивалінде лауреат атанған болатын

АЛМАТЫ, 26 сәуір – Sputnik. Қазақстандық актриса Самал Есләмова "Ника" сыйлығы бойынша үздік актриса атанды, деп хабарлады Риа Новости.

Дәл осы номинация санатына Юлия Высоцкая, Чулпан Хаматова, Виктория Мирошниченко, Леонид Ярмольник пен Александр Паль де енген.

Ресейлік "Ника" ұлттық кинематография сыйлығын табыстау рәсімі жексенбіде өтті. Марапат 2019 және 2020 жыл бойынша табысталды. Себебі былтыр коронавирус пандемиясына байланысты сыйлықты табыстау кейінге шегерілді. 

Посмотреть эту публикацию в Instagram

Публикация от Самал Еслямова (@samal_yeslyamova)

2019 жыл қорытындысы бойынша "Үздік әйел рөлі" номинациясын екі актриса алды: "Айка" фильмінде басты рөлді сомдаған Самал Есләмова мен "Дылда" фильмінде ойнаған Виктория Мирошниченко.

Ал 2020 жыл қорытындысы бойынша дәл осы номинацияда екі актриса жеңіске жетті: "Дорогие товарищи!" фильміндегі рөлі үшін Юлия Высоцкая мен "Доктор Лиза" фильмінде ойнаған Чулпан Хаматова.

2019 жылы ер адамдар арасында "Одесса" фильміндегі рөлі үшін Леонид Ярмольник үздік атанды. Ал 2020 жыл бойынша "Глубже!" фильмінде ойнаған Александр Паль жеңіске жетті. Алайда ол марапаттау рәсіміне қатыспады.

Актриса Юлия Снигирь "Новый папа" халықаралық телевизиялық жобасына қатысқаны үшін" арнайы сыйлыққа ие болды. Жоба режиссері – Паоло Соррентино.

"Ника" сыйлығы туралы не білеміз

"Ника" Ұлттық кинематография сыйлығы 1988 жылдан бері беріледі. Оған режиссер Юлий Гусман бастамашы болған. Жеңімпаздар Кинематография өнер академиясы мүшелерінің жасырын дауыс беруі арқылы анықталады.

Айта кетейік, қазақстандық актриса Самал Есләмова 2018 жылы ресейлік режиссер Сергей Дворцевойдың "Айка" фильміндегі рөлі үшін Канн кинофестивалінде лауреат атанды.

Оқи отырыңыз: Әлемге танымал кинорежиссер Шымкенттегі өзі оқыған мектепке келді

"Айка" кинокартинасы – режиссер алты жыл бойы түсірген әлеуметтік драма. Фильмде Мәскеуге жұмыс істеуге келген қырғыз эмигрантының ауыр тағдыры көрсетіледі.

83
Кілт сөздер:
Самал Еслямова, актриса
Тақырып бойынша
Самал Еслямова ғажайып Қазақстанды аралауға кеңес береді
Самал Еслямова түскен фильм "Оскар" жүлдесінің шорт-парағына ілікті
Самал Еслямова: Мені Мәскеу жақсы қабылдады
"Күтпеген сый болды" Самал Еслямова Қазақстанның еңбек сіңірген қайраткері атанды
Самал Еслямова Мәскеуде қазақ тілін естігенде не сезінетінін айтты
Жошы хан кесенесі

Мәдениет министрі "Жошы хан" тарихи-мәдени кешеніне қатысты ақпаратпен бөлісті

37
(Жаңартылды 12:23 14.05.2021)
Министрдің айтуынша, Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастырылады

НҰР-СҰЛТАН, 14 мамыр – Sputnik. Осы жылдың маусымында Қарағанды облысында "Жошы хан" тарихи-мәдени кешені ашылады. Бұл туралы мәдениет және спорт министрі Ақтоты Райымқұлова айтты, деп хабарлайды Sputnik Қазақстан тілшісі.

"Киелі туризмді дамытуды ынталандыру және тарихи-мәдени нысандарға туристік қызығушылықты арттыру мақсатында маусым айының соңына қарай Қарағанды облысының Ұлытау ауданында "Жошы хан" тарихи-мәдени кешенін ашу жоспарланып отыр", – деді ол халыққа есеп беру кездесуінде.

Сонымен қатар, шілде айында Шығыс Қазақстан облысында "Абай жолымен" атты ақпараттық тур өткізу көзделуде.

Министр Тәуелсіздіктің 30 жылдығы аясында туризм саласында республикалық және өңірлік деңгейде 100-ден аса шара ұйымдастыру жоспарланып отырғанын айтты.

"Бүгінгі таңда мәдениет, әдет-ғұрып пен дәстүрлерді насихаттауға бағытталған этнотуризм ерекше өзектілік пен танымдылыққа ие. Осы бағытта маусым-қыркүйек айында Алматы қаласының туристік тартымды орындарында қолөнер шеберлерінің қатысуымен "Ұлы дала мұрасы" жәрмеңкесін өткізу жоспарлануда", – деді ол.

Оқи отырыңыз: Домалақ ана кесенесінің шырақшысы: Алматы әкімі әйелімен зиярат етіп, кейін ұлды болды

Сондай-ақ ұлттық тағамдар мен Қазақстан халықтарының тағамдарын танымал ету мақсатында түрлі фестивальдер өткізілмек.

37
Кілт сөздер:
Ақтоты Райымқұлова, мәдени нысандар
Тақырып бойынша
Депутаттар Ахмет Байтұрсынұлының 150 жылдығын ЮНЕСКО деңгейінде атап өтуді ұсынды
Ежелгі шаһар тарихын бейнелейтін нысан: Тараздағы "Тектұрмас" этно-тарихи кешені – фото
Мәдени іс-шаралар тоқтатылды, ал қаржы қалай игерілуде – министр жауап берді
Алтын Орданың құпиялары: археологтар ежелгі кесененің орнын тапты
Омбыда "Абай" мәдени-іскерлік үйі ашылды
Димаш Құдайберген

"Ерекше әсерге бөледі": желіде Димаш орындаған әндердің видеосы тарады

238
Димаш Құдайберген Қазақстан халқының бірлігі күні мен Отан қорғаушылар күніне арналған концертте өнер көрсетті

НҰР-СҰЛТАН, 8 мамыр – Sputnik. YouTube желісінде қазақстандық әнші Димаш Құдайбергеннің мерекелік концертте өнер көрсеткен видеосы тарады. 

Ол Қазақстан халқының бірлігі күніне арналған "Түркі әлемінің бесігі – Түркістан" концертінде "Қайран Елім" композициясын орындады.

"Рахмет, Димаш! Мен сенің әніңді көз жассыз тыңдай алмадым. Нәзік әрі шебер орындауың жүрегімді тербетіп, ерекше әсерге бөледі", – деп жазды жанкүйерлердің бірі.

Айта кетейік, бұл туындының музыкасын композитор Ренат Ғайсин жазған. Ал мәтін автор Данияр Алдаберген мен Орал Байсеңгір. Ән коронавирус эпидемиясы кезінде Қазақстан халқы бастан өткерген сан қилы сынақтарға арналған. 

Сондай-ақ, "Хабар" телеарнасында Отан қорғаушылар күніне арналған мерекелік концерттің видеосы да жарияланды. Ол жерде Димаш халық әні "Дүрдаразды" нақышына келтіре орындаған. 

238
Кілт сөздер:
Жеңіс күні, Димаш Құдайберген
Тақырып бойынша
Димаш Құдайбергеннің әні АҚШ-та MTV рейтингінде көш бастады
"Халқымыздың мәртебесін көтеріп тастадың": Димаш Иманбекті жеңісімен құттықтады
Димаш жанкүйерлеріне тосын мәлімдеме жасады
Жаңа бейнебаян: Димаш Құдайбергеннің Наурыз мейрамымен құттықтауы
Димаш Құдайберген "Славян базары" ән байқауына қазылық етеді
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

14
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

14
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды