Димаш Құдайбергенов

Димаш Рухия Байдүкенова орындауындағы әнді ерекше толғаныспен тыңдады видео

1022
(Жаңартылды 11:55 19.07.2021)
Димаштың жанкүйерлері ол Рухия Байдүкенованың орындауын ыждахатпен тыңдап, әр нотасын сезініп отырғанын байқаған

АЛМАТЫ, 19 шілде – Sputnik. Танымал қазақстандық әнші Димаш Құдайберген отандасы Рухия Байдүкенованы "Славян базары" байқауындағы жеңісімен құттықтады.

"Жарадың, алтын қарындасым! Жеңісті күндерің көп болғай! Алла қаласа, сен үлкен жұлдыз боласың! Бүгін сен "Славян базарында" халқыңның мәртебесін асқақтаттың, жюри мүшесі болып отырған менің де мерейімді үстем еттің. Нағыз шынайы өнерге қызмет етіп, бәрімізді осылай қуантып, алға баса бер!", - деп жазды Димаш Құдайберген.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

Айта кетейік, Димаш Құдайберген халықаралық байқаудың қазылар алқасының мүшесі болды. Байқаудың алғашқы күнінде Қазақстаннан келген қатысушыға басқа қазылар секілді жоғары балл қойды.

Димаштың жанкүйерлері ол Рухия Байдүкенованың орындауын ыждахатпен тыңдап, әр нотасын сезініп отырғанын байқаған.

Посмотреть эту публикацию в Instagram

Публикация от Dimash USA Fan Club (@dimashusafanclub)

Айта кетейік, Рухия Байдүкенова "Славян базары" байқауының бас жүлдесін ұтып алды. ХХХ халықаралық өнер фестивалінің жабылу салтанатында награданы қазылар алқасының төрағасы Анатолий Ярмоленко табыстады.

Рухия Байдүкенова 22 жаста, Талдықорғанда дүниеге келген. Қазір бойжеткен Қазақ ұлттық өнер университетінің "Эстрадалық вокал" мамандығы бойынша үшінші курста оқиды. 

2014 жылы ол "Жас қанат" республикалық жас орындаушылар байқауының финалисі атанды, ал 2015 жылы "Еуразия жұлдыздары" және "Астана даусы" халықаралық байқауларында бірінші орын алды. Рухияның дауыс диапазоны бес октавадан тұрады.

1022
Кілт сөздер:
Димаш Құдайберген
Тақырып бойынша
Байдүкенова "Славян базары" байқауында гран-при ұтып алды
"Ерекше әсерге бөледі": желіде Димаш орындаған әндердің видеосы тарады
Димаш Иманғали Тасмағамбетовтың қандай адам екенін айтты
Димаш Құдайберген желіде жақсы жаңалығын бөлісті
Димаш Құдайберген "Славян базары" туралы: қазақстандық қатысушыны қолдаймын
Еркебұлан Дайыров

Еркебұлан Дайыров Азияның үздік актері атанды

10698
Актер бұл жүлдені режиссер Эля Гильманның "Күнбағыс" фильміндегі рөлі үшін алды. Өзі жаңалықты әлеуметтік желіден естігенін айтты

АЛМАТЫ, 22 шілде – Sputnik. Қазақстандық актер Еркебұлан Дайыров Канн кино сыйлығы бойынша Азияның үздік актері ("best Asian actor 1st Cannes film awards") атанды, деп хабарлайды Sputnik Қазақстан.

Посмотреть эту публикацию в Instagram

Публикация от movie Sunflower (@film.sunflower)

"Өзім түсірілім алаңында жүрмін. Бұл жаңалықты Instagram арқылы білдім. Сол жақта белгілеп, құттықтап жатыр. Басында сенген жоқпын, продюсерлер хабарласып айтты. Сезінуге уақыт болмай, құттықтап жатқан кісілерге рахмет айтумен уақыт өтуде. Бұл бәріміздің ортақ жеңісіміз ғой", - деді Дайыров Sputnik Қазақстан тілшісіне.

Айта кетері, актер бұл жүлдені режиссер Эля Гильманның "Подсолнух" ("Күнбағыс") фильміндегі рөлі үшін алды. Ол фильмді Эля Гильманның ішінен шыққан баласына теңеп, барлық жұмыспен режиссердің өзі айналысқанын жеткізді.

Еркебұлан Дайыров 1986 жылы Алматы облысы Райымбек ауданы Қарасазда туған. Жүргенов атындағы Қазақ ұлттық өнер академиясын бітірген.

2006 жылдан бері Мұхтар Әуезов атындағы Қазақ мемлекеттік академиялық драма театрының актері.

2013 жылы Қазақстан жастар одағы "Серпер" сыйлығының лауреаты атанды, 2015 жылы Бауыржан Момышұлы атындағы "Намыс" орденінің иегері болды.

"Бауыржан Момышұлы", "Анаға апарар жол", "Қазақ елі", "Жұлдыздар тоғысқанда", "Тараз", "Алтын орда" секілді бірқатар фильмде ойнаған.

10698
Кілт сөздер:
актер, Еркебұлан Дайыров
Тақырып бойынша
Дайыров: қазіргі жастар Балуан Шолақты фаст-фуд сататын спорт кешені деп қана біледі
"Ғұмырын өнерге арнады": Нарымбетовтің достары режиссер жайлы естелігін бөлісті
"Жанымды жегідей жейді" Азамат Сатыбалды ешкімге айтпаған сырымен бөлісті
"Томиристің" қазақшасы қайда?": Ақан Сатаев халықтан кешірім сұрады
Танымал актер Фархат Әбдірайымов қайтыс болды
Димаш Құдайберген

Димаш Құдайберген халықаралық "Новая волна-2021" байқауында қазылық етеді

78
Байқаудың финалына 10 елдің өнерпазы өтті, оның ішінде Қазақстан атынан "Mezzo" тобы қатысады

АЛМАТЫ, 22 шілде – Sputnik. Димаш Құдайберген 19-25 тамызда Сочиде өтетін "Новая волна-2021" халықаралық жас орындаушылар байқауының қазылар алқасының құрамына кірді.

Байқауды ұйымдастырушы комитеттің хабарлауынша, Димаш Құдайберген "Новая волна-2021" байқауының ашылуына арналған концертке, қазылар алқасы мүшелерінің концертіне, байқаудың үшінші күніндегі концертке, сондай-ақ байқаудың жабылу құрметіне арналған концертке қатысады.

Байқаудың финалына Ресей, Австралия, Армения, Беларусь, Болгария, Грузия, Испания, Италия, Қазақстан және Нидерланды елдерінің орындаушылары өтті.

Қазақстан атынан байқауға "Mezzo" тобы қатысады.

2001-2014 жыл арасында байқау Латвияның Юрмале курортында өтті. 2015 жылдан бастап конкурс Сочиде өтеді. Байқау идеясы – композиторлар Игорь Крутой мен Раймонд Паулс.

Mezzo – классикалық және танымал музыка элементтерінің синтезі саналатын классикалық кроссовер бағытында жұмыс істейтін Қазақстандағы алғашқы вокалдық топ.

Топ 2012 жылы құрылған. Топтың продюсері – Әбдел Мұхтаров. Топта Жасұлан Сыдықов, Жәнібек Сейдахметов, Асан Нұрбергенов және Мейірхан Жантұрғанов ән айтады.

Mezzo тобы Andrea Bocelli, IlDivo, Josh Groban, Alessandro Safina, Elton John, Elvis Presley, Frank Sinatra сияқты әртістердің репертуарындағы әндердің каверін, сондай-ақ өз әндерін әртүрлі тілде шырқап жүр.

78
Кілт сөздер:
Димаш Құдайберген
Архивтегі фото

Вакцинадан кейін коронавирус жұқтырғандардың саны 6 мыңнан асты

0
Айжан Есмағамбетова вакцинадан ауырып қалғандардың саны жалпы екпе салдырғандардың 0,1 проценті ғана болатынын ерекше атап өтті

НҰР-СҰЛТАН, 28 шілде – Sputnik. Қазақстанда вакцинадан кейін коронавирус жұқтырған адамдардың саны 6 мыңнан асты. Бұл туралы санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Бүгінде вакциналаудан кейін ауырып қалғандардың жалпы саны 6 420 адамды құрайды. Олардың ішінде Спутник V-ді 5 511 адам, Hayat Vax-ты 665 адам, QazVac-ты 113 адам және CoronaVac-ты 124 адам салдырған", - деді Есмағамбетова орталық коммуникациялар қызметінде өткен онлайн брифингте.

Комитет басшысы вакцинадан ауырып қалғандардың саны жалпы екпе салдырғандардың 0,1 процентін ғана құрайтынын ерекше атап өтті. Бүгінде Қазақстанда коронавирусқа қарсы вакцина салдырғандардың саны 5,2 миллион адамға жетті.

"Демек вакцинадан кейін ауырып қалғандардың саны тым аз. Бұл дегеніміз, екпенің тиімділігі бар. Дельта-штаммнан да қорғайды", - деді Есмағамбетова.

Айта кетейік, 23 шілде күні өткен брифингте комитет басшысы вакциналаудан кейін барлығы 4 765 адам ауырып қалғаны жайында айтқан. Олардың көбісі екпенің екінші дозасын алып үлгермеген.

0
Тақырып:
COVID-ке қарсы вакцина