Сауда үй, архивтегі фото

Мерзімі өтіп кеткен қандай азық-түлік өнімдерін жеуге болады

817
Мамандар жарамдылық мерзімі өтіп кеткеннен кейін жеуге болатын 15 азық-түлік өнімдерін атады

НҰР-СҰЛТАН, 28 маусым – Sputnik. Испанияның тұтынушылар ұйымы азық-түлік өнімдерінің 15 атауын жариялады. Соның бәрін жарамдылық мерзімі өтіп кеткеннен кейін жеуге және ішуге болады, деп хабарлайды РИА Новости.

Мамандардың айтуынша, ең қысқа жарамдылық мерзімі мен тұтыну мерзімінің айырмашылығы бар. Мәселен, ең қысқа жарамдылық мерзімі өтіп кеткенде өнімнің қасиеттері жоғалады. Алайда оны әлі де жеуге болады.

"Иә, шикі ет пен балық сияқты тез бүлінетін өнімдер бар. Ондайда жаңағыдай тәртіп жүрмейді", - дейді мамандар.    

Дегенмен, ең қысқа жарамдылық мерзімі өтіп кеткеннен кейін қолдануға болатын азық-түлік өнімдері бар. Олар:

  • Йогурттар;
  • Тостерге арналған нан;
  • Кептірілген жемістер;
  • Қақталған шұжық;
  • Қақталған балық;
  • Консервіленген томаттар;
  • Макарон;
  • Чипстер;
  • Бұршақ дақылдары;
  • Күріш;
  • Салқындатшық сусындар;
  • Майқоспа нан өнімдері мен печенье;
  • Алкоголь;
  • Тосап;
  • Тез әзірленетін кеспелер.

Мұздатуға және кептіруге болады

Испанияның тұтынушылар одағы тұрып қалған нанды пудинг, француз тосты, тирамису, кепкен нан ұнтағы, сарымсақ көже мен қуырылған нанды әзірлеу үшін қолдануға кеңес беріп отыр.

Оқи отырыңыз: Бала тамақтан уланса не істеу керек

Шұжық өнімдерінің мерзімі жақындап қалса, мұздатып тастауға болады. Бұдан бөлек, ірімшікті де мұздатуға болады. Алайда артынан оның құрылымы өзгереді, ірімішік кеуіп қалады. Көкөніс пен жемістер де солай. 

"Үстелде тұрған жеміс-жидек пен көкөніс өнімдері шіріп, көгере бастаса, бүлінген жерін алып тастап, қолдана беруге болады. Алайда барынша сақ болу қажет. Себебі зең қалып қоюы мүмкін. Одан бөлінетін уытты заттар қатерлі ісік пен генетикалық өзгерістерге әкеліп соқтырады", - дейді мамандар.

Ал шикі ет пен балықты бірден мұздатып қою қажет. Ал бүліне бастаса, ары кетсе, келесі күні бірден жеп қойған дұрыс. Бірақ жоғары температуралық режиммен өңдеп шығу қажет. Сонда қауіпті патогендер жойылады.

817
Кілт сөздер:
азық-түлік
медицина қызметкері

Індет тағы 62 қазақстандықтың өмірін жалмады

19
Коронавирус жұқтырған 131 науқас жасанды тыныс алу аппаратына қосылған

АЛМАТЫ, 23 қыркүйек – Sputnik. Қазақстанда бір тәулік ішінде коронавирус инфекциясынан 53 адам, вирустық пневмониядан 9 адам қайтыс болды, деп хабарлады денсаулық сақтау министрлігі.

23 қыркүйектегі мәлімет бойынша, 66 215 адам коронавирус инфекциясынан емделуде, олардың ішінде 11 653 пациент стационарда, 54 562 науқас амбулаториялық деңгейде ем қабылдап жатыр.

Науқастар арасында 962 адамның жағдайы ауыр, 239 пациенттің жағдайы өте ауыр деп бағаланған.

131 науқас жасанды тыныс алу аппаратына қосылған.

Ал бір тәулікте 2 693 адамнан коронавирус анықталды, 247 адам пневмонияға шалдықты.

Оқи отырыңыз:

 

19
Кілт сөздер:
коронавирус, науқастар, жаһандық індет
Тақырып бойынша
Жүктілік және COVID: Маңғыстауда вирус жұқтырған жүкті әйелдердің суреті пайда болды
Вакцинадан кейін вирус жұқтырғандардың Ashyq-тағы статусы қалай өзгереді
Ashyq қосымшасы: вирус жұқтырған 10 мың адам қоғамдық орынға кірмек болды
"Вирус мутацияланады": Шарман вакцина алмағандарға қандай қауіп төніп тұрғанын айтты
медицина қызметкері

Коронавирус статистикасы: екі облыста көрсеткіш жоғары

36
(Жаңартылды 09:03 23.09.2021)
Коронавирус жұқтырғандардың көбі Алматы қаласы мен Алматы, Қарағанды облыстарында тіркелген

НҰР-СҰЛТАН, 23 қыркүйек – Sputnik. Қазақстанда өткен тәулікте 2693 адамда коронавирус індеті ПТР арқылы расталды, деп хабарлады денсаулық сақтау министрлігі.

Аймақтар бойынша:

  • Нұр-Сұлтан қаласы - 191,
  • Алматы қаласы - 549,
  • Шымкент қаласы - 125,
  • Ақмола облысы - 143,
  • Ақтөбе облысы - 133,
  • Алматы облысы - 256,
  • Атырау облысы - 69,
  • Шығыс Қазақстан облысы - 135,
  • Жамбыл облысы - 55,
  • Батыс Қазақстан облысы - 99,
  • Қарағанды облысы - 431,
  • Қостанай облысы - 105,
  • Қызылорда облысы - 56,
  • Маңғыстау облысы - 38,
  • Павлодар облысы - 192,
  • Солтүстік Қазақстан облысы - 79,
  • Түркістан облысы - 37.

Жалпы ел бойынша ауырғандар саны 870059.
Оқи отырыңыз: 

Қазақстанда табылған нигериялық Eta штамм туралы не білеміз

Қазақстандықтарға той жасауға рұқсат берілді

 

 

36
Кілт сөздер:
коронавирус, статистика, жаһандық індет
Тақырып бойынша
Жүктілік және COVID: Маңғыстауда вирус жұқтырған жүкті әйелдердің суреті пайда болды
Ashyq қосымшасы: вирус жұқтырған 10 мың адам қоғамдық орынға кірмек болды
"Вирус мутацияланады": Шарман вакцина алмағандарға қандай қауіп төніп тұрғанын айтты
Вакцинадан кейін вирус жұқтырғандардың Ashyq-тағы статусы қалай өзгереді
Түркістан

Өзбекәлі Жәнібековтың есімін бірнеше нысанға беру ұсынылды

0
Депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды

НҰР-СҰЛТАН, 23 қыркүйек – Sputnik. Сенат депутаттары мемлекет қайраткері Өзбекәлі Жәнібековтың ескерткішін орнатып, оның есімін бірнеше нысанға беруді ұсынды, деп хабарлайды Sputnik Қазақстан тілшісі.

Сенатор Алтынбек Нухұлының айтуынша, биыл Тәуелсіздіктің 30 жылдығымен қатар мемлекет қайраткері, тарихшы-этнолог Өзбекәлі Жәнібековтың туғанына 90 жыл толып отыр.

Ол Наурыз мейрамын жаңғырту, халықаралық қазақ тілі қоғамын құру мен "Ана тілі" газетінің ашылуына тікелей ықпал етті. Қазақстанда музейлердің көптеп ашылуына атсалысты.

"Осыған байланысты Түркістандағы этнографиялық музейге және Арқалықтағы дала өлкесі тарихи облыстық музейіне Өзбекәлі Жәнібек есімі берілсе дейміз. Арыстан баб қорық музейі жанында жабылып қалған Өзбекәлі Жәнібеков музейі жаңартылып, қайта ашылуы қажет", - деді Нухұлы сенаттың жалпы отырысында.

Бұдан бөлек, депутаттар Өзбекәлі Жәнібековтың есімін Түркістан қаласындағы шағын көшеге емес, жаңа орталықтағы кең көшеге беру керек деп санайды.

"Туған елі қасиетті Түркістанда еңселі ескерткішін тұғырына орнату керек деп білеміз. Мұндай құрмет қызмет атарған Шымкент және Алматы қалаларында да жасалуы керек", - деп атап көрсетті сенатор.

Осы орайда депутаттар Өзбекәлі Жәнібековтың негізгі жетістіктерін де ерекше атап өтті.

"Оның Торғай елін түлеткені өз алдына бір бөлек, Алаш қайраткерлері Ахмет Байтұрсынұлы, Міржақып Дулатов, Мағжан Жұмабаев, Жүсіпбек Аймауытовтарды ақтап алуда, оның алдында Шәкәрім есімімен еңбектерін жарыққа шығарып, халқымен қайта қауыштыруда ұйытқы болды. Қожа Ахмет Яссауи кесенесіндегі қасиетті тайқазанды Эрмитаждан алып келуде басты орындаушы рөлін атқаруын ешкім ешқашан ұмытпақ емес. Осы Қожа Ахмет Яссауи кесенесін ЮНЕСКО тізіміне қосып, қалпына келтіруге, Арыстан баб мазарын маңын халықтың жиі келіп, тәу етер жеріне айналдырудағы еңбегі - мәңгі өлмес істер мен ізгілікті іздер", - дейді Нухұлы.

Сенаторлар үкіметке депутаттық сауал жолдап, жариялаған ұсыныстар бойынша тиісті шараларды қолға алуды сұрады.

Оқи отырыңыз: 

0
Кілт сөздер:
ескерткіш, есімін беру, депутат
Тақырып бойынша
Алаш арыстарына ескерткіш ашылды
Алаш идеясы тығырыққа тірелді: Байтұрсынұлы кеңес өкіметі жағына не үшін өтті
Алаш зиялысы Жақып Ақбаев туралы не білеміз
Алматы облысынан табылған Алаш арыстарының сүйегі қайта жерленді