Вакциналау, архивтегі фото

Теңізде вакцина салдырған әйел есінен танып қалды видео

81
(Жаңартылды 19:10 05.07.2021)
Sputnik V вакцинасының 2-компонентін салдырған Sicim компаниясының қызметкері бұрын эпилепсияға шалдыққаны анықталды

НҰР-СҰЛТАН, 5 шілде – Sputnik. Әлеуметтік желіде коронавирусқа қарсы вакцина салдырған әйелдің есінен танып қалғаны туралы видео тарады. Оқиға Теңіз кенішіндегі вахталық қалашықтардың бірінде болған, деп хабарлады Ақ Жайық.

Осы жағдайға байланысты "Теңізшевройл" компаниясының баспасөз қызметі түсініктеме берді.

"Компания Теңіз кенішінде вакцина алғандарды бақылау кезінде мердігер компанияның қызметкерінің денсаулық жағдайы нашарлағанын растайды. Қазір оның жағдайы бірқалыпты, толық медициналық тексеруден өтіп жатыр. Денсаулығы жақсарған соң, клиникадан шығады",  - деп атап өтті компания.

Қазір Теңіз кенішінде 28 000 қызметкер вакцина қабылдаған, мұндай жағдай бұрын-соңды болмаған.

Кейінірек бұл оқиғаға қатысты өңірлік коммуникация қызметі ақпарат таратты. Ресми мәліметке сәйкес, Теңізде вакциналаудан кейін денесі құрысып қалған әйел бұрын эпилепсия сырқатымен есепте тұрған.

Ол Sicim компаниясының қызметкері, Sputnik V вакцинасын (2-компонент) алғаннан кейін 30 минуттық бақылау кезінде эпилепсия ұстамасы ұстаған.

"2021 жылдың 5 маусымында вакцинаның 1-компонентін салдырды. Вакцина алатын күні әйелдің жалпы жағдайы қанағаттанарлық болды, шағымы мен дене қызуы болған жоқ. Өзі бұрын эпилепсия сырқатына байланысты тұрғылықты жері бойынша неврологтың есебінде тұрғанын жасырып, ерікті түрде вакцина қабылдауға келісім берді. 2010 жылы оның эпилепсияға шалдыққаны анықталды, сол сырқаты бойынша тексеруден өтіп, тұрғылықты жері бойынша неврологтан ем қабылдаған. Әйелдің айтуынша, кейін ондай ұстамасы болмаған. Дәрігер тағайындаған дәрі-дәрмектерді қабылдаған", - делінген хабарламада.

Вакциналау станциясының медициналық қызметкерлері әйелге шұғыл медициналық көмек көрсетті, содан кейін ол ТШО клиникасына жеткізілді, онда ол 4 шілде күнгі таңертеңге дейін дәрігердің бақылауында болды.

81
Инфекциялық стационар

Алматы "қою қызыл" аймаққа кірді: әскери госпитальде инфекциялық стационар ашылды

116
(Жаңартылды 11:02 31.07.2021)
150 науқасқа арналған ауруханада орташа ауыр деңгейдегі және ауыр жағдайдағы науқастарды емдейді

НҰР-СҰЛТАН, 30 шілде — Sputnik. Алматы әскерилері коронавирус жұқтырған науқастарды қабылдау үшін инфекциялық стационар жасақтады, деп хабарлады қорғаныс министрлігінің баспасөз қызметі.

"Коронавирус жұқтырғандар санының артуына байланысты жергілікті атқарушы органның өтініші бойынша Алматыдағы қорғаныс министрлігінің әскери клиникалық госпиталі инфекциялық стационар жасақтады", - деп хабарлады қорғаныс ведомствосы.

Палата в инфекционном стационаре
© Photo : Минобороны РК
Инфекциялық стационардағы палата

Стационар 150 науқасқа арналған. Сонымен қатар медициналық мекемеде 50 орын соматикалық патологиясы бар әскери қызметкерлерді емдеу үшін және әскери-дәрігерлік және әскери-ұшқыштар сараптамасын жүргізу үшін бөлінеді.

"Біздің әскери госпиталь екінші эшелонға жатады. Сондықтан инфекциялық стационарға орташа ауыр және ауыр дәрежедегі науқастар жатқызылады. Жеке құрам мұндай жағдайға дайын", - деді Алматыдағы әскери клиникалық госпитальдің басшысы міндетін атқарушы Әбдіуәли Палтушев.

Кислородный баллон в инфекционном стационаре
© Photo : Минобороны РК
Инфекциялық стационардағы оттегі баллоны

Оның айтуынша, госпиталь мамандарының коронавирус жұқтырғандарды емдеу тәжірибесі бар. Медициналық мекемеде жасанды тыныс алдырту және гемодиализ аппаратымен жабдықталған реанимация бөлімі жұмыс істейді.

Еске сала кетейік, 2020 жылдың сәуірінен бастап әскери госпиталь дәрігерлері халыққа медициналық көмек көрсету жұмыстарына екі рет жұмылдырылды. Нәтижесінде 1 430 адам емделіп шықты, оның шамамен 30%-і – ауыр және асқынған деңгейдегі науқастар.

2021 жылдың шіддесінен бастап Нұр-Сұлтандағы Бас әскери клиникалық госпиталь коронавирус жұқтырғандарды емдеу үшін қайта іске қосылды.

Сондай-ақ Алматы, Талдықорған және Үшаралдағы үш әскери-емдеу мекемесі азаматтарды қабылдауға дайын. Аягөз, Талдықорған, Сарыөзек және Семей әскери госпитальдарында қосымша төрт инфекциялық бөлім жұмыс істеп тұр. ПТР-тестілеу жүргізу үшін Нұр-Сұлтанда және Алматыда екі стационарлық зертхана, сондай-ақ Ақтау мен Семейде мобильді зертханалық кешендер ашылған.

116
Тақырып:
Коронавирус эпидемиясы
коронавирус, дәрігер

Денсаулық сақтау министрлігі шымкенттік дәрігердің сөзін жоққа шығарды

1876
Қазақстандықтар әлеуметтік желі мен мессенджерде қазақстандық дәрігер Айна Бакееваның видеосын таратып жатыр. Ол коронавирусқа қарсы вакциналауды "фашизм" деп атады

НҰР-СҰЛТАН, 30 шілде — Sputnik. Денсаулық сақтау министрлігі шымкенттік дәрігердің вакциналау туралы тұжырымын жоққа шығарды, деп жазды Stopfake.kz.

Шымкент дәрігері Айна Бакееваның айтуынша, ешбір вакцина клиникалық зерттеулердің үшінші кезеңінен өтпеген, барлық қазақстандық коронавируспен ауырып шықты және балалар COVID-19-ды жеңіл көтереді, сондықтан вакциналаудың еш қажеті жоқ. Бакеева коронавирусқа қарсы вакциналауды "фашизм" деп атады.

Қазақстанның денсаулық сақтау министрлігі оның сөзін теріске шығарды. Қазір республикада "Спутник V", QazVac, Hayat-Vax және CoronaVac вакциналары салынып жатыр. 

"Коронавирусқа қарсы Қазақстанда қолданылатын барлық вакцина бірдей қауіпсіз әрі тиімді. Заңнамаға сәйкес тіркелмеген дәрілік затты Қазақстан аумағына алып кіру кезінде препараттың сапасын растайтын өндіруші құжаты, яғни анализ сертификаттары немесе сынақ хаттамалары немесе сапа бағасының көрсеткіші бар сапа құжаты қазақ және орыс тілдерінде болуы керек", - деді денсаулық сақтау министрлігінің баспасөз қызметі.

Ведомстводағылар атап өткендей, Қазақстанда қолданылып жатқан барлық вакцина клиникалыққа дейінгі және клиникалық сынақтың үш кезеңінен де өткен.

Сонымен қатар экспериментке қатысушылардың ахуалын Бакеева айтқандай үш күн емес, орта есеппен 30 күн бақылауда ұстайды.

Республика тұрғынының барлығы коронавируспен ауырып шыққан жоқ. Статистика бойынша 18 миллион халықтың ішінде 270 мың адамның коронавирус жұқтырғаны расталған. Сонымен қатар коронавирус жұқтырған балалардың арасында да өлім тіркелген жағдайлар бар, дейді министрліктегілер. 

1876
Кілт сөздер:
дәрігер, Шымкент
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0