Зертхана қызметкері, көрнекі фото

Коронавирус жұқтырмау үшін антидене көлемі қандай болуы керек дәрігер жауабы  

293
Терапевт коронавирусқа қарсы екпе салғызғаннан кейін антиденелер пайда болмауы қандай жағдайға алып келетінін түсіндірді

НҰР-СҰЛТАН, 8 шілде — Sputnik. Коронавирусқа қарсы жаппай міндетті вакциналау енгізілгеннен кейін адамдар екпе салғызған соң антиденелер деңгейінің төмен болуы ықтималдылығына қатысты алаңдаушылық таныта бастады.

Мұндай жағдай не себепті қалыптасады және ол үшін алаңдаған дұрыс па, осы туралы Еуропа медицина орталығының жалпы тәжірибе дәрігері Александр Доленко айтып берді.

"Қазіргі уақытта антиденелер көлемі аз немесе жеткіліксіз деген ұғым жоқ. Өйткені антиденелердің қандай деңгейі аурудың алдын алуға жеткілікті, ал қаншасы вирусқа төтеп бере алмайтыны туралы қандай да бір шекті мән әлемде белгіленген", - деді ол "Прайм" агенттігіне.

Әрбір адамның иммундық жүйесінің ерекшелігіне қарай антиденелер мүлде қалыптаспауы немесе аз көлемде түзілуі мүмкін. Мысалы, егде жастағы адамдар арасында осындай жағдай тіркелуі заңдылық.

Оқи отырыңыз: Коронавируспен ауырмаған адамдардан антидене анықталды – ғалымдар себебін айтты

Оның айтуынша, вакциналау тиімділігі антиденелер қалыптасуымен шектеледі деп ойлаған дұрыс емес. Әйтсе де вакциналау нәтижесін білу үшін екпенің екінші дозасын салғызғаннан кейін 21 күн өткен соң тест жасауға болады.

293
Кілт сөздер:
вакцина, коронавирус, дәрігер
Тақырып бойынша
Тұмау мен коронавирусты қалай ажыратуға болады - дәрігер жауабы
COVID-19: Нұр-Сұлтан мен Алматыда бір тәулікте 1000-нан астам науқас анықталды
Қазақстанда вирус жұқтырғандар туралы жаңа ақпарат шықты
ЕАЭО-да емін-еркін жүруге мобильді қосымша көмектеседі  
Қазақстанда бір тәулікте коронавирус пен пневмониядан 34 адам қайтыс болды
Аурухана, архивтегі сурет

Қазақстанда коронавирус жұқтырғандар саны 600 мыңнан асты

54
Республика бойынша вирус жұқтыру айтарлықтай көбейген. Ауруханадағы орындар санының 56 проценті, ал реанимациялық орындардың 44 проценті толық

НҰР-СҰЛТАН, 4 тамыз — Sputnik. Қазақстанда өткен тәулікте 7 519 адамның коронавируспен ауырғаны анықталды.

Аймақтар бойынша:

  • Нұр-Сұлтан қаласы – 1 351,
  • Алматы қаласы – 1 558,
  • Шымкент қаласы - 502,
  • Ақмола облысы - 257,
  • Ақтөбе облысы - 365,
  • Алматы облысы - 315,
  • Атырау облысы - 381,
  • Шығыс Қазақстан облысы - 302,
  • Жамбыл облысы - 181,
  • Батыс Қазақстан облысы - 163,
  • Қарағанды облысы - 895,
  • Қостанай облысы - 270,
  • Қызылорда облысы - 198,
  • Маңғыстау облысы - 223,
  • Павлодар облысы - 307,
  • Солтүстік Қазақстан облысы - 141,
  • Түркістан облысы - 110.

Пандемия басталғалы жалпы ел бойынша ауырғандар саны 602 952.

Үкімет отырысы

3 тамызда өткен үкімет отырысында премьер-министр Асқар Мамин дельта штамның таралуына байланысты өңірлерде эпидемиологиялық жағдай нашарлағанын айтты. Республика бойынша вирус жұқтыру айтарлықтай көбейген. Ауруханадағы орындар санының 56 проценті, ал реанимациялық орындардың 44 проценті толық.

Мамин өңір әкімдері мен денсаулық сақтау министрлігіне барлық аурухана, бастапқы пункт, мобильді бригадалар мен ПТР-зертханалардың үздіксіз жұмыс істеуін, дәрі-дәрмек пен қорғаныш құралдарының жеткілікті болуын қамтамасыз етуді тапсырды.

Сондай-ақ ішкі істер және денсаулық сақтау министрліктеріне мониторингтік топтардың жұмысын күшейтуді бұйырды.

Денсаулық сақтау министрі Алексей Цой тамыз-қыркүйекте тіркелетін жағдайлардың болжамды саны 250 мың адамға жуықтайтынын айтты. Яғни тәулігіне орташа есеппен 7 мың адам.

54
Тақырып бойынша
Цой тамыз-қыркүйектегі эпидемиологиялық ахуалға болжам жасады
"Жағдай нашарлады": Мамин министрлер мен әкімдерге тапсырма берді
Цой: коронавируспен ауырғандардың 99,9%-і – вакцина салдырмағандар
Полиция жалған вакцина паспортын сатып алған 200 адамды іздестіріп жатыр
Цой карантинді бұзғандардың тізімін жариялауға не түрткі болғанын айтты
Қарбыз

Дәрігерлер бір күнде қанша қарбыз жеуге болатынын айтты

126
Екі жасқа толмаған балаларға қарбыз бермеген дұрыс, өйткені ол аллергияны қоздыруы мүмкін

НҰР-СҰЛТАН, 3 тамыз – Sputnik. Балалар үшін қарбыздың тәуліктік нормасы – 80 грамнан 150 грамға дейін, ал ересектер үшін – 500 грамм. Бұл жемісті құрамында көмірсулар бар басқа өнімдермен араластырып жеуге болмайды, деп хабарлайды РИА Новости.

"2-3 жасар сәбилер үшін қарбыз порциясы 80-100 граммнан аспауға тиіс. Ал 3-6 жастағы бүлдіршіндерге қарбыз мәйегінің 150 грамын жеуге болады", - деп кеңес берді педиатр Марина Лерман.

Ол қарбызды екі жасқа толмаған балаларға беруге болмайтынын атап өтті. Өйткені жемістің бұл түрі тамақ аллергиясын қоздыруы мүмкін.

Ал дәрігер-терапевт Елена Тихомирова ересектер үшін қарбыздың тәуліктік нормасын атады.

Тағы оқыңыз: Диетолог күнде жеуге болатын нанды атады

Айтуынша, үлкендерге күніне 500 грамм қарбыз жеуге болады, бірақ құрамында көмірсулар бар басқа өнімдерді бір мезетте тұтынбаған абзал.

Маман қарбызды тек ұйықтар алдында ғана жеуге болмайтынын атап өтті.

"Бір жегенде бір келі қарбыз жеудің қажеті жоқ. Себебі біздің ағзамыз 60 грамм таза көмірсуды бір уақытта сіңіре алмайды. 20-30 грамы сіңіп, қалғаны майға айналуы мүмкін", - деді Тихомирова.

3 тамыз Халықаралық қарбыз күні аталып өтеді.

126
Кілт сөздер:
дәрігерлер, қарбыз
Өзбекстандық ауыр атлетші Ақбар Джураев

Қазақстандық бапкер Өзбекстанға Токио Олимпиадасында "алтын" алуға көмектесті

0
(Жаңартылды 12:59 04.08.2021)
Қазақстандық Ержас Болтаев Илья Ильиннің жаттықтырушысы болды, алайда ол Токио–2020 ойындарына чемпиондарды тәрбиелеу үшін Өзбекстанға кеткен

АЛМАТЫ, 4 тамыз – Sputnik. Токио Олимпиадасында Өзбекстан Қазақстаннан әлдеқайда жақсы өнер көрсетіп жатыр. Қазір көрші елдің қоржынында үш медаль бар, оның екеуі алтын. Ол алтынның бірін қазақстандық бапкер Ержас Болтаевтың шәкірті Акбар Джураев алды.

Джураевты алғашқылардың бірі болып Илья Ильин құттықтады. Ол 2011 жылдан бастап Болтаевпен бірге жаттыққан еді.

Посмотреть эту публикацию в Instagram

Публикация от Илья Ильин (@ilyailyinforever)

Бес жыл бұрын Рио–2016 ойындарында Болтаев Алексей Нимен жанжалдасып қалған болатын. Сол кезде жаттықтырушы шәкірті Александр Зайчиков өнер көрсетер алдында Олимпиадада аккредитациясынан айырылды. Қазір Болтаев Өзбекстан үшін олимпиада чемпиондарын тәрбиелеп жүр.

Қазақстандық ауыр атлеттер Олимпиадада қалай өнер көрсетті

Қазақстанның ауыр атлетикасы үшін бұл Олимпиада сәтсіз болды деп айта алмаймыз. Ел атынан барған екі спортшы екі қола алды. Бұл сайысқа елдегі ең мықты ауыр атлеттер таңдалғаны анық. Дегенмен ерлер арасында әуелден-ақ алтын алуға үміт болмады, сондықтан қоланың өзі үлкен сый ретінде қабылданды.

Мұны Олимпиада алдындағы сарапшылардың болжамы және жарыстан кейін спортшы Игорь Сон мен оның жаттықтырушыларының реакциясы көрсетті. Егер Қазақстан үшін ауыр атлетикада қоланың өзі үлкен сый болса, демек елде спорттың бұл түрі дағдарыс алдында тұрғанын мойындау қажет.

Зүлфия Чиншанло алтын алуға үмітті еді, алайда бұл ойын жүзеге асыра алмады. Чиншанло спорттағы мансабын аяқтаса не болады? Ол Қазақстан әйелдер құрамасының көшбасшысы. Ал оның ізін басар спортшылар әлі жоқ секілді. Өкінішке қарай, соңғы Қазақстан чемпионатында жаңа есімдер шықпады. 

Сұрақ көп, бірақ оны шешуге уақыт аз - келесі Олимпиада ойындары үш жылдан кейін өтеді. 

Оқи отырыңыз: Токио Олимпиадасы: қазақстандық палуан жартылай финалға шықты

 

0
Кілт сөздер:
бапкер, ауыр атлетика, Токио Олимпиадасы
Тақырып:
Токио Олимпиадасы
Тақырып бойынша
Ауыр атлетика федерациясы Сон мен Чиншанлоға көлік сыйлайды
Допинг дауының қатысы жоқ: Чиншанлоның жұлқа көтеруін төрешілер неге есептемеді
Токио Олимпиадасында ерсі қылық көрсеткен Әлиев қатаң жазаға тартылды
Токио Олимпиадасы: Сафиуллин жеңіліп қалды