Алматы қаласы

Он күнде науқастар саны күрт өсті: Алматыда эпидемиологиялық жағдай қандай

49
Қалада маусымның үшінші аптасынан бастап қазірге дейін "үнді штамы" салдарынан тәулігіне науқастар саны 600-ден асып жатыр. Соңғы тәулікте 638 адамнан коронавирус анықталды

АЛМАТЫ, 12 шілде – Sputnik. Алматыда COVID-19 бойынша эпидемиологиялық жағдай шиеленісіп тұр. Коронавирустың "дельта" түріне байланысты айтарлықтай өсім байқалады. Бұл туралы қаланың бас санитар дәрігері Жандарбек Бекшин брифинг кезінде мәлімдеді, деп хабарлайды Sputnik Қазақстан тілшісі.

Қалада маусымның үшінші аптасынан бастап қазірге дейін "үнді штамы" салдарынан тәулігіне науқастар саны 600-ден асып жатыр. Соңғы тәулікте 638 адамнан коронавирус анықталды.

"Жыл басынан бері қалада коронавирус 60 мыңнан астам адамнан анықталды. Шілде басталғалы 4 610 адамнан COVID-19 табылды. Ал өткен аптада 3 085 жағдай тіркелді, бұл алдыңғы аптамен салыстырғанда 1,4 есе көп", - деді Жандарбек Бекшин.

Қаланың бас санитар дәрігерінің айтуынша, науқастар санының көбеюі қалада 18 маусымнан бастап "дельта" түрінің анықталуымен тікелей байланысты. Бұл штамм әлдеқайда жұқпалы және жиі ауыр клиникалық белгілері бар.

"Зерттеулер коронавирустың түрлері арасында "дельта" штамының үлесі қазірдің өзінде басым екенін көрсетті. Ол 78-80%-ті құрап отыр. Сондай-ақ 16%-і британдық "альфа" штамы, 3%-і COVID-19 инфекциясының Ухань нұсқасы", - деді Бекшин.

Бекшиннің сөзінше, соңғы жеті күнде ауру белгілері бар науқастардың саны 2 есеге өсті. Науқастар арасында 20 жастан 40 жасқа дейінгі азаматтар арасындағы сырқаттанушылықтың 3,4%-ке өсуі алаңдаушылық тудырып отыр. Сондай-ақ, коронавирус жұқтырған әрбір төртінші адам – 40-59 жас аралығындағы азаматтар.

Ауруханада науқас саны көбейді

Алматы қаласы қоғамдық денсаулық басқармасының басшысы Нариман Табынбаевың сөзінше, соңғы он күнде қалада ауруханаға түскен науқастар саны 2,5 есе өсті. 12 шілдедегі жағдай бойынша, инфекциялық стационарларда 1 724 адам емделіп жатыр. Науқастар арасында 17 адам жасанды тыныс алу аппаратына қосылған.

"Жалпы реанимация және қарқынды терапия бөлімшесінде науқастардың саны 10 күннің ішінде 50-ден 121-ге дейін, яғни 2,4 есеге көбейді. Алғашқы медициналық-санитарлық көмек пен Телемедицина орталығы дәрігерлерінің бақылауында 3 255 пациент бар. Ал ауруханалар мен үйде 40 жасқа дейінгі жастар санының күрт өсуі байқалды", - деді Табынбаев.

Айта кетейік, қазір Алматыда коронавирус жұқтырған науқастарды емдеуге 5 060 төсек-орын жасақталған.

49
Кілт сөздер:
Алматы, коронавирус
Тақырып:
Коронавирус эпидемиясы (2567)
Тақырып бойынша
Төртінші толқын: Бекшин COVID-19 шарықтау шыңы қай айда болатынын болжады
Коронавирустың екі бірдей штамын жұқтырған әйел қайтыс болды
Коронавирус жұқтырмау үшін антидене көлемі қандай болуы керек – дәрігер жауабы  
COVID-19: Қазақстанда тағы 4000-ға жуық адам вирус жұқтырды
Ыстық ауа райында коронавирус ауыр өтеді - дәрігер
Аурухана, архивтегі сурет

Қазақстанда коронавирус жұқтырғандар саны 600 мыңнан асты

74
Республика бойынша вирус жұқтыру айтарлықтай көбейген. Ауруханадағы орындар санының 56 проценті, ал реанимациялық орындардың 44 проценті толық

НҰР-СҰЛТАН, 4 тамыз — Sputnik. Қазақстанда өткен тәулікте 7 519 адамның коронавируспен ауырғаны анықталды.

Аймақтар бойынша:

  • Нұр-Сұлтан қаласы – 1 351,
  • Алматы қаласы – 1 558,
  • Шымкент қаласы - 502,
  • Ақмола облысы - 257,
  • Ақтөбе облысы - 365,
  • Алматы облысы - 315,
  • Атырау облысы - 381,
  • Шығыс Қазақстан облысы - 302,
  • Жамбыл облысы - 181,
  • Батыс Қазақстан облысы - 163,
  • Қарағанды облысы - 895,
  • Қостанай облысы - 270,
  • Қызылорда облысы - 198,
  • Маңғыстау облысы - 223,
  • Павлодар облысы - 307,
  • Солтүстік Қазақстан облысы - 141,
  • Түркістан облысы - 110.

Пандемия басталғалы жалпы ел бойынша ауырғандар саны 602 952.

Үкімет отырысы

3 тамызда өткен үкімет отырысында премьер-министр Асқар Мамин дельта штамның таралуына байланысты өңірлерде эпидемиологиялық жағдай нашарлағанын айтты. Республика бойынша вирус жұқтыру айтарлықтай көбейген. Ауруханадағы орындар санының 56 проценті, ал реанимациялық орындардың 44 проценті толық.

Мамин өңір әкімдері мен денсаулық сақтау министрлігіне барлық аурухана, бастапқы пункт, мобильді бригадалар мен ПТР-зертханалардың үздіксіз жұмыс істеуін, дәрі-дәрмек пен қорғаныш құралдарының жеткілікті болуын қамтамасыз етуді тапсырды.

Сондай-ақ ішкі істер және денсаулық сақтау министрліктеріне мониторингтік топтардың жұмысын күшейтуді бұйырды.

Денсаулық сақтау министрі Алексей Цой тамыз-қыркүйекте тіркелетін жағдайлардың болжамды саны 250 мың адамға жуықтайтынын айтты. Яғни тәулігіне орташа есеппен 7 мың адам.

74
Тақырып бойынша
Цой тамыз-қыркүйектегі эпидемиологиялық ахуалға болжам жасады
"Жағдай нашарлады": Мамин министрлер мен әкімдерге тапсырма берді
Цой: коронавируспен ауырғандардың 99,9%-і – вакцина салдырмағандар
Полиция жалған вакцина паспортын сатып алған 200 адамды іздестіріп жатыр
Цой карантинді бұзғандардың тізімін жариялауға не түрткі болғанын айтты
Қарбыз

Дәрігерлер бір күнде қанша қарбыз жеуге болатынын айтты

342
Екі жасқа толмаған балаларға қарбыз бермеген дұрыс, өйткені ол аллергияны қоздыруы мүмкін

НҰР-СҰЛТАН, 3 тамыз – Sputnik. Балалар үшін қарбыздың тәуліктік нормасы – 80 грамнан 150 грамға дейін, ал ересектер үшін – 500 грамм. Бұл жемісті құрамында көмірсулар бар басқа өнімдермен араластырып жеуге болмайды, деп хабарлайды РИА Новости.

"2-3 жасар сәбилер үшін қарбыз порциясы 80-100 граммнан аспауға тиіс. Ал 3-6 жастағы бүлдіршіндерге қарбыз мәйегінің 150 грамын жеуге болады", - деп кеңес берді педиатр Марина Лерман.

Ол қарбызды екі жасқа толмаған балаларға беруге болмайтынын атап өтті. Өйткені жемістің бұл түрі тамақ аллергиясын қоздыруы мүмкін.

Ал дәрігер-терапевт Елена Тихомирова ересектер үшін қарбыздың тәуліктік нормасын атады.

Тағы оқыңыз: Диетолог күнде жеуге болатын нанды атады

Айтуынша, үлкендерге күніне 500 грамм қарбыз жеуге болады, бірақ құрамында көмірсулар бар басқа өнімдерді бір мезетте тұтынбаған абзал.

Маман қарбызды тек ұйықтар алдында ғана жеуге болмайтынын атап өтті.

"Бір жегенде бір келі қарбыз жеудің қажеті жоқ. Себебі біздің ағзамыз 60 грамм таза көмірсуды бір уақытта сіңіре алмайды. 20-30 грамы сіңіп, қалғаны майға айналуы мүмкін", - деді Тихомирова.

3 тамыз Халықаралық қарбыз күні аталып өтеді.

342
Кілт сөздер:
дәрігерлер, қарбыз
Архивтегі фото

"Ұйықтатамын деп бөлмеге кіргізген": Алматыда педофил сотталды

0
Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған

НҰР-СҰЛТАН, 4 тамыз – Sputnik. Алматыда кәмелеттік жасқа толмаған қызға жыныстық зорлық жасаған ер адам 20 жылға бас бостандығынан айырылды, деп хабарлайды Polisia.kz.

Сотталушы Қазақстан Қылмыстық кодексінің 121-бабы 4-бөлігі бойынша айыпталды. Істі қылмыстық істер жөніндегі мамандандырылған ауданаралық соты қарады.

Бұл оқиға өткен жылдың қараша айында Алматының Наурызбай ауданындағы "Премьера" тұрғын үй кешені үйлерінің бірінде болған.

Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған. Оған ешкім кедергі жасай алмаған.

Тергеу де, сот та бұл іс бойынша жеңілдететін мән-жайларды таба алмады.

Сот жоғарыда айтылғандарды ескере отырып, Б.есімді ер адамды 20 жылға бас бостандығынан айырды.

0