Көшедегі бала

Желіде балаларға вакцина салуға қатысты жалған ақпарат тарады

394
(Жаңартылды 10:49 14.07.2021)
Видео авторы егер қазақстандықтар баласына коронавирусқа қарсы екпе салдырудан бас тартса, оларды ата-ана құқығынан айыратынын айтқан

АЛМАТЫ, 14 шілде – Sputnik. Әлеуметтік желіде қазақстандық ата-аналарды балаларына коронавирусқа қарсы вакциналаудан бас тартқаны үшін жазалайтыны, тіпті ата-ана құқығынан айыратыны айтылған видео тарады.

Видеоны Айна Бәкеева деген әйел Нұр-Сұлтан қаласында министрліктер үйі маңында түсірген. Ол Қазақстанда ата-аналар тарапынан балаларға қатысты зорлық-зомбылық фактілерін анықтайтын жұмыс топтары құрылғанын мәлімдеді. Бұл топтар дәрігерлерді оқытатынын айтты. Әйел балаларды коронавирусқа қарсы вакциналаудан бас тартуды зорлық-зомбылық деп атайды.

Ол Instagram парақшасында өзін дәрігер деп, адамдарды коронавирусқа қарсы "мәжбүрлі вакцинацияға" қарсы петицияға қол қоюға шақырады.

"Балаңызға вакцина салдырудан бас тартсаңыз, дәрігер полицияға жүгінеді. (...) Бұл балаға қатысты зорлық-зомбылық ретінде қарастырылады. Баланы отбасынан алып кету мәселесі шешіледі", - дейді әйел.

Денсаулық сақтау министрлігі бұл ақпаратты жоққа шығарды, деп хабарлайды StopFake.

"Бұл ақпарат шындыққа жанаспайды. Балаларға жасалатын барлық медициналық манипуляциялар тек ата-аналардың келісімімен ғана жүргізіледі", - деп хабарлады денсаулық сақтау министрлігінің баспасөз қызметі.

Айта кетейік, қазір Covid-19 инфекциясына қарсы вакцина тек кәмелет жасына толғандарға ғана салынады.

394
Кілт сөздер:
балалар, вакцина
Тақырып бойынша
"Баланы шұғыл ауруханаға жатқызу керек": дәрігерлер қауіпті синдром туралы ескертті
15 шілдеден бастап міндетті вакцинация тексеріле ме – министрлік жауап берді
Жұмыс беруші вакцина салдырмаған қызметкерді жұмыстан шығаруға құқылы ма
Қазақстанда вакцинаны төгіп, жалған паспорт сатқан дәрігерлер ұсталды
Фармацевт дәрі-дәрмек сатып алуда ақша үнемдеу жолдарын атады
аурухана, коронавирус

Цой: коронавируспен ауырғандардың 99,9%-і вакцина салдырмағандар

4803
(Жаңартылды 17:19 28.07.2021)
Қазіргі уақытта вакцинаның бірінші компонент 5 230 750 адамға егілған, бұл вакциналауға жататын халықтың 52,8%-і

НҰР-СҰЛТАН, 28 шілде – Sputnik. Денсаулық сақтау министрі Алексей Цой коронавируспен ауырғандардың барлығы дерлік вакцина алмағандар екенін мәлімдеді, деп хабарлайды Sputnik Қазақстан тілшісі.

"Ауырғандардың 99,9%-і вакцина салдырмағанын атап өткім келеді. Бұл иммунизацияның қауіпсіздігі мен тиімділігін дәлелдейді", - деді Цой баспасөз мәслихатында.

Ол әр екінші ересек қазақстандық коронавирусқа қарсы вакцинаның бірінші дозасын алғанын атап өтті.

Айтуынша, қазіргі таңда 8,6 миллион доза пайдаланылған, оның ішінде бірінші компонент 5 230 750 адамға егілді. Бұл вакциналауға жататын халықтың 52,8 процентін құрайды. Екінші компонент 3 436 617 қазақстандыққа cалынған.

Егу пунктерінде 713 мың дозаға жуық бірінші компонент және 1 миллион 300 мың доза екінші компонент бар, деп толықтырды министр.

Цой қазақстандықтарды тағы бір мәрте вакцина салғызып, індеттен қорғануға шақырды.

4803
Тақырып:
COVID-ке қарсы вакцина
Архивтегі сурет

Дәрігер коронавирустан адам керең болып қалуы мүмкін екенін ескертті

549
Дәрігер коронавирус инфекциясы адамның есту қабілетіне қалай әсер ететінін айтты

НҰР-СҰЛТАН, 28 шілде – Sputnik. Коронавируспен ауырған кезде иіс пен дәм сезу ғана жоғалмайды, есту қабілеті де нашарлауы мүмкін. Sputnik радиосына берген сұхбатында жоғары санаттағы ЛОР-дәрігер, медицина ғылымдарының кандидаты Владимир Зайцев бұған вирустың жүйке жүйесін зақымдауы себеп екенін мәлімдеді, деп жазады РИА Новости.

"Коронавирус инфекциясы – нейротропты вирус, ол жүйке жүйесін зақымдайды, сенсоневральды кереңдікке әкеп соғуы мүмкін. Мұндай жағдайда есту жүйкесінің түкшелі жасушалары зақымдалады, сөйтіп адамның құлағы естімей қалады",- деді дәрігер.

Оның айтуынша, адам керең болып қалуы да ғажап емес.

Тағы бір себеп — бұл вирустың есту түтігін зақымдауы.

Тағы оқыңыз: Коронавируспен ауырған адамдардың ақыл-ойы төмендейді

"Вирус бізге ауа-тамшы жолымен түсетіндіктен, инфекция жұтқыншақ арқылы да өтеді. Сол кезде есту түтігінде проблема пайда болып, евстахиитке әкеп соғады", — деп түсіндірді Зайцев.

Егер естуіңіз нашарлағанын байқасаңыз, шұғыл дәрігерге қаралу қажет. Өйткені маман ғана оның себебін анықтап, емдеу жолын көрсетеді. Үйде өздігінен емделу жағдайды нашарлатып жіберуі мүмкін, деп ескертті дәрігер.

549
Кілт сөздер:
коронавирус
Тақырып:
Коронавирус эпидемиясы
Қамшыбек Қоңқабаев

Токио Олимпиадасы: 29 шілдеде қазақстандықтар қандай жарыстарға қатысады

0
(Жаңартылды 09:18 29.07.2021)
Теннисші Елена Рыбакина финалға шығу үшін маңызды ойын өткізеді. Сонымен қатар бүгін еліміздің туын көтеріп шыққан Қамшыбек Қоңқабаев жұдырықтасады

НҰР-СҰЛТАН, 29 шілде – Sputnik. Олимпиадада қазақстандықтардың қатысуымен өтетін жарыстардың кестесін ұсынамыз.

8.30-да су полосынан Қазақстан - Испания матчы басталды (ерлер, топтық кезең).

8.40-та академиялық ескек есу басталды, оған біздің Владислав Яковлев қатысып жатыр.

12.00-де Елена Рыбакина әлемнің 12-ракеткасымен финалға шығу үшін күш сынасады.  

14.15-те боксшы Әбілхан Аманқұлдың  жекпе-жегі өтеді (1/8 финал, 75 келіге дейін).

15.51-де рингке ту ұстаушы Қамшыбек Қоңқабаев шығады (91 келіден жоғары).

14.18-де Ильфат Абдуллин садақ атудан өнер көрсетеді.

0
Кілт сөздер:
матчтар кестесі, олимпиада
Тақырып:
Токио Олимпиадасы