Ноутбук пен кофе, көрнекі фото

Дәрігер ыстықта қандай тағамды жеу қауіпті екенін айтты

93
(Жаңартылды 10:12 15.07.2021)
Кей өнім жылдың ыстық маусымында артық салмақ қосуға әкеледі, сондай-ақ ағзананың сусыздануын тудыруы мүмкін

АЛМАТЫ, 15 шілде – Sputnik. "СберЗдоровье" медициналық онлайн-сервисінің диетологы Маргарита Макуха ыстықта тұтынбау керек өнімдерді атады.

Маман күн ыстық кезде тәтті, тұздалған, сүрленген өнімдер мен кофе ішпеуге кеңес берді.

"Бұл өнімдер шөлді баспайды, керісінше өршітеді. Сонымен қатар ішек микрофлорасына теріс әсер етеді, иммунитетті төмендетеді және аллергиялық реакция тудыруы мүмкін", - деді дәрігер РИА Новостиге берген сұхбатында.

Кремі бар тәтті өнімдер ішекке қауіп төндіруі мүмкін, өйткені өнімді сақтау шарттары сақталмаса, ауру тудырғыш бактериялар тез көбейеді.

Диетолог сонымен қатар майлы тағамдардан, фаст-фудтан аулақ болуға шақырды, өйткені ыстықта адам аз қозғалады, сондықтан барлық калорияны жоя алмайды.

Оқи отырыңыз: Қарақұмықты кімге жеуге болмайды – дәрігер кеңес берді

Ал кофе несеп айдайтын қасиеттеріне байланысты қауіпті, себебі ол ағзаның сусыздануын тудыруы мүмкін. Сондай-ақ жүрек-тамыр жүйесіне салмақ түсіреді.

Ыстықта алкоголь де қауіпті саналады, жоғары температура оның улы қасиетін арттырады.

93
Кілт сөздер:
зиянды тағамдар, тәтті тағам, диетолог
Тақырып бойынша
Қуықтың қатерлі ісігі туралы не білу керек: емдеу және алдын алу
Атопиялық дерматит: емдеу және алдын алу
Гастрит ауруы туралы не білу керек: белгілері және емі
Қазақстан қантсыз қала ма – сарапшылар жауабы
Балмұздақ жеген саясаткерлер мен жұлдыздар – фото
Алексей Цой

Министр төсек-орын тапшылығы туралы: өлімнің күрт өсуіне әкелуі мүмкін

2674
(Жаңартылды 21:00 27.07.2021)
Денсаулық сақтау жүйесі өткен жылмен салыстырғанда екі есе жүктемемен жұмыс істейді. Осыған байланысты комиссия карантин режимін күшейту жөніндегі бірқатар шараларды қарады

НҰР-СҰЛТАН, 27 шілде – Sputnik. Бірқатар өңірде инфекциялық және реанимациялық төсек-орындардың тапшылығы болуы мүмкін.

Денсаулық сақтау министрі Алексей Цой коронавирустық инфекцияның таралуына жол бермеу жөніндегі ведомствоаралық комиссияның отырысында эпидемиологиялық жағдай туралы мәлімдеді, деп хабарлады министрліктің баспасөз қызметі.

Денсаулық сақтау жүйесі өткен жылмен салыстырғанда екі есе жүктемемен жұмыс істейді. Осыған байланысты комиссия карантин режимін күшейту жөніндегі бірқатар шараларды қарады.

"Барлық өңірлерде сырқаттанушылықтың өсуі жалғасуда. Алдыңғы екі аптамен салыстырғанда сырқаттанушылық 1,9 есе өсті. Солтүстік Қазақстан облысында - 3,5 есеге, Қызылорда облысында - 3 есеге, Ақтөбе облысында - 2,9 есеге, Түркістан облысында және Шымкент қаласында - 2,5 есеге өсуі байқалады",  - деді Цой.

Маусым айымен салыстырғанда орташа тәуліктік сырқаттанушылық 5,2 есе артты. Жалпы республика бойынша өлім жағдайының саны 2 аптада 1,8 есеге көбейді.

Министрдің айтуынша, инфекциялық және реанимациялық төсек-орынның ең көп толуы Алматы, Шымкент қалалары, Ақтөбе, Түркістан және Қызылорда облыстарында байқалады.

"Егер өткен жылы 3 348 адам сырқаттанса, биыл шілде айында 2 еседен артық. Сондай-ақ, емделіп жатқан пациенттер саны 2 есеге артты. Бірқатар өңірде инфекциялық және реанимациялық төсек-орын тапшылығы болады деген болжам бар. Бұл өлімнің күрт өсуіне әкелуі мүмкін. Тәуекел аймағында Нұр-Сұлтан, Шымкент, Ақтөбе, Ақмола және Қызылорда облыстары тұр", - деді Цой. 

Сондай-ақ, ол қолданылып отырған карантиндік шараларға қарамастан, бірқатар өңірде көп адам баратын салтанатты іс-шараларды өткізу жалғасып жатқанына назар аударды. Осыған байланысты жергілікті атқарушы органдарға мониторингтік топтар жұмысын күшейтуді тапсыруды сұрады.

Денсаулық сақтау министрлігі 2 тамыздан бастап Нұр-Сұлтан, Алматы, Шымкент, Атырау және Қарағанды қалаларында қосымша шектеу шараларын қабылдауды ұсынды.

Оқи отырыңыз: Бес қалада карантин күшейтіледі – комиссия шешімі

2674
Кілт сөздер:
коронавирус
Тақырып:
Коронавирус эпидемиясы
Тақырып бойынша
Бес қалада карантин күшейтіледі – комиссия шешімі
Алматыда вакцина салдырған 4 адам коронавирус жұқтырып, жансақтау бөліміне түскен
Балаларда коронавирус ауыр түрде өте бастады – елордалық дәрігер
"Бірінші компонентін алуы тиіс": үкімет вакциналау мерзімін еске салды
Алматыда вакцина салдыру қарқыны неге төмендеді
Шприц, вакцина

"Бірінші компонентін алуы тиіс": үкімет вакциналау мерзімін еске салды

88
(Жаңартылды 18:59 27.07.2021)
Бүгін комиссия мүшелері Нұр-Сұлтан, Алматы, Шымкент, Атырау мен Қарағанды қалаларында карантин шараларын күшейту туралы шешім қабылдады

НҰР-СҰЛТАН, 27 шілде – Sputnik. Коронавирус инфекцияның таралуына жол бермеу жөніндегі ведомствоаралық комиссияның кезекті отырысы өтті. Оның шешімі бойынша бес қалада карантин күшейтіледі. Ал комиссия төрағасы Ералы Тоғжанов вакциналау мәселесін көтерді, деп хабарлайды Sputnik Қазақстан

Отырыс кезінде вице-премьер кейбір өңірлерде вакциналаудың төмен қарқынын атап өтті. Мысалы, Маңғыстау облысында халықтың тек 25,6 проценті ғана вакцинаны бірінші компонентін салдырды. Бұл республика бойынша орташа көрсеткіштен екі есе төмен (52,4%) болып тұр. 

Сондай-ақ, Батыс Қазақстан, Ақтөбе, Қостанай, Қарағанды, Жамбыл мен Павлодар облыстары вакциналау шараларын баяу атқарып келеді. 

"Бас мемлекеттік санитарлық дәрігердің 2021 жылдың 14 шілдесіндегі №32 қаулысына сәйкес 10 тамызға дейін қызмет көрсету саласының барлық қызметкерлері COVID-19 вакцинасының бірінші компонентін алуы тиіс", - делінген ведомствоаралық комиссияның ресми хабарламасында. 

Бүгін комиссия мүшелері Нұр-Сұлтан, Алматы, Шымкент, Атырау мен Қарағанды қалаларында карантин шараларын күшейтуге шешім қабылдады. Оған сәйкес,  2 тамыздан бастап бірқатар шектеу шарасын енгізу жоспарланған. Олар: 

  • орталық мемлекеттік органдар, әкімдіктер, құқық қорғау органдары, денсаулық сақтау ұйымдары, БАҚ, азық-түлік дүкендері, дәріханалар және тіршілікті қамтамасыз ету ұйымдарын қоспағанда, "Ashyq" жобасына қатыспайтын барлық кәсіпорындар мен ұйымдардың қызметін тоқтата тұру;
  • ойын-сауық, спорттық, отбасылық, естелік және өзге де бұқаралық іс-шараларды өткізуге тыйым салу; 
  • мемлекеттік органдар, кеңселер, ұлттық компаниялар мен өзге де ұйымдар қызметкерлерінің 80%-ін (вакцина салдырғандарды және соңғы 3 ай ішінде ауырып жазылғандарды қоспағанда) қашықтан жұмыс істеуге ауыстыру.

Сондай-ақ, облыс әкімдіктеріне Нұр-Сұлтан, Алматы, Шымкент пен Қарағанды қаласымен шекаралас жатқан аудандарда карантинді күшейту ұсынылды. Олар:  

  1. Ақмола облысы - Бурабай, Целиноград және Аршалы аудандары;
  2. Алматы облысы - Қарасай, Талғар, Іле мен Еңбекшіқазақ аудандары;
  3. Қарағанды облысы – Теміртау, Шахтинск мен Абай аудандары;
  4. Шымкент қалаларымен – Сайрам мен Төлеби аудандары.
88
Кілт сөздер:
коронавирус, вакцина
Тақырып:
COVID-ке қарсы вакцина
Тақырып бойынша
Балаларда коронавирус ауыр түрде өте бастады – елордалық дәрігер
Бес қалада карантин күшейтіледі – комиссия шешімі
Алматыда тәулігіне 400-ге жуық адам ауруханаға түсіп жатыр
Алматыда вакцина салдырған 4 адам коронавирус жұқтырып, жансақтау бөліміне түскен
AstraZeneca мен "Спутник Лайт" вакциналары бірлескен сынақтан өткізіледі
Нью-Йорк қаласы

АҚШ экономикасына дефолт қаупі төнді 

0
Пандемия кезінде экономика көлемінен асып түскен Американың мемлекеттік қарызы шарықтау шегіне жетті. Үкімет дефолт қаупі жайлы сөз етуде. Шығынға жол бермес үшін конгресс тез арада жедел әрекетті қолға алмақ

НҰР-СҰЛТАН, 27 шілде – Sputnik. Америкалықтар 2008 жылдағы дағдарыстан бері сырттан қарыз алуды арттырып келеді. Обама билікте болған кезде тоғыз триллионға, Трамптың кезінде жеті триллион долларға ұлғайды. 2018 жылы жалпы ішкі өнімнің 78 процентіне жетті – Дүниежүзілік банк мұны қауіпті деп атады.

Қарыз шегін арттыру керек, әйтпесе күзде қаржы міндеттемелеріне қызмет көрсету бойынша проблема туындауы мүмкін. Кредиторлар АҚШ-тың қарызды өтеу мүмкіндігіне күмәнданса, не болатыны туралы РИА Новости материалында. 

Болжам бойынша мемлекеттік қарыз АҚШ экономикасының көлемінен он жылдан кейін ғана асуы керек. Алайда пандемия мен ұлттық шаруашылықты қолдауға арналған үлкен шығындардың салдарынан бұл әлдеқайда ертерек қалыптасты. Тәуелсіз есептеулер бойынша 2020 жылы билік ел экономикасына тоғыз триллион долларға жуық қаражат салды. Соның нәтижесінде мемлекеттік қарыз ЖІӨ-ден асып түсті. 

Наурыздың соңына қарай 28 триллион доллар немесе ЖІӨ-нің 101 проценті. Мұндай жағдай тарихта бір рет қана – Екінші дүниежүзілік соғыстан кейін бірден, 1946 жылы болды. Ол кезде көрсеткіш 106 процентті құрады. Ал қарыз өсіп жатыр: қазір - 28,5 триллион доллар. Заң бойынша енді қарыз алуға болмайды. 

АҚШ мемлекеттік қарыздың шарықтау шегіне бірінші рет жетіп отырған жооқ. 2008 жылдағы дағдарыстан кейін бұл көрсеткіш тұрақты өсіп жатыр. 

2019 жылы Трамп 2021 жылдың 31 шілдесіне дейін мемлекеттік қарызды шектеусіз ұлғайтуға мүмкіндік беретін заңға қол қойды. Межелі күннен кейін Қаржы министрлігі облигациялар сату есебінен қосымша қаражат тарта алмайды.

Алайда Вашингтонның бұдан басқа амалы жоқ. Пандемия кезінде экономиканы қолдауға жұмсалған қомақты шығын салдарынан бюджетте үлкен саңылау пайда болды. 

Бюджет тапшылығы негізінен мемлекеттік облигацияларды сату есебінен жабылып жатыр. 2020 қаржы жылында (30 қыркүйекте аяқталды) тапшылық кемінде үш есе – 3,1 триллион долларға дейін ұлғайды. Алайда коронавирусқа қарсы күрес бойынша барлық шараларды есептегенде, ол төрт триллионға жететінін анық. 

Осылайша Вашингтонның алдында екі жол тұр: 31 шілдеге дейін мемлекеттік қарыз шегін арттыру немесе қарыз алу лимитінің әрекет етуін тоқтату. Әйтпесе АҚШ-тың қаржы министрі Джанет Йеллен конгреске жолдаған хатында ескерткендей, ел дефолтқа тап болып, экономикаға орны толмас шығын келтіріледі. 

Қаржы министрлігі "қосымша шұғыл шаралар" қабылдауға тура келеді. Алайда Йеллен атап өткендей, қаржы мекемесінің мемлекеттік төтенше қаржыландыру қолдану мүмкіндігі қатты шектеулі. 

"Мұнда көптеген факторға байланысты айтарлықтай белгісіздік бар. Соның ішінде үкіметтің төлемдері мен түсімдерін бірнеше ай бұрын есептеу проблемалары да бар", - деді министр. 

Алайда шекті көтермесе, жаңа қаржы жылында, 1 қазанға қарай қарызға қызмет көрсету қабілеті тоқтатылады. Негізінен дәл сол күні АҚШ қарзынашылығы шығынды 150 миллиард долларға қысқартуға тура келеді.

Жалпы қаржы министрі мемлекеттік қарыздың рекордтық өсімін көздеп отыр. Алайда бұған байланысты конгресте бірауызды шешім болмай тұр. Демократтардың пікірінше, шекті арттыру керек. Республикашылдар Байден мен үкіметтен шығындарды қысқартып, үлкен қарызды азайту шараларын қабылдауды талап етіп отыр.

Соған қарағанда шекті қарыздың деңгейін кезекті рет көтереді. Ал экономистер АҚШ дефолтын "ақырзаман" ретінде қарастырып жатыр. 

"Америкалықтар мұндайға ешқашан жол бермеген. Бұл қауіпті жағдай болар еді", - деп санайды JPMorgan-ның АҚШ бойынша бас экономисі Майкл Фероли. 

Бірақ дефолт болу қаупінің өзі-ақ нарықта дүрбелең тудыруы мүмкін. Егер ешқандай шара қабылданбаса, АҚШ Қаржы мекемесі 30 шілдеде мемлекеттік бағалы қағаздарды да, мемлекеттік қарызға қызмет көрсетуді қамтамасыз етіп отырған жергілікті органдардың  қағаздарын да сата алмай қалады.

2011 жылы өкілдер палатасының қарыз шегін көтеруден бас тартуы мен дефолт қаупінің туындауына байланысты Standard & Poor’s халықаралық рейтинг агенттігі тарихта алғаш рет АҚШ-тың дербес кредиттік рейтингін төмендетті. Соның артынша-ақ қор нарығында құлдырау бола жаздады: тиісті органдар бір мәмілеге келгенге дейін S&P 500 индексі бес күн қатарынан төмендеді. 

CNBC атап өткендей, осы жолы мемлекеттің қарызды өтеу мүмкіндігіне күмәнданған кредиторлар Вашингтоннан әлдеқайда жоғары процентті талап етуі мүмкін. Ал бұл өз кезегінде домино әсерін қалыптастырады: ипотекалық және автокредиттен бастап корпоративтік қарызға дейінгі проценттік мөлшерлемелер жаппай өсе бастайды.

Ал бұл тұрақтылыққа оң әсер етпейтіні анық. "Қаржы дағдарысы күшейіп, жұмыс орындары мен америкалықтардың жинақтарына қауіп төнеді. Бұл біз пандемиядан кейін қайта аяққа тұрмаған кезде болып отыр", - дейді Джанетт Йеллен. 

Кредиторлар АҚШ үкіметінің қарыз өтеу қабілетіне жиі күмәнданып отыр. Америкалық жетекші қаржыгердің бірі, Bridgewater Associates атты әлемдегі ірі хедж-қордың негізін қалаушы миллиардер Рэй Далио атап өткендей, бюджет, сауда теңгерімі мен қазіргі операциялардың есебі бойынша үштік тапшылық жақын уақытта шетелдік инвесторларды қазынашылық облигациялардан үркітіп, доллардың құлдырауына себепші болады. Бұл көлемі жағынан 2008 жылғы дағдарыстан ғана емес, 1930 жылғы Ұлы депрессиядан да асып түсуі мүмкін қаржы дағдарысына апаратын тікелей жол.

0