Шприц, коронавирус

Алаяқтар жалған вакцина паспортын сату кезінде адамдарды қалай алдайды

929
(Жаңартылды 12:33 19.07.2021)
Алаяқтарға алданған адамдар құқық қорғау органдарына шағымдандайды. Өйткені жалған құжат сатып алу арқылы өздері де заң бұзып отыр

НҰР-СҰЛТАН, 19 шілде – Sputnik. Ішкі істер министрлігі алаяқтар жалған ПТР-анықтама мен вакцина паспортын сатып алғысы келетін қазақстандықтарды қалай алдайтынын түсіндірді, деп хабарлайды Sputnik Қазақстан тілшісі. 

ІІМ ақпаратынша, полиция әлеуметтік желілер мен жарнама сайттарынан жалған вакцина паспортын сату туралы 46 хабарландыру тапқан. Сондай-ақ оң және теріс ПТР-тест нәтижелері бар бланкілер де сатылатыны айтылған. 
Осы ресурстарда Ресей, Украина, Үндістан мен АҚШ аумағында медициналық анықтамалар мен вакцинация сертификаттарын сату туралы хабарландырулар да таралған. 

"Алаяқтар ақшаны клиенттерден күні бұрын алып отырған. Алдымен, вакциналаудың 1-ші кезеңінен өткенін "растау" үшін мемлекеттік органдардың ресми ресурсына жатпайтын бөгде поштадан хабарлама жібереді. Осыдан кейін екінші кезең үшін ақша алады. Кейін хабар-ошарсыз кетеді", - деді ІІМ баспасөз қызметінің өкілі Шұғыла Тұрлыбек брифингте. 

Бірқатар хабарландыруды талдау кезінде алаяқтар шетелдік банктердің картасын, ал "сатушылар" жиі ауыстыратын виртуалды телефон нөмірлерін пайдаланғаны анықталды. 

"Алаяқтарға алданған адамдар құқық қорғау органдарына шағымдандайды. Өйткені жалған құжат сатып алу арқылы өздері де заң бұзуға тырысқан", - деді ол. 

Мониторинг барысында анықталған шетелдік ресурстар бұғаттау үшін өкілетті органға жіберілді. 

ІІМ жалған құжат жасағаны үшін 4 жылға дейін бас бостандығынан айыру, ал оны пайдаланғаны үшін 40 тәулікке дейін қамауға алу жазасы көзделгенін еске салады.

929
Кілт сөздер:
вакцина, коронавирус
Тақырып:
COVID-ке қарсы вакцина (319)
Тақырып бойынша
Қазақстанда вакцинаны төгіп, жалған паспорт сатқан дәрігерлер ұсталды
COVID-19: елде вирус жұқтырғандар саны 500 мыңға жуықтады
Қазақстанның тағы бір облысы "қызыл" аймаққа кірді
Алматы әуежайының қызметкерлері жалған ПТР-анықтама сатып келген
Бір тәулікте COVID пен пневмониядан 48 адам қайтыс болды
Инфекциялық стационар

Алматы "қою қызыл" аймаққа кірді: әскери госпитальде инфекциялық стационар ашылды

78
(Жаңартылды 11:02 31.07.2021)
150 науқасқа арналған ауруханада орташа ауыр деңгейдегі және ауыр жағдайдағы науқастарды емдейді

НҰР-СҰЛТАН, 30 шілде — Sputnik. Алматы әскерилері коронавирус жұқтырған науқастарды қабылдау үшін инфекциялық стационар жасақтады, деп хабарлады қорғаныс министрлігінің баспасөз қызметі.

"Коронавирус жұқтырғандар санының артуына байланысты жергілікті атқарушы органның өтініші бойынша Алматыдағы қорғаныс министрлігінің әскери клиникалық госпиталі инфекциялық стационар жасақтады", - деп хабарлады қорғаныс ведомствосы.

Палата в инфекционном стационаре
© Photo : Минобороны РК
Инфекциялық стационардағы палата

Стационар 150 науқасқа арналған. Сонымен қатар медициналық мекемеде 50 орын соматикалық патологиясы бар әскери қызметкерлерді емдеу үшін және әскери-дәрігерлік және әскери-ұшқыштар сараптамасын жүргізу үшін бөлінеді.

"Біздің әскери госпиталь екінші эшелонға жатады. Сондықтан инфекциялық стационарға орташа ауыр және ауыр дәрежедегі науқастар жатқызылады. Жеке құрам мұндай жағдайға дайын", - деді Алматыдағы әскери клиникалық госпитальдің басшысы міндетін атқарушы Әбдіуәли Палтушев.

Кислородный баллон в инфекционном стационаре
© Photo : Минобороны РК
Инфекциялық стационардағы оттегі баллоны

Оның айтуынша, госпиталь мамандарының коронавирус жұқтырғандарды емдеу тәжірибесі бар. Медициналық мекемеде жасанды тыныс алдырту және гемодиализ аппаратымен жабдықталған реанимация бөлімі жұмыс істейді.

Еске сала кетейік, 2020 жылдың сәуірінен бастап әскери госпиталь дәрігерлері халыққа медициналық көмек көрсету жұмыстарына екі рет жұмылдырылды. Нәтижесінде 1 430 адам емделіп шықты, оның шамамен 30%-і – ауыр және асқынған деңгейдегі науқастар.

2021 жылдың шіддесінен бастап Нұр-Сұлтандағы Бас әскери клиникалық госпиталь коронавирус жұқтырғандарды емдеу үшін қайта іске қосылды.

Сондай-ақ Алматы, Талдықорған және Үшаралдағы үш әскери-емдеу мекемесі азаматтарды қабылдауға дайын. Аягөз, Талдықорған, Сарыөзек және Семей әскери госпитальдарында қосымша төрт инфекциялық бөлім жұмыс істеп тұр. ПТР-тестілеу жүргізу үшін Нұр-Сұлтанда және Алматыда екі стационарлық зертхана, сондай-ақ Ақтау мен Семейде мобильді зертханалық кешендер ашылған.

78
Тақырып:
Коронавирус эпидемиясы
коронавирус, дәрігер

Денсаулық сақтау министрлігі шымкенттік дәрігердің сөзін жоққа шығарды

1613
Қазақстандықтар әлеуметтік желі мен мессенджерде қазақстандық дәрігер Айна Бакееваның видеосын таратып жатыр. Ол коронавирусқа қарсы вакциналауды "фашизм" деп атады

НҰР-СҰЛТАН, 30 шілде — Sputnik. Денсаулық сақтау министрлігі шымкенттік дәрігердің вакциналау туралы тұжырымын жоққа шығарды, деп жазды Stopfake.kz.

Шымкент дәрігері Айна Бакееваның айтуынша, ешбір вакцина клиникалық зерттеулердің үшінші кезеңінен өтпеген, барлық қазақстандық коронавируспен ауырып шықты және балалар COVID-19-ды жеңіл көтереді, сондықтан вакциналаудың еш қажеті жоқ. Бакеева коронавирусқа қарсы вакциналауды "фашизм" деп атады.

Қазақстанның денсаулық сақтау министрлігі оның сөзін теріске шығарды. Қазір республикада "Спутник V", QazVac, Hayat-Vax және CoronaVac вакциналары салынып жатыр. 

"Коронавирусқа қарсы Қазақстанда қолданылатын барлық вакцина бірдей қауіпсіз әрі тиімді. Заңнамаға сәйкес тіркелмеген дәрілік затты Қазақстан аумағына алып кіру кезінде препараттың сапасын растайтын өндіруші құжаты, яғни анализ сертификаттары немесе сынақ хаттамалары немесе сапа бағасының көрсеткіші бар сапа құжаты қазақ және орыс тілдерінде болуы керек", - деді денсаулық сақтау министрлігінің баспасөз қызметі.

Ведомстводағылар атап өткендей, Қазақстанда қолданылып жатқан барлық вакцина клиникалыққа дейінгі және клиникалық сынақтың үш кезеңінен де өткен.

Сонымен қатар экспериментке қатысушылардың ахуалын Бакеева айтқандай үш күн емес, орта есеппен 30 күн бақылауда ұстайды.

Республика тұрғынының барлығы коронавируспен ауырып шыққан жоқ. Статистика бойынша 18 миллион халықтың ішінде 270 мың адамның коронавирус жұқтырғаны расталған. Сонымен қатар коронавирус жұқтырған балалардың арасында да өлім тіркелген жағдайлар бар, дейді министрліктегілер. 

1613
Кілт сөздер:
дәрігер, Шымкент
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

0
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

0