Вакцина, коронавирус

Денсаулық министрі балаларды вакциналауға қатысты сауалға жауап берді

3033
(Жаңартылды 18:52 23.07.2021)
Цой Қазақстанда 2 миллион бала бар екенін еске салды. Бірақ ата-аналардың барлығы бірдей вакцина салдыртуға келісім бермеуі де мүмкін

НҰР-СҰЛТАН, 23 шілде – Sputnik. Денсаулық сақтау министрі Алексей Цой балаларды вакциналауға қатысты пікір білдірді, деп хабарлайды Sputnik Қазақстан тілшісі. 

"Қазіргі кезде тек ересек адамдар ғана вакцина салдыра алады. Бірақ біз балаларға да вакцина салдыру құқығын беруіміз керек. Себебі қазіргі кезде ата-аналардың көбісі өтініш жасап, өз балаларын вакциналауды сұрайды. Бірақ, өкінішке қарай, әзірше Қазақстанда ондай вакцина жоқ", - деді Цой орталық коммуникациялар қызметінде өткен онлайн брифингте. 

Министрдің айтуынша, балаларға да вакцина ерікті түрде салынады. Ондай вакцина жеткізілсе, ата-аналардың жазбаша рұқсатымен ғана егіледі. 

"Вакцинаны балаларға салуға рұқсат берілген бойда біз екпені жеткізуге тырысамыз. Сол кезде вакциналаудың нақты мерзімі де анықталады. Бірақ балаларға басымдық жасалады. Ол – анық нәрсе", - деп атап көрсетті Цой.

Осы орайда министр Қазақстанда 2 миллион бала бар екенін еске салды. Бірақ ата-аналардың барлығы бірдей өз келісімін бермеуі де мүмкін. Сондықтан балаларды вакциналау қарқынына қарай екпенің дозасы да есептеледі.

Цой балаларды вакциналау ерікті түрде жүргізілетініне баса назар аударды. Сондықтан мектепке кіргізу жағынан ешқандай шектеу болмайды.

3033
Кілт сөздер:
денсаулық, министр, балалар, вакцина
Тақырып:
COVID-ке қарсы вакцина (368)
Тақырып бойынша
"Вакцина алғандар 2 жылдан кейін қайтыс болады": әлеуметтік желіде жалған ақпарат тарады
Вакцина салдырмағандардың баласын алып кетеді деген ақпарат тарады – ресми жауап
Антиваксерлер шенеуніктерге тап берді: Цой әйелдермен кездесуге неге шықпады
Қазақстанда балаларға вакцина салынуы мүмкін
Қазақстанда вакцина алмаған қызметкерлерге жұмысқа келуге тыйым салынды – жаңа қаулы
медицина қызметкері

Індет тағы 62 қазақстандықтың өмірін жалмады

10
Коронавирус жұқтырған 131 науқас жасанды тыныс алу аппаратына қосылған

АЛМАТЫ, 23 қыркүйек – Sputnik. Қазақстанда бір тәулік ішінде коронавирус инфекциясынан 53 адам, вирустық пневмониядан 9 адам қайтыс болды, деп хабарлады денсаулық сақтау министрлігі.

23 қыркүйектегі мәлімет бойынша, 66 215 адам коронавирус инфекциясынан емделуде, олардың ішінде 11 653 пациент стационарда, 54 562 науқас амбулаториялық деңгейде ем қабылдап жатыр.

Науқастар арасында 962 адамның жағдайы ауыр, 239 пациенттің жағдайы өте ауыр деп бағаланған.

131 науқас жасанды тыныс алу аппаратына қосылған.

Ал бір тәулікте 2 693 адамнан коронавирус анықталды, 247 адам пневмонияға шалдықты.

Оқи отырыңыз:

 

10
Кілт сөздер:
коронавирус, науқастар, жаһандық індет
Тақырып бойынша
Жүктілік және COVID: Маңғыстауда вирус жұқтырған жүкті әйелдердің суреті пайда болды
Вакцинадан кейін вирус жұқтырғандардың Ashyq-тағы статусы қалай өзгереді
Ashyq қосымшасы: вирус жұқтырған 10 мың адам қоғамдық орынға кірмек болды
"Вирус мутацияланады": Шарман вакцина алмағандарға қандай қауіп төніп тұрғанын айтты
медицина қызметкері

Коронавирус статистикасы: екі облыста көрсеткіш жоғары

33
(Жаңартылды 09:03 23.09.2021)
Коронавирус жұқтырғандардың көбі Алматы қаласы мен Алматы, Қарағанды облыстарында тіркелген

НҰР-СҰЛТАН, 23 қыркүйек – Sputnik. Қазақстанда өткен тәулікте 2693 адамда коронавирус індеті ПТР арқылы расталды, деп хабарлады денсаулық сақтау министрлігі.

Аймақтар бойынша:

  • Нұр-Сұлтан қаласы - 191,
  • Алматы қаласы - 549,
  • Шымкент қаласы - 125,
  • Ақмола облысы - 143,
  • Ақтөбе облысы - 133,
  • Алматы облысы - 256,
  • Атырау облысы - 69,
  • Шығыс Қазақстан облысы - 135,
  • Жамбыл облысы - 55,
  • Батыс Қазақстан облысы - 99,
  • Қарағанды облысы - 431,
  • Қостанай облысы - 105,
  • Қызылорда облысы - 56,
  • Маңғыстау облысы - 38,
  • Павлодар облысы - 192,
  • Солтүстік Қазақстан облысы - 79,
  • Түркістан облысы - 37.

Жалпы ел бойынша ауырғандар саны 870059.
Оқи отырыңыз: 

Қазақстанда табылған нигериялық Eta штамм туралы не білеміз

Қазақстандықтарға той жасауға рұқсат берілді

 

 

33
Кілт сөздер:
коронавирус, статистика, жаһандық індет
Тақырып бойынша
Жүктілік және COVID: Маңғыстауда вирус жұқтырған жүкті әйелдердің суреті пайда болды
Ashyq қосымшасы: вирус жұқтырған 10 мың адам қоғамдық орынға кірмек болды
"Вирус мутацияланады": Шарман вакцина алмағандарға қандай қауіп төніп тұрғанын айтты
Вакцинадан кейін вирус жұқтырғандардың Ashyq-тағы статусы қалай өзгереді
портфель ұстаған адам

"Айына 643 мың теңге алады": сенатор мәслихат басшыларының жалақасын жариялады

5
(Жаңартылды 11:36 23.09.2021)
Сондай-ақ сенат депутаттары тексеру комиссия мүшелерінің жалақысын көтеру керек деп санайды

НҰР-СҰЛТАН, 23 қыркүйек – Sputnik. Сенаторлар жергілікті мәслихат хатшылары мен тексеру комиссияларының мәртебесін ғана емес, жалақысын да көтеруді талап етті, деп хабарлайды Sputnik Қазақстан тілшісі.

Депутат Мұрат Бақтиярұлының айтуынша, бұл мәселе көптен бері көтеріліп келеді. Бірақ әлі күнге дейін шешілген жоқ.

"Біз өңірлерге іс-сапармен шыққанда жергілікті мәслихаттардың мәртебесін көтеру бойынша әлі де шешімін таппаған мәселелердің бар екеніне куә болдық. Атап айтқанда, үкіметтің 2021 жылғы маусымдағы қаулысына орай, жергілікті деңгейде қызмет атқаратын мемлекеттік қызметшілердің жалақысы екі еседен артық көтерілген. Алайда барлық деңгейдегі мәслихат хатшыларының еңбекақысы сол бұрынғы қалпында қалып қойды. Ондай жағдай 2016 жылы да болған", - деді Бақтиярұлы сенаттың жалпы отырысында.

Осы орайда ол мәслихат хатшыларының жалақысын да жариялады.

Оның айтуынша, аудандық деңгейдегі мәслихат хатшысы аудандық мәслихат аппарат басшысынан екі есе, ал бөлім басшысынан 50 процентке төмен жалақы алады.

"Мысалы, Қызылорда облысында аудандық деңгейде мәслихат хатшысы 200 мың теңге, ал мәслихаттың аппарат басшысы 453 мың теңге, бөлім басшысы 302 мың теңге алады. Ал облыстық деңгейде мәслихат хатшысы 467 мың теңге, мәслихаттың аппарат басшысы 634 мың теңге, ал бөлім басшысы 400 мың теңге жалақы алады. Мәслихат хатшыларының аппарат қызметкерлерінен төмен жалақы алуы лауазымдық иерархия қағидаларының сақталмауына әкеліп соғуда", - деп атап өтті Бақтиярұлы.

Сондай-ақ сенат депутаттары тексеру комиссия мүшелерінің жалақысын көтеру керек деп санайды.

"Тексеру комиссиялары төрағаларының жалақысы тек 33 процентке, тексеру комиссиясы мүшелерінің жалақысы 17 процентке ғана көбейді. Ал басқа мемлекеттік қызметшілердің жалақысы екі немесе одан көп есеге өсті. Бұл ретте тексеру комиссиясының мүшелері өз өкілеттіліктеріне сәйкес, жергілікті атқарушы органдарының жұмысына баға беріп, тиімділігінің тәуелсіз қорытындысын әзірлейтінін атап өткен жөн", - дейді Бақтиярұлы.

Бұдан бөлек, сенаторлар мәслихаттарға қол жинау және петиция жасау құзіретін беруді ұсынды.

Олар үкімет басшысына депутаттық сауал жолдап, мәслихат хатшылары мен тексеру комиссияларының мәртебесін ғана емес, жалақысын да көтеруді сұрады.

Оқи отырыңыз: 

5
Кілт сөздер:
жалақы, сенатор, мәслихат
Тақырып бойынша
Аймағамбетов мектеп директорларына жалақы төлеу жүйесі өзгеретінін мәлімдеді
Министр қай өңірде орташа жалақы 321 мың теңгеге дейін өсетінін айтты
Ең төменгі жалақы 60 мың теңгеге дейін көтеріледі – жолдау
2022 жылы зейнетақы мен ең төменгі жалақы қанша болады