Денсаулық

Қазақстанда вирус жұқтырғандар саны 20 есе өсті – министр

© AP Photo / Markus SchreiberЛюди в масках на улице
Люди в масках на улице - Sputnik Қазақстан, 1920, 18.01.2022
Жазылу
Десе де ауру көбейсе де, соңғы айда өлім-жітім 2,5 есе төмендеген, деді ведомство басшысы
НҰР-СҰЛТАН, 18 қаңтар – Sputnik. Қазақстанда "омикрон" штамының тарауынан эпидемиологиялық ахуал нашарлап кетті. Бұл туралы денсаулық сақтау министрі Ажар Ғиният мәлімдеді, деп хабарлайды Sputnik Қазақстан тілшісі.
Айтуынша, бүгінгі күні Түркістан облысын қоспағанда, Қазақстан мен барлық өңір "қызыл" аймақта тұр.
"Елдегі эпидемиологиялық жағдай "омикрон" штамының таралғанын растап отыр. Мәселен, соңғы айда коронавируспен ауыру 19,6 есе, репродуктивтік сан екі есе, коронавирусқа тестілеудің тәуліктік көлемі 3,5 есе ұлғайып, тәулігіне 50 мыңнан астам тест жасалуда", - деді Ғиният үкімет отырысында.
Десе де ауру көбейсе де, соңғы айда өлім-жітім 2,5 есе төмендеген.
Ковидтік стационарларда жатқан пациенттер саны екі есе, амбулаторлық деңгейдегі науқастар саны бес есе артты.
Министр республикада коронавируспен тәуліктік сырқаттанушылықтың 60%-тен астамы үш аймақта тіркеліп отырғанын айтты.
Нұр-Сұлтан қаласында ауру 32 есе өсті. Тестілеу деңгейі республика бойынша ең жоғары және тәулігіне 10 мыңнан астам тесті құрайды. Бірақ бас қалада халықты вакцинациялау қарқыны 1,5 есе, ревакцинация 4 есе төмен, деді Ғиният.
Алматы қаласында ауру 8 есе өскен. Тестілеу деңгейі қалпына келтіріп, осы жылдың қаңтарынан бастап 3,5 есеге артты.
Қарағанды облысында вирус жұқтырғандар саны 9 есе артты. Ал вакцинация 3, ревакцинация 3,5 есе төмендеп отыр.
Оқи отырыңыз: Қазақстан ревакцинация үшін Pfizer вакцинасын қосымша сатып алмақ
 
Жаңалықтар
0