Калькулятор, архивтегі фото

Forbes: Құлыбаевтар байлардың тізімінде бірден 194 орынға көтерілді

525
Ерлі-зайыптылардың жиынтық байлығын америкалық журнал 6,4 миллиард доллардан асады деп бағалады

АСТАНА, 7 наурыз — Sputnik. Америкалық Forbes журналының 2018 жылғы әлемдегі ең бай адамдар тізіміне бес қазақстандық енді, деп хабарлады centralasian.org.  

Тимур және Динара Құлыбаевтар биылғы тізімде бірден 194 орынға көтеріліп, 779-орынға жайғасты. Журналдың есебінше, олардың дәулеті соңғы бір жылда 2,2 миллиардқа көбейген. Ерлі-зайыптылардың жиынтық байлығын америкалық журнал 6,4 миллиард доллардан асады деп бағалайды. Былтыр олар әлемдегі ең бай адамдар тізімінде 973-орында  болған еді. 

Тимур Құлыбаев "Атамекен" ұлттық кәсіпкерлер палатасы президиумының төрағасы, "KAZENERGY" мұнайгаз және энергетика кешені ұйымдары қазақстандық ассоциациясы жетекшісі қызметтерін атқарады, сонымен бірге ол ресейлік "Газпром" компаниясы директорлар кеңесінің мүшесі әрі Қазақстан Ұлттық олимпиада комитетін, Қазақстан бокс федерациясы мен Спорттық жекпе-жек және күш қолданылатын спорт түрлері конфедерациясын басқарады. Жұрт көзіне көп түспейтін Динара Құлыбаева президент Нұрсұлтан Назарбаев атындағы білім қорына жетекшілік етеді.

Сонымен қатар Қазақстаннан байлардың тізіміне Владимир Ким (3,1 миллиард доллармен 766-орында), Болат Өтемұратов (2,6 миллиард доллармен 924-орында) және Алиджан Ибрагимов (2,3 миллиард доллармен 1070-орын) енді.  

Forbes журналының бағалауынша, миллиардер саны (585) бойынша АҚШ бірінші орында. Екінші орында – Қытай (Гонконг, Макао және Тайваньмен қоса — 476 адам). Биылғы жылы әлемдік қаржы алпауыттары тізіміне алғаш рет Венгрия мен Зимбабвенің байлары да енген.


525
Қызанақ, архивтегі сурет

Шындыққа жанаспайды: министрлік қызанаққа қатысты ақпаратты жоққа шығарды

779
(Жаңартылды 12:54 16.01.2021)
"Россельхознадзор" Алматы мен Ақтөбе облысында өндірілген қазақстандық қызанақтардан вирус анықталғанын мәлімдеді. Ал Нидерландыдағы тәуелсіз тексерушілер ешқандай вирус таппады

НҰР-СҰЛТАН, 16 қаңтар – Sputnik. Қазақстанның ауыл шаруашылығы министрлігі "Россельхознадзордың" Қазақстаннан Ресейге қызанақ пен тәтті бұрыш жеткізуге тыйым салу туралы шешіміне жауап берді. Сондай-ақ, ресейлік тараптың өнімдерден вирус табылды деген мәлімдемесін жоққа шығарды.

Өткен жылдың желтоқсан айында Ресейдің ветеринарлық және фитосанитарлық қадағалау жөніндегі федералдық қызметі ("Россельхознадзор") қазақстандық "Green Capital Kazakhstan" және "Green Land Alatau" ЖШС-і өндірген қызанақтан қауіпті вирус (Tomato brown rugose fruit virus немесе ToBRFV) анықталғанын хабарлаған. Осыған орай, қазақстандық тарапқа "Greenhouse-Qaztomat" ЖШС-і өндіретін қызанақты Ресейге кіргізуге шектеу енгізгені туралы хат жіберген.

Қазақстанның ауыл шаруашылығы министрлігінің агроөнеркәсіптік кешендегі мемлекеттік инспекция комитеті шұғыл түрде ресми тексеру ұйымдастырды.

"Өсімдіктер карантині жөніндегі мемлекеттік инспекторлар мен "Фитосанитария" РМК, "Фитосанитарлық диагностика және болжамдар әдістемелік орталығы" РММ, "Республикалық өсімдіктер карантині орталығы" ММ мамандары ПТР-талдау жүргізу мақсатында сынамалар алу үшін "Greenhouse-Qaztomat" ЖШС-де комиссиялық тексеру жүргізді", – делінген хабарламада.

Талдау үшін Ресейдің "Бүкілресейлік өсімдіктер карантині орталығының" жедел тесттері қолданылып, зертханалық талдау әдістеріне ресейлік ұйымның мамандары да қатыстырылды. Сараптама қорытындысы бойынша "Greenhouse-Qaztomat" ЖШС өнімдерінде ToBRFV вирустары анықталған жоқ.

Сонымен қатар, шынайылыққа көз жеткізу үшін компания өкілдері өнімнің сынамасын Нидерландыдағы "Groen Agro Control" тәуелсіз зертханасына жіберді. Қосымша зерттеу нәтижелері бойынша жылыжай шаруашылығында вирус анықталған жоқ.

Осындай комиссиялық тексерулер "Green Capital Kazakhstan" мен "Green Land Alatau" жылыжай шаруашылығында жүргізілді. Ол жерлерде де вирус анықталмады.

Қазақстанның ұстанымы қандай?

Ресми тексерулер нәтижесі "Россельхознадзорға" жолданды.

"Агроөнеркәсіптік кешендегі мемлекеттік инспекция комитеті "Россельхознадзордың" іс-әрекеті ЕАЭО туралы шарттың талаптарын өрескел бұзады және жасанды кедергі болып табылады деп есептейді. Осыған байланысты ауыл шаруашылығы министрлігі Еуразиялық экономикалық комиссияға жүгінуге ниетті", – деп мәлімдеді министрлік.

Оқи отырыңыз: "7% қосып еді, бәрі қымбаттады": Ақтөбеде азық-түлік бағасы шарықтап кетті

Сондықтан да, министрлік вирустарды анықтау фактілерінің дұрыстығына күмән келтіреді. Себебі, "Россельхознадзордың" Свердлов референттік орталығы 2020 жылғы 11 желтоқсанда "Greenhouse Kazakhstan" ЖШС өнімі қауіпті деп қорытынды берген.

Алайда компания 24 желтоқсанда сол партиядан сынамаларды алып, "Бүкілресейлік өсімдіктер карантині орталығы" ФМБМ-нің орталық зертханасында қайта сараптама жүргізуді талап еткеннен кейін, аталған өнімнің тазалығын растайтын қорытынды алған.

"Қазақстандық қызанақ пен тәтті бұрыш өнімдері вирус жұқтырды деген ақпаратқа байланысты мемлекеттік инспекция комитеті еліміздің барлық жылыжай шаруашылықтары мен республика аумағынан шығарылатын қызанақтарға кешенді тексеру ұйымдастырды. Зертханалық сынақтардың қорытындысы бойынша жылыжай шаруашылықтарында вирус анықталған жоқ", – делінген хабарламада.

Десек те, 16 жағдайда Әзірбайжаннан жеткізілген қызанақтарда вирус анықталғандықтан, қауіпті вирус жұқтырған қызанақ тиелген барлық көліктер шекарада ұсталып, жүк экспорттаушы елге кері қайтарылды.

Айта кетейік, бұған дейін "Россельхознадзорға" Қазақстанның екі аймағынан қызанақ пен тәтті бұрыш жеткізуге тыйым салынатыны хабарланған болатын. Мұндай шектеу Ресейде қызанақ өніміне қоңыр әжімдердің енуіне және таралуына жол бермеу үшін енгізілген.

779
Кілт сөздер:
қызанақ, азық-түлік
Тақырып бойынша
Депутаттар азық-түлік сатып алу үшін арнайы купондар шығаруды ұсынды
Қандай азық-түлік қартаюды баяулатады - дәрігер кеңес берді
Мамин Қазақстан азық-түлік импортынан қашан құтылатынын айтты
Базардан сатып алынған "резеңке" қызанақ желі қолданушыларының ашуын туғызды
Сағынтаев: Қияр-қызанақ бағасы шарықтап барады, ал оны бақылайтын ешкім жоқ
Монета, архивтегі фото

"Әділ болуы керек": Тоқаев зейнетақы жинағын пайдалану туралы айтты

1542
(Жаңартылды 11:05 15.01.2021)
Қазақстан президенті азаматтарға өз жинағын түрлі құрал арқылы басқаруға мүмкіндік беру қажет екенін атап өтті

АЛМАТЫ, 15 қаңтар – Sputnik. Мемлекет басшысы Қасым-Жомарт Тоқаев VII шақырылған парламенттің алғашқы сессиясында зейнетақы жүйесін одан әрі дамыту тұжырымдамасы әзірленіп жатқанын мәлімдеді, деп хабарлайды Sputnik Қазақстан тілшісі.

Президенттің пікірінше, зейнетақы жүйесі әділ және адам мүддесіне сай келуі керек.

"Зейнетақы жүйесі әділ болып, адамдар мүддесіне сай болуы керек. Біз маңызды, бірегей реформаны – зейнетақы активтерін ішінара алу және пайдалану мүмкіндігін іске қостық. Сонымен қатар азаматтарға өз жинағын түрлі құрал арқылы басқаруға мүмкіндік беру қажет", - деді мемлекет басшысы.

Оның айтуынша, үкімет пен Ұлттық банк зейнетақы жүйесін одан әрі дамыту тұжырымдамасын әзірлеп жатыр.

"Оны іс жүзінде жүзеге асыру сапалы заңнаманы талап ететіні анық", - деді Тоқаев.

Тоқаев: Басты мақсат – халықтың тұрмысын жақсарту

Айта кетейік, бүгін Қасым-Жомарт Тоқаев VII шақырылған парламенттің алғашқы сессиясына қатысты.

10 қаңтарда Қазақстанда мәжіліс пен мәслихаттар депутаттарын сайлау өтті. Орталық сайлау комиссиясының мәліметіне сәйкес, парламенттің төменгі палатасына үш партия өтті: Nur Otan, "Ақ жол" және Қазақстан халық партиясы.

Сондай-ақ, мәжіліс депутаттарының қатарына Қазақстан халқы Ассамблеясының өкілдері де енді.

1542
Кілт сөздер:
Қасым-Жомарт Тоқаев, зейнетақы жинағы
Тақырып бойынша
Зейнетақы жинағын SMS арқылы тексеруге болатын жаңа қызмет іске қосылды
Зейнетақы жинағын пайдалану: БЖЗҚ жеткіліктілік шегі туралы ақпарат таратты
Бір күнде 12 мыңнан астам қазақстандық зейнетақы төлемін алу үшін арнайы шот ашты
Президент саяси жүйеге қатысты тың ұсыныс жасады
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

0
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

0
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады