"7-20-25": Мыңнан астам халық тұрғын үй бағдарламасымен баспана алады
(Жаңартылды 20:12 22.08.2018)
Қазіргі ахуал бойынша 18,6 миллиард теңгеге қарыз алу үшін 1586 өтініш келіп түскенАСТАНА, 20 тамыз — Sputnik. Тұрғын үй бағдарламасы бойынша мақұлданған өтініштер саны мыңнан асып кетті.
"20 тамыздағы ахуал бойынша 18,6 миллиард теңгеге қарыз алу үшін 1586 өтініш келіп түсті. Олардың ішінде 11,9 миллиард теңге қарыз беруге 1026 өтініш мақұлданды", — деп хабарлады Ұлттық банк.
"7-20-25" бағдарламасы: пәтер алғандардың жалақысы қанша?
Айта кетсек, шілдеде іске қосылған бағдарламаның операторы — "Баспана" ипотекалық ұйымы.
"7-20-25" бойынша қазақстандықтар қандай пәтер алып жатыр?
"Баспана" хабарлағандай, ең сұранысқа ие пәтер түрі – ауданы 62 шаршы метр қос бөлмелі пәтерлер.
"7-20-25" бойынша алғашқы айлық нәтиже: қанша қазақстандық баспаналы болады
Атап өтсек, бағдарламаның шарты атауында көрсетілген: 7% — пайыздық үстеме, 20% — бастапқы жарна, 25 – несиені өтеу мерзімі.
Алаяқтар "7-20-25" операторымыз деп жұртты алдауда
Қазақстандықтарға мемлекеттік бағдарламаны бүркеніп, жұртты алдап жүрген алаяқтар туралы ескерту жасалды.
"Айталық, 0-20-25, 5-19-25, 5-10-25 сынды түрлі акциялар пайда болды. Алайда олардың шарттары "7-20-25" бағдарламасының шарттарына мүлдем сәйкес келмейді. Олардың "7-20-25" бағдарламасына еш қатысы жоқ", — деп сақтандырады ипотекалық ұйым.
Естеріңізге сала кетсек, мемлекеттік бағдарламаға қатысу үшін өтініштерді бірқатар коммерциялық банк қабылдайды: ЦентрКредит, АТФ, Цеснабанк, Bank RBK және Еуразиялық банк.
Баспана салушы немесе тұрғын үй кооперативі несие бере алмайды, ал салушының пәтер құнын бөліп төлеуді ұсынуы "7-20-25" бағдарламасына жатпайды.
"Әділ болуы керек": Тоқаев зейнетақы жинағын пайдалану туралы айтты
(Жаңартылды 11:05 15.01.2021)
Қазақстан президенті азаматтарға өз жинағын түрлі құрал арқылы басқаруға мүмкіндік беру қажет екенін атап өттіАЛМАТЫ, 15 қаңтар – Sputnik. Мемлекет басшысы Қасым-Жомарт Тоқаев VII шақырылған парламенттің алғашқы сессиясында зейнетақы жүйесін одан әрі дамыту тұжырымдамасы әзірленіп жатқанын мәлімдеді, деп хабарлайды Sputnik Қазақстан тілшісі.
Президенттің пікірінше, зейнетақы жүйесі әділ және адам мүддесіне сай келуі керек.
"Зейнетақы жүйесі әділ болып, адамдар мүддесіне сай болуы керек. Біз маңызды, бірегей реформаны – зейнетақы активтерін ішінара алу және пайдалану мүмкіндігін іске қостық. Сонымен қатар азаматтарға өз жинағын түрлі құрал арқылы басқаруға мүмкіндік беру қажет", - деді мемлекет басшысы.
Оның айтуынша, үкімет пен Ұлттық банк зейнетақы жүйесін одан әрі дамыту тұжырымдамасын әзірлеп жатыр.
"Оны іс жүзінде жүзеге асыру сапалы заңнаманы талап ететіні анық", - деді Тоқаев.
Тоқаев: Басты мақсат – халықтың тұрмысын жақсарту
Айта кетейік, бүгін Қасым-Жомарт Тоқаев VII шақырылған парламенттің алғашқы сессиясына қатысты.
10 қаңтарда Қазақстанда мәжіліс пен мәслихаттар депутаттарын сайлау өтті. Орталық сайлау комиссиясының мәліметіне сәйкес, парламенттің төменгі палатасына үш партия өтті: Nur Otan, "Ақ жол" және Қазақстан халық партиясы.
Сондай-ақ, мәжіліс депутаттарының қатарына Қазақстан халқы Ассамблеясының өкілдері де енді.
Кілт сөздер:
Бір күнде 12 мыңнан астам қазақстандық зейнетақы төлемін алу үшін арнайы шот ашты
НҰР-СҰЛТАН, 14 қаңтар – Sputnik. Бір күнде 12 мыңнан астам қазақстандық зейнетақы төлемін алу үшін арнайы шот ашты. Бұл туралы "Отбасы банкінің" Instagram-дағы аккаунты хабарлады.
"Кеше 12 222 қазақстандық ЖССБ 24 қосымшасы және бейне қоңырау арқылы біржолғы зейнетақы төлемін алу үшін арнайы шот ашты. Кейбір қиындықтарды мұқият анықтап, оларды жаңартылған қосымшада түзедік", - деп жазылған парақшада.
Зейнетақы жинағын пайдалану: БЖЗҚ жеткіліктілік шегі туралы ақпарат таратты
Банк құжаттарды тану функциясын жақсартып, қосымшаның жылдамдығын арттырған.
ЖССБ 24 қосымшасының жаңартылған нұсқасын Play Market жүйесінен жүктеп алуға болады. AppStore жүйесінде қосымшасының жаңартылған нұсқасы сәл кейінірек іске қосылады.
"Егер сіз ЖССБ 24 қосымшасы арқылы арнайы шотты ашу кезінде қиындыққа тап болсаңыз, оны БИО-дағы сілтеме бойынша бейне қоңырау арқылы ашуға болады", - делінген хабарламада.
Кілт сөздер:
- Тақырып бойынша
- Зейнетақы жинағын пайдалану үшін банкке бару керек пе?
Мемлекет басшысы Индонезия президентіне көңіл айтты
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шектіНҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.
Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.
"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.
Индонезиядағы жер сілкінісі
Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.
Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.
Билік 15 мыңнан астам тұрғынды қауіпсіз жерге көшірді.