Ақша

Депутаттар теңге бағамын белгілеуді ұсынды

515
(Жаңартылды 16:10 13.11.2018)
Ұлттық банк басшысы ақша-несие саясатын қайта қарауға ешқандай негіз жоқ екенін мәлімдеді

АСТАНА, 17 қазан – Sputnik. Мәжіліс депутаты Аманжан Жамалов теңгенің бекітілген бағамына қайта оралуды ұсынды, деп хабарлайды тілшісі. 

Мәжілісмен Аманжан Жамаловтың айтуынша, теңге бағамын қолдау үшін 5-7 қыркүйек аралығында ұлттық банк 520 миллион доллар сатқан. Бұл барлық сауда көлемінің 80 проценті. Алайда осыдан кейін теңге бағамы одан әрі құлдырап кетті.

Ақша
© Sputnik / Болат Шайхинов

"Егер 4 қыркүйекте теңге 365 теңгеден сатылса, 12 қыркүйекте 380 теңгеге жетті. Осы орайда мынадай сұрақ туындайды: кім нарықтағы ахуалды пайдаланып, барлық валютаны сатып алды? Халық емес екені анық", — деді депутат. 

Айтуынша, қазір теңге бағамы іргелі факторларға емес, екі ірі ойыншы – Ұлттық банк пен квазимемлекеттік сектордың әрекеттеріне тәуелді болып жүр. 

"Квазимемлекеттік компаниялар теңге бағамының мұндай құбылмалығы кезінде қарапайым қаржылық мақсатты көздеп, валюта сатып алуды бастады. Салдарынан біз теңгенің нарықтық бағамын жоғалттық. Ол қазір мұнай бағасы секілді іргелі факторлармен емес, Ұлттық банк пен квазимемлекеттік сектордың әрекеттерімен анықталады. Теңге бағамының болжамдығын шешетін кез келген жоқ па? Тым болмаса Ұлттық банктің де, үкіметтің де мүддесіне сәйкес келетін валюта дәлізін уақытша бекітсек қайтеді?", — деген ұсыныс айтты Жамалов. 

Алайда Ұлттық банк басшысы Данияр Ақышев халық қалаулысымен келіскен жоқ. Оның пікірінше, валюта дәлізіне оралу қымбатқа түседі. Оның үстіне, қазір теңге бағамының құбылмалығына тосқауыл қоюға қажеттілік жоқ, бұл объективті шынайылық.

"Қазақстан – экономикасы ашық мемлекет, ЕАЭО-ның мүшесі, біздің елдер арасында тауарлар мен қызеттердің, капиталдың қозғалысына сауда шектеуі жоқ. Тиісінше, біз серіктес елдердегі ахуалға тәуелді боламыз. Егер ол елдерде ахуал нашарласа, бұл Қазақстан экономикасына да, теңгенің айырбас бағамына да әсерін тигізетіні анық…", — деді ол. 

Ақышевтың пікірінше, қазіргі таңда ақша-несие саясатын қайта қарауға ешқандай негіз жоқ. Ол депутаттың "Қазақстанның валюта нарығында тек екі ірі ойыншы бар" деген сөзін жоққа шығарды. 

"Жүргізіліп жатқан ақша-несие саясатына қатысты түрлі баға берілді. Екі ірі ойыншы бар деген – бұл шындыққа жанаспайды. Қазақстанның валюта нарығында өз клиентурасына қызмет көрсететін барлық екінші деңгейлі банктер бар. Квазимемлекеттік сектор компанияларының көп екені рас, бірақ сауда-саттыққа қатысатын заңды, жеке тұлғалар да бар. Валюта заңнамасына сәйкес, бізде нақты сектор кәсіпорындары да, халық та валютаны сатып та, сата да алады. Бұл тұрғыда ешқандай шектеу жоқ", — деді ұлттық банк төрағасы.


515
Кілт сөздер:
Қазақстан, Аманжан Жамалов, Данияр Ақышев, Мәжіліс, теңге бағамы
Тақырып бойынша
Банктерге зейнетақы қорынан 300 млрд теңге бөлінеді
"7-20-25": екі миллиард теңге көлемінде әлеуметтік көмек беріледі
Теңге нығайды, алайда мұнай бағасы төмендеп жатыр
Теңге бағамы: Қазақстанда доллар арзандады
мүгедек

Жаңа жәрдемақыға қатысты заң президентке жолданды

14
(Жаңартылды 10:58 23.09.2021)
Заң жобасының тағы бір жаңашылдығы – еңбек жарақатынан мүгедек болған адамдарды мемлекет есебінен оңалту

НҰР-СҰЛТАН, 23 қыркүйек – Sputnik. Сенат азаматтардың жекелеген санаттарын әлеуметтік қорғау мәселелері туралы заң жобасын екінші оқылымда қабылдады, деп хабарлайды Sputnik Қазақстан тілшісі.

Заң жобасы аясында мүгедек адамдар, мүгедек балаларды тәрбиелеп отырған отбасылар, еңбек ардагерлері және басқа да санатқа кіретін азаматтарды әлеуметтік қолдау шараларын жетілдіру қарастырылған.

Атап айтқанда, I топтағы мүгедектерге күтім жасайтын азаматтарға жаңа жәрдемақы түрін енгізу қарастырылып отыр. Оның мөлшері ең төменгі күнкөріс деңгейінің 1,40, яғни, қазіргі көрсеткішпен 48 мың теңгені құрайды.

Жәрдемақының жаңа түрі енгізіледі - сенат заң жобасын қабылдады

Заң жобасында 7 жастан 16 жасқа дейінгі мүгедек балаларға мүгедектік тобын беру нормасы да бар. Бұдан бөлек, мүгедек балалардың барлық тобы үшін жәрдемақы мөлшері 16,7%-тен 37%-ке дейін көтеріледі. Бұл шара 30 мыңнан астам мүгедек баланы қамтиды.

Ал мүгедек бала ата-анасынан айырылса, оған тағы бір жәрдемақы тағайындалады. Осы норма енгізілгеннен кейін 2 мыңнан аса бала мүгедектігі бойынша жәрдемақыға қоса, асыраушысынан айырылу бойынша жәрдемақы алады.

Қазақстанда 2022 жылдан бастап қандай жәрдемақының мөлшері өседі

Мүгедек балаларды тәрбиелеп отырған отбасылардың бала кәмелетке толғаннан кейін де тұрғын үй кезегінде тұру құқығы сақталады. Сонымен қатар, заң жобасында мүгедектігі бар баланы күту кезеңін 16 жастан 18 жасқа дейін ұзарту көзделген. Ол зейнетақы төлемдері мен базалық зейнетақы тағайындау кезінде оң әсерін тигізеді.

Заң жобасының тағы бір жаңашылдығы – еңбек жарақатынан мүгедек болған адамдарды мемлекет есебінен оңалту.

Сенаторлар "Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы" заң жобасын екінші оқылымда мақұлдап, президенттің қол қоюына жіберді.

 

 

14
Кілт сөздер:
жәрдемақы, президент, заң
Тақырып бойынша
Екінші өмір: Мүмкіндігі шектеулі жанның таңғажайып жетістігі – видео
Сапарбаев: Сайлауға кем дегенде 500 мың мүмкіндігі шектеулі азамат қатысуы тиіс
Мүмкіндігі шектеулі жандарға арналған сенсорлық гитара жасалды – видео
"Әкесі итеріп жіберіп, кетіп қалды" Мүмкіндігі шектеулі 3 баланың анасы мұңын шақты
мұнай өндіру

"Еңбек даулары өршіп тұр": президент Маңғыстау халқын жұмыспен қамту мәселесін көтерді

70
(Жаңартылды 19:32 22.09.2021)
Тоқаев жергілікті жұрттың жұмыс таппай жүргенін, ал мердігерлердің басқа жақтан еңбек күшін тартатынын айтты

НҰР-СҰЛТАН, 22 қыркүйек – Sputnik. Президент Қасым-Жомарт Тоқаев Маңғыстау облысына барған жұмыс сапарында аймақта жылдам шешуді қажет ететін бірқатар қордаланған мәселе бар екеніне назар аударды.

Атап айтқанда,  мемлекет басшысы облыста еңбек даулары өршіп тұрғанын ерекше атап өтті.  

"Жыл басынан бері өңірде осындай 150 дау туындады. Бәрі заң аясында шешілуге тиіс. Жаңаөзенде тұрақты жұмыс істейтін Ведомствоаралық штаб құру қажет. Оған мемлекеттік органдар мен "Самұрық-Қазына" белсене қатысуы керек. Бұл штаб шұғыл шешім қабылдауға және халықпен тығыз қатынас орнатуы қажет", – деді президент. 

Мемлекет басшысы облыста жұмыссыздық мәселесінің ушығып тұрғанына мән беріп, жергілікті жұрттың жұмыс таппай жүргенін, ал мердігерлердің басқа жақтан еңбек күшін тартатынын айтты. Қасым-Жомарт Тоқаев әкімдік пен "Самұрық-Қазына" қорына, ең алдымен, өңірдің жергілікті тұрғындарын жұмыспен қамтуға баса мән беруді тапсырды.

Оқи отырыңыз: 

70
Кілт сөздер:
Маңғыстау, жұмыссыздық, Қасым-Жомарт Тоқаев
Тақырып бойынша
Тоқаев Маңғыстау облысында малдың қырылуына қатысты пікір білдірді
Тоқаев жұмыс сапарымен Ақтауға барды
Тоқаев Еуропа даму банкінің басшысымен ынтымақтастық мәселесін талқылады
Тоқаев Қалжыр өзенін ластағандарды жазалауды тапсырды
Архивтегі сурет

Шымкентте ер адам аттракционда көз жұмды

0
Технопаркке келген ер адам шамамен 45-50 жаста, "Молоток" аттракционында оның жағдайы нашарлаған

НҰР-СҰЛТАН, 23 қыркүйек – Sputnik. Шымкентте "Қиял әлемі" технопаркінде ер адам қайтыс болды. Алдын ала мәлімет бойынша марқұмның жүрек талмасы ұстаған. Оқиға орнына жеткен дәрігерлер оған көмектесе алмады. Құқық қорғау органдарының қызметкерлері өлім себебін анықтап жатыр.

Технопаркте демалған куәгерлердің айтуынша, "Молоток" аттракционында 45-50 жастағы ер адам өзін жайсыз сезінген, деп хабарлайды otyrar.kz порталы.

Ер адамның жағдайы нашарлағанын байқаған адамдар бірден жедел жәрдем шақырады, алайда дәрігерлер оны аман алып қала алмады. Алдын ала қорытынды бойынша ер адамның жүрек талмасы ұстаған.

Сондай-ақ куәгерлер дәрігерлер келгенше дейін технопарк қызметкерлері де оған көмектесуге тырысқанын айтты. Бірақ оларда тіпті қарапайым дәрі қобдишасы да болмапты.

Бұл факті бойынша тексеріс басталды. Технопарк жұмысы уақытша тоқтатылды.

Өкінішке қарай, бұл "Қиял әлемі" технопаркінде болған алғашқы қайғылы оқиға емес. Биыл мамыр айында жазатайым оқиғадан 17 жастағы жігіт мерт болған еді. Жігіт мектеп бітірген, саябақта қосымша жұмыс істегені хабарланды. Ол аттракционың металл құрылымына шығып, құлап кеткен. Бозбала жедел жәрдем қызметі келгенше, оқиға орнында жан тапсырды.

Оқи отырыңыз: 

0
Кілт сөздер:
Шымкент, аттракцион