Ақша

Қазақстанда 1 қаңтардан бастап жалақы мен зейнетақы көбейді

13603
(Жаңартылды 13:41 04.01.2019)
2019 жылғы 1 қаңтардан бастап ең төменгі зейнетақы 52 145 теңгені құрайды.

АСТАНА, 2 қаңтар — Sputnik. Мемлекет басшысы "Қазақстандықтардың әл-ауқатының өсуі: табыс пен тұрмыс сапасын арттыру", "Төртінші өнеркәсіптік революция жағдайындағы дамудың жаңа мүмкіндіктері" Қазақстан халқына арнаған Жолдауларында халықтың әлеуметтік-экономикалық әл-ауқатын жақсартуға қатысты бірқатар нақты тапсырма берді, олар 2019 жылғы 1 қаңтарда күшіне енді, деп хабарлайды primeminister.kz сайты.

Халық табысын арттыру

Біріншіден, Қазақстан Республикасы президентінің тапсырмасымен бүгіннен бастап ең төменгі жалақы (ЕТЖ) мөлшері 1,5 есеге өседі, ең төменгі жалақы ең төменгі күнкөріс шегіне байланысты болмайды. Жаңа жылдан бастап ЕТЖ 42 500 теңгені құрайды. Бұл барлық сала бойынша түрлі меншік нысанындағы кәсіпорындарда жұмыс істейтін 1 миллион 300 мың адамның еңбекақысын тікелей қамтиды. Бюджеттік мекемелерде жұмыс істейтін 275 мың қызметкердің еңбекақысы көбейіп, орта есеппен 35% өседі.

ҚР ұлттық экономика министрлігінің деректеріне сәйкес, ЕТЖ өсірудің нәтижесінде 6 миллионнан астам жалдамалы жұмыскердің иемденетін табысы салықтан босатылатын кіріс көлемінің ұлғаюы есебінен жылына 15 мың теңгеге дейін өседі.

"ҚР кейбiр заңнамалық актiлерiне халықты жұмыспен қамту мәселелерi бойынша өзгерiстер мен толықтырулар енгiзу туралы" Заңы аясында қабылданған барлық түзетулер алдымен әрбір қазақстандықтың табысы мен өмір сүру сапасын арттыруға бағытталған.

Бұдан өзге денсаулық сақтау министрлігінің деректері бойынша, Елбасы тапсырмасы бойынша алғашқы медициналық-санитарлық көмек (АМСК) қызметкерлерін ынталандыру үшін бүгіннен бастап ауруларды басқарудың жаңа тәсілдерін енгізуші учаскелік медицина қызметкерлерінің еңбекақысы 20% кезең-кезеңімен ұлғайтылады. Осы жылы тегін медициналық көмектің кепілдендірілген көлемі аясында дәрігерлердің қызметтеріне тарифтерді кезең-кезеңімен көбейту арқылы жалпы практика дәрігерлеріне, бейінді мамандарға істелген жұмысына сай ақы төленетін болады.

Әлеуметтік қолдау шараларын күшейту

Мемлекет басшысы "Төртінші өнеркәсіптік революция жағдайындағы дамудың жаңа мүмкіндіктері" Қазақстан халқына жолдауында міндетті әлеуметтік сақтандыру жүйесінде еңбек өтілі мен өтемақы мөлшері арасындағы өзара байланысты күшейтуді тапсырды.

Аталған тапсырманы іске асыру аясында еңбек және халықты әлеуметтік қорғау министрлігі жаңа редакцияда "Міндетті әлеуметтік сақтандыру туралы" ҚР заңының жобасын әзірледі.

Өзгерістер, ең алдымен, міндетті әлеуметтік сақтандыру жүйесіне қатысу ұзақтығына байланысты әлеуметтік төлемдердің мөлшерін арттыру және басқа да параметрлерді өзгерту арқылы еңбек ету қабілетінен айырылу, асыраушысынан айырылу және жұмысынан айырылу секілді әлеуметтік сын-тегеуріндердің үш түрі орын алған жағдайда азаматтардың әлеуметтік қорғалу деңгейін арттыруға бағытталған.

Тағы оқыңыз:

Осылайша, биылғы 1 қаңтардан бастап мемлекеттік әлеуметтік сақтандыру қорынан еңбекке қабілетінен айырылу және асыраушысынан айырылған жағдайда барлық жәрдемақы алушы үшін әлеуметтік төлемдердің мөлшері республикалық бюджеттен ұқсас төлемдерді индекстеу деңгейіне сәйкес 5% арттырылды. Бұл еңбекке қабілетінен айырылғанына байланысты 88,3 мыңға жуық әлеуметтік жәрдемақы алушыға және асыраушысынан айырылған 50,1 мың әлеуметтік жәрдемақы алушыға қатысты.

Сонымен, еңбекке қабілетінен айырылған жағдайда әлеуметтік төлемдердің орташа мөлшері 15,9 мың теңгеден 16,6 мың теңгеге дейін, асыраушысынан айырылған жағдайда әлеуметтік төлемдердің орташа мөлшері 20,6 мың теңгеден 21,7 мың теңгеге дейін өсті.

Бұған қоса, заң жобасында әлеуметтік сақтандыру жүйесіне ұзақ уақыттан бері қатысушы азаматтар үшін әлеуметтік жәрдемақылар мөлшерін есептеу үшін қолданылатын коэффициент әр жылға 2% артады. Мүмкіндіктері шектеулі адамдар үшін еңбекке қабілетінен айырылған жағдайда әлеуметтік төлемдер мөлшерлерін еңбекке қабілетінен айырылудың орташаландырылған коэффициенттеріне қарап емес, еңбекке қабілетінен айырылудың нақты белгіленген дәрежесіне қарай анықтау ұсынылған (яғни, әлеуметтік төлемдер дербестендіріледі).

Асыраушысынан айырылған отбасыларға асыраушысынан айырылған жағдайда әлеуметтік төлемдер мөлшерлерін анықтау үшін қолданылатын асырауындағы адамдар санының коэффициенттерін арттыру ұсынылады. Жұмысынан айырылған адамдарға жұмыстан айырылу жағдайына әлеуметтік төлемдер мөлшерлері анықталған кезде табысты алмастыру коэффициентін 30%-тен 40%-ке дейін арттыру, сондай-ақ аталған әлеуметтік төлем ұзақтығын 4 айдан 6 айға дейін ұлғайту ұсынылады. Жалпы, ұсынылып отырған өзгерістер еңбекке қабілетінен айырылу, асыраушысынан айырылу және жұмысынан айырылу жағдайларында әлеуметтік төлемдер мөлшерлерінің орта есеппен 30% өсуін бағамдайды.

Ынтымақты зейнетақы мөлшерін арттыру

Еңбек және халықты әлеуметтік қорғау министрлігінің ақпаратына сәйкес, бүгіннен бастап ынтымақты зейнетақы 7%, базалық зейнетақы 5% өсті. 2019 жылғы 1 қаңтардан бастап ең төменгі ынтымақты зейнетақы — 36 108 теңгені, ең төменгі базалық зейнетақы — 16 037 теңгені құрайды.

Осылайша, міндетті зейнетақы аударымдарын енгізгенге дейін зейнеткерлік демалысқа шыққан ерлер мен әйелдер үшін 2019 жылғы 1 қаңтардан бастап ең төменгі зейнетақы 52 145 теңгені құрайды.

Сонымен қатар, ең төменгі күнкөріс деңгейінің ұлғаюына байланысты ең төменгі күнкөріс деңгейінің 54% тең БЖЗҚ-дан берілетін зейнетақы төлемдерінің ең төменгі мөлшері де өзгерді. 2019 жылы БЖЗҚ-дан төленетін зейнетақы төлемдерінің ең төменгі мөлшері — 16 037 теңгені құрайды.

Ең төменгі ынтымақты, базалық және жинақтауыш компоненттерді қосқанда, 68 182 теңгеге тең зейнетақы төлемдерінің ең төменгі жиынтық мөлшері шығады. 2019 жылғы 1 қаңтардан бастап міндетті зейнетақы жарналары есебінен БЖЗҚ-дан төлем алуға құқығы бар азаматтар осындай ең төменгі зейнетақы ала бастады.

Фрилансерлер — еңбек қатынастарының қатысушылары ретінде

Бұдан өзге ҚР еңбек және халықты әлеуметтік қорғау министрлігі "фрилансерлердің" — азаматтық-құқықтық сипаттағы келісімшарттар бойынша қызмет көрсететін немесе жұмыс істейтін жеке тұлғалардың міндетті зейнетақы жарналарын төлеу мәселесі бойынша өзгерістер енгізді.

Тағы оқыңыз:

Түзетулер "фрилансерлердің" міндетті зейнетақы жарналарын (МЗЖ) төлеу рәсімдерін жеңілдетуге бағытталған. Айта кету керек, аталған түзетулер осы санаттағы жұмыс істейтін азаматтардың, депутаттық корпус өкілдерінің және жекелеген жұмыс түрлеріне "фрилансерлерді" қызметке тартатын бірқатар заңды тұлғаның көпшілігінің пікірін ескеретінін айта кеткен жөн.

Қабылданған заңнамалық түзетулерді іске асыру аясында 2019 жылдың бірінші тоқсанында тиісті ережелерге өзгерістер енгізіледі. Осылайша, аталған ережелерге өзгерістер енгізілген сәттен бастап, фрилансерлер азаматтық-құқықтық сипаттағы (АҚС) келісімшарттар бойынша табыстарынан міндетті зейнетақы жарналарын төлеу міндеттерінен босатылады.

Азаматтардың жинақтаушы зейнетақы жүйесіне қатысуына қатысты кезекті түзету — міндетті зейнетақы жарналарының (МЗЖ) жаңа салымшылары үшін бірыңғай жинақтаушы зейнетақы қорында (БЖЗҚ) жеке зейнетақы шотын (ЖЗШ) ашу рәсімін жеңілдету болып табылады.

Егер әрекет етіп тұрған заңнамаға сәйкес БЖЗҚ-да жеке зейнетақы шотын ашу үшін жеке тұлғалар МЗЖ есебінен ЖЗШ ашу туралы өтініммен БЖЗҚ бөлімшесіне жүгінуі қажет болса, онда жаңа тетік бойынша БЖЗҚ-да жеке зейнетақы шоты жаңа салымшылар үшін БЖЗҚ-ға бірінші түскен жарна негізінде автоматты түрде ашылады.

Міндетті зейнетақы жарналары есебінен жеке зейнетақы шотын өтінімсіз ашудың бұл тетігі 2019 жылдың бірінші тоқсанында қабылдануы тиісті бірыңғай жинақтауыш зейнетақы қорының зейнетақы ережелеріне өзгерістер енгізілген сәттен бастап іске қосылады. Сонымен қатар, міндетті зейнетақы жарналары бойынша салымшыны жеке тұлға ретінде куәландыратын құжаттың реквизиттері, тұрғылықты мекенжайы және т.б. туралы қажетті мәліметтерді БЖЗҚ мемлекеттік органдардың ақпараттық жүйелері арқылы алатын болады.

Жаппай кәсіпкерлікті дамыту

Президент жолдауына сәйкес, 2019 жылдан бастап жыл сайын кәсіпкерлердің басым жобаларын субсидиялауға қосымша 30 миллиард теңге бөлінеді. Отандық кәсіпорындарға халық тұтынатын тауарлардың көптеген түрін игеру ұсынылады, яғни, олар "қарапайым заттар экономикасын" дамытуы тиіс. Бұл тек экспорттық әлеуетті дамыту үшін емес, сондай-ақ ішкі нарықты отандық тауарлармен молықтыру үшін қажет.

Бағдарламаның бірінші бағытының қатысушылары — салалық шектеулерсіз ауылдық жерлерде, шағын қалаларда және моноқалаларда өздерінің жеке әрі тиімді жобаларын жүзеге асырушы және соны жоспарлап жүрген кәсіпкерлер. Бағдарламаның екінші бағытының қатысушылары — "Бизнестің жол картасы — 2020" бағдарламасы аясында, сондай-ақ өңдеу өнеркәсібінің басым салаларында және ИИДМБ анықталған қызметтердің жекелеген түрлерінің аясында экономиканың басым секторларында өз жобаларын іске асырушы немесе соны жоспарлап жүрген индустриялық-инновациялық қызметтің тиімді кәсіпкерлері.

Тағы оқыңыз:

Жалпы, 2018 жылға "БЖК-2020" аясында қаржылық және қаржылық емес қолдауды іске асыруға 46 миллард теңге мөлшерінде қаражат бөлінген. 2018 жылғы 1 желтоқсандағы жағдай бойынша 2 276,6 миллиард теңге несиелердің жалпы сомасына 12 350 жоба субсидияланған, ал төленген субсидиялар сомасы 217,44 миллиард теңгені құрады, 170 миллиард теңге несиелердің жалпы сомасына 4 668-іне кепілдендірілді, ал берілген кепілдіктер сомасы 70 иллиард теңгені құрады, 4,6 миллиард теңге сомасына 2 050 жоба бойынша мемлекеттік гранттар берілді. Жетпей тұрған индустриялық инфрақұрылымды жүргізу үшін 122,5 миллиард теңге сомасына 809 жоба қаржыландырылды.

"БЖК-2020" маңызды бағыты — бизнесті жүргізу негіздерін оқыту және әлеуетті әрі жаңадан бастаушы кәсіпкерлерді консультациялық сүйемелдеу құралдарының жиынтығын қамтитын кәсіпкерлік әлеуетті күшейту. 2018 жылғы 1 желтоқсандағы жағдай бойынша 173,9 мың жаңа және бұрыннан келе жатқан кәсіпкерлер кәсіпкерік негіздеріне оқытылды.

"Салық амнистиясын" жүргізу кәсіпкерлікті дамытуға серпін береді. Оның аясында 2018 жылғы 1 қазандағы жағдай бойынша берешек өтелген жағдайда, 2018 жылғы 1 қазандағы жағдай бойынша салық төлеушілердің жеке шоттарында есептелген айыппұлдар мен өсімпұлдар есептен шығарылады.
Іс-шаралар бизнес ахуалды жақсарту мақсатында шағын және орта бизнес субъектілеріне амнистия жүргізуді қарастырады. Амнистия кәсіпкерлерді қолдаудың тиімді тетігіне айналып, негізгі қарыздың төленуіне және салық ауыртпалығынан толықтай босауға ынталандыратын болады.

Алдын ала мәліметтерге сәйкес, амнистияға жататын салық төлеушілердің саны 90 077 құрайды. 210,7 миллиард теңге мөлшерінде негізгі қарызды төлеген жағдайда, жоғарыда аталған салық төлеушілердің 122,9 миллиард теңге көлемінде өсімпұлдары және 7,3 миллиард теңге сомасында айыппұлдары есептен шығарылады.

Бұдан өзге 2019 жылғы 1 қаңтардан бастап салықтық құқық бұзушылықтар үшін қылмыстық жауапкершілік қабылдау шегі айыппұлдарды өсірумен 50 мың АЕК дейін ұлғайтылады.

Көлеңкелі экономиканы азайту

Елбасы 2018 жылғы 5 қазандағы Қазақстан халқына жолдауында үш жыл ішінде экономикадағы көлеңкелі айналымды кем дегенде 40% қысқарту үшін нақты шаралар қабылдау қажеттігін атап көрсеткен.

Осыған орай, үкімет көлеңкелі экономикаға қарсы іс-қимыл жөніндегі 2019-2021 жылдарға арналған іс-шаралар жоспарын бекітті.

Жалпы алғанда, бизнесті "көлеңкеден" шығару амалдары "Салықтардың жиналуын арттыру" жобасы бойынша бастамаларды іске асыруды қоса алғанда, салықтық және кедендік әкімшілендіруді цифрландыруға және оларды интеграциялауға негізделген.

ҚР қаржы министрлігінің ақпаратына сәйкес, Іс-шаралар жоспары бизнесті ынталандыруға, шағын және орта бизнес субъектілерін "көлеңкеден" шығару жұмыстарын күшейтуге, қолма-қол ақшасыз айналымдар үлесін ұлғайтуға, салықтық-кеден саясатын, мемлекеттік сатып алулар туралы заңнаманы жетілдіруге бағытталған.

Тағы оқыңыз:

Қабылданып жатқан шаралар көлеңкелі экономика деңгейін төмендетуге, бюджетке салықтардың түсімін ұлғайтуға мүмкіндік береді және еліміздің әлеуметтік-экономикалық дамуына ықпал етеді.

13603
Кілт сөздер:
президент, заң жобасы, зейнетақы, теңге, ақша
Тақырып:
Зейнетақы мөлшері қалай өзгерді (66)
Тақырып бойынша
Бірінші қаңтардан жәрдемақы мен зейнетақы өседі: кімге және қанша төленеді?
"Жәрдемақы табыс емес". Министр Әбілқасымова әділеттік орнатуға уәде берді
Мүгедектерге берілетін жәрдемақы: қазақстандықтар нені білуі тиіс?
Балаға берілетін жәрдемақы: кімге, қалай және қанша төленеді?
Биыл 1 шілдеден бастап 14 мың отбасы жаңа жәрдемақы алады
Енді төрт балалы отбасыларға ай сайынғы жәрдемақы берілмейді
Биыл бір жасқа дейінгі бала күтіміне төленетін жәрдемақы мөлшері белгілі болды
Акорда ғимараты

Тоқаев пен Мясникович ЕАЭО саммитінің күн тәртібін талқылады

11
Тараптар сондай-ақ 2021 жылы Қазақстан Республикасының Еуразиялық экономикалық одаққа төрағалығы жайында пікір алмасты

НҰР-СҰЛТАН, 26 қараша – Sputnik. Қазақстан президенті Қасым-Жомарт Тоқаев  Еуразиялық экономикалық комиссия алқасының төрағасы Михаил Мясниковичпен әңгімелесті, деп хабарлады Ақорданың баспасөз қызметі.

Бейне конференция форматында өткен кездесуде Қасым-Жомарт Тоқаев пен Михаил Мясникович Еуразиялық экономикалық одақтың қазіргі ахуалын және оны одан ары дамыту перспективаларын  талқылады.

Оқи отырыңыз: Тоқаев Қазақстанның алдында тұрған басты міндетті атады 

Тараптар 11 желтоқсан күні мемлекеттер басшыларының қатысуымен онлайн-форматта өтетін Жоғарғы Еуразиялық экономикалық кеңестің отырысында қаралатын мәселелер, сондай-ақ, 2021 жылы Қазақстан Республикасының Еуразиялық экономикалық одаққа төрағалығы жайында пікір алмасты.

Сонымен қатар, Қасым-Жомарт Тоқаев пен Михаил Мясникович Еуразиялық экономикалық комиссияның жұмысындағы жекелеген мәселелер жөнінде ой бөлісіп, ұйымның интеграциялық процесстердегі рөліне тоқталды.

11
Кілт сөздер:
Еуразиялық экономикалық одақ, саммит, Қасым-Жомарт Тоқаев
Тақырып бойынша
ЕАЭО-дағы кедендік баждың жаңа нормативтері қабылданды – Тоқаев заңға қол қойды  
Тоқаев: экономиканы әртараптандыру үшін жаңа реформаларды жүзеге асыру қажет
Сұлтанов сыртқы сауданың қаншалықты төмендегенін айтты
Тоқаев жаңа агенттік басшысының орынбасарларын тағайындады
Тоқаев ЕАЭО-ны құру кезінде Қазақстанның қандай талапқа көнгенін айтты
Өзен, су

Қазақстанда тасқын судың есебінен электр энергиясы арзандауы мүмкін

44
(Жаңартылды 12:17 26.11.2020)
Қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады

НҰР-СҰЛТАН, 26 қараша – Sputnik. Қазақстан парламенті жаңартылатын энергия көздерін пайдалануды қолдау және электр энергетикасы мәселелері туралы заңды қабылдады. Оған сәйкес, елде су тасқыны кезінде өндірілетін электр энергиясының есебінен тариф төмендетілуі мүмкін, деп хабарлайды Sputnik Қазақстан тілшісі. 

Мәжіліс депутаты Шавхат Өтемісовтің айтуынша, қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады. Ал оны трейдерлер сатып алады. Осылайша, мемлекет тасқын судан өндірілген электр энергиясының бағасына араласа алмайды. 

"Жүйелік оператордың деректері бойынша көктемгі су тасқыны кезінде жыл сайын орта есеппен 300 миллион кВтс электр энергиясы өндіріледі. Орталықтандырылған сауда-саттықта трейдерлер электр энергиясын 1 кВтсағ үшін 2-3 теңгеге сатып алып, оны екі-үш есе қымбатқа сатады. Осыған байланысты, гидроэлектрстанциялардың су тасқыны электр энергиясын "КЕГОК" АҚ-ға қарайтын қаржы-есеп орталығына сату міндетін заңнамалық түрде бекіту ұсынылады", - деді мәжілісмен. 

Айтуынша, бұл арзан электр энергиясы елдің барлық тұтынушылары арасында бөлінеді. 

Сонымен қатар, заң жобасы Қазақстанның электр энергетикасы жүйесінің сыртқы көздерге тәуелділігін төмендетпек. Атап айтқанда, қазір Ресейге кетіп жатқан ақша өз елімізде қалады. Ал бұл жыл сайын шамамен 10-12 миллиард теңге.

Бұдан бөлек, жаңартылатын энергия көздерін қолдауға "өтпелі тариф" белгіленіп отыр. Заң жобасында "жаңартылатын энергия көздерін пайдалануды қолдауға арналған үстемеақы" ұғымы көзделген, ол шекті тарифтен тыс ескеріледі.

Жаңартылатын энергетиканы дамыту үшін жаңартылатын энергия көздерінің электр энергиясын сатып алуға арналған келісімшарттың қолданылу мерзімін 15 жылдан 20 жылға дейін ұлғайту ұсынылды. Ол инвесторға аукциондық сауда-саттықта неғұрлым төмен тарифтерді ұсынуға жағдай жасайды. Бұл өз кезегінде тұтынушылардың шығынын төмендетуге мүмкіндік береді.

Сенат заңды бірауыздан қабылдады.

44
Кілт сөздер:
электр энергиясы, су, Қазақстан
Тақырып бойынша
Сарапшы елордадағы экомешіттің не себепті электр қуатын тарата алмағанын айтты
Елордалық жылу электр орталықтары ішінара газбен жұмыс істей бастады
Петропавлда жол апатының алдын алған автобус электр бағанын құлатты – видео
Алматының жылу электр орталықтары түгел газға көшіріледі
Вице-министр атом электр станциясы қандай жағдайда салынуы мүмкін екенін айтты
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы