Банк карталары

Мәжіліс депутаттары банк картасы бойынша комиссияны азайтуды сұрады

282
Еспаева 2,5 проценттік банк комиссиясы кәсіпкерлер үшін тиімсіз екенін мәлімдеді

НҰР-СҰЛТАН, 27 наурыз – Sputnik. Мәжіліс депутаттарының айтуынша, қолма-қол төлем көлемі ұлғайғанымен, банктер карта бойынша комиссияны төмендетпей отыр, деп хабарлайды Sputnik Қазақстан тілшісі.  

Мәжілістің жалпы отырысында депутат Дания Еспаева ұлттық банк төрағасы Ерболат Досаевқа банктердің комиссиясына қатысты депутаттық сауал жолдады. Депутат былтыр төлем картасымен 6,4 триллион теңгеге 524 миллион транзакция жасалғанын, бұл арғы жылмен салыстырғанда, екі есеге артық екенін атап өтті. Ал интернет-мобильді банкинг арқылы 3,1 триллион теңгеге 190 миллион қолма-қол ақшасыз операция жасалған, бұл көрсеткіш те 2017 жылға қарағанда екі есеге өскен.

" POS-терминалдар арқылы төлем жасау көлемі едәуір ұлғайса да, банктердің сауда ұйымдарынан өндіретін тарифі сол баяғы деңгейде қалып отыр. Орташа есеппен төлемнің жалпы сомасының 0,5-нен 2,5 процентіне дейін құрайды", - деді Еспаева.

Депутаттың айтуынша, бизнес заңы бойынша сату көлемі ұлғайып, бәсекелестік пайда болған кезде, қызмет құны төмендейді. Алайда, банк секторында бұл байқалмай отыр.

"Жоғары баға – қолма-қол төлемнің дамуына кедергі келтіретін басты факторлардың бірі. Әсіресе, бұл шағын бизнес өкілдерінің аяғына тұсау болып отыр", - деді ол.

Еспаева 2,5 проценттік банк комиссиясы кәсіпкерлер үшін тиімсіз екенін, сондықтан олар көп жағдайда POS-терминалдардан бас тартып жататынын атап өтті. Оның айтуынша, дүкендердегі тауарлар комиссияны қоса есептегендегі бағамен сатылады, яғни тұтынушының қалтасынан алынады.

"Егер комиссия төмендесе, сауда орындарының шығыны азайып, бағаның өсуін тежеуге болар еді", - деді депутат.

Осыған байланысты ол банк картасы бойынша комиссияны төмендету және Ұлттық банкке төлем операциялары үшін комиссияны реттеу мәселесін қарауды ұсынды.

282
Кілт сөздер:
банк, Ерболат Досаев, депутат
Тақырып бойынша
Ұлттық банк қазақстандықтарға долларға қатысты кеңес берді
"Сізге бүгін не болған?" Нығматулин ұлттық банк төрағасын ұятқа қалдырды
Назарбаев: банк иелерінің жауапкершілігін көтеру керек
Ұлттық банк екі ірі сақтандыру компаниясының лиценциясын тоқтатты
Банк карточкасының сіз білмейтін 8 құпиясы
Калькулятор, архивтегі сурет

"Инфляциядан төмен болады": депутаттар республикалық бюджеттің шикі тұстарын атады

9
(Жаңартылды 13:28 21.10.2020)
Коммунистер атаулы әлеуметтік көмек алатын адамдар саны жыл сайын 120 мыңға азаяды дегенге күмәнмен қарайтынын білдіргенімен, заң жобасын қолдап дауыс берді

НҰР-СҰЛТАН, 21 қазан – Sputnik. Парламент мәжілісінің депутаттары 2021-2023 жылдарға арналған республикалық бюджеттің шикі тұстарын атады, деп хабарлайды Sputnik Қазақстан тілшісі.

Депутаттың айтуынша, осы жолы да бюджетте шикізаттық секторға басымдық беріліп, табыстың басым бөлігін мұнаймен толтыру жоспарланып отыр. Бұл стратегия президент қойған мақсат-міндеттерге сай келмейді.

Сондай-ақ, ол 2021 жылы ішкі жалпы өнім 2,8 процентке өседі деп көрсетілгенін еске салды.

"Бұл дегеніміз, экономика 2019 жылдың деңгейіне де шыға алмайды деген сөз. Ал 2025 жылға қарай 4,6 процентке дейінгі өсім бір ғана фактордың арқасында болады делінген. Ол – мұнай өндіруді 17 процентке арттыру және экспорт көлемін ұлғайту. Ондай стратегия президент қойған міндеттерге сай келмейді. Мемлекет басшысы шикізаттық емес экономиканы дамытуды тапсырған", – деді Қоңыров мәжілістің жалпы отырысында.

Оның сөзіне қарағанда, мұндай жағдайда мемлекеттік бағдарламаларды іске асыру шаралары да мұнайдың әлемдік бағасына тәуелді болады. Себебі қаржының басым бөлігі шикізат экспортынан түседі.

"Бұған дейін әлеуметтік шығындар көбейді деп айтылды. Алайда коммунистер үш жылдық бюджетті әлеуметтік салаға бағытталған дей алмайды. Экономикалық ынтымақтастық және даму ұйымына мүше елдерде әлеуметтік шығындар ішкі жалпы өнімнің 15-30 процентін құрайды. Соның ішінде зейнетақы, денсаулық сақтау, әлеуметтік қызметтер, жұмысшы халықты қолдау және тағы басқа шаралар бар. Ал Қазақстанда әлеуметтік салаға жұмсалатын шығындарға сан алуан инвестициялық жобалар да кіреді. Ондай жобалардың бенефициары – бизнес құрылымдар", – деп атап көрсетті Қоңыров.

Зейнетақыны көбейтудің кемшілігі қандай?

Осы орайда депутат үш жылдық бюджетте көрсетілген маңызды бір мәселеге назар аударды. Ол жерде инфляцияны ескере отырып, ынтымақты зейнетақының көлемін көтеру туралы айтылған.

"Ынтымақты зейнетақының көлемін көтергенде инфляция деңгейінен 2 процентке артық меже ескеріледі деген. Алайда 2021 жылы зейнетақының орташа мөлшері 5,7 процентке көтеріледі. Мұның өзі инфляциядан төмен болып тұр", – дейді Қоңыров.

Бұдан бөлек, келесі жылы атаулы әлеуметтік көмекті 979 мың адам алады деген жоспар бар. Олардың қатары жыл сайын 120 мың адамға азаяды. Қоңыров ондай есеп-қисаптың экономикалық негізі жоқ деп санайды. Себебі қазіргі жағдайда соншама көп адамның мемлекеттік көмек алатындардың қатарынан жылдам шығуы мүмкін емес. Соған қарамастан, коммунистер заң жобасын қолдады және өз ұсыныстарын ескеруді сұрады.

Оқи отырыңыз: Қазақстанда инфляция 9-11% шамасында болжанып отыр

Айта кетейік, бүгінгі отырыста депутаттар үш жылдық бюджет туралы заң жобасы бірауыздан мақұлдады.

9
Кілт сөздер:
депутаттар, республикалық бюджет
Тақырып бойынша
2019-2021 жылдарға арналған республикалық бюджет халыққа жұмсалмақ
Нұр-Сұлтанда бюджет 32 миллиард теңгеге оңтайландырылды
Министр Жамаубаев бюджет ақшасын игермеген мемлекеттік органдарды атады
Жыл соңына дейін инфляция 8%-ке дейін өседі 
Шымкенттің мәртебесіне байланысты республикалық бюджет қайта қаралды
мәжіліс отырысы

Мамин бастаған үкімет мүшелері мәжіліске келді

978
(Жаңартылды 10:45 21.10.2020)
Мәжілісте 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасы қаралып жатыр

НҰР-СҰЛТАН, 21 қазан – Sputnik. Премьер-министр Асқар Мамин бастаған үкімет мүшелері мәжіліске келді, деп хабарлайды Sputnik Қазақстан тілшісі.

Отырыстың басында депутаттар экономикалық өсуді қамтамасыз ету бойынша кейбір заңнамалық актілерге өзгерістер мен толықтырулар енгізу туралы заң жобасын жұмысқа алды. Депутат Нұртай Сабильяновтың айтуынша, осы құжат аясында 14 кодекске және 67 заңға өзгеріс енгізіледі. Соның ішінде кәсіпкерлік қызмет, бюджет, жер, экология, агроөнеркәсіп, сәулет, құрылыс, денсаулық сақтау, білім беру, микроқаржыландыру, жасанды интеллект және тағы басқа салалар бар.

"Экономикалық реформа және өңірлік даму комитеті осы заң жобасын жұмысқа алуға және ол бойынша 2021 жылдың 17 наурызына дейін қорытынды әзірлеуге дайын", - Сабильянов.

Осыдан кейін депуттаттар "Ұлттық қордан 2020-2022 жылдарға арналған кепілдендірілген трансфет туралы" заңға өзгеріс енгізу мәселесін қарады. Ұлттық экономика министрі Руслан Дәленов нақтыланған бюджет бойынша Ұлттық қордан кепілдендірілген трансферттің мөлшері 4 триллион 770 миллиард теңге көлемінде айқындалғанын жеткізді.

"Заң жобасында 2020 жыл бойынша осы соманы қолданыстағы кепілдендірілген трансферт туралы заңда белгілеу көзделеді", - деп атап көрсетті Дәленов.

Мәжіліс кепілдендірілген трансфет туралы заң жобасын бірауыздан мақұлдады. Осыдан кейін депутаттар 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасын қарауға кірісті.

Осы мәселе бойынша ұлттық экономика министрі, қаржы министрі мен ұлттық банк басшысы баяндама жасады. Қазіргі кезде талқылау басталып кетті.

978
Кілт сөздер:
Асқар Мамин, үкімет, Мәжіліс