Дариға Назарбаева

 Дариға Назарбаева министрге кәсіпкерлердің шағымын жеткізді

270
Сенат спикеріне экспорттаушылар құжат рәсімдеу өте қиын екенін әрі көп уақыт алатынын айтып арызданған

НҰР-СҰЛТАН, 25 сәуір – Sputnik. Сенат төрайымы Дариға Назарбаева ұлттық экономика министрлігіне экспортқа шығарылатын тауарларды рәсімдеу процедурасын жеңілдетуді тапсырды, деп хабарлайды Sputnik Қазақстан тілшісі.

Бүгін сенаттың жалпы отырысында "Бір тараптан ЕАЭО пен оған мүше мемлекеттер және екінші тараптан Иран Ислам Республикасы арасында еркін сауда аймағын құруға алып келетін уақытша келісімді ратификациялау туралы" заң жобасы қаралды. Сұрақ-жауап барысында сенат спикері Дариға Назарбаева ұлттық экономика министрі Руслан Дәленовтен экспортқа шығарылатын тауарларды рәсімдеу процедурасы туралы сұрады.

Қазақстандықтар келесі жылы неліктен декларация тапсырмайтыны белгілі болды

Министр тауарды экспорттау үшін кәсіпкерлерге көп құжат жинаудың қажеті жоқ екенін атап өтті. Егер ол реттелетін тауар болса, онда рұқсат беру қағазы жеткілікті. Ал басқа тауар болған жағдайда, келісімшарт пен тауарға құқық белгілеуші құжаттар, тиісінше экспорттаушының ЖСН-і мен БИН-і керек. Негізгі проблема импорт кезінде туындайды деді Дәленов.

"Тауарды импорттаған кезінде көп анықтама көрсетуге тура келеді. Қағаз жұмысы өте көп. Қазір қаржы министрлігі анықтамаларды мемлекеттік органдардың мәліметтер базасынан алуға болатындай электронды форматқа көшіру бойынша жұмыс істеп жатыр", - деді министр.

Алайда Дариға Назарбаева министрдің экспортқа қатысты жауабына қанағаттанбады. Айтуынша, экспорттаушылар құжат рәсімдеу өте қиын екенін әрі көп уақыт алатынын айтып шағымдануда.

"Қазір рұқсат беру құжаттары Сыртқы істер министрлігі арқылы жүзеге асады деп жатыр. Бұл солай ма?", - деп сұрады сенат спикері.

Дәленов рұқсат қағазын қажет етпейтін тауарларды рәсімдеу онлайн арқылы жүзеге асатынын алға тартты. Ал рұқсат құжаттарын алу қажет болса, онда бұл процедура шынымен қиындау дейді ол.

Қазақстанда енгізілген жаңа салықтан 3,8 миллион теңге түскен

"Ауыл шаруашылығы министрлігі мен ұлттық кәсіпкерлер палатасы беретін кейбір құжаттар электронды емес. Яғни, бизнесмендерге өздеріне барып алуға тура келеді. Мұндай проблема бар, қазір мұны шешіп жатырмыз", - деп сендірді министр.

Дариға Назарбаева бұл мәселе тез арада шешіледі деп үміттенетінін айтты.

"Әйтпесе, тауар өндірушілер шағымданып жатыр. Әсіресе, тез бүлінетін ауыл шаруашылығы өнімдері болса, олар біздің бюрократтар қашан анықтама жазып береді екен деп үш апта немесе бір ай күте алмайды. Оның үстіне біз экспортқа шығарылатын тауарлардың санын арттыруға мүдделіміз. Менің ойымша, бұл мәселеде сіздерге белсенді жұмыс істеу керек сияқты", - деді сенат төрайымы.

Дәленов қазір ұлттық экономика министрлігі эспортты ынталандыру картасын әзірлеп жатқанын, бұл мәселе бақылауда екенін атап өтті.

Айта кетсек, сенат депутаттары бір тараптан ЕАЭО пен оған мүше мемлекеттер және екінші тараптан Иран арасында еркін сауда аймағын құруға алып келетін уақытша келісімді ратификациялау туралы заңды қабылдады.

Уақытша келісімге 2018 жылғы 17 мамырда қол қойылған болатын.

Келісім Қазақстанға 80 миллионнан астам халқы бар Иранның перспективті нарығына отандық тауарларды экспорттауға мүмкіндік береді.

Ұлттық экономика министрлігінің мәліметінше, Иранмен өзара сауда көлемі 2018 жылы 516,3 миллион долларға жетті, оның ішінде 82,6%-і Иранға экспортты құрады. Экспортқа шығарылған негізгі тауарлар – арпа, болат прокаты, рапс тұқымы және қой еті.

Келісімге сәйкес, Иран тарапы 864 тауарға қатысты импорттық баж мөлшерлемесін төмендетті. Иран нарығына сиыр және қой еті, бұршақ дақылдары, өсімдік майлары, макарон және кондитерлік өнімдер, болат прокаты, рельстер, аккумуляторлар, арматура, құбырлар және тағы басқа тауарларды жеңілдетілген тариф бойынша жеткізу мүмкін болмақ.

Ал ЕАЭО елдері 502 тауар бойынша импорттық баж мөлшерлемесін төмендетеді. Олар: пісте, құрма, інжір, жүзім, креветка, кондитерлік өнімдер, ыдыс жуу құралдары, кілемдер, пластмасса бұйымдары.

Келісім ратификациялау рәсімдері аяқталған соң 60 күннен кейін күшіне енеді. Келісімнің қолданылу мерзімі – 3 жыл.

270
Кілт сөздер:
құжат, шағым, министр, кәсіпкер, Дариға Назарбаева
Тақырып бойынша
"Жарайсың!" Нығматулин үкіметтен мәжіліске келген депутатты мақтады
"Түсінігіміз басқаша" Ресеймен шекаралас ауылдар депутаттардың алаңдаушылығын туғызды
Дариға Назарбаева білім министріне: сізге көмектесеміз
"Халықты хабардар ету керек": Дариға Назарбаева қоғамды алаңдатқан мәселені көтерді
Кәсіпкер Нұр-Сұлтанның қымбат үйлерінің қорқынышты фотоларын жариялады
Мұнай өндіру

Тұрымов ОПЕК+ келісімі мұнай өндірісіне қалай әсер еткенін айтты

20
2020 жылы 18 миллион тонна мұнай өндіріледі деп жоспарланған. Алайда ОПЕК+ келісіміне сәйкес, өңірде 16,5 миллион тонна мұнай өндіріледі

АЛМАТЫ, 23 қараша – Sputnik. Маңғыстау облысының әкімі Серікбай Тұрымов орталық коммуникациялар қызметі алаңында өткен брифингте өңірде ОПЕК+ келісіміне байланысты мұнай өндіру көлемі 16,5 миллион тоннаға дейін азайғанын айтты, деп хабарлайды Sputnik Қазақстан тілшісі.

"Жыл басында мұнай бағасының құлдырауына байланысты біраз мәселе туындады. Одан кейін пандемияға байланысты мұнай-газ компаниясындағы қызметтерді шектеу, карантиндік шараларды толығымен орындау барысында да біраз қиындық болды. Қазір ОПЕК+ келісімін орындау үшін мұнай көлемін азайтып отырмыз", - дейді Тұрымов.

2020 жылы 18 миллион тонна мұнай өндіріледі деп жоспарланған. Алайда ОПЕК+ келісіміне сәйкес, өңірде 16,5 миллион тонна мұнай өндіріледі. Облыс әкімі соған байланысты бұрғылау жұмыстары, күрделі жөндеу жұмыстары шектелетінін атап өтті.

Оқи отырыңыз: Қазақстанда жыл басынан бері ЖІӨ 2,9%-ке төмендеді 

"Яғни, қызмет көрсететін компаниялардың жұмысы азаяды. Сондықтан мұнай компаниясы басшыларымен бірге қызметкерлердің жұмыс орнын сақтап қалу мақсатында бірнеше рет бірлескен жиын өткіздік", - деп толықтырды облыс басшысы.

Өңірдегі газ мәселесі

Сонымен қатар Тұрымов сұйытылған газ тапшылығына қатысты сауалға жауап берді. Айтуынша, Маңғыстауда Қазақгазөндеу зауытында 14,5 тонна газ өндіріледі. Ал облыстың ішкі сұранысы қыста 17 мың тонна, жазда 18 мың тонна болады.

"Мәселе өзімізде шығатын газдың ішкі сұранысты қамтамасыз ете алмауында болып отыр. Сондықтан энергетика министрлігімен келісе отырып, қалған жетпейтін газды Ақтөбе, Атыраудан қосымша алып отырмыз", - деді облыс әкімі.

Бүгінде өңірде газ тапшылығына байланысты мәселе жоқ. Алайда бағасына байланысты айырмашылық байқалады.

Қазақгазөндеу зауытында шығатын сұйытылған газдың бағасы – 43 мың теңге, Атыраудан келетін газдың бағасы – 68 мың теңге.

20
Кілт сөздер:
Маңғыстау облысы, мұнай
Тақырып бойынша
Маңғыстау әкімі Бозжыра шатқалында қонақ үй салуға қатысты ойын айтты
Мамин экономиканы қалпына келтіру жағынан артта қалған өңірлерді атады 
Мамин министрлер мен әкімдерге тапсырма берді
Маңғыстауда ауыл шаруашылығын дамытуға мүмкіндік бар ма – әкім жауап берді
Қазақстанның ұлттық валютасы

Сарапшылар "байлық салығы" Қазақстанға қандай пайда әкелетінін айтты

844
(Жаңартылды 19:24 22.11.2020)
Сарапшылар байлыққа салық салу бастамасын қолдайды, бірақ, оны енгізбес бұрын жалпыға бірдей табыс декларациясын жүзеге асыру қажет деп санайды

НҰР-СҰЛТАН, 22 қараша – Sputnik. Қазақстанда байлық салығын енгізу мәселесі қайта көтеріліп жатыр. Сенат депутаты Мұрат Бақтиярұлының пікірінше, бұл елде салық салудың әділетті жүйесін қалыптастыра алады. Сенатор яхта, ұшақ, қымбат көлік мініп, зәулім сарайда тұратын ауқаттыларға салынатын салықты арттыруды ұсынды. Осыған орай Sputnik Қазақстан отандық сарапшылардан бұл бастамаға қатысты пікірін сұрап білді.

Кімге қанша салық салынуы тиіс

GSB UIB директорының орынбасары, экономист Мақсат Халық байларға салық салу ұсынысын қолдайды. Дегенмен, дәулеттілерге салық салмас бұрын жалпыға бірдей табыс декларациясын енгізу қажет деп есептейді.

"Әрбір қазақстандық қанша табысы барын көрсетсе, сол кезде бәрі әділ болады. Өкінішке қарай, табыс декларациясын енгізу бізде үнемі кейінге шегерілуде. Менің ойымша, заңсыз жолмен байығандар өз мүлкін жария еткісі келмейді. Осындай лобби топтар парламентте де әрекет етіп жатқаны байқалады. Еш мүлкі жоқ, орта таптағы азаматтар табысын жария етуге қарсы емес деп ойлаймын. Байлықты заңсыз тапқандар қарсылық танытып жатқан жайы бар. Сондықтан мемлекет бұл мәселені соза бермей, өз назарына алуы қажет", - дейді сарапшы.

Айтуынша, жалпыға бірдей декларациядан кейін елде прогрессивті салық енгізілуі тиіс. Тек содан кейін барып байларға салық салуға болады.

Бұл ретте экономист айына 500 мың теңге табатын азаматтар орта тапқа жататынын атап өтті. Айтуынша, елімізде орта тап өкілдері өте аз. Кейбір деректер бойынша еңбекке жарамды халықтың 1%-ін ғана құрайды.

"Президент прогрессивті салықты енгізуге қатысты пікір білдірген кезде мынадай ой айтты: бірінші кезекте, кірісі 300 мың теңгеден аспайтын адамдарға табыс салығы аз салынуы керек. Қазір 100 мың теңге табатындар да, 1 миллион теңге табатындар да 10 процент төлейді. Президент мұны  дұрыс емес деп отыр. Мен ол кісіні қолдаймын. Айына 300 мың теңге табатындар 6-7% төлесін, 100 мың теңгеден төмен алатындар, тіпті де, салықтан босатылсын. Осындай шаралар қабылданса, қарапайым жұмысшыларға аз-маз көмек болар еді", - деп санайды Мақсат Халық.

Сарапшы жылдық табысы 25 миллион теңгеден асатын дәулеттілер үшін табыс салығын 15%-ке дейін көтеру әділ шешім болар еді дейді.  

"Байлық салығы бюджет тапшылығын жабар еді"

Мақсат Халықтың айтуынша, "байлық салығы" байлар мен кедейлер арасындағы алшақтықты аздап азайтады.

"Жалпы мемлекет Робин Гудтың қызметін атқаруы керек. Байларға заңды түрде салық салуы тиіс. Өйткені олар қайда байыды –  осы Қазақстанда байыды. Иә, мойындау керек, алғырлығы мен біліктілігі болған шығар, әкеден қалған мұрасы бар шығар, әйтсе де, қалай болған күннің өзінде, жақсы, жайлы өмір сүріп жатқаннан кейін салықтан жалтармағаны дұрыс. Көпке топырақ шашпаймын. Салығын уақытылы төлеп жүргендер де бар. Алайда, бірнеше коттедж тұрғызып, салықтан қашатын адамдар да қаншама. Менің ойымша, әрбір азамат жиып-терген дәулетіне сай салық төлеуі керек", - деді экономист.

Тағы оқыңыз: Қазақстандық олигархтар Лондондағы пәтерлерін сатып жатыр: байлар неден қашты?

Айтуынша, байларға салық салынса, ел қазынасына қыруар ақша түседі.

"Бюджетке қомақты қаражат түсетінін сеніммен айта аламын және бюджет тапшылығы белгілі бір дәрежеде жабылар еді. Соның арқасында мемлекетте қосымша қаражат та пайда болады. Ал оны халықты әлеуметтік жағынан қолдауға, яғни көпбалалы, тұрмысы төмен отбасыларға, мүгедектерге көмек көрсетуге жұмсауға болады", - дейді сарапшы.

"Біздің байлар Лондоннан үй сатып алуға құмар"

Экономист Асылхан Андашов та елде байлық салығынан бұрын мүлік пен табысты декларациялауды енгізген жөн деп санайды. Декларацияға бәрінің еті үйренген соң, байлық салығын енгізуге болады.

"Өз басым бұл бастаманы қолдаймын. Байлар – кез-келген қоғамның алға ілгерілетуші тобы. Батыс елдерінде ғылыми зерттеулердің барлығын дерлік байлар қаржыландырады. Ал Қазақстанда олай емес. Біздің адамдар байи қалса, Миланнан киініп, Лондоннан үй алып, яхта, жеке ұшақ мінуге құмар. Сондықтан, салықты көбірек төлеу арқылы болса да, қоғамға пайдасын тигізсін", - дейді ол.

Сарапшы байлыққа орта таптың қолы жетпейтін мүліктер мен қызметтер жатқызылуы тиіс деп есептейді. Мәселен, құны белгілі бір сомадан асатын үлкен үйлер, қымбат көліктер, сағаттар, зергерлік бұйымдар және тағы басқа.

"Байлық салығы" мен прогрессивті салықты қатар енгізу арқылы байлар мен кедейлер арасындағы теңсіздікті жоюға мүмкіндік бар деп ойлаймын. Өйткені, әлемде кедей мен бай арасындағы алшақтық ең төмен саналатын Скандинавия елдерінде прогрессивті салық та, байлық салығы да енгізілген. Сол себепті салықты қоғамның ауқатты тобынан көбірек, ал табысы аз адамдардан азырақ алу арқылы мемлекет қоғам теңдігін орнатуға жақын болады", - деді Андашов.

Тағы оқыңыз: Тоқаевтың тапсырмасы: сарапшылар жалақыдан қанша ұсталуы мүмкін екенін айтты

Ол жаңа салықтың ел экономикасына берер пайдасы жайлы сөз қозғағанда, прогрессивті салықты бірге қарастырған жөн деп санайды. Прогрессивті салық енгізілген жағдайда, табысы төмен азаматтар салықтан мүлдем босатылады немесе қазіргі 10%-тен аз салық төлейді.

Бірақ, экономистің пікірінше, белгілі бір сомаға дейін мүлдем салық салынбаса, жұмысшылар да, жұмыс берушілер де салықтан жалтару үшін "көлеңкелі жалақыға" көшуі мүмкін.

"Ресми статистика бойынша Қазақстанда орташа жалақы 212 мың теңгені құрайды. Ал шын мәніндегі көрсеткіш одан да төмен. Кейбір зерттеулер бойынша пандемияға дейін ең көп кездесетін жалақы 58 мың теңге еді, 3,5 миллион адамның жалақысы 112 мың теңгеден аз болатын. Яғни, бізде аз табыс табатындардың саны бірнеше миллион, ал табысы жоғары азаматтар өте аз. Сол себепті миллиондаған адамның салығын азайтып, жүздеген мың адамның салығын арттырғаннан бюджетке түсетін табыс көлемі ұлғаяды деп айта алмаймын. Керісінше, бюджет табысы азаюы да мүмкін", - дейді Андашов.

Бірақ, айтуынша, егер жалпыға бірдей декларация дұрыс жолға қойылып, ешкім өз табысын жасырмай, салықтан жалтармаса, бюджетке бірнеше миллиард теңге кіріс түсуі мүмкін.

844
Кілт сөздер:
байлық, салық, экономика, жалақы
Тақырып бойынша
Зейнетақы жинағының бір бөлігін алған кезде салық төлеу керек
Қазақстанда байлыққа салық салу ұсынылды
Алматы, архивтегі фото

Алматы полициясы күшейтілген жұмыс тәртібіне көшті

0
Тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді

НҰР-СҰЛТАН, 23 қараша – Sputnik. Алматы полициясы күшейтілген жұмыс тәртібіне көшірілді, деп хабарлады Polisia.kz.

Қазақстан аумағында осы жылдың 23 қарашасында басталған "Құқық тәртібі" жедел алдын алу іс-шарасы 30 қараша айына дейін жалғасады. Осыған байланысты Алматы полициясы күшейтілген жұмыс тәртібіне көшірілді. 

Қалалық полиция департаменті жергілікті полиция қызметінің бастығы Манап Саттаровтың айтуынша, аталған іс-шараға полиция қызметкерлерімен қоса Ұлттық ұлан сарбаздары да жұмылдырылады.

"Іс-шара барысында қоғамдық тәртіпті қадағалау үшін полицияның жеке құрамы күшейтілген жұмыс тәртібіне көшірілді. Қала бойынша полиция жасақтары көбейтіліп, "Құқық бұзушылыққа мүлдем төзбеушілік" қағидасы бойынша тәртіп сақшылары мен әскери қызметкерлер көшелер мен аулаларда, саябақтарда, саяжайларда және өзге де қоғамдық орындарда рейд жүргізеді", - дейді ол.

Сондай-ақ көші-қон заңдарын бұзатын келімсектерді анықтау үшін құрылыс алаңдары мен тамақтану орындары тексеріледі. Арнайы есепте тұратын адамдар мен азаматтық қару иелері де полицияның назарынан тыс қалмайды.

"Ал жедел басқарма қызметкерлері пәтер тонау, көлік ұрлығы сияқты қылмыстарды жасайтын қылмыстық топтар мен із-түзсіз жоғалған адамдарды және бұрын қылмыс жасап іздеу жарияланған адамдарды анықтауға бағытталған жұмыстарды атқарады", – деп түйіндеді Саттаров.

Алматыда 10 адамды өлтірген қылмыскерге сот үкімі шықты

Айта кетейік, кең көлемде ұйымдастырылып отырған аталған іс-шара қылмыстық ахуалды тұрақтандыруға, қылмыстар мен құқық бұзушылықтардың алдын алуға бағытталған.

0
Кілт сөздер:
полиция, Алматы
Тақырып бойынша
Жалған 900 мың долларды сатпақ болған Алматы тұрғыны ұсталды
Алматылық ағайындылар қылмысы әшкере болды
Дәретханада қыздарға порно көрсеткен ер адам 10 жылға сотталды
Нұр-Сұлтанда әйелдерге шабуыл жасаған шетелдік ұсталды