Архивтегі фото

2021 жылға қарай АЭА-да 2 трлн теңгенің жобалары іске асады

254
(Жаңартылды 11:12 21.05.2019)
Қазақстанда 12 арнайы экономикалық және 23 индустриялық аймақ құрылған

НҰР-СҰЛТАН, 21 мамыр – Sputnik. 2021 жылға қарай Қазақстанның арнайы экономикалық аймақтарында 147 жоба жүзеге асады. Бұл туралы индустрия және инфрақұрылымдық даму министрі Роман Скляр мәлімдеді, деп хабарлайды Sputnik Қазақстан тілшісі.

"2021 жылға қарай арнайы экономикалық аймақ аумақтарында 2 триллион теңгеден астам сомаға 147 жоба іске асырылады. Биыл шамамен 1200 жаңа жұмыс орны құрылып, 160 миллиард теңгеден аса сомаға 36 жоба іске қосылатын болады. 2021 жылға қарай жалпы сомасы 1,9 триллион теңгеге 111 жоба іске қосылады", - деді Скляр үкімет отырысында.

Министрдің айтуынша, барлық АЭА инфрақұрылымының құрылысына жұмсалған бюджет шығындары 314,3 миллиард теңгені құраған.

"Бюджетке салық түрінде шамамен 150 миллиард теңге қайтарылды. Бұл ретте тартылған инвестиция мөлшері – 910 миллиард теңге. Яғни, арнайы экономикалық аймақ инфрақұрылымына салынған бюджеттің 1 теңгесіне 2,8 теңге жеке инвестиция тартылды", - деді ол.

Скляр ең табысты экономикалық аймақ ретінде Шымкенттегі "Оңтүстік" АЭА-ны атады. Онда бюджеттің 1 теңгесіне 15,5 теңге инвестиция тартылған.

"Арнайы экономикалық аймақ мемлекет қолдауынсыз, өздігінен жұмыс істейді", - деп атап өтті министр.

Айта кетсек, Қазақстанда 12 арнайы экономикалық аймақ және 23 индустриялық аймақ құрылған. Олардың барлығы қазір жұмыс істеп тұр.

254
Кілт сөздер:
арнайы экономикалық аймақтар
Тақырып бойынша
Қарағанды облысында жарылғыш зат шығаратын зауыт салынады
Қырғыз бизнесмені Қазақстанмен шекарада кімдердің ақша бопсалайтынын айтып берді
Назарбаев түрік бизнесмендеріне үндеу жасады
Жаңа кедендік кодекс бизнестің мүддесін қорғай ма?
Асқар Мамин жұмыс сапарымен Алматы қаласына барды
Тауарларды таңбалау

Темекі өнімдерін таңбалау жұмысы оңайлатылды

6
Шағын бизнеске қосымша қаржылық және әкімшілік жүктеме алынып тасталады, деп мәлімдеді мемлекеттік крістер комитеті

НҰР-СҰЛТАН, 28 қыркүйек – Sputnik. Алкоголь өнімдерін таңбалау және қадағалау жөніндегі қолданыстағы пилоттық жоба тоқтатылды, деп хабарлады қаржы министрлігінің мемлекеттік крістер комитеті.

Сондай-ақ темекі өнімдерін таңбалау жұмысы да оңайлатылды – ол өндірушілер/импорттаушылар және көтерме саудада өткізушілер деңгейінде ғана жалғастырылады.

"Бұл ретте бөлшек сауда сатушыларына тауарларды 2D сканерлерді сатып алмай және қолданбай таңбалау жөніндегі бірыңғай оператордың ақпараттық жүйесінде алғанын растау жеткілікті болады. Осылайша шағын бизнеске қосымша қаржылық және әкімшілік жүктеме алынып тасталады", - деп хабарлады мемлекеттік кірістер комитеті.

Қазақстанда алкогольді таңбалау бойынша пилоттық жоба 2019 жылдың 1 маусымында іске қосылды. Бұған дейін міндетті таңбалау 2021 жылдың 1 сәуірінен басталады деп жоспарланған болатын.

Қаржылық бақылау комитетінің мәліметінше, бұл шараны енгізуге басты себеп – 2020 жылдың өзінде жасанды алкоголь өндіретін 50-ден астам жасырын цех жойылған. Көлеңкелі айналымнан 1,5 миллионнан астам бөтелке, 400 мың литрге жуық спирт және 500 мың жалған есептеу-бақылау маркалары алынды.

Оқи отырыңыз:

6
Қасым-Жомарт Тоқаев

Тоқаев кәсіпкерлерге: кәсіпорындардың жаппай банкротқа ұшырауына жол бермедік

17
(Жаңартылды 18:12 28.09.2021)
Мемлекет басшысы пандемия басталғалы әртүрлі мемлекеттік бағдарламалар аясында жалпы құны 6,3 триллион теңге болатын дағдарысқа қарсы шаралар жүргізілгенін айтты

АЛМАТЫ, 28 қыркүйек – Sputnik. Қасым-Жомарт Тоқаев "Атамекен" ұлттық кәсіпкерлер палатасының VIII съезінде адамдардың денсаулығын сақтау және толыққанды кәсіпкерлік белсенділікті қалпына келтіру азаматтар жаппай вакцинацияланған кезде ретке келетінін айтты, деп хабарлады Ақорда.

Мемлекет басшысы кәсіпкерлер палатасы үкіметтің сенімді серіктесіне айналғанын және еліміздің орнықты дамуына зор үлес қосып келе жатқанын айтты. Сонымен қатар келешекте ел үкіметі мен "Атамекен" ұлттық кәсіпкерлер палатасы бірлесе атқаруы қажет істерге тоқталды.

Президент пандемия кәсіпкерліктің дамуына кедергі келтіргенін, алайда қиын сәтте мемлекет бизнес саласына жан-жақты қолдау көрсеткенін жеткізді.

"Әртүрлі мемлекеттік бағдарламалар аясында жалпы құны 6,3 триллион теңге болатын дағдарысқа қарсы шаралардың 3 топтамасы жүзеге асырылды. Бұл ахуалды түзеуге және экономикалық белсенділік пен кәсіпкерлік бастамаларды қайта қалыпқа келтіруге мүмкіндік берді. Жұмыссыздықтың бірден белең алуына және кәсіпорындардың жаппай банкротқа ұшырауына жол бермедік. Биыл 8 ай қорытындысы бойынша ел экономикасы 3%-ке өсті. Мемлекет бизнеске көмек көрсету ісін жалғастыра береді", – деді президент.

Мемлекет басшысының сөзінше, 2022 жылы "Қарапайым заттар экономикасы" және Бизнестің жол картасы бағдарламаларының аясында 1 триллионнан кем емес қаржы бөлінген.

"Еліміздің ұлттық қауіпсіздігі, экономиканың толық іске қосылуы, тұрғындар табысының қалпына келтірілуі, сондай-ақ ең бастысы, жақындарымыздың денсаулығы туралы сөз болып отыр. Қазақстанда тиімді, қауіпсіз және тегін вакциналар бар. Сіздердің түсіністік танытып, белсенді жұмыс істегеніңіз маңызды", – деді Қасым-Жомарт Тоқаев.

Сонымен қатар ел президенті жиын кезінде елімізге жаңа реттеуші саясат қажет екенін айтты. Оның айтуынша, қатаң реттеуден бизнестің іскерлік белсенділігін ынтыландыруға smart regulation деп аталатын өзін-өзі реттеуге көшу керек.

"Менің тапсырмам бойынша мәжіліс "басынан бастап" реттеу жүйесіне негізделген заң жобасын енгізді. Оның басты қағидаттары: Оne in two out қағидасы, яғни қазіргі екі талаптың орнына бір жаңасын енгізу, шектен тыс реттеуге жол бермеу үшін түпкілікті міндетті талаптар реестрін жасау, реттеуші апелляция институтын енгізу, яғни кәсіпкерлердің шағымдары бойынша тиімсіз талаптарды сотсыз қайта қарау механизмдері болуы керек, жаңа реттеуші механизмді тәжірибеден өткізу үшін эксперименталды құқықтық режим тетіктерін енгізу. Заң жыл соңына дейін қабылдануға тиіс", - деді мемлекет басшысы.

Айтуынша, құжатқа қатысты барлық базаны 2023 жылы осы қағидаттың енгізілуіне дейін дайындау қажет. Үкімет оны ұлттық палатамен тығыз ынтымақтаса отырып, дайындайды.

Сондай-ақ үкімет пен "Атамекен" бірлесіп, шағын және орта бизнесті дамытудың жаңа стратегиясын әзірлеуі қажет. Құжатта бизнесті тікелей, адрессіз қолдау мен субсидиялаудан мейлінше нарықтық құралдар мен әдістерге көшу мәселесі қарастырылады. Және ел үкіметі "Атамекенмен" бірлесіп, жыл аяғына дейін шағын және орта бизнесті дамытудың 2030 жылға дейінгі тұжырымдамасын қабылдайды.

Мемлекет басшысы қазақстандық өнімді дамыту еліміздің экономикалық саясаттағы басымдығының бірі екенін айтты. Елімізді одан әрі индустрияландырудың маңызды міндеттерінің бірі – отандық өңдеу кәсіпорындарын қолжетімді шикізатпен қамтамасыз ету.

Осыған байланысты жылдың соңына дейін президенттің тапсырмасына сәйкес қордаланған мәселені шешуге бағытталған "Өнеркәсіп саясаты туралы" заң қабылданады.

17
Кілт сөздер:
Қасым-Жомарт Тоқаев, кәсіпкер, банкрот
Тақырып бойынша
Тоқаев айтқан бустерлік вакцина кімге салынады? 
Инфляция бекітілген межеден әлдеқашан шығып кеткен – Тоқаев
Тоқаев қордаланған мәселелерге назар аударды
"Керемет сенсация": Тоқаев футзалдан Қазақстан құрамасын құттықтады
Тоқаев 2030 жылға дейінгі елдің жаңа әскери тұжырымдамасын бекітті