БТА банк

Әблязовтің қарындасы БТА Банкке 6,6 миллион доллар қайтарады

1015
АҚШ соты қашқын бизнесменнің қарындасының жылжымайтын мүлкін тәркілеуге шешім қабылдады

НҰР-СҰЛТАН, 7 маусым — Sputnik. "БТА Банк" АҚ қашқын бизнесмен Мұхтар Әблязовтің қарындасымен соттасып, 6,6 миллион доллар төлеткізетін болды. Бұл туралы компанияның баспасөз қызметі жариялады.   

Фэрфакс (Вирджиния штаты, АҚШ) округтік соты БТА Банк пен сыртқы басқарушылардың пайдасына шешім қабылдады.

"Сот Гауһар Құсайынованың Фэрфакс округі мен Александрия қаласындағы (АҚШ) 6 598 313 АҚШ доллары тұратын жылжымайтын мүлкін тәркілеуге шешім шығарды", - делінген хабарлама.

Әблязовтің қарындасының ісі

БТА Банк 2016 жылдың 13 маусымында келтірілген шығынды өтеу және басқа да талаптарды қанағаттандыру үшін Гауһар Құсайынованы округтік сотқа берді.

Банк мәліметінше, Мұхтар Әблязов қымқырған қаражаттың бір бөлігін туған қарындасының атына заңсыз аударған. Әйел қаражатты өз қажетіне жаратып, АҚШ-тан бірнеше қымбат жылжымайтын мүлік сатып алады.

Тағы оқыңыз: Бас прокуратура Әблязов банкирді өлтіруді ұйымдастырды деп есептейді

БТА Банктен кейін 2016 жылдың тамызында Мұхтар Әблязовтің активтерін сырттай басқаруға ағылшын соты тағайындаған Джон Милсом мен Дэвид Стэндиш сотқа дәл сондай шағым түсірді.

"Сыртқы басқарушылардың арыз түсіруіне негіз болған жайт – Гауһар Құсайынова қаражаттың басым бөлігін Мұхтар Әблязовпен үлестес Denmar Assets Management және Devesta Limited компаниялары арқылы сыртқы басқарушылар басқаратын активтер мен активтерге тыйым салу туралы бұйрыққа енгізе отырып алған", - делінген хабарламада.

БТА Банк пен сыртқы басқарушылар 2017 жылдың 19 сәуірінде сотқа арыздарды біріктіру туралы қолдаухат тапсырды.

Әблязовтің ісі қайда қаралып жатыр

Қазірде Мұхтар Әблязов пен оның сыбайластарына қарсы сот процестері Қазақстанда ғана емес, Ресей, Украина, Ұлыбритания, АҚШ және Францияда жүріп жатыр.

Алматының билік өкілдері мен БТА Банк мәлімдегендей, АҚШ президенті Дональд Трамптың бұрынғы серіктесі Феликс Сатер Мұхтар Әблязов пен Ілияс Храпуновқа жарты миллиард долларға жуық ақшаны жылыстауға көмектескен.

Тағы оқыңыз: Қуат Хамитов Әблязовке үндеу жасады

БТА Банк 2015 жылдың маусымында банк лицензиясын өткізіп, Қазақстанның банк жүйесінен шықты. БТА Банктің негізгі акционерлері - Казкоммерцбанк (46,5%), ал 2018 жылы біріккеннен кейін - Halyk Bank, пен қазақстандық бизнесмен Кеңес Рақышев (46,5%).

1015
Кілт сөздер:
сот, Мұхтар Әблязов, БТА банк
Тақырып бойынша
Абаев Әблязовтің экстремистік қозғалысына қатысты түсініктеме берді
Әблязов негізін қалаған қозғалыс Қазақстанда экстремистік ұйым болып танылды
Бас прокурор Еуропарламент депутаттарын шетелде қашып жүргендер туралы хабардар етті
Бас прокуратура Әблязовтің митингтеріне қатысқандар қамалатынын ескертті
Бас прокуратура Әблязовты Астанаға шақырды
Қасым-Жомарт Тоқаев

Жоғары кеңестің алғашқы отырысы: Тоқаев алты бағытты айқындады

523
(Жаңартылды 20:18 21.10.2020)
Жұмыс тобына Жоғары кеңес мүшелерінен бөлек лауазымды тұлғалар, қоғамдық ұйым өкілдері мен тәуелсіз сарапшылар ене алады

НҰР-СҰЛТАН, 21 қазан — Sputnik. Ақордада президент Қасым-Жомарт Тоқаевтың төрағалығымен Реформалар жөніндегі жоғары кеңестің алғашқы отырысы өтті.

Глава государства Касым-Жомарт Токаев провел первое заседание Высшего cовета по реформам
© Photo : сайт Акорды
Реформалар жөніндегі жоғары кеңестің алғашқы отырысы

"Президент реформаның басты алты бағыты бойынша 6 жұмыс тобын құруды ұсынды. Жұмыс тобына Жоғары кеңес мүшелерінен бөлек лауазымды тұлғалар, қоғамдық ұйым өкілдері мен тәуелсіз сарапшылар ене алады", - деп хабарлайды Ақорда.

Жұмыс топтары:

  1. Макроэкономикалық саясат - президент кеңесшісі Сума Чакрабарти басқарады;
  2. Сот және құқық қорғау жүйесі - президент әкімшілігінің жетекшісі Ерлан Қошанов басқарады;
  3. "Әлеуметтік кодекс" әзірлеу - премьер-министр Асқар Мамин басшылығымен;
  4. Экономиканы диверсификациялау - премьер-министр Асқар Мамин басшылығымен;
  5. Бизнес-реттеу - "Атамекен" ҰКП мен үкімет басшылығымен;
  6. Мемлекеттік басқару және мемлекеттік қызметтер - президент әкімшілігі жетекшісінің орынбасары Тимур Сүлейменов басқарады.

Жоғары кеңес

Қыркүйек айында Тоқаев Реформалар жөніндегі жоғары кеңес құру туралы жарлыққа қол қойған болатын. Кеңес мақсаты - елдің тұрақты дамуын стратегиялық жоспарлау, экономикалық, әлеуметтік және саяси реформаларды қарап, бекіту.

Жоғары кеңестің төрағасы – Қазақстан президенті Қасым-Жомарт Тоқаев. Ал оның орынбасары – сэр Сума Чакрабарти. Бұдан бөлек, кеңес құрамына тағы сегіз адам енді. Олар:

  1. Мамин Асқар Ұзақбайұлы  -  премьер-министр;
  2. Қошанов Ерлан Жақанұлы - президенті әкімшілігінің басшысы;
  3. Досаев Ерболат Асқарбекұлы   - Ұлттық Банк төрағасы;
  4. Келімбетов Қайрат Нематұлы - Стратегиялық жоспарлау және реформалар агенттігінің төрағасы;
  5. Әбілқасымова Мәдина Ерасылқызы  - Қаржы нарығын дамыту және реттеу агенттігінің төрағасы;
  6. Исекешев Әсет Өрентайұлы  - президент көмекшісі – Қауіпсіздік кеңесінің хатшысы;
  7. Сүлейменов Тимур Мұратұлы  - президент әкімшілігі басшысының орынбасары;
  8. Құлыбаев Тимур Асқарұлы   - "Атамекен" ұлттық кәсіпкерлер палатасы төралқасының төрағасы.
523
Кілт сөздер:
реформа, Қасым-Жомарт Тоқаев
Тақырып бойынша
Назарбаев Тоқаев неге президент болғанын айтып берді
Тоқаевтың тапсырмасы орындалмай жатыр: мәжіліс министрді есеп беруге шақырды
Қасым-Жомарт Тоқаевтың денсаулығына қатысты ақпарат жарияланды
Тоқаев жаңа агенттік басшысының орынбасарларын тағайындады
Тоқаевтың жарлығы қоғамдық талқылауға шығарылды
Выборы, голосование, иллюстративное фото

Мәжіліс пен мәслихат сайлауы бір күнде өтеді ОСК себебін айтты 

29
(Жаңартылды 17:14 21.10.2020)
Орталық сайлау комиссиясының мүшелері қазіргі жағдайда екі саяси шараны бір уақытта өткізудің арқасында бюджет қаржысын үнемдеуге болатынын айтты

НҰР-СҰЛТАН, 21 қазан – Sputnik. Қазақстанда мәжіліс пен маслихаттар сайлауы бір күнде өтеді. Бұл туралы Орталық сайлау комиссиясының мүшесі Константин Петров мәлімдеді, деп хабарлайды Sputnik Қазақстан тілшісі.

"Заң бойынша мәслихат депутаттарын президент пен сенат депутаттарымен бір уақытта сайлауға болмайды. Осы жолы мәслихат депутаттарының кезекті сайлауын 2021 жылы 10 қаңтарда өткізу ұсынылды. Ал мәжіліс пен мәслихат депутаттарының сайлауын бірге өткізу заңға қайшы емес", - деді Петров комиссияның бүгінгі отырысында. 

Оның айтуынша, қазіргі жағдайда осы екі саяси шараны бір уақытта өткізудің арқасында бюджет қаржысын да үнемдеуге болады. Оған қоса, мәжіліс мен мәслихат депутаттарын сайлау жүйесі партиялық тізімдерді тіркеу мерзімі жағынан ұқсас, үгіт-насихатты бір уақытта бастауға да мүмкіндік береді. 

Сайлау тәртібі 

Айта кетейік, бүгін мәжіліс сайлауының тәртібі жарияланған болатын. Оған сәйкес, кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • бәсең сайлау құқығының болуы.

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет. 

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

29
Кілт сөздер:
сайлау, мәслихат, Мәжіліс
Тақырып:
Мәжіліс сайлауы
Тақырып бойынша
Мәжіліс депутаты қайтыс болды
Мәжіліс пен мәслихат сайлауына жұмсалатын қаржы көлемі жарияланды 
Мәжіліс сайлауы қалай өтеді – орталық комиссия тәртібін жариялады
Мәжіліс сайлауының тарихы
"Өте маңызды қадам": Нығматулин алдағы мәжіліс сайлауы туралы айтты
Нидерланды, архив

Ресей еуропалықтарды өзара сыйластыққа негізделген диалогқа мәжбүрлемек пе?

0
Еуропа Ресей Федерациясының MH17 рейсінің күйреуіне байланысты Нидерланды және Австралиямен үшжақты консультациядан шығу туралы шешіміне байланысты шу шығарды

Алайда бұл шудың табиғаты мен жоғары лауазымды шенеуніктердің сөздері батыстың қайғылы жағдайдың себептерін анықтауға қатысты ниетінің шынайы еместігін көрсетеді, деп жазады РИА Новости. 

Нидерланды сыртқы істер министрі Стеф Блоктың: "Бүгін Ресей Федерациясы MH17 рейсінің жойылуы төңірегінде өз жауапкершілігіне қатысты келіссөздерді тоқтату туралы біржақты шешім қабылдады" деген ресми мәлімдемесінен осыны аңғаруға болады.

Естеріңізге сала кетейік, 2014 жылдың шілдесінде малайзиялық "Боинг" ұшағы апатының мән-жайына қатысты алғашқы консультация 2019 жылдың басында өткен болатын. Ресей тарапы бірден: "Олардың назары "апатқа байланысты Ресейдің заңды тұрғыдағы жауапкершілігін мойындауға" емес, осы оқиғаға байланысты және оның шынайы себептерін анықтауға бағытталған түбегейлі маңызды мәселелердің барлығына аударылатын болады" деп мәлімдеді. Сонымен қатар, Мәскеу соғыс жүріп жатқан аймақта өз әуе кеңістігін жаппағаны үшін Украинаның жауапкершілігі мәселесін қарау қажеттігін баса айтты.

Әрине, Блок мұны жақсы біледі. Бірақ шындықты әдейі бұрмалап отыр. Ресейдің нәтижесіз консультациялардан бас тартуы "әсіресе, құрбандардың туыстары үшін ауыр тиді" деген сөзі осыған дәлел бола алады.

Мәскеуді осы шешімі үшін айыптауға асыққан батыстың көптеген қайраткері де құрбандар тақырыбына қатысты шындықтан алшақ кетуге тырысуда. Осылайша, АҚШ-тың Нидерландыдағы елшісі Пит Хукстра Ресейдің консультациядан шығуын "құрбан болғандардың туыстарына және олардың әділеттілікке ұмтылысына жасалған кезекті бір соққы" деп мәлімдеді.

Мұндай жаңалықтарды шенеуніктер ұсынған қалыпта қабылдаған кейбір голландықтар реакциясының қатал шыққаны таңғаларлық емес. Мысалы, Блок оқырмандарының бірі бірден Ресейге қатысты: "Нидерландыдан барлық ресейлікті дереу шығарыңыз, елшілікті толығымен жабыңыз, Ресеймен сыртқы сауданы тоқтатыңыз, енді Ресей газын сатып алмаңыз. Біздің флотты Қырымға жіберіңіз" деп ашулы кеңес берді.

Алайда ешкім көңілі қалған Голландия қоғамына Мәскеудің мұндай қадамға не үшін барғанын нақты түсіндіріп бермей отыр. Ресей сыртқы істер министрлігі бұған дейін егер голландықтар ақыр аяғында басқа жолды таңдамаса, яғни Адам құқықтары жөніндегі еуропалық сотқа Ресейге қарсы шағым түсірмесе, консультацияны айрықша ынтызарлықпен жалғастыратынын түсіндірген еді.

Сыртқы істер министрлігінің мәлімдемесінде: "Нидерландықтардың достық пиғылға жат мұндай әрекеттері үшжақты консультацияның жалғасуына және оған Ресейдің қатысу тетігіне нұқсан тигізеді. Ендеше, үшжақты консультацияның бұзылуына байланысты жауапкершілік толықтай ресми Гаагаға жүктеледі" делінген. Батыс баспасөзі міне, осы жәйтті көрсетпеуге, тіпті бұл туралы мүлде жақ ашпауға тырысуда. Айтпақшы, Гаага Адам құқықтары жөніндегі еуропалық сотқа шағым түсіру арқылы құрбан болған жандардың туыстарына зиян тигізіп отырғанын айтқан жөн.

Шындығында, нидерландықтар Адам құқықтары жөніндегі еуропалық сотқа бірнеше рет шағым түсірген. Алғашқысы 2016 жылдан бері қаралып келеді, кейін ол жаңа шағыммен толықтырылды. Ол кезде MH17 ұшағына қатысты іс жан-жақты қаралып жатты. Ал осы жылдың 10 шілдесінде Нидерланды үкіметі сол сотқа мемлекетаралық шағым түсіреді, оны сол жерде қаралып жатқан істерді қолдау мақсатында түсіргенін мәлімдейді.

Белгілі бір мәселе бойынша Адам құқықтары жөніндегі еуропалық сотқа мемекетаралық шағым түсірген кезде, осы мәселе бойынша сол жерде қаралып жатқан барлық жеке істің тоқтатылатыны белгілі. Бұл 2018 жылы Еуропалық кеңеске мүше мемлекеттер бірауыздан қабылдаған Адам құқықтары туралы еуропалық конвенция жүйесін реформалау туралы Копенгаген декларациясының 45-тармағында нақты көрсетілген.

Сондай-ақ, Нидерландының Адам құқықтары жөніндегі еуропалық сотқа түсірген шағымы басқа заңды органмен - Украинаның Ресейге қарсы ісін қарастырып жатқан БҰҰ-ның халықаралық сотымен мүдделер қақтығысын тудыруы мүмкін екенін ұмытпаған жөн, оған MH17-ге қатысты жауапкершілік те кіреді. Еуропалық сот (ЕО-дағы жоғарғы инстанциялық сот) 2014 жылы Адам құқықтары жөніндегі еуропалық сотта қаралатын мемлекетаралық істер басқа халықаралық сот органдарының юрисдикциясын бұзбауы керек деген пікірін білдірді. Демек, Нидерланд үкіметі жекелеген істерді қарауды кешіктіріп қана қоймай, әртүрлі инстанциялар арасында мүдделер қақтығысын туғызып отыр, бұл да іске кедергі келтіруі мүмкін.

Бұл жерде заңды сауал туындайды: Гаагаға дәл қазір жанжалға негізделген шағымын түсіре отырып, бір уақытта Адам құқықтары жөніндегі еуропалық сот пен Ресеймен консультация мәселесі төңірегінде сот процесін бастау не үшін қажет болды? Бір қызығы, Нидерланд баспасөзі өзінің премьер-министрі Марк Рюттенің бұл сұраққа жауабын талап еткен емес. Марк Рютте тек: "ең жақсы уақытты таңдадым" дегенді ғана айтты, бірақ неге олай ойлайтынын түсіндіруден бас тартты.

Біріншіден, тағайындалған төрт "айыпталушының" MH17-тің жойылуына еш қатысы жоқ. Екіншіден, ресейлік арнайы қызметтің офицерін (демек, Ресей мемлекетін) осы процеске қатысты етіп көрсетуге тырысқан әрекет сәтсіз аяқталды. Есіңізде болса, 2018 жылдың көктемінде бүкіл әлемде бұқаралық ақпарат құралдары антиресейлік Bellincgat құрылымының ұсынысы бойынша бұл оқиғаға қатысты етіп Олег Иванниковтың есімін көрсетті. Алайда MH17 ісі бойынша Гаагада өткен алғашқы сот отырысында прокурорлар Иванниковты күдікті деп санамайтынын және бұл іске ешқандай қатысы жоқ екенін айтқан еді. Дегенмен, БАҚ бұл фактіні мүлдем елемеуге тырысты. 

"Боингте" қаза тапқандардың туыстары істің тұйыққа тірелуіне қатысты қатты алаңдайтынын америкалық елші Хукстраға жолдаған хатында білдіреді. Олар 2014 жылы мемлекеттік хатшы Джон Керри айтқандай, АҚШ-ты оқиғаға қатысты спутниктен түсірілген суреттерді сотқа ұсынуға шақырды. Алайда, ешқандай суреттер жіберілмеді. Бірақ Хукстра қазір қаза тапқандардың туыстарына алаңдап отырғандай сыңай танытып, белгілі бір дәрежеде бұған Ресейді айыптап отыр.

Соттағы істің тұйыққа тіреліп жатқанын түсінген Гаага Адам құқықтары жөніндегі еуропалық сотқа шағым түсіретін қадамға дейін барады. Ондағы көздеген мақсаты – жаңа шағым арқылы сот процесін мейлінше созу.

Ендеше, Нидерландымен, тіпті ресми емес топ шеңберінде болса да, қандай да бір диалогты бастаймын деп үміттенген Ресей не істеуі керек еді? Егер екінші тарап бәрін өзі шешіп қойған болса, қандай диалог туралы әңгіме айтуға болады?

Осындайда Сергей Лавровтың "Батыстың сыртқы саясатқа жауап беретін азаматтары өзара сыйластықтың қажет екенін түсінбейді. Мүмкін, біз олармен сөйлесуді біраз уақытқа доғаруымыз керек" деген сөзі еске түседі: Ресейдің MH17 бойынша консультациядан шығу туралы шешімі министрдің осы сөзін жүзеге асыру бағытында жасалған алғашқы қадамы деуге болады.

0