Әлихан Смайылов

Смайылов миллиардтаған сыртқы қарыздың қайдан шыққанын түсіндірді  

2155
(Жаңартылды 17:37 26.06.2019)
Қаржы министрі Қытайға мемлекет емес, жеке сектор қарыз екенін мәлімдеді

НҰР-СҰЛТАН, 26 маусым – Sputnik. Үкімет басшысының бірінші орынбасары – қаржы министрі Әлихан Смайылов сыртқы қарыздың қалай жинақталғанын түсіндірді, деп хабарлайды Sputnik Қазақстан тілшісі.

"Жалпы, сыртқы қарызымыз 160 миллиард долларға таяп қалды. Бірақ өткен жылдың қорытындысы бойынша 8,4 миллиард долларға қысқарды", - деді Смайылов.

Министрдің айтуынша, сыртқы қарыздың ішінде мемлекеттік сектордың үлесі 35 миллиард долларды құрайды. Бұл барлық борыштың – 22 проценті.

"Қалғаны – жекеменшік сектордың қарызы. Оның көлемі – 123 миллиард доллар немесе 78 процент. Соның ішінде 100 миллиардтан астамы – фирмааралық борыш. Ол дегеніміз, тікелей инвестициямен байланысты. Ондайда басқа мемлекеттердегі компаниялар өзінің еншілес компаниясына ақша береді, ол инвестиция болып саналады. Бірақ дәл сол ақша біздің төлем балансымызда борыш ретінде көрсетіледі", - деп атап көрсетті Смайылов.

Оның сөзіне қарағанда, Қазақстанға салынған тікелей инвестициялардың борыш ретінде көрсетілгені проблема емес. Сол инвестициялардың көп болғаны дұрыс. Себебі жаңа жобалар қолға алынады, қосымша жұмыс орындары ашылады, бюджетке салық төленеді.

"Негізі, фирмааралық борыштың көп болуы біз үшін жақсы. Ал Қытайдың алдында мемлекеттің борышы жоқ, тек жеке сектордың қарызы бар. Оның көлемі – 11,6 миллиард доллар. Соның жартысы – 5,1 миллиард доллар фирмаарлық борыш, яғни Қытайдың Қазақстанға салған инвестициялары. Банк секторының борышы – 1,6 миллиард доллар, ал басқа секторлар – 4,9 миллиард доллар", - деді Смайылов.

 

2155
Кілт сөздер:
Әлихан Смайылов, Қытай, сыртқы қарыз
Тақырып бойынша
Қазақстан Қытайдан қанша қарыз алады – парламент заң қабылдады
Қырғызстан Қазақстаннан 100 млн доллар көлемінде қарыз сұрауы мүмкін
"Қарызымыз бастан асады!" Депутат вице-министрдің сөзіне ашуланып кетті
"Самұрық-Қазына" халықаралық банктерге қарызын мерзімінен бұрын қайтарды
Қазақстанның мемлекеттік қарызы 14,2 триллион теңгеге жетті
Қазақстанның сыртқы қарызы көбейіп кетті: не болғанын министр түсіндірді  
Көлік, архивтегі сурет

"Көлікті ЕАЭО аймағынан шығару қажет": салықшылар ескерту жасады

119
(Жаңартылды 17:05 22.07.2021)
Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын

НҰР-СҰЛТАН, 22 шілде – Sputnik. Алматы қалалық мемлекеттік кірістер департаменті қыркүйектің соңына дейін шетелден әкелінген көліктерді Еуразиялық экономикалық одақтан шығару қажеттігін ескертті, деп хабарлайды Sputnik Қазақстан.

Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын. 2021 жылы 5 сәуірде қабылдаған № 25 шешімге сәйкес, ЕАЭО аймағына шетелден әкелінген көліктерді 30 қыркүйекке дейін жеке мақсатта пайдалануға рұқсат бар.

Одан бөлек, кеңес шешімі бойынша одаққа тұрақты түрде көшіп келуші, босқын немесе мәжбүрлі түрде көшіп келуші мәртебесін алған шетел азаматтары үшін жеке мүлікті 18 айға салықсыз әкелуге рұқсат беру режимі тоқтатылған еді. Осыған байланысты салықшылар қыркүйектің соңына дейін шетелден әкелінген көлікті ЕАЭО аймағынан шығару қажеттігін еске салды.

"Ондай көліктерді одақ аймағынан шығаруды сұраймыз. Ал осы санаттағы көлік 2021 жылдың 30 қыркүйегіне дейін Еуразиялық экономикалық одақтан шығарылмаса, кедендік баж бен салықтарды толығымен төлеуге тура келеді", - делінген ресми хабарламада.

119
Кілт сөздер:
ЕАЭО, видео, салық, көлік
Тақырып бойынша
Ақтауда жол апаты адам өмірін қиды: көлік ішінде түсірілген видео жарияланды
Қазақстанда көліктің электронды паспорты енгізілді
Көліктегі бас санитар дәрігердің жаңа қаулысы жарияланды
Ақтөбе облысында үш жасар бала ауладағы көліктің ішінде тірідей жанып кетті
Маман телефон көлікте қалып қойса не болатынын айтты
Қаржы пирамидасы

Екі мыңнан астам адам алданған: Қазақстанда тағы бір қаржы пирамидасы анықталды

56
(Жаңартылды 20:22 21.07.2021)
Келтірілген шығын 450 миллион теңгеден асқан. Алаяқтық схеманың  ұйымдастырушы 2 айға қамауға алынды

АЛМАТЫ, 21 шілде – Sputnik. Ақмола облысы бойынша қаржы мониторингі агенттігінің жергілікті департаменті LV Force қаржы пирамидасының заңсыз жұмысын тоқтатты. Бұл туралы қаржы мониторингі агенттігінің баспасөз қызметі хабарлады.

"Қабылданған шаралар нәтижесінде Шымкент, Алматы қалаларында және Шығыс Қазақстан, Батыс Қазақстан, Ақтөбе, Қызылорда, Маңғыстау облыстарында LV Force қаржы пирамидасының бөлімшелері жойылды. Қаржы пирамидасына 2 000-нан астам азамат тартылған", - делінген агенттік таратқан ақпаратта.

Келтірілген шығын 450 миллион теңгеден асқан. Қазір алаяқтық схеманың басты ұйымдастырушысы 2 айға қамауға алынды.

Соған байланысты қаржы мониторингі агенттігі азаматтарға Әкімшілік құқық бұзушылық туралы кодекстің 150-бабы ("қаржылық (инвестициялық) пирамиданың қызметiн жарнамалау") және Қылмыстық кодекстің 217-бабына ("қаржылық (инвестициялық) пирамиданы құру және оған басшылық ету") сәйкес әкімшілік және қылмыстық жауапкершілік қарастырылғанын еске салды.

Оқи отырыңыз: Алагөзова жарнамалаған қаржы пирамидасының тағы бір басшысы құрықталды 

Бұған дейін Алматыда World Business Consulting қаржы пирамидасын құрған бірнеше адамға қатысты сотқа дейінгі тергеу басталды.

Қаржы пирамидасын ұйымдастырушылар азаматтарға World trend Strategies, Confidence World Group, HUBB international, Riviera imperial, Asteco және басқа үлестес компаниялардың инвестициялық жобаларына қаржы құюды ұсынған.

Бұл компаниялар заңды қызметтен емес, жаңа салымшылардың қаражаты есебінен сыйақы алуға кепілдік берген.

56
Елдос Сметов түрік Мирхадж Аккушты жеңді

Токио Олимпиадасы: Елдос Сметов жартылай финалға шықты

0
Қазақстандық дзюдошы түрік палуаны Мирхадж Аккуш пен Корея спортшысы Ким Вон Джинді жеңді

НҰР-СҰЛТАН, 24 шілде – Sputnik. Токио Олимпиадасында қазақстандық дзюдошылар Елдос Сметов пен Отгонцэцэг Галбадрах алғашқы жекпе-жегін өткізді, деп хабарлайды Sputnik Қазақстан тілшісі.

Татамиге бірінші болып шыққан Отгонцэцэг Галбадрах қытайлық Янань Лиден иппонмен ұтылды. Ал Елдос Сметов түрік палуаны Мирхадж Аккуштан басым түсті. Қазақстандық дзюдошы өз қарсыласын иппонмен жеңді.

Осыдан кейін Сметов Оңтүстік Кореяның спортшысы Ким Вон Джинді жеңіп, жартылай финалға шықты. Оның келесі қарсыласы – жапондық Наохиса Такато.

Оқи отырыңыз: Қазақстандық боксшы Олимпиаданы жеңіспен бастады 

Айта кетейік, Токио Олимпиадасына алты қазақстандық дзюдошы аттанды. Олар: Елдос Сметов, Ерлан Серікжанов, Жансай Смағұлов, Дидар Хамза, Ислам Бозбаев және Отгонцэцэг Галбадрах.

Бас бапкер Ғалымжан Жылгелдиевтің айтуынша, кейбір салмақтарда жеребе ауыр түсті. Әсіресе команда көшбасшысы Елдос Сметовтың тобы мықты. Оған Жапония мен Грузияның мықты балуандарына қарсы шығуға тура келеді.

2016 жылы Рио Олимпиадасында Елдос Сметов күміс жүлдені иеленген болатын. Ал Отгонцэцэг Галбадрах "қола" ұтып алған.

0
Кілт сөздер:
дзюдо, Елдос Сметов
Тақырып:
Токио Олимпиадасы