Қазақстандық әскерилер, архивтегі сурет

Ресей Қазақстанға қандай қару-жарақ тасымалдап жатыр?

2005
Ресей мен Қазақстан арасындағы жылдық әскери тауар айналымы 18 миллиард долларға жетіп отыр

НҰР-СҰЛТАН, 18 шілде - Sputnik. Ресей қару-жарақ өндіру және экспорттаудан әлемде екінші орын алады, елдің қорғаныс өнеркәсібі кешені бірнеше жылға қамтамасыз етілген. Әскери шолушы Александр Хроленко Ресейдің Қазақстанға қандай қару-жарақ тасымалдайтыны туралы айтып берді.

Стокгольм халықаралық әлемдік мәселелерді зерттеу институтының (SIPRI) баяндамасына сүйенсек, Ресейдің қорғаныс өнімдері саудаға түсетін ірі нарықтар – Үндістан (27%) және Қытай (14%), ал посткеңестік кеңістікте – Әзербайжан, Беларусь және Қазақстан.

Тағы оқыңыз: Қазақстандағы қару-жарақтың жартысы Кеңес Одағынан қалған

"Вертолеты России" холдингі жыл басында "Қазақстан инжиниринг" компаниясы және №405 авиациялық жөндеу зауытымен бірге келісімшарт жасасып, соған сәйкес Қазақстанда Ми-8АМТ және Ми-171 тікұшақтары құрастырылатын болды. Ресейлік тікұшақтардың мықты сапасы мен беріктігі бүкіл әлемге әйгілі. Қазақстанда Ресейдің 200-ге тарта әскери және азаматтық тікұшақтары қолданылып жүр.

Сонымен қатар Қазақстан аумағында Ил-103М жаңартылған көпмақсатты жеңіл ұшағының өндірісі қолға алынбақ. Тиісті келісімге С.В. Ильюшин атындағы авиация кешені мен қазақстандық авиация зауыты қол қойды. Бірлескен кәсіпорын 2019 жылы іске кіріседі, ал 2022 жылдан бастап өнім тасымалданады.

Легкий многоцелевой самолет ИЛ-103
© Sputnik / Александр Поляков
Ил-103 ұшағы

Кеңес Одағы ыдырағаннан кейін Қазақстанның қорғаныс өнеркәсібі кешеніне 196 кәсіпорын мұраға қалды. Мұнда кеңестік торпедалар, зымырандар, зымыранға қарсы қорғаныс жүйелері, танктерге қаруландыру, барлау жүйелері, радиоэлектронды құрылғылар, артиллериялық жүйелер мен жаяу әскердің жауынгерлік көліктері шығарылатын. Қазірде Ресей мен Қазақстанның әскери-техникалық ынтымақтастығы қару-жарақ тасмылдаушыларын әртараптандыру саясатына қарамастан стратегиялық серіктестікке айналды.

Тағы оқыңыз: Ермекбаев Арыстағы әскери арсенал қашан көшірілетінін айтты

Ресей мен Қазақстан арасындағы жылдық тауар айналымы 18 миллиард долларға жетіп отыр. Әскери өнімдердің өзара тасымалы, қару-жарақ пен әскери техникаға қызмет көрсету және жөндеу, бірлескен ғылыми-зерттеу және тәжірибелік жұмыстар, бірлескен қорғаныс өнеркәсібі кешені кәсіпорындары, әскери және әскери-техникалық кадрды дайындау шаралары туралы белгілі болғанымен, жалпы алғанда Ресей мен Қазақстан арасындағы әскери-техникалық ынтымақтастықтың қаржы мәселесі құпия болып саналады.

2005
Кілт сөздер:
қару-жарақ, Қазақстан, Ресей
Иллюстративті фото

Brent мұнайының бағасы 40 доллардан төмендеді

22
Brent маркалы солтүстік теңіз мұнай қоспасының қаңтардағы фьючерстерінің бағасы барреліне 39,97 долларға дейін төмендеді

НҰР-СҰЛТАН, 28 қазан – Sputnik. Brent мұнайының бағасы едәуір төмендеді, оған сауда-саттық мәліметтері дәлел.

РИА Новостидің хабарлауынша, Brent маркалы мұнайдың бағасы 5 қазаннан бері алғаш рет барреліне 40 доллардан төмен түсті.  

Нұр-Сұлтан уақытымен сағат 17.38-дегі жағдай бойынша Brent маркалы солтүстік теңіз мұнай қоспасының қаңтардағы фьючерстерінің бағасы 3,92 процентке – барреліне 39,97 долларға дейін, WTI мұнайының желтоқсандағы фьючерстері 4,83 процентке, барреліне 37,66 долларға дейін төмендеді.

Оқи отырыңыз: Ұлттық банк теңгенің неге әлсіреп кеткенін түсіндірді 

Еске сала кетейік, мұнай бағасының арзандауына байланысты, сәрсенбіде Қазақстанның ұлттық валютасы долларға шаққанда 430,51 теңгеге дейін әлсіреді.

Қазақстан Ұлттық банкінің монетарлық операциялар департаментінің директоры Нұржан Тұрсынханов бұған дейін ұлттық валютаның айырбас бағамы туралы түсініктеме берген болатын.

22
Кілт сөздер:
мұнай бағасы
Тақырып бойынша
Назарбаев Абу-Дабидің тақ мұрагерімен телефон арқылы сөйлесті
Экономистер теңгенің болашағына болжам жасады
Мамин экономиканы қалпына келтіру жағынан артта қалған өңірлерді атады 
2021 жылы ЖОО оқытушыларының жалақысы қанша болады
"Инфляциядан төмен болады": депутаттар республикалық бюджеттің шикі тұстарын атады
Ақша, теңге, доллар

Ұлттық банк теңгенің неге әлсіреп кеткенін түсіндірді

167
Ұлттық валютаға мұнай бағасының төмендеуі әсер етуде, таңертеңгілік сауда-саттықта теңгенің долларға шаққандағы бағамы 430,20 теңгеден асқан

НҰР-СҰЛТАН, 28 қазан – Sputnik. Қазақстанның ұлттық валютасы тағы әлсіреп, 430 теңгеден асып кетті. Ұлттық банк валютаның айырбастау бағамына қатысты түсініктеме берді, деп хабарлайды Sputnik Қазақстан.

Ұлттық банктің монетарлық операциялар департаментінің директоры Нұржан Тұрсынхановтың айтуынша, теңгеге, ең алдымен, мұнай бағасының төмендеуі әсер етіп жатыр.

"Brent маркалы мұнай бағасы өткен жұмамен салыстырғанда 3%-тен астам төмендеді және бүгін бір баррель үшін 40,5 доллардан төмен деңгейге жетті.  АҚШ, Франция және Ресейді қоса алғанда, бірқатар елде COVID-19 жұқтырғандар санының күрт өсуіне байланысты сұраныс баяулайды деген қауіп бар. Бағаның төмендеуіне осы ықпал етіп отыр. Ливия ұлттық мұнай корпорациясының мұнай өндіру деңгейін тәулігіне 1 миллион баррельге дейін қалпына келтіру туралы хабарламасы "қара алтын" бағасына қосымша қысым көрсетті", - деді ол.

АҚШ-тағы шикі мұнай қорына қатысты жаңалық та мұнай бағасына әсер еткен.

"Әлемдік қор нарықтары теріс сентиментті де көрсетеді. Экономиканы қолдау шаралары мен фискалдық шаралар топтамасы бойынша келіссөздердегі үзіліс, сондай-ақ, эпидемиологиялық жағдайдың нашарлауы аясында АҚШ-тың акциялар нарығы сауда-саттықтың соңғы үш күнінде құлдырап жатыр. Еуропа нарықтары науқастардың көбеюіне байланысты енгізілген шектеу шаралары салдарынан төмендеуде", - делінген хабарламада.

Тағы оқыңыз: "Кредит кешірудің орнына жасауға болады": депутат ұсынысына Ұлттық банк жауабы

Осының аясында дамушы елдердің тәуекелді активтерге деген сұранысы төмендегені байқалады.

Ұлттық банктің мәліметінше, жұмамен салыстырғанда Мексика песосы долларға шаққанда 0,7%-ке, Ресей рублі 1,5%-ке, Бразилия реалы 1,6%-ке, ал Түркия лирасы 2,9%-ке әлсіреді.

"Түрік лирасының бағамы Түркия мен Францияның қарым-қатынасындағы шиеленістерге және орталық банктің негізгі мөлшерлемені өзгеріссіз сақтау туралы шешіміне байланысты рекордтық минимумды жаңартты. Ресей рублі салық аптасы аяқталғаннан кейін және дамушы елдер нарығындағы жалпы үрдістен кейін әлсіреді", - деп атап өтті Тұрсынханов.

Теңге бағамы сыртқы іргелі факторлардың әсерінен қалыптасты және энергия тасымалдаушылар мен дамушы елдер нарықтарындағы негізгі үрдістерге сәйкес келетін динамиканы көрсетеді, деп санайды ұлттық банк.

167
Кілт сөздер:
доллар, теңге, валюта, Ұлттық банк
Тақырып бойынша
Мемлекет бизнесті арзан несие беріп бүлдірмеуі тиіс – Ұлттық банк басшысының орынбасары
Ұлттық банк базалық мөлшерлемеге қатысты шешім қабылдады
Ұлттық банк экономикаға қатысты болжамын өзгертті
Қолма-қол ақша арқылы вирус жұқтыру қаупі бар – ұлттық банк түсініктемесі
Вакцинация от кори, архивное фото

Оңтүстік Кореяда тұмауға қарсы екпеден кейін 60-қа тарта адам көз жұмды

0
Бірақ елдің денсаулық сақтау министрлігі науқастардың өліміне вакцинаның қатысы жоқ екенін мәлімдеп,  процедураны жалғастыруға бел буды

НҰР-СҰЛТАН, 29 қазан – Sputnik. Оңтүстік Кореяда тұмауға қарсы вакцинациядан кейін 60-қа жуық адам қайтыс болды.

Бірақ үкімет осы процедураны жалғастыруға бел буып отыр. Денсаулық сақтау министрлігінде науқастардың өлімін вакцинамен байланыстырмайды, деп хабарлады "Хабар 24".

Дәрігерлердің айтуынша, вакцинациядан кейін қайтыс болғандардың барлығы, 17 жастағы пациенттен басқа, егде жастағы адамдар.

Денсаулық сақтау министрі оңтүстікореялықтарды екпеден қорықпауға шақырды және өзі осындай процедурадан өтті. Ол тек Кореяда жыл сайын үш мыңға жуық адам маусымдық тұмаудан қайтыс болатынын еске салды. Халық арасында вакцинацияға деген сенімсіздік осы айда тұмауға қарсы вакцинаның 1 миллионнан астам дозасы дұрыс сақталмау және пайдаланбау себептерін алып тастағаннан кейін туындады.

Ел үкіметі ақысыз вакцинация бағдарламасы жыл соңына дейін жалғасатынын айтты. Себебі маусымдық тұмау эпидемиясы COVID-19 бен күресті қиындатуы мүмкін. Вакцинаны тегін ала алатын 19 миллион Корея Республикасы азаматтарының 56%-іне екпе жасалды.

"Денсаулығы жақсы адамдарға ғана тұмауға қарсы екпе алуды ұсынамыз. Вакцинациядан кейін ауруханада 30 минут болу керек, адам өзін жақсы сезінген жағдайда кетуіне болады. Тұмау мен СOVID-19 эпидемиясының бірлесіп таралуы твиндемия деп аталады, сондықтан вакцинациялауды ұсынамыз. 70 жастан асқан және жүрек-қан тамырлары аурулары бар науқастар қауіпті топта. Вакцина алудан гөрі маска кию маңызды екенін баса айтқым келеді. Қолды мұқият жуып, дезинфекциялау керек. Жөтелген кезде аузыңызды қолмен жабыңыз", - дейді Тэгу қаласы алдын алу шаралары басқармасының басшысы Мин Пок Ки.

0