Сельскохозяйственная продукция, иллюстративное фото

Қазақстан мен Ресей өнім тасымалдау жөнінде келісімге келді

53
(Жаңартылды 19:29 20.08.2019)
Екі ел өзара өнім тасымалдауға қойылған шектеулерді алып тастаған

НҰР-СҰЛТАН, 20 тамыз — Sputnik. Ресейдің Федералды ветеринарлық және фитосанитарлық қадағалау қызметі бұған дейін Қазақстанның бес кәсіпорнына Ресейге өнім тасымалдауға қойылған шектеуді алып тастады. Қазақстан өз кезегінде ресейлік кәсіпорындарға қойылған шектеудің күшін жояды.

"Федералды ветеринарлық және фитосанитарлық қадағалау қызметі 2019 жылдың 21 тамызынан бастап Қазақстанның бес кәсіпорнына – "Өскемен құс фабрикасы", "ADM Investment", "Ордабасы-құс", "Париж коммунасы ХХ1" және Kazakh Osseter – Ресейге өнім тасымалдауға қойылған шектеуді алып тастады", - делінген ресми хабарламада.

Компаниялар құс еті мен жұмыртқа, қызыл ет және қызыл балық өндірісімен айналысады.

Тағы оқыңыз: Қазақстан мен Ресей шекараға қатысты мәселелерді келісті

Ресей мен Қазақстанның құзырлы ведомстволары арасында 15-16 тамызда өткен видео конференциялар нәтижесіндегі өзара келісім мен қазақстандық тараптың ұсынған кепілдемесіне байланысты осындай шешім қабылданған.

"Сонымен қатар Ресейдің Федералды ветеринарлық және фитосанитарлық қадағалау қызметі хабарлағандай, қазақстандық тарап ЕАЭО талаптарын бұза отырып, бес ресейлік кәсіпорынға қатысты заңсыз енгізген шектеулерді алып тастайтын болды", - делінген хабарламада.

"Приосколье", "Алтайский бройлер" құс етін өндірушілер мен "Расковский молзавод" сүт өнімдері компаниясы, "Микояновский мясокомбинат" және "ЕвроЭМ" ет өндірушілер, сондай-ақ "ФинИнвест" ААҚ Қазақстанға өнімдерін тасымалдайтын болады.

53
Кілт сөздер:
Қазақстан, Ресей
Тақырып бойынша
Қазақстан мен Ресей Каспий теңізінде жаңа жобаны қолға алды
Тоқаев Ресей Қазақстан үшін неге маңызды екенін айтты
Қазақстан мен Ресей премьерлері ынтымақтастықты нығайту мəселесін талқылады
ТМД-ның цифрлық интеграциясы: Қазақстан мен Ресей алда келеді
COVID-19 ауруханасы

COVID-19 ауруханасы төңірегіндегі дау: жемқорлыққа қарсы агенттік түсініктеме берді

1351
(Жаңартылды 18:47 22.01.2021)
18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды

НҰР-СҰЛТАН, 22 қаңтар – Sputnik. Сыбайлас жемқорлыққа қарсы іс-қимыл агенттігі Алматыда инфекциялық аурухана салу кезінде бюджет қаражатын жымқыру туралы іске түсініктеме берді, деп хабарлайды Sputnik Қазақстан тілшісі. 

"Қылмыстық іс ішкі мемлекеттік аудит актісі бойынша тіркелді. Тергеу барысында келтірілген нақты шығынды анықтау үшін актілер тексеріс жүргізу үшін тіркеледі. Ақшаның ұрланып-ұрланбағанын және сомасын анықтау үшін тиісті сараптамалар тағайындалады. Көп жағдайда бұрын айтылған шығын сомасы расталмай жатады, тіпті, істер тоқтатылған кездер де болған", - деп түсіндірді агенттіктің аса маңызды істер жөніндегі тергеушісі Данияр Биғайдаров брифингте. 

Айтуынша, қазір қылмыстық іс тергеліп жатыр. 

"Ақша шынымен жымқырылды ма, жоқ әлде бұл қандай да бір заңбұзушылық па, мұның бәрі тергеу барысында анықталады", - деп нақтылады ол.

Жемқорлыққа қарсы агенттік тергеу барысы туралы қосымша ақпарат береді. 

"БАҚ-та резонанс туғызбауды өтінеміз. Бұл акті бойынша әдеттегі тіркеу, бізде ондай көп. Тергеу барысы туралы қосымша хабарлаймыз", - деді Биғайдаров. 

COVID-19 ауруханасы төңірегіндегі дау

18 қаңтарда Алматы жайлы қалалық орта басқармасының басшысы Сапар Нұрашевқа қатысты сотқа дейінгі тергеу жүргізіліп жатқаны белгілі болды. Сонымен қатар, бұл іске "Bi-Industrial" ЖШС директорының да қатысы бар екені айтылды.

БАҚ хабарлағандай, олар COVID-19 науқастарына арналған модульдік аурухананы салу кезінде 3,9 миллиард теңге жымқырды деген күдікке ілінді.

Күдіктіге қатысты Қылмыстық кодекстің 189-бабы "сеніп тапсырылған бөтен мүлікті иемденіп алу немесе талан-таражға салу" бойынша қылмыстық іс қозғалғаны хабарланды. 

Бұл бап бойынша мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып немесе жеті жылдан он екі жылға дейінгі мерзімге бас бостандығынан айыру жазасы қарастырылған.

Бұған дейін БАҚ-та Сапар Нұрашевтың ұсталғаны туралы ақпарат тарады. Алайда қала әкімдігі мұны жоққа шығарды. 

Алматы әкімінің баспасөз қызметі Сапар Нұрашевтың өз жұмыс орнында екенін растайтын видео түсірді.

1351
Кілт сөздер:
түсініктеме, жемқорлық, коронавирус
Тақырып бойынша
Денсаулық министрі Тоқаевқа карантиннің күшейтілуі туралы айтып берді
"Мені ешқайда шақырмады": Нұрашев қылмыстық іс туралы ақпаратқа пікір білдірді  
BI Group басшысы миллиардтап қаржы жымқыру ісіне қатысты түсініктеме берді
Алматыда миллиардтап қаржы жымқыру ісі бойынша тергеу басталды
Жарамсыз әуе айлағын 240 миллион теңгеге сатып алған экс-әкімге сот үкімі шықты
Адам ақша ұстап тұр, архивтегі сурет

Қазақстанда 1 ақпаннан кейін кейбір банкноттар жарамсыз болады

4872
1 ақпаннан бастап Ұлттық банктің филиалдары ескі банкноттарды қабылдауды және айырбастауды тоқтатады

НҰР-СҰЛТАН, 21 қаңтар – Sputnik. Қазақстанның ұлттық банкі 2021 жылдың 1 ақпанында 2006 жылғы үлгідегі номиналы 2000, 5000, 10000 теңгелік банкноттарды қабылдау және айырбастау мерзімі аяқталатынын еске салды.

"Халықтың өтінішін ескеріп, банкноттарды қабылдау мерзімін ұзарту туралы шешім қабылдадық. Кейбір азаматтар, негізінен, зейнеткерлер белгілі бір себептерге байланысты ескі банкноттарды уақытында айырбастап үлгермеген", - деп мәлімдеді Ұлттық банктің баспасөз қызметінен.

1 ақпаннан бастап Ұлттық банктің филиалдары 2006 жылғы үлгідегі номиналы 2000, 5000, 10000 теңгелік банкноттарды қабылдауды және айырбастауды тоқтатады.

Осыған байланысты Ұлттық банк азаматтардан 1 ақпанға дейін ескі  банкноттарды ұлттық валютаның жарамды ақшасына айырбастап алуды сұрады.

Банкнота номиналом 10 000 тенге
Номиналы 10 000 теңгелік банкнот
 Банкнота номиналом 5000 тенге
Номиналы 5000 теңгелік банкнот
Банкнота номиналом 2000 тенге
Номиналы 2000 теңгелік банкнот

Жеке тұлғалар банкноттарды Ұлттық банктің филиалдарында ғана айырбастай алады. Филиалдардың мекенжайы мен байланыс нөмірлері сайтта көрсетілген.

21 қаңтардағы жағдай бойынша банкноттарды ауыстыруға ең көп сұраныс білдіргендер Алматыда (23,6%), Нұр-Сұлтанда (9,2%) Шымкент қаласы мен Түркістан облысында (8,5%) тіркелді. Бұл ретте айырбастауға қабылданған барлық банкноттың 42,4%-і 10 000 теңгелік номиналға тиесілі. Одан кейін номиналы 2 000 теңгелік (30,6%) және 5 000 теңгелік (27,0%) банкноттар.

4872
Кілт сөздер:
банкнот, Ұлттық банк
Жалғас Жұмағұлов

Жалғас Жұмағұлов UFC-дегі екінші жекпе-жегінде жеңіліп қалды видео

0
UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш

НҰР-СҰЛТАН, 24 қаңтар – Sputnik. Қазақстандық аралас жекпе-жек шебері Жалғас Жұмағұлов Әбу-Дабиде өткен UFC 257 турнирінде швед қарсыласынан жеңіліп қалды.

Ең жеңіл салмақтағы кездесу үш раундқа созылды. Төрешілер жеңісті бірауыздан Амир Альбазиге берді.

"Тартысты жекпе-жекте Жалғас Жұмағұлов Амир Альбазиге есе жіберді", - деп хабарлады UFCRussia Instagram-да.

Осылайша Жалғас аралас жекпе-жекте 13 рет жеңіске жетіп, бес кездесуін жеңіліспен аяқтады. Жұмағұлов UFC-ге алғаш рет өткен жылдың жазында шықты. Ол төрешілер шешімімен бразилиялық Раулиан Пайведен жеңілді, алайда бұл шешім көпшілік арасында дау тудырған еді.

Еске салсақ, UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш.

0
Кілт сөздер:
видео, аралас жекпе-жек