Ми-171 тікұшағы, архивтегі сурет

Қазақстан мен Ресей Алматыда Ми тікұшағын құрастырады

110
Екі елдің министрлері Ресейде құрастырылатын әуе борттары өндірісіне Қазақстанда шығарылатын өнімді интеграциялау мәселесін талқылады

НҰР-СҰЛТАН, 28 тамыз — Sputnik. 2020 жылдан бастап Қазақстан мен Ресей Ми азаматтық тікұшағын Алматы қаласында құрастыруға келісті, деп хабарлайды индустрия және инфрақұрылымдық даму министрлігінің баспасөз қызметі.

  Министр индустрии и инфраструктурного развития Казахстана Роман Скляр принял участие в 14-м Международном авиационно-космическом салоне «МАКС-2019», где встретился с министром промышленности и торговли России Денисом Мантуровым
© Photo : Официальный сайт министерства индустрии и инфраструктурного развития Казахстана
Қазақстанның индустрия және инфрақұрылымдық даму министрі Роман Скляр Ресейдің өнеркәсіп және сауда министрі Денис Мантуровпен кездесті

Ресейдегі Жуковский қаласында өтіп жатқан 14-ші "МАКС-2019" халықаралық ғарыш-авиация салоны аясында Қазақстанның индустрия және инфрақұрылымдық даму министрі Роман Скляр Ресейдің өнеркәсіп және сауда министрі Денис Мантуровпен кездесті.

"Кездесу барысында қос тарап 2020 жылдан бастап, №405 Алматы авиажөндеу зауытының базасында Ми азаматтық тікұшағын құрастыруға келісті", - делінген хабарламада.

Кездесу барысында қос мемлекет ұшақ құрастыру саласында жаңа жобаларды жүзеге асыруға уағдаласты. Бұл қазақстандық және ресейлік кәсіпорындарға бірігіп жұмыс істеуге мүмкіндік береді.

110
Кілт сөздер:
тікұшақ, Ресей, Қазақстан
Тақырып бойынша
Тікұшақ апатынан қаза тапқан әскерилердің отбасына бес жылдық жалақы төленеді
Қызылордада 13 әскеридің өмірін қиған тікұшақ апатына не себеп болды - бастапқы болжам
Көкте ұшақ пен тікұшақ соқтығысып қалды – жантүршігерлік апаттың видеосы
Белгілі миллиардер тікұшақ апатынан қаза болды
Украинада әскерилер мінген тікұшақ құлады – қаза тапқандар бар
Ақша санап отырған адам

"Айына 100 миллион табады": карантин пайдасын кімдер көріп отыр

1012
"Ақ жол" фракциясының депутаттары мониторингтік топтардың жұмысын сыбайлас жемқорлыққа қарсы іс-қимыл агенттігі бақылауға алуы қажет деп санайды

НҰР-СҰЛТАН, 2 желтоқсан – Sputnik. Мониторингтік топтардың басшылары кәсіпкерлерді ірі айыппұлмен қорқытып, тұрақты "алым-салық" жинайды деген ақпарат бар. Олардың бір айлық табысы 100 миллионға жетуі мүмкін. Бұл туралы мәжіліс депутаты Азат Перуашев мәлімдеді, деп хабарлайды Sputnik Қазақстан тілшісі.

Бұған дейін "Ақ жол" фракциясы премьер-министрдің атына депутаттық сауал жолдап, орта және шағын бизнесті тексеріп жүрген мониторингтік топтар жұмысын реттеуді талап еткен болатын. Себебі заңсыз қысым жасау фактілері жиілеп кеткен.  

"Біздің сауалымыздан кейін осы мәселеге қатысты арыз-шағымдар көбейіп кетті. Өңірлерден хабарласып жатқан кәсіпкерлер мониторингтік топтарға қатысты тағы бір мәселе туралы айтты. Олар шенеуніктердің туған-туыстары ұстап отырған мейрамханалар мен клубтарды айналып өтеді екен, еш тексермейді. Осы санаттағы орындар карантин басталғалы тәулік бойы істейді-міс", - деді Перуашев мәжілістің жалпы отырысында. 

Оның айтуынша, мониторингтік топтардың басшылары ірі айыппұлмен қорқытып, тұрақты "алым-салық" та жинайды деген ақпарат бар. Тіпті, 50 мың теңге көлемінде апталық тариф енгізілген. 

"Бүгінде ірі қалалар мен облыс орталықтарында, шамамен, 1-2 мың қоғамдық тамақтану орны мен басқа да қызмет көрсету нысандарының бар екенін ескерсек, әрбір қалада тексерушілердің "рентасы" бір айда 100 миллион теңгеден асуы мүмкін. Бұның барлығын онсыз да қиын жағдайға тап болған орта және шағын бизнес көтеруге мәжбүр. Ал "алым-салықты" төлеуден бас тартқан кәсіпкерлерге айыппұл салынып, БАҚ қатысуымен демонстрациялық тексеріс жасалады", - деп атап көрсетті Перуашев.

Осы орайда депутат мониторингтік топтарды құру тәртібі мен өкілеттілігі заңмен реттелмегенін тағы бір мәрте еске салды. Мәселен, Кәсіпкерлер кодексі бойынша тексерісті осы салаға жауапты мамандар жүргізуі тиіс. 

"Алматыда санитарлық эпидемиологиялық қызмет мамандарына мониторингтік топ жұмысына қатысуға тыйым салынған. Демек, барлық тексеріс заңсыз жүргізіледі. Біз тәртіп бұзатындарды қорғап отырған жоқпыз. Заңды сақтауды ғана талап етеміз. Себебі пара беру арқылы тексерістен құтылған орындар қауіпсіздік шараларын сақтамай, жұмыс істейді. Сөйтіп, инфекцияны тарату ошағы болып қала береді. Ондайда мониторингтің нәтижесі де болмайды", - дейді Перуашев.

"Ақ жол" фракциясының депутаттары мониторингтік топтардың жұмысын сыбайлас жемқорлыққа қарсы іс-қимыл агенттігі бақылауға алуы қажет деп санайды. Ал айыппұлдардың көлемін екі есе төмендету керек. Сонда пара бергеннен гөрі айыппұл төлей салу жеңіл болады.

1012
Кілт сөздер:
миллион теңге, Азат Перуашев, карантин
Тақырып бойынша
"Ақырзаман сияқты": Нығматулин карантин кезінде халықты шошытқан ақпарат туралы айтты
"Жеке пікірі ме?": Перуашев кімдердің жұмысына көңілі толмай отырғанын айтты
"Төреғали қарындасын ұзатты": Полиция карантин кезінде той ұйымдастырғандарды анықтады
Депутат Әлтаев Nur Otan қатарынан шығарылды
Перуашев зейнетақы мен жәрдемақыны басқаша есептеуді талап етті
Қол, жер

"Жер учаскелерін беру тәртібі жеңілдейді": заң жобасы әзірленді

48
Заң жобасы біраз қызметтерді электронды форматқа ауыстыруға, жер учаскелерін беру тәртібін оңайлатуға, жалпы, халыққа көрсетілетін қызметтердің сапасын жақсартуға мүмкіндік береді

НҰР-СҰЛТАН, 2 желтоқсан – Sputnik. Парламентке енгізілген заң жобасы аясында жер учаскесін беру тәртібі жеңілдетіледі. Бұл туралы үкіметтің бүгінгі отырысында премьер-министр Асқар Мамин айтты, деп хабарлайды Sputnik Қазақстан тілшісі.  

"Тағы бір маңызды мәселе – жер қатынастарын цифрландыру. Жылжымайтын мүліктің бірыңғай мемлекеттік кадастрын жасау бойынша ауқымды жұмыс жасалып жатыр. Ол жер учаскелері, құрылыстар мен ғимараттар жөніндегі деректерді қамтитын болады", - деді Мамин.

Үкімет парламентке жылжымайтын мүліктің бірыңғай мемлекеттік кадастры шеңберінде мемлекетте көрсетілетін қызметтерді цифрландыруға арналған заң жобасын енгізді. Құжат біраз қызметтерді электронды форматқа ауыстыруға, жер учаскелерін беру тәртібін оңайлатуға, жалпы, халыққа көрсетілетін қызметтердің сапасын жақсартуға мүмкіндік береді, деп отыр премьер.

Үкімет басшысы отандық агроөнеркәсіп кешенін толығымен цифрландыру басты міндет екенін ерекше атап өтті. Соның арқасында өнім өндіру шығындары азайып, сапаны жақсартуға мүмкіндік бар.

"Жалпы, ауыл шаруашылығы мақсатындағы 100 миллионнан астам гектар жер 5 жылдың ішінде цифрландырудан өткізіледі. Оған мемлекеттік-жекешелік әріптестік аясында 50 миллард теңге көлемінде инвестиция қажет болады. Қазірдің өзінде осы саланы цифрландырудың нәтижесінде тиімді тәжірибе жинақталды. Алдағы уақытта цифрландыру есебінен астық жинау жылына 25 миллион тоннаға дейін ұлғаяды", - деп атап өтті Мамин.

Бұдан бөлек, цифрландыру шараларының нәтижесінде өсімідік және мал шаруашылығы саласындағы өнім өндіру 20 процентке дейін артады. Ал фермерлердің шығыны 15 процентке азаяды.

 

48
Кілт сөздер:
жаңа тәртіп, заң жобасы, жер
Тақырып бойынша
"Жерді ешкімге де бермейміз": Назарбаева қазақстандықтардың басты жауын атады
Қазақстан Байқоңыр маңындағы жерді қайтарады – президент заңға қол қойды
Ағылшын саяхатшысын таңғалдырған жер: депутат Қапал ауылының жағдайына алаңдады
Ресей Қазақстанға қанша гектар жерді қайтарады – сенат заң қабылдады
Министрлік жерді тиімсіз игеретін шаруалардың "қара тізімін" жариялайды
Нұр-Сұлтан қаласы

Қазақстанда 3 желтоқсанда қандай маңызды оқиғалар болады

0
Sputnik Қазақстан 3-15 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

3 ЖЕЛТОҚСАНҒА ЖОСПАРЛАНҒАН ШАРАЛАР

10.00 – Парламент сенатының отырысы. www.parlam.kz сайтында онлайн режимінде көрсетіледі.

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

11.00 – "2020 жылға арналған "Самұрық-Қазына"АҚ сатып алу процестерін жетілдіру нәтижелері" деген тақырыпта онлайн брифинг. Спикер –  "Самұрық-Қазына" қоры басқарма төрағасының орынбасары Ә.Пірметов. Тіркелудің аяқталу күні мен уақыты – 2 желтоқсан сағат 18.00-ге дейін. Тіркелуге арналған байланыс: press@sk.kz, +7 700 545 02 01. Трансляцияға сілтеме тікелей тіркелген журналистерге жіберіледі.

4 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

8 ЖЕЛТОҚСАНҒА ЖОСПАРЛАНҒАН ШАРАЛАР

10.00 - Алтыншы шақырылған Алматы қаласы мәслихатының сессиясы бейнеконференц-байланыс режимінде өтеді. Күн тәртібі – Алматы қаласының 2021-2023 жылдарға арналған бюджеті. Бандамашы – Алматы қаласы стратегия және бюджет басқармасының бастығы Батанов Алмас Сұлтанұлы.

9 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры ресейлік және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)

11 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

10.00 - Алтыншы шақырылған Нұр-Сұлтан қаласы мәслихатының кезекті сессиясы Zоm сервисінің бейнеконференц-байланыс алаңында өтеді. Сессияның қарауына мынадай мәселелер ұсынылады:

  • Нұр-Сұлтан қаласын газдандыру бағдарламасы;
  • 2021-2023 жылдарға арналған Нұр-Сұлтан қаласының бюджеті;
  • Нұр-Сұлтан қаласы мәслихаты хатшысының 2020 жылы атқарылған жұмыс туралы есебі;
  • мәслихаттың құрылыс, экология, көлік, сауда және тұрғын үй-коммуналдық шаруашылық мәселелері жөніндегі тұрақты комиссиясының есебі;
  • жер учаскелерін мемлекет қажеттілігі үшін алып қоюға байланысты жер учаскелерін немесе басқа жылжымайтын мүлікті иеліктен шығару туралы келісімдердің жобалары.

12 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)

15 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 – "Жас Абай" драмасының премьерасы. Режиссер – Нұрлан Жұманиязов (Nomad City Hall, байланыс телефоны: +7 775 284 02 96)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0