Ақша, архивтегі сурет

Табыс салығынан кімдер босатылуы мүмкін?

1521
(Жаңартылды 16:25 03.09.2019)
Нақты кімдердің салықтан босатылатыны ұлттық экономика министрлігі, қаржы министрлігі және бизнеспен бірге талқыланатын болады

НҰР-СҰЛТАН, 3 қыркүйек – Sputnik. "Атамекен" ұлттық кәсіпкерлер палатасы Тоқаевтың тапсырмасына қатысты түсініктеме берді. Кешегі жолдауда мемлекет басшысы микро және шағын бизнесті үш жылға табыс салығынан босатуды тапсырған болатын, деп хабарлайды Sputnik Қазақстан тілшісі.

Палатаның салық салу департаментінің директоры Жеңіс Жанболатованың айтуынша, бүгінгі заңнамада микро және шағын бизнестің нақты түсініктемесі бар. Алайда Кәсіпкерлік кодексінде бір анықтама берілсе, Салық кодексінде ол анықтама сәл басқаша жазылған. Енді табыс салығынан босатқан кезде қай анықтаманы негізге алу керек екенін анықтап алған жөн.

"Мәселен, Кәсіпкерлік кодексінде микро және шағын бизнестің нақты санаттары көрсетілген. Жұмысшылардың саны - 15 адам, ал орташа жылдық табысы шамамен 75 миллион теңге болатын бизнесмендер микро кәсіпкерлікке жатады. Ал шағын кәсіпкердің жұмысшылары 100 адамнан аспайды. Орташа жылдық табысы 757 миллион теңгенің шамасында", - деді Жанболатова Sputnik Қазақстан тілшісіне берген сұқбатында.

Дегенмен, Салық кодексінде де шағын кәсіпкерліктің анықтамасы бар. Осы құжатта салық режиміне қарай шағын бизнестің нақты санаттары көрсетілген. Мысалы, белгіленген сомадан ұстап қалуға негізделген арнайы салық режимі бойынша шағын кәсіпкердің жұмысшылар саны – 50 адам, ал шекті табысы - 364 миллион теңге. Бұдан бөлек, оңайлатылған декларация негізінде бизнес ашқандар бар. Олардың жұмысшылары 30 адамнан аспауы шарт. Осы санаттағы кәсіпкерлердің орташа жылдық табысы 121 миллион теңге болуы қажет. Сосын патентпен жұмыс жасайтын кәсіпкерлер туралы жазылған. Олардың жылдық табысы шамамен 9 миллионнан аспауы тиіс.

Тағы оқыңыз: Шағын бизнес салықтан қашан босатылатыны белгілі болды

"Иә, жұмысшыларды мүлдем ұстамайтын шағын бизнес өкілдері де бар. Мысалы, жалғыз кәсіпкер аяқ киім жөндеумен айналысады. Ондай адамдар, көбінесе, патентпен жұмыс істейді. Бәлкім, осы жеке кәсіпкерлерді табыс салығынан босатады. Дегенмен, дәл қазір кімді босататынын айту қиын. Біз оны әлі мемлекеттік органдар – ұлттық экономика министрлігі, қаржы министрлігі және бизнеспен бірге талқылаймыз. Президент микро мен шағын бизнесті босатсын деді. Енді осы тапсырманы орындаған кезде қай анықтаманы қолданатынымызды шешуіміз керек", - деп атап өтті Жанболатова.

Айта кетейік, мемлекет басшысы Қасым-Жомарт Тоқаев халыққа арнаған алғашқы жолдауында микро және шағын бизнесті үш жылға табыс салығынан босатуды тапсырды. Соған қатысты заң жобасы осы жылдың аяғына дейін әзірленеді. Ал жеңілдік келесі жылдан бастап енгізілмекші. Бұдан бөлек, микро және шағын бизнесті үш жыл бойы тексеруге тыйым салынады.

1521
Кілт сөздер:
"Атамекен" ҰКП, бизнесмендер
Тақырып:
Президент жолдауы - 2019 (26)
Тақырып бойынша
Қазақстанда жаңа салық енгізілді: оны қанша адам төледі
Жалпыға бірдей декларация: қазақстандықтар тойдан түскен ақшаның да есебін тапсырады
Қазақстанда шағын бизнес салықтан босатылады – президент жолдауы
Калькулятор, архивтегі сурет

"Инфляциядан төмен болады": депутаттар республикалық бюджеттің шикі тұстарын атады

18
(Жаңартылды 13:28 21.10.2020)
Коммунистер атаулы әлеуметтік көмек алатын адамдар саны жыл сайын 120 мыңға азаяды дегенге күмәнмен қарайтынын білдіргенімен, заң жобасын қолдап дауыс берді

НҰР-СҰЛТАН, 21 қазан – Sputnik. Парламент мәжілісінің депутаттары 2021-2023 жылдарға арналған республикалық бюджеттің шикі тұстарын атады, деп хабарлайды Sputnik Қазақстан тілшісі.

Депутаттың айтуынша, осы жолы да бюджетте шикізаттық секторға басымдық беріліп, табыстың басым бөлігін мұнаймен толтыру жоспарланып отыр. Бұл стратегия президент қойған мақсат-міндеттерге сай келмейді.

Сондай-ақ, ол 2021 жылы ішкі жалпы өнім 2,8 процентке өседі деп көрсетілгенін еске салды.

"Бұл дегеніміз, экономика 2019 жылдың деңгейіне де шыға алмайды деген сөз. Ал 2025 жылға қарай 4,6 процентке дейінгі өсім бір ғана фактордың арқасында болады делінген. Ол – мұнай өндіруді 17 процентке арттыру және экспорт көлемін ұлғайту. Ондай стратегия президент қойған міндеттерге сай келмейді. Мемлекет басшысы шикізаттық емес экономиканы дамытуды тапсырған", – деді Қоңыров мәжілістің жалпы отырысында.

Оның сөзіне қарағанда, мұндай жағдайда мемлекеттік бағдарламаларды іске асыру шаралары да мұнайдың әлемдік бағасына тәуелді болады. Себебі қаржының басым бөлігі шикізат экспортынан түседі.

"Бұған дейін әлеуметтік шығындар көбейді деп айтылды. Алайда коммунистер үш жылдық бюджетті әлеуметтік салаға бағытталған дей алмайды. Экономикалық ынтымақтастық және даму ұйымына мүше елдерде әлеуметтік шығындар ішкі жалпы өнімнің 15-30 процентін құрайды. Соның ішінде зейнетақы, денсаулық сақтау, әлеуметтік қызметтер, жұмысшы халықты қолдау және тағы басқа шаралар бар. Ал Қазақстанда әлеуметтік салаға жұмсалатын шығындарға сан алуан инвестициялық жобалар да кіреді. Ондай жобалардың бенефициары – бизнес құрылымдар", – деп атап көрсетті Қоңыров.

Зейнетақыны көбейтудің кемшілігі қандай?

Осы орайда депутат үш жылдық бюджетте көрсетілген маңызды бір мәселеге назар аударды. Ол жерде инфляцияны ескере отырып, ынтымақты зейнетақының көлемін көтеру туралы айтылған.

"Ынтымақты зейнетақының көлемін көтергенде инфляция деңгейінен 2 процентке артық меже ескеріледі деген. Алайда 2021 жылы зейнетақының орташа мөлшері 5,7 процентке көтеріледі. Мұның өзі инфляциядан төмен болып тұр", – дейді Қоңыров.

Бұдан бөлек, келесі жылы атаулы әлеуметтік көмекті 979 мың адам алады деген жоспар бар. Олардың қатары жыл сайын 120 мың адамға азаяды. Қоңыров ондай есеп-қисаптың экономикалық негізі жоқ деп санайды. Себебі қазіргі жағдайда соншама көп адамның мемлекеттік көмек алатындардың қатарынан жылдам шығуы мүмкін емес. Соған қарамастан, коммунистер заң жобасын қолдады және өз ұсыныстарын ескеруді сұрады.

Оқи отырыңыз: Қазақстанда инфляция 9-11% шамасында болжанып отыр

Айта кетейік, бүгінгі отырыста депутаттар үш жылдық бюджет туралы заң жобасы бірауыздан мақұлдады.

18
Кілт сөздер:
депутаттар, республикалық бюджет
Тақырып бойынша
2019-2021 жылдарға арналған республикалық бюджет халыққа жұмсалмақ
Нұр-Сұлтанда бюджет 32 миллиард теңгеге оңтайландырылды
Министр Жамаубаев бюджет ақшасын игермеген мемлекеттік органдарды атады
Жыл соңына дейін инфляция 8%-ке дейін өседі 
Шымкенттің мәртебесіне байланысты республикалық бюджет қайта қаралды
мәжіліс отырысы

Мамин бастаған үкімет мүшелері мәжіліске келді

1055
(Жаңартылды 10:45 21.10.2020)
Мәжілісте 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасы қаралып жатыр

НҰР-СҰЛТАН, 21 қазан – Sputnik. Премьер-министр Асқар Мамин бастаған үкімет мүшелері мәжіліске келді, деп хабарлайды Sputnik Қазақстан тілшісі.

Отырыстың басында депутаттар экономикалық өсуді қамтамасыз ету бойынша кейбір заңнамалық актілерге өзгерістер мен толықтырулар енгізу туралы заң жобасын жұмысқа алды. Депутат Нұртай Сабильяновтың айтуынша, осы құжат аясында 14 кодекске және 67 заңға өзгеріс енгізіледі. Соның ішінде кәсіпкерлік қызмет, бюджет, жер, экология, агроөнеркәсіп, сәулет, құрылыс, денсаулық сақтау, білім беру, микроқаржыландыру, жасанды интеллект және тағы басқа салалар бар.

"Экономикалық реформа және өңірлік даму комитеті осы заң жобасын жұмысқа алуға және ол бойынша 2021 жылдың 17 наурызына дейін қорытынды әзірлеуге дайын", - Сабильянов.

Осыдан кейін депуттаттар "Ұлттық қордан 2020-2022 жылдарға арналған кепілдендірілген трансфет туралы" заңға өзгеріс енгізу мәселесін қарады. Ұлттық экономика министрі Руслан Дәленов нақтыланған бюджет бойынша Ұлттық қордан кепілдендірілген трансферттің мөлшері 4 триллион 770 миллиард теңге көлемінде айқындалғанын жеткізді.

"Заң жобасында 2020 жыл бойынша осы соманы қолданыстағы кепілдендірілген трансферт туралы заңда белгілеу көзделеді", - деп атап көрсетті Дәленов.

Мәжіліс кепілдендірілген трансфет туралы заң жобасын бірауыздан мақұлдады. Осыдан кейін депутаттар 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасын қарауға кірісті.

Осы мәселе бойынша ұлттық экономика министрі, қаржы министрі мен ұлттық банк басшысы баяндама жасады. Қазіргі кезде талқылау басталып кетті.

1055
Кілт сөздер:
Асқар Мамин, үкімет, Мәжіліс
Қазақстанда қар аралас жаңбыр жауып, түнде аяз болады

Қазақстанда қар аралас жаңбыр жауып, түнде аяз болады

362
(Жаңартылды 13:55 21.10.2020)
Скандинавия циклоны ылғалды және суық ауа массаларын әкеледі, соған байланысты өңілерде күн бұзылады

АЛМАТЫ, 21 қазан – Sputnik. Қазақстанда алдағы үш күнде күн суытады, деп хабарлады Қазгидромет мамандары.

Синоптиктердің болжамына сәйкес, елімізде 22-24 қазан күндері қар аралас жаңбыр жауады. Оңтүстік-шығыс пен шығыста жауын-шашын мол түседі.

Кей жерде тұман, көктайғақ болып, жел күшейеді. Шығыста таулы және тау бөктеріндегі аймақтарда апта соңында бұрқасын болуы мүмкін.

Еліміздің солтүстік және орталық аудандарында түнде ауа температурасы 5-13 аязға дейін төмендейді, ал оңтүстік өңірде 3 градус аяз болады.

Оқи отырыңыз: Биылғы қыс қандай болады – синоптиктер болжам жасады

 

362
Кілт сөздер:
аяз, жаңбыр, қар