Беларусь ауыл шаруашылығы және азық-түлік министрлігі сыртқы экономикалық қызмет бас басқармасының бастығы Алексей Богданов

 Қазақстан мен Беларусь бірлесіп ветеринарлық препараттар өндіреді

84
Беларусь ауыл шаруашылығы министрлігінің өкілі Қазақстанмен өзара сауданы ұлғайтуға қатысты қандай жоспарлар жасалғанын айтты

НҰР-СҰЛТАН, 24 қазан – Sputnik. Қазақстанда Беларусьпен бірлескен ветеринарлық биологиялық препараттар шығаратын ірі кәсіпорын құрылады. Бұл туралы Sputnik Қазақстанға Қазақстан-Беларусь форумы кулуарында Беларусь Республикасы ауыл шаруашылығы және азық-түлік министрлігі сыртқы экономикалық қызмет бас басқармасының бастығы Алексей Богданов айтып берді.

Нұр-Сұлтандағы форум қарсаңында Беларусь пен Қазақстанның ауыл шаруашылығы министрліктері арасындағы ынтымақтастықты дамыту бойынша жұмыс тобының алғашқы отырысы өтті.

"Біздің елдің "БелВитунифарм" компаниясының ветеринариялық препараттарын шығаратын Қазақстан аумағында бірлескен кәсіпорын құру туралы меморандумға қол қойылды", - деді Богданов.

Сондай-ақ, жұмыс тобының отырысында хаттама жасалды, онда асыл тұқымды мал шаруашылығы, беларусьтік етті және сүтті ірі малды жеткізу бағыттары бекітілді.

"Беларусь біздің өндіріс пен қайта өңдеу саласы үшін Қазақстаннан астық дақылдарын жеткізуге мүдделі", - деп атап өтті Богданов.

Қазақстан-Беларусь форумы аясында Рогачев сүт-консерві комбинатына сүт өнімдерін жеткізу үшін миллион доллардың келісімшарты жасалады.

"Жалпы, біз Қазақстанға көптеген өнімді – сүт және ет жеткіземіз. Өткен жылы бұл 311 миллион АҚШ долларын құрады, биыл 8 айда – 187 миллион доллар", - деп түйіндеді Богданов.

Ауыл шаруашылығы министрлігінің өкілі форум мен жұмыс тобының отырысы екіжақты қатынастарды дамытуға жаңа серпін беретініне сенім білдірді.

Айта кетейік, форум Беларусь президенті Александр Лукашенконың 24-25 қазанда өтетін Қазақстанға ресми сапарына арналған.

Форум аясында құны 75 миллион доллардан асатын 15 келісімшартқа қол қойылады.  

84
Кілт сөздер:
кәсіпорын, Беларусь
Тақырып бойынша
Лукашенко Тоқаевтың саясаты қандай екенін айтты
Беларусь президентінің Қазақстанға не үшін келетіні белгілі болды
"Бас тарта алмаймыз": вице-премьер Қытаймен бірлескен 55 жоба туралы айтты
Қазақстанда жалпы ішкі өнім 4,3%-ке дейін өсті
Нұр-Сұлтанда Беларусь елшілігінің жаңа ғимараты ашылды
Құжатқа қол қою

Кәсіпкерлер барлық мемлекеттік қызметті жеке кабинет арқылы алатын болады

69
(Жаңартылды 16:24 30.10.2020)
"Атамекен" палатасы мен үкімет өзара келісімге қол қойылды. Соның негізінде мемлекеттік ақпарат базаларымен интеграция жасалады

НҰР-СҰЛТАН, 30 қазан – Sputnik. "Атамекен" палатасының басқарма төрағасы Абылай Мырзахметов үкіметпен арадағы келісімге қол қойылғанын мәлімдеді, деп хабарлайды Sputnik Қазақстан тілшісі.

"Күні кеше біз үкіметпен арадағы келісімге қол қойдық. Соның негізінде  мемлекеттік ақпарат базаларымен интеграция жасалады. Сонда кәсіпкерлер өзіміздің atameken.kz сайтындағы жеке кабинеті арқылы барлық мемлекеттік қызметті ала алады. Мемлекеттік сатып алулар туралы ақпарат та ұсынылады", - деді Мырзахметов орталық коммуникациялар қызметінде өткен онлайн брифингте. 

Палата басшысының айтуынша, бухгалтерлік және заңгерлік қызметтер де болады. Ал, ең бастысы, "Бизнес петициялар" деген бөлім ашылды. 

"Мысалы, маңызды мәселе жарияланады. Кәсіпкерлер оны белгілеп, өз даусын береді. Сонда өзекті деген мәселелер бірден көрініп тұрады. Ал үкімет тиісті шараларды шұғыл қолға алатын болады. Кешегі келісімшартта осы мәселе де жазылған. Барлығы цифрлық форматта жасалады. Әрине, олай жұмыс істеген ыңғайлы әрі тиімді", - деп атап көрсетті Мырзахметов. 

Бүгінде микро және шағын бизнесте кәсіби бухгалтерлер аз, заңгерлік көмек те жетіспейді. Ал келісім аясында әрбір шағын кәсіпкердің жеке кабинетіне қажетті ақпарат жіберіледі. Сондай-ақ, бизнес қай нарықтарға өз тауарын шығара алатынын біле алады. Үкімет болса, бизнес жағдайға қатысты толыққанды талдауды көреді және осы саладағы саясатты дер кезінде өзгертіп тұрады.

 

69
Кілт сөздер:
құжат, бизнес, Қазақстан
Тақырып бойынша
Назарбаевтың өзі сияқты: отандық кәсіпкер Елбасы костюмдерін кімнің киіп көретінін айтты
Мырзахметов пандемия туралы: келесі жылдың аяғына дейін жалғасуы мүмкін
Қазақстаннан көшіп кеткен кәсіпкер туған ауылына 30 мың доллардың дәрісін жіберді
Мамин пандемия кезінде бизнеске қандай қолдау көрсетілетінін айтты
Тоқаев карантинге байланысты қазақстандықтарға үндеу жасады
Дәмхана, архивтегі сурет

Мырзахметов пандемия туралы: келесі жылдың аяғына дейін жалғасуы мүмкін

120
Карантиндік шектеулер кезінде 132 мыңнан астам адам шығынға батты. Бұдан бөлек, бір миллионға жуық бизнесмен коронавирус пандемиясынан зардап шекті

НҰР-СҰЛТАН, 30 қазан – Sputnik. "Атамекен" палатасының басқарма төрағасы Абылай Мырзахметов кәсіпкерлерді мазалап жүрген негізгі мәселе туралы айтты, деп хабарлайды Sputnik Қазақстан тілшісі.

"Отандық кәсіпкерлерді мазалап жүрген мәселеге келетін болсақ, пандемия көп нәрсені шектеп отыр. Көптеген салада бизнестің жабылып қалу қаупі бар. Бұл оңай кезең емес. Қазіргі болжамдар бойынша тағы жарты жыл, бәлкім, келесі жылдың аяғына дейін жалғасатын шығар", - деді Мырзахметов орталық коммуникациялар қызметінде өткен онлайн брифингте. 

Оның айтуынша, бизнеске карантиндік шектеулерден аман шығу маңызды. "Атамекен" палатасы өз кезегінде отандық кәсіпкерлерге барынша көмек көрсетіп, үкіметке өзекті проблемаларды жеткізіп тұрады. Қазірдің өзінде бизнес салық, кредит, жалға алу ақысы және әлеуметтік төлемдер жағынан жеңілдік жасап беруді жиі сұрайды. 

"Кәсіпкерлердің көбісі арзан кредиттер мен қайта қаржыландыруды сұрайды. Бүгінде бизнес үшін барлық бағдарламалар бойынша 6 проценттік мөлшерлеме белгіленген. Алайда кәсіпкерлер 2 процентке дейін төмендетуді сұрайды, я болмаса, Ресейде сияқты 0 процентке түсіру керек дейді. Бәлкім, локдаун қайталанса, осы шараларды қарастыруға болады. Президент тапсырма берді, біз үкіметпен бірге сан алуан сценарийді пысықтап жатырмыз", - деп атап көрсетті Мырзахметов.

Оның сөзіне қарағанда, "Атамекен" палатасы ұлттық экономика министрлігімен бірлесіп, зардап шеккен салалардың тізімін кеңейту жағын қарастыруда. Қазіргі мәліметке сәйкес, карантиндік шектеулер кезінде 132 мыңнан астам адам қатты шығынға батты. Бұдан бөлек, бір миллионға жуық бизнесмен коронавирус пандемиясынан әртүрлі мөлшерде зардап шекті.

120
Кілт сөздер:
"Атамекен" ҰКП, карантин, коронавирус, Абылай Мырзахметов
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Коронавирустың екінші толқыны: азық-түлік бағасы қандай болады
ДДҰ коронавирус туралы: бұл соңғы пандемия емес
Бір минут үнсіздік: Тоқаев пандемия құрбандарын еске алды – видео
Тоғжанов пандемия кезінде азаматтардың өзін-өзі ұстау ережелерін әзірлеуді тапсырды
Қар, архивтегі сурет

Қазақстанда 1 қарашада қандай маңызды оқиғалар болады

10
(Жаңартылды 14:55 31.10.2020)
Sputnik Қазақстан 1 -14 қараша аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

1 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

18.00 - "Астана Операда" "l`esprit du vents" камералық музыка кеші.  Дамиля Махпірова, Әсет Нелдібаев, Гүлжанат Жанатаева өнер көрсетеді (Қонаев көшесі, 1).

Алматы

11.00 – "Алмакон" халықаралық комикстер фестивалі. Бәрібаев көшесі, 36. Байланыс телефоны: +7 (771) 462-85-52).

2 ҚАРАШАҒА ЖОСПАРЛАНҒАН ШАРАЛАР

19.00 – "Сарыарқа" фольклорлық ансамблінің "Ауылым – алтын бесігім" онлайн-концерті (@astana_philharmonic Instagram парақшасында).

4 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

19.00 – "Абай әлемі" топтамасынан концерт: "Бір жерде бірге жүрсең басың қосып...". Концерттік бағдарламада Б.Ерзакович, М.Сағатов, Б.Жұманиязов, Н.Меңдіғалиев, Қ.Шілдебаев және басқа композиторлардың өңдеуіндегі Абай әндері шырқалады. "Астана Операда" алғаш рет Абайдың өлеңдеріне жазылған Төлеген Мұхамеджановтың вокалдық циклы орындалады (Қонаев көшесі, 1).

19.00 – "Наедине с Пушкиным" қойылымы, Максим Горький атындағы Мемлекеттік академиялық орыс драма театры (Желтоқсан көшесі, 11, 13).

5 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

12.00 – Эрнст Гофманның ертегісі бойынша "Щелкунчик" балеті, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

6 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

19.30 – "Желтораңғы туралы аңыз" балетінің премьерасы. Театр сахнасында адамдар әлемі мен табиғаттың текетіресі туралы балет қойылады ("Астана Балет" театры, Ұлы Дала даңғылы, 9).

10 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

19.00 – "Путешествие в обратно" қойылымының премьерасы, Максим Горький атындағы Мемлекеттік академиялық орыс драма театры (Желтоқсан көшесі, 11, 13).

14 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

18.00 – "Евгений Онегин" операсы ("Астана Опера" театры).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

10
Кілт сөздер:
қараша, Қазақстан