Қазақстандық әскери кемелер, архив фото

Омбы институты екі қазақстандық кемені байланыс құралымен жабдықтайды

66
Ресейдің Омбы құрал жасау ғылыми-зерттеу институты жаңа күзет кемелерін байланыс құрылғыларымен жабдықтайды

НҰР-СҰЛТАН, 6 қараша– Sputnik. Қазақстанның үшінші санаттағы екі күзет кемесі Омбыда жасалған байланыс құралдарымен жабдықталады.

"Қазақстан кемелер сатып алуды, үшінші санаттағы кемелерді жасауды жоспарлап отыр. Бұл Каспий мүддесі үшін деп ойлаймын. Мұнай мен газды сіздер өндіресіздер, бірақ нақты қандай мақсат екенін мен білмеймін. Десек те, екі кеме құрастырылмақ. Біздің байланыс кешені сонда жеткізіледі. Тарихта бұндай жағдай алғаш рет болып тұр", - деді "Омбы құрал жасау ғылыми-зерттеу институты" АҚ бас директоры Владимир Березовский.

Ол бұлар қарапайым күзет кемелері екенін нақтылады.

"Бұл 2023 жылға қарай жоспарланып отыр. Кемелер ұзақ құрастырылады. Қаржыға қатысты ақпарат менде жоқ", - деді Березовский.

Қазақстан мен Омбы ғылыми-зерттеу институтының қарым-қатынасы жақсы. Бүгінде институт наубайхана жабдығымен, құстарға арналған инкубаторлармен қамтамасыз етеді.

"Сондай-ақ, Петропавл және Павлодар зауыттарымен байланыс орнаған еді. Өкінішке қарай, қатынас әрі қарай дамымады. Дегенмен бүгінгі саммиттен кейін бірлескен кәсіпорын ашуға уақыт келді деп сенемін. Әсіресе, жоғарғы технологиялар саласы: микроэлектроникадан бағдарламалық өнімге дейінгі сектор қамтылуы тиіс деп ойлаймын", - деп толықтырды ол.

Омбы форумы

Қазақстан мен Ресейдің XVI өңіраралық ынтымақтастық форумы Омбыда 6 қараша күні басталды.

Бірінші күні жоғарғы технологиялар көрмесі мен панельдік сессиялар өтіп жатыр.

Тағы оқыңыз: Омбы қазақтары ана тілі мен салт-дәстүрін қалай сақтап қалды?

Ал президенттердің қатысуымен пленарлық отырыс 7 қарашада өтеді деп жоспарланып отыр.

66
Кілт сөздер:
байланыс, кеме, Омбы
Тақырып бойынша
Тоқаев пен Путин Омбыда кездеседі  
Омбы Тоқаев пен Путинді қарсы алуға қалай дайындалып жатыр?
Тоқаев пен Путин Омбыда кездеседі: президенттерге қандай тағам ұсынылады?
Қазақстан бүкіл әлемдегі этникалық қазақтарға арнайы куәліктер береді
Омбыда өтетін форумда қандай мәселелер талқыланады
кредит

Ауылда әр отбасының мойнында 900 мың теңге кредит бар ҰКП төрағасы

328
Қазіргі уақытта Қазақстан халқының 41%-і ауылды жерлерде тұрып жатыр

АЛМАТЫ, 23 қазан – Sputnik. Қазақстанда ауылдық жердегі әр отбасыда 900 мың теңге кредит бар. Бұл туралы "Атамекен" ұлттық кәсіпкерлер палатасының төрағасы Абылай Мырзахметов айтты, деп хабарлайды Sputnik Қазақстан тілшісі.

"Өткен жылы үкіметтің қолдауымен барлық ауыл орталығында скрининг жүргізілді. Оған 2 миллионнан астам үй шаруашылығы қатысты. Соның 42%-і ғана тұрақты табысы бар екенін көрсетіп отыр. Орта есеппен әр үйдің табысы – 81 мың теңге, әр адам басына шаққанда 23 мың теңгеден келеді. Әр отбасының мойнында орта есеппен 900 мың теңге кредит бар", - деді Мырзахметов сенатта ауылдық жерлердің әлеуметтік-экономикалық дамуы талқыланған парламенттік тыңдау барысында.

Айтуынша, ауылдағы мәселелерді шешу бойынша 2004 жылдан бастап алты бағдарлама қабылданған.

"Ол моноқалаларды, ауыл шаруашылығы аймағын дамытуға бағытталды. Оған 2 триллионға жуық қомақты ақша бөлінген. Әрине, жетістік жоқ деп айта алмаймыз. Көп мәселе шешілді. Бірақ ауылдың жағдайы әлі де әртүрлі болып отыр. Осындай қаражат салынғанына қарамастан қазіргі үлкен қалалар мен ауыл шаруашылығы дамыған облыстардың арасы өте алшақ болып отыр", - деді Мырзахметов 

Мысал ретінде Алматы қаласы мен Солтүстік Қазақстан облысының экономикасын салыстырды. Айтуынша, екі аймақтың жалпы экономикасының арасы – 11  есе.

"Қазақстан халқының 41%-і ауылда тұрады. 6 300-ден астам ауылды мекен орталықтары бар. Соңғы бес жыл ішінде ықшамдау саясатының арқасында 300-ден астам ауылдық мекеме қысқартылыпты", - деді ол.

Сонымен қатар Мырзахметов кәсіпкерлікті дамытуға бағытталған "Бастау" жобасы аясында атқарылған істерге тоқталды.

"Үкіметтің қолдауымен соңғы бес жылда "Бастау" жобасын іске асырып отырмыз. Жұмыссыз немесе өзін асырайтын 150 мыңға жуық азамат оқытылды. Ішінде 40 мыңға жуық азамат өз кәсібін ашты. Олардың 93%-і қазір салығын төлеп отыр", - деді кәсіпкерлер палатасының төрағасы.

Айтуынша, бүгінде барлық аудан орталығында кәсіпкерлерді қолдау орталықтары жұмыс істеп тұр.

Сонымен қатар ауыл экономикасының жалпы экономикаға әсер ететінін айтқан Мырзахметов ең алдымен бюджет мәселесін шешуді ұсынды.

Мысал ретінде ауыл шаруашылығы дамыған Ақмола облысының бюджетін көрсетті.

"Ақмола облысы бюджетінің 67%-і – әлеуметтік дамуға, экономикалық дамуға 13%-і, 10%-і – инфрақұрылымдық дамуға бөлінген. Яғни, экономиканың дамуына он процент қана қаражат бөлініп отыр. Сондықтан бюджет саясатын нақты өзгертуіміз керек ", - деді ол.

Қорыта келе, ұлттық кәсіпкерлер палатасының төрағасы ауылдың жер ресурсын тиімді пайдалану қажет екенін айтты. Әр ауыл өз шикізатын өндіруге мамандандырылуы керек. Сондай-ақ, ауылда өндірілеген затты сатуға мүмкіндік жасауды ұсынды.

328
Кілт сөздер:
кредит, ауыл
Ақша, теңге

Сайлау комиссиясында жұмыс істейтіндер қанша жалақы алады

94
Жалақы сайлауға бөлінген қаржы есебінен төленеді. Сондай-ақ, уақытынан артық жұмыс істегені үшін де ақы төленеді

НҰР-СҰЛТАН, 22 қазан – Sputnik. Орталық сайлау комиссиясы мәжіліс пен мәслихаттар сайлауы кезінде учаскелік комиссияларда жұмыс істейтін адамдардың жалақысын жариялады, деп хабарлайды Sputnik Қазақстан тілшісі.

Комиссия мүшесі Сәбила Мұстафинаның айтуынша, сайлау науқаны кезінде комиссияларда жұмыс істейтін мамандарға үш минималды еңбекақыдан төмен болмайтын жалақы белгіленеді. Бұл – заң талабы. Жалақы сайлауға бөлінген қаржы есебінен төленеді.   

"2020 жылда үкімет минималды еңбекақыны 42 500 теңге көлемінде белгілеген болатын. Сондықтан сайлау комиссияларының мүшелеріне, кем дегенде, 127 500 теңгенің (үш минималды еңбекақы - Sputnik) жалақысы төленеді. Сондай-ақ, уақытынан артық жұмыс істегені үшін де ақы төленеді. Бірақ оның көлемі айына 12 сағаттан аспауы тиіс", - деді Мұстафина ОСК-да өткен онлайн брифингте.

Оның сөзіне қарағанда, демалыс пен мереке күндері де жалақы төленеді. Бірақ әрбір адамның жұмысқа шыққаны туралы табель жүргізіледі. 

"Сондықтан жұмыс істеген уақытына қарай еңбекақы төленеді. Ал комиссия мүшелерінің жалақысы бірдей болады", - деп атап көрсетті Мұстафина.

Сайлауға қанша ақша бөлінді

Мәжіліс пен мәслихаттардың бірлескен сайлау науқанына кететін шығындардың жобалық сметасы 15,3 миллиард теңгені құрап отыр. Соның басым бөлігі сайлау комиссияларында жұмыс істейтін адамдардың жалақысына жұмсалады. 

Мәселен, осы жылдың аяғына дейін ұсынылған шығындардың сметасы - 10,8 миллиард теңге. Соның 7,3 миллиард теңгесі, яғни, жалпы шығындардың 68 проценті 10 061 сайлау комиссиясында жұмыс істейтін 70 681 адамның еңбекақысына жіберіледі. Бұдан бөлек, 3,5 миллиард теңге (32% ) бюллетеньдерді шығаруға, полиграфиялық қызметтерге, ақпараттық жұмысқа және сайлау комиссияларының ұйымдастырушылық шараларына жұмсалады.

Карантиндік ережелер де сақталады. Осыған байланысты комиссия мүшелерін жеке қорғаныс құралдарымен қамтамасыз етуге 341,4 миллион теңге бөлінеді. 

Ал келесі жылдың шығындары 4,5 миллиард теңгеге бағаланып отыр. Осы қаржының барлығы дерлік сайлау комиссияларының мүшелері алатын жалақыға жұмсалады. Себебі сайлауға дейін он-ақ күн қалады.

Сәбила Мұстафинаның айтуынша, мәжіліс пен мәслихаттар сайлауына бөлінген қаржы үнемделуі мүмкін. Сол кезде қалған қаржы бюджетке қайтарылады. Мысалы, 2019 жылы президент сайлауының қорытындысы бойынша 445 миллион теңге үнемделген. Ал биыл тамыз айында болған сенат сайлауынан 120 миллион теңге қалған. Ол ақша да бюджетке қайтарылады.

Мәжіліс пен мәслихаттар сайлауы

Мәжіліс пен мәслихаттар сайлауы 2021 жылы 10 қаңтарда өтеді. Кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • сайлау құқығының болуы.

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет. 

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

Сайлауға қанша партия қатыса алады

Мәжіліс пен мәслихаттар сайлауы 2021 жылы 10 қаңтарда өтеді. Бүгінде әділет министрлігінде алты саяси партия тіркелген. Олар:

  • Nur Otan;
  • "Ақ жол" партиясы;
  • Қазақстанның халықтық коммунистер партиясы;
  • "Ауыл" халықтық-демократиялық партиясы;
  • "Бiрлік" партиясы;
  • Жалпыұлттық социал-демократиялық партиясы.

Бүгінде парламент мәжілісінде үш партия - Nur Otan, Халықтық коммунистер мен "Ақ жолдың" өкілдері отыр.

 

94
Кілт сөздер:
жалақы, жұмыс, сайлау
Тақырып:
Мәжіліс сайлауы
Тақырып бойынша
"Бос сөз": Имашев онлайн дауыс беруге қатысты түсініктеме берді
Мәжіліс сайлауының тарихы
Мәжіліс пен мәслихат сайлауына жұмсалатын қаржы көлемі жарияланды 
Мәжіліс сайлауына қатысуға кім дайын - саяси партиялар жауап берді
Мәжіліс пен мәслихаттар сайлауында дауыс беру тәртібі жарияланды
Таразы, архивтегі сурет

134 кг болған: жас жігіт 60 келі артық салмақтан арылды видео

135
Бір жыл бұрын бұл жігіттің салмағы 134 келі болған. Алайда ол бар болғаны бір жыл ішінде алпыс келіге арықтады

НҰР-СҰЛТАН, 25 қазан – Sputnik. Қырғызстандық Орозбек Мейманбек уулуның салмағы бір жыл бұрын 134 келі болған. Ол өзі артық салмақтан арылып, өзгелерге үлгі болып жүр.

Жігіт жас кезінде арық болған, алайда 5-сыныпта салмақ қоса бастады. 16 жасында 93 келі, бірер жылдан соң салмағы 134 келіге жетті, деп жазады Sputnik Қырғызстан.

Орозбектің айтуынша, артық салмақ салдарынан тыныс алу қиындаған. Қозғалып, дұрыс ұйықтаудың өзі арманға айналған. Сол кезде жігіт спортзалға барамын деп шешті. 

"Бәрі дұрыс тамақтанбау салдарынан туындады деп ойлаймын. Мен фастфудты көп жедім... Бастапқыда жаттығу қиын болды, сүйектерім ауырды. Кейін дәрумендер іше бастадым. Алғашқы айда 13 келіге арықтадым, бірден өзіме деген сенім пайда болды", - дейді Орозбек.

Жігітке пауэрлифтингтен Қырғызстанның абсолютті чемпионы - кәсіби бапкер, бодибилдингтен Азия чемпионы Келдибек Атайбек уулу көмектесіп жүр.

Чемпион жаттықтырған адамдар ішінде арықтау көрсеткіші бойынша Орозбек рекорд орнатты. Жаттықтырушының айтуынша, жігіт өзі ғана артық салмақтан арылып қана қоймай, өзгелерге үлгі болып жүр.

"Мен арықтаған кезде анам қатты қуанды. Туыстарым мен достарым өте таңғалды. Жастардың көп уақыты телефон мен компьютерге кетеді. Күніне бір сағатты жаттығуға арнасаңыз тиімділігі мен пайдасы көп болады", -  деді Орозбек.

Енді ол тағы біршама арықтап, әскерге бармақ. Бұдан соң Қырғызстанның ішкі істер министрлігінің академиясына оқуға түсуді жоспарлап отыр.

135
Кілт сөздер:
жас жігіт, видео, артық салмақ
Тақырып бойынша
"Адам танымастай өзгерді": хирург бір көліктің құнына ота жасатқан қыз туралы айтып берді
"Өзімді басқаша сезінемін": жігіт 3 жылда адам танымастай өзгеріп кетті - фото
Қыста артық салмақ жинамау үшін не істеу керек – дәрігер құпияны ашты
Ғалымдар артық салмақ пен коронавирус арасында қандай байланыс барын айтты
110 келіге арықтады: белгілі дәрігер салмақтан арылудың бірегей тәсілі туралы айтты