Үкімет басшысының бірінші орынбасары – қаржы министрі Әлихан Смайылов

Министр Маминнен бюджетті игермеген басшыларды жауапқа тартуды сұрады

180
Бірінші вице-премьер келесі жылдың басынан бастап бюджетті уақытында игермегені үшін орталық және жергілікті мемлекеттік органдардың бірінші басшылары да жауапқа тартылатынын еске салды

НҰР-СҰЛТАН, 12 қараша – Sputnik. Үкімет басшысының бірінші орынбасары – қаржы министрі Әлихан Смайылов он айдың қорытындысы бойынша бюджет қаражатын игермегені үшін орталық және жергілікті мемлекеттік органдардың бағдарламалар жетекшілерін жауапқа тартуды сұрады, деп хабарлайды Sputnik Қазақстан тілшісі.

"Өкінішке қарай, бюджеттің үш рет нақтыланып, екі рет түзетілуіне қарамастан, орталық мемлекеттік органдар мен жергілікті жерлерде 10 айдың қортындысы бойынша қомақты сома игерілмей қалған. Сол себепті, Асқар Ұзақбайұлы (үкімет басшысы – Sputnik) бюджет қаражатының игерілмеуіне себепші болған орталық және жергілікті мемлекеттік органдардың тиісті бюджеттік бағдарламалар жетекшілерін жауапқа тартуды сұраймын", - деді Смайылов үкімет отырысында.

Министрдің ақпаратынша, республикалық бюджеттің шығыстары 9 триллион 565 миллиард теңгені немесе 99,2%-ті құрады.  Оның ішінде 79 миллиард теңге орындалған жоқ, 11 миллиард теңгесі үнемделген. Ал 68 миллиард теңге игерілмеген. 

"Бұл жерде нақтыланған бюджеттің өзгерістері ескерілген жоқ. Олар қараша айында көрініс табады", - деді вице-премьер.

Смайылов бюджет қаражаты ең көп игерілмеген министрліктерді атады:

  • экология, геология және табиғи ресурстар министрлігі – 10,1 миллиард теңге;
  • білім және ғылым министрлігі – 9,3 миллиард теңге;
  • индустрия және инновациялық даму министрлігі – 7,8 миллиард теңге;
  • мәдениет және спорт министрлігі – 6,1 миллиард теңге;
  • цифрлық даму, инновациялар және аэроғарыш өнеркәсібі министрлігі – 5,1 миллиард теңге.  

"Игерілмеудің негізгі себептері: мемлекеттік мекемелердің қайта ұйымдастырылуы, орындалған жұмыстар актілерінің уақтылы ұсынылмауы, шарттар, қосымша келісімдер жасасу рәсімдерінің ұзақ жүргізілуі", - деп атап өтті министр.

Ал жергілікті бюджеттердің шығыстары 10 айдың қорытындысы бойынша 4 триллион  705 миллиард теңгені құраған. Орындалмағаны – 75 миллиард теңге. Есепті кезеңде өңірлерге 1 триллион 256 миллиард теңге нысаналы трансферт бөлінді.

"Жергілікті деңгейде олар 97,3%-ке немесе 1 триллион 222 миллиард теңгесі игерілді. Орындалмағаны – 34 миллиард теңге, оның ішінде 7 миллиард теңгесі үнемделген. 27 миллиард теңге игерілген жоқ", - деді Смайылов.  

Айтуынша, ең көп қаржы Нұр-Сұлтан қаласында игерілмеген – 6,1 миллиард теңге, Алматы қаласында – 4,9 миллиард теңге, Түркістан облысында – 3,4 миллиард теңге, Батыс Қазақстан облысында –2,9 миллиард теңге.

Осы ретте қаржы министрі жуырда парламент бюджеттік заңнамаға қатысты тиісті түзетулерді қабылдағанын еске салды. 

"Ол түзетулер бюджет қаржысын тиімсіз жоспарлау және пайдалануда жауапкершілікті күшейтуге бағытталған. Осы заң бұзушылықтарға енді әкімшілік жауапкершілік көзделіп отыр. Бұл ретте, әкімшілік жауапкершілікке бюджеттік бағдарламалардың жетекшілері ғана емес, орталық және жергілікті мемлекеттік органдардың бірінші басшылары да тартылады", - деді ол.

Жаңа норма 2020 жылдың 1 қаңтарынан бастап заңды күшіне енеді.

180
Кілт сөздер:
бюджет, Асқар Мамин
Тақырып бойынша
"Мынау масқара ғой": Нығматулин мәдениет министрлігіне шүйлікті
Депутат Қарағұсова бюджет туралы: бұл - біздің ақшамыз
Қарапайым заттар экономикасы: Қазақстанда несиелеу шарттары жеңілдейді
Астаналық бухгалтер 4 проценттік автокредитті қалай алғанын айтып берді
Смайылов мемлекет ақшасын игермеген министрліктерді атады
Теңге, архивтегі фото

Зейнетақы мен жәрдемақы 10-12%-ке индексацияланды Мамин

400
(Жаңартылды 14:12 21.06.2021)
Сонымен қатар ол мұғалімдердің жалақысы 25%-ке, медицина қызметкерлерінің айлығы 50%-ке дейін өскенін атап өтті

НҰР-СҰЛТАН, 21 маусым – Sputnik. Премьер-министр Асқар Мамин былтыр үкімет халық алдындағы әлеуметтік міндеттемелерін толық орындағанын мәлімдеді, деп хабарлайды Sputnik Қазақстан тілшісі.

"Елдегі күрделі әлеуметтік-экономикалық жағдайға қарамастан, біз халық алдындағы барлық әлеуметтік міндеттемені орындадық. Зейнетақы мен мемлекеттік жәрдемақылардың мөлшері 10-12%-ке индексацияланды", - деді Мамин парламент палаталарының бірлескен отырысында.

Сонымен қатар ол мұғалімдердің жалақысы 25%-ке, медицина қызметкерлерінің, сондай-ақ мәдениет және архив істері қызметкерлерінің айлығы 50%-ке, құқық қорғау және арнайы қызметтер қызметкерлерінің еңбекақысы 30-дан 70%-ке дейін өскенін атап өтті.

Оқи отырыңыз: Мамин халықтың табысы 5%-ке өсетінін айтты 

Бұған қоса премьер төтенше жағдай және карантин кезінде халықтың табысын қолдау мақсатында 42 500 теңге әлеуметтік көмек көрсетілгенін еске салды. Бұл әлеуметтік төлемді 4,6 миллион адам алған.

Тұрмысы төмен 1,1 миллион азаматқа азық-түлік жиынтығы түрінде қолдау көрсетілді.

400
Кілт сөздер:
зейнетақы, жәрдемақы
Тақырып:
Зейнетақы мөлшері қалай өзгерді
Теңге, архивтегі фото

 Депутат үкіметке: Ұлттық қорды ойламау елдің болашағын ойламаумен бірдей

51
Салық және кедендік жұмысты жақсартудан алынуға тиіс 1,5 триллион теңге қосымша қаржы түспеген, деді Жамалов

НҰР-СҰЛТАН, 21 маусым – Sputnik. Мәжіліс депутаттары үкіметке Ұлттық қордан ақша алуды доғару қажеттігін ескертті, деп хабарлайды Sputnik Қазақстан тілшісі.

Депутат Аманжан Жамаловтың айтуынша, республикада салық жинау деңгейі әлі де төмен. 2020 жылы бюджеттің салықтық түсімдері 17,4%-ке төмендеген. 2021 жылдың 1 қаңтарындағы жағдай бойынша бюджетке жалпы берешек 378 миллиард теңгені құрады.

"Осы проблемалардың барлығы "Салықтық әкімшілендіру жүйесін реформалау" бағдарламасы аясында шешілуге тиіс еді. Осы бағдарламаны іске асыруға 11 жыл ішінде миллиардтаған теңге жұмсалды. Сонда нәтиже қандай? Мемлекеттік кіріс комитетінің 16 ақпараттық жүйесінің 12-сі ақпараттық қауіпсіздік талаптарына сай келмейді, оның ішінде 9-ы өнеркәсіптік пайдалануға енгізілмеген", - деді мәжілісмен парламент палаталарының бірлескен отырысында.

Айтуынша, салдарынан салық және кедендік жұмысты жақсартудан тек 2020 жылдың өзінде ғана түсуге тиіс 1,5 триллион теңге қосымша түсім түспеген. Нақты сома 221 миллиард теңгені құрады.

Оқи отырыңыз: Тиімсіз қарыз тартқан шенеуніктердің жеке жауапкершілігін қатаңдату ұсынылды 

Депутат салықтық әкімшілендірудің әлсіз болуы бюджетке Ұлттық қордан қосымша қаржы тартуға әкеп соққанын атап өтті.  2020 жылы республикалық бюджет кірістерінің 45%-і Ұлттық қордан тартылған трансферттер құраған. Оның жалпы сомасы – 4,8 триллион теңге.

"Бұл – соңғы жылдардағы ең жоғарғы көрсеткіш. Үкіметке болашақта ұлттық қорсыз кіріс кірмей қалуы мүмкін екенін түсінетін уақыт келді. Сондықтан бүгін Ұлттық қор туралы ойламау ол елдің болашағы туралы ойламаумен бірдей", - деді Жамалов.

51
Кілт сөздер:
депутаттар, ұлттық қор
Ақорда

Тоқаев ұлттық қауіпсіздік стратегиясын бекітті

0
Стратегия – Президент Қасым-Жомарт Тоқаевтың тапсырмасы бойынша енгізілетін мемлекеттік жоспарлаудың жаңа жүйесінің негізгі құжаттарының бірі

НҰР-СҰЛТАН, 21 маусым - Sputnik. Мемлекет басшысы "Қазақстан Республикасының 2021-2025 жылдарға арналған ұлттық қауіпсіздік стратегиясын бекіту туралы" жарлыққа қол қойды, деп хабарлады Ақорда

Ұлттық қауіпсіздік стратегиясы бұдан бұрын Тұңғыш Президент – Елбасы Нұрсұлтан Назарбаевтың төрағалығымен өткен қауіпсіздік кеңесінің отырысында қаралып, мақұлданған және елдің ұлттық мүдделерін қорғауға қатысты тұжырымдамалық жағынан жаңартылған тәсілдерді қамтиды.

Стратегия – Президент Қасым-Жомарт Тоқаевтың тапсырмасы бойынша енгізілетін мемлекеттік жоспарлаудың жаңа жүйесінің негізгі құжаттарының бірі. Осыған орай құжатта таяудағы бес жылда болуы мүмкін деп болжанып отырған негізгі сын-қатерлерге қарсы іс-қимылға баса мән берілген.

"Атап айтқанда, біріншіден, коронавирус пандемиясының жалғасуы және биологиялық қауіпсіздіктің басқа да қатерлері. Екіншіден, экономиканы, еңбек қатынастарын, әлеуметтік саланы, ақпараттық кеңістік пен коммуникацияны түбегейлі өзгертетін технологиялық өзгерістер. Үшіншіден, қаржы-экономика саласына әсер еткен сыртқы нарықтардағы дағдарыс жағдайы. Төртіншіден, жаһандық және өңірлік аренада дағдарыстың одан әрі ушығуы кері әсер етеді", - делінген хабарламада.

Осыған байланысты әлемнің көптеген дамыған елдері қазіргі халықаралық және ішкі жағдайларды ескере отырып, ұлттық қауіпсіздікті қамтамасыз  ету жөніндегі өздерінің саясатын қайта қарайды.

Сонымен қатар Қазақстан стратегиясында ұлттық қауіпсіздікті нығайтудың негізгі басымдықтары айқындалды.

Азаматтардың, қоғам мен мемлекеттің қауіпсіздігі бірінші орынға қойылған. Стратегияда адами капитал саласындағы  қауіпсіздікті қамтамасыз етуге, ең алдымен, ұлттың зияткерлік әлеуетін сақтауға және ұлғайтуға назар аударылады. Биологиялық қауіпсіздікті қамтамасыз ету жөніндегі кешенді жұмыстармен бірге қоғамдық денсаулық сақтау ісін дамыту мәселесі де ұлттық қауіпсіздіктің базалық факторларының қатарына енгізілді.

Аталған бағыт құқық қорғау органдары мен сот жүйесі жұмыстарының тиімділігін арттыруды, халықты құқық бұзушылықтардың барлық түрінен қорғауды қамтиды.

Экономикалық қауіпсіздіктің міндеттері айтарлықтай түзетілді. Қауіпсіздікті қамтамасыз ету тұрақты өсудің жаңа моделіне көшуге, экономиканың технологиялық күрделілігін арттыруға, өнімділігі жоғары жұмыс орындарын ашуға және халықтың табысын арттыру үшін жағдай жасауға байланысты.

Атап айтқанда, басты бағыттар азық-түлік қауіпсіздігі, қаржы жүйесінің тұрақтылығы, көлік-транзит саласындағы қатерлерді азайту болып табылады.

Бұдан бөлек басымдықтардың қатарында экологиялық қауіпсіздік, соның ішінде, экожүйелерді қорғау ғана емес, табиғи ресурстарды басқару да бар. Мұнда елдің су қауіпсіздігі ерекше орын алады.

Табиғи және техногендік апаттардың алдын алу және олардың зардаптарын барынша азайту жөніндегі жұмысты жүйелі түрде күшейту талап етіледі.

Ақпараттық қауіпсіздік саласында кибер қауіптерге қарсы іс-қимыл, қазақстандықтардың жеке деректерін қорғау, ақпараттық инфрақұрылым, стратегиялық нысандар және ұлттық ақпараттық кеңістіктің қорғалу деңгейін арттыру маңызды рөл атқарады.

Оқи отырыңыз: Тоқаев конституциялық кеңес мақұлдаған заңға қол қойды

Қорғаныс қабілетін қамтамасыз ету, ұлттық мүдделерді халықаралық аренада ілгерілету мәселелері ұлттық қауіпсіздіктің дәстүрлі бағыттарының қатарына жатады. Сонымен бірге олардың мазмұны жаңа аймақтық және жаһандық сын-қатерлерге, соның ішінде, гибридті және асимметриялы сын-қатерлерге байланысты елеулі өзгерістерге ұшырады.

Әрбір басым бағыт бойынша алдын алу тетіктері және қатерлердің алдын алу жөніндегі нақты шаралар әзірленді. Олар ұлттық қауіпсіздік тәуекелдерін басқару жөніндегі іс-қимыл жоспары арқылы іске асырылады, сондай-ақ, ұлттық жобаларға және мемлекеттік жоспарлау жүйесінің басқа да құжаттарына енеді.

Сонымен қатар стратегия азаматтардың, қоршаған ортаның қорғалуына, әлеуметтік-экономикалық сала мен халықтың әл-ауқатына төнетін қатерлерді төмендетуге қатысты нақты нысаналы көрсеткіштерді айқындай отырып, толық қолданбалы мәнге ие болады.

Стратегиялық тәуекелдерді басқарудың озық әдістері негізінде индикаторлардың бірыңғай жүйесі қалыптастырылады. Бұл стратегияны іске асыру жөніндегі шараларға жедел мониторинг жүргізуге, олардың азаматтар мен мемлекеттің қауіпсіздік жағдайына әсерін бағалауға мүмкіндік береді.

0