Қазақстанның тұңғыш президенті Нұрсұлтан Назарбаев

"Дағдарыс болуы мүмкін": Назарбаев неге алаңдап жүргенін айтты

16245
(Жаңартылды 16:41 12.11.2019)
Елбасы әлемдік державалар арасындағы бәсекелестік жаңа деңгейге шыққанын, ал АҚШ пен Қытайдың сауда соғысы қалыпты жағдайға айналғанын атап өтті

НҰР-СҰЛТАН, 12 қараша – Sputnik. Қазақстанның тұңғыш президенті Нұрсұлтан Назарбаев "Astana club" саяси форумының пленарлық мәжілісін ашты. Биыл осы пікірталас алаңының құрылғанына бес жыл толып отыр, деп хабарлайды Sputnik Қазақстан тілшісі.

Тағы оқыңыз: Назарбаевтың теннисшілермен кездесуі кезінде күтпеген оқиға болды – видео 

Назарбаев өз сөзінде әлемдік экономикадағы жағдайға қатты алаңдайтынын жеткізді.  

"Бізді әлемдік экономикадағы жағдай алаңдатып отыр. Одан төніп тұрған дағдарыстың белгілері барынша байқалып жатыр. Сауда саласындағы қайшылықтар мен геосаяси тұрақсыздық күшейіп жатқанда жаһандық институттар да тиісті болжамдарын жасап отыр. Жаһандық өсімнің баяулап кетуі әлемдік сауда-саттықтың дамуына кері әсерін тигізуде. Жаһандық мемлекеттік қарыздың деңгейі 2007 жылғы дағдарыстың алдындағы көрсеткіштен екі есеге асып, әлемдік ішкі жалпы өнімнің 80 процентіне жетті", - деді Назарбаев.

Елбасының айтуынша, осы факторлардың барлығы әлемдік тұрақтылыққа кері әсерін тигізіп отыр. Еуразия мемлекеттері де ол үдерістерден тыс қалмайды.

"Әлемдік державалар арасындағы бәсекелестік те жаңа деңгейге шықты. АҚШ пен Қытайдың өзара санкциялары, сауда соғыстары қалыпты жағдайға айналды. Батыс пен Ресей арасындағы жағдай да солай. Бұның барлығы стратегиялық ынтымақтастықты қалпына келтіру жұмысын қиындатып отыр", - деп атап көрсетті Назарбаев.

Айта кетейік, биылғы форумның тақырыбы – "Үлкен Еуразияны құру: серіктестіктің жаңа үлгісі". Спикерлердің ішінде бұрынғы мемлекет және үкімет басшылары, министрлер мен Нобель сыйлығының лауреаттары бар.

Елордада Astana club саяси форумы өтіп жатыр
© Sputnik / Владислав Воднев
Елордада "Astana club" саяси форумы өтіп жатыр

Кешегі отырыста 2020 жылдағы Еуразия құрлығы үшін 10 басты сын-қатер бойынша арнайы зерттеудің нәтижесі жарияланған болатын. Оған ірі бұқаралық апарақ құралдары, халықаралық институттар, 40 беделді сарапшы мен саясаткер қатысты. Бұдан бөлек, арнайы сауалнамаға 70 елден 1100-ден астам кәсіби маман тартылған. Әлемдік экономика және саясат институтының директоры Ержан Салтыбаевтың айтуынша, осы рейтингтің тағы бір маңызды тұсы, ол  барлық халықаралық зерттеуден бұрын жарияланып отыр.

16245
Кілт сөздер:
дағдарыс, Назарбаев
Тақырып бойынша
Дариға Назарбаева Елбасыдан бұрын сөйлеп, қайдан қауіп төніп тұрғанын айтты
Назарбаевтың шетелдік сапарларына қанша қаржы бөлінетіні белгілі болды
Димаш ресейлік бағдарламада Назарбаев туралы әзілдеді – видео
Назарбаев: Тәуелсіздік алғаннан соң Түркістанды астана ретінде қарастырдым
Назарбаев Путинмен телефон арқылы сөйлесті
Көлік, архивтегі сурет

"Көлікті ЕАЭО аймағынан шығару қажет": салықшылар ескерту жасады

119
(Жаңартылды 17:05 22.07.2021)
Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын

НҰР-СҰЛТАН, 22 шілде – Sputnik. Алматы қалалық мемлекеттік кірістер департаменті қыркүйектің соңына дейін шетелден әкелінген көліктерді Еуразиялық экономикалық одақтан шығару қажеттігін ескертті, деп хабарлайды Sputnik Қазақстан.

Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын. 2021 жылы 5 сәуірде қабылдаған № 25 шешімге сәйкес, ЕАЭО аймағына шетелден әкелінген көліктерді 30 қыркүйекке дейін жеке мақсатта пайдалануға рұқсат бар.

Одан бөлек, кеңес шешімі бойынша одаққа тұрақты түрде көшіп келуші, босқын немесе мәжбүрлі түрде көшіп келуші мәртебесін алған шетел азаматтары үшін жеке мүлікті 18 айға салықсыз әкелуге рұқсат беру режимі тоқтатылған еді. Осыған байланысты салықшылар қыркүйектің соңына дейін шетелден әкелінген көлікті ЕАЭО аймағынан шығару қажеттігін еске салды.

"Ондай көліктерді одақ аймағынан шығаруды сұраймыз. Ал осы санаттағы көлік 2021 жылдың 30 қыркүйегіне дейін Еуразиялық экономикалық одақтан шығарылмаса, кедендік баж бен салықтарды толығымен төлеуге тура келеді", - делінген ресми хабарламада.

119
Кілт сөздер:
ЕАЭО, видео, салық, көлік
Тақырып бойынша
Ақтауда жол апаты адам өмірін қиды: көлік ішінде түсірілген видео жарияланды
Қазақстанда көліктің электронды паспорты енгізілді
Көліктегі бас санитар дәрігердің жаңа қаулысы жарияланды
Ақтөбе облысында үш жасар бала ауладағы көліктің ішінде тірідей жанып кетті
Маман телефон көлікте қалып қойса не болатынын айтты
Қаржы пирамидасы

Екі мыңнан астам адам алданған: Қазақстанда тағы бір қаржы пирамидасы анықталды

56
(Жаңартылды 20:22 21.07.2021)
Келтірілген шығын 450 миллион теңгеден асқан. Алаяқтық схеманың  ұйымдастырушы 2 айға қамауға алынды

АЛМАТЫ, 21 шілде – Sputnik. Ақмола облысы бойынша қаржы мониторингі агенттігінің жергілікті департаменті LV Force қаржы пирамидасының заңсыз жұмысын тоқтатты. Бұл туралы қаржы мониторингі агенттігінің баспасөз қызметі хабарлады.

"Қабылданған шаралар нәтижесінде Шымкент, Алматы қалаларында және Шығыс Қазақстан, Батыс Қазақстан, Ақтөбе, Қызылорда, Маңғыстау облыстарында LV Force қаржы пирамидасының бөлімшелері жойылды. Қаржы пирамидасына 2 000-нан астам азамат тартылған", - делінген агенттік таратқан ақпаратта.

Келтірілген шығын 450 миллион теңгеден асқан. Қазір алаяқтық схеманың басты ұйымдастырушысы 2 айға қамауға алынды.

Соған байланысты қаржы мониторингі агенттігі азаматтарға Әкімшілік құқық бұзушылық туралы кодекстің 150-бабы ("қаржылық (инвестициялық) пирамиданың қызметiн жарнамалау") және Қылмыстық кодекстің 217-бабына ("қаржылық (инвестициялық) пирамиданы құру және оған басшылық ету") сәйкес әкімшілік және қылмыстық жауапкершілік қарастырылғанын еске салды.

Оқи отырыңыз: Алагөзова жарнамалаған қаржы пирамидасының тағы бір басшысы құрықталды 

Бұған дейін Алматыда World Business Consulting қаржы пирамидасын құрған бірнеше адамға қатысты сотқа дейінгі тергеу басталды.

Қаржы пирамидасын ұйымдастырушылар азаматтарға World trend Strategies, Confidence World Group, HUBB international, Riviera imperial, Asteco және басқа үлестес компаниялардың инвестициялық жобаларына қаржы құюды ұсынған.

Бұл компаниялар заңды қызметтен емес, жаңа салымшылардың қаражаты есебінен сыйақы алуға кепілдік берген.

56
Серік Теміржанов

Қазақстандық боксшы Олимпиаданы жеңіспен бастады

0
Серік Теміржанов қарсыласын екі рет нокдаунға түсіріп, айқын басымдықпен жеңді. Есеп – 5:0

НҰР-СҰЛТАН, 24 шілде – Sputnik. Токио Олимпиадасында қазақстандық боксшылардың жекпе-жектері басталды, деп хабарлайды Sputnik Қазақстан тілшісі.

57 келі салмақ дәрежесінде Серік Теміржанов венгриялық Ролан Галосқа қарсы шықты. Жерлесіміз қарсыласын айқын басымдықпен жеңді. Есеп – 5:0. Оған қоса, венгриялық боксшы екі рет нокдаун алып қалды. Серік Теміржановтың келесі қарсыласы – америкалық Дьюк Раган.

Айта кетейік, Олимпиадада қазақстандық боксшылар барлық салмақ дәрежесінде өнер көрсетеді. Олар: Сәкен Бибосынов (52 келі), Серік Теміржанов (57 келі), Закир Сафиуллин (63 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) пен Қамшыбек Қоңқабаев (91 келіден жоғары).

0
Кілт сөздер:
боксшы, Токио Олимпиадасы
Тақырып:
Токио Олимпиадасы