Бірыңғай жинақтаушы зейнетақы қорының логотипі

Қазақстанның зейнетақы қоры 174 мың адамды іздеп жатыр

17854
(Жаңартылды 11:19 12.02.2020)
Зейнеткерлік жасқа толған 174 мың адам зейнетақы төлемдерін алу үшін өтініш бермеген. Талап етілмеген зейнетақы жинақтарының жалпы сомасы 10,6 миллиард теңгеге жетті

АЛМАТЫ, 12 ақпан – Sputnik. 2020 жылдың 1 қаңтарындағы мәлімет бойынша, зейнеткерлік жасқа толған 174 мың адам Бірыңғай жинақтаушы зейнетақы қорынан зейнетақы төлемдерін алу үшін өтініш бермеген, деп хабарлайды Sputnik Қазақстан БЖЗҚ сайтына сілтеме жасап.

Бірыңғай жинақтаушы зейнетақы қоры зейнетақы төлемдерін дер кезінде рәсімдеу керектігін тұрақты хабарлап тұратындығына қарамастан, 174 235 адам әлі күнге дейін зейнетақы төлемдерін алу үшін өтініш бермеген.

"Талап етілмеген зейнетақы жинақтарының жалпы сомасы 10 604 764 131 теңгеге жетті", - делінген хабарламада.

Сондай-ақ, зейнет жасына толған, алайда төлемдерін әлі алмаған азаматтар үшін қазақ және орыс тілдерінде SMS-хабар, электронды пошталарға хабарламалар, тіпті мекенжайларына хат-хабарлар таратылып жатыр.

"Зейнет жасына жеткен азаматтар зейнетақы төлемдерін рәсімдеу үшін жергілікті мекенжай бойынша "Азаматтарға арналған үкімет" мемлекеттік корпорациясының халыққа қызмет көрсету орталығына жүгінуі тиіс. Зейнетақы төлемдерін рәсімдеу үшін жеке басты куәландыратын құжаттың көшірмесі мен салыстыру үшін түпнұсқасы, сондай-ақ банк шоты туралы мәлімет ұсынылады. Банк шотына қор төлемдері мен мемлекеттік зейнетақылар ай сайын бір мезгілде аударылады", - делінген қордың сайтында.

Қазақстанда зейнетақы төлеу тәртібі өзгеруі мүмкін: кім қанша алады?

БЖЗҚ мәліметінше, зейнеткерлік жасқа толған азаматтар (ерлер – 63 жас, әйелдер биыл – 59,5 жас), сондай-ақ бірінші және екінші топтағы мүгедектігі мерзімсіз болып белгіленген адамдар белгіленген кесте бойынша қордағы міндетті және міндетті кәсіптік зейнетақы жарналарынан құралған жинағы есебінен зейнетақы төлемдерін алуға құқылы.

"Егер зейнеткер қордан зейнетақы төлемдерін алу үшін мемлекеттік корпорацияға өтініш берген күні, оның шотындағы жинақтарының сомасы ең төменгі зейнетақының 12 еселенген мөлшерінен аспаған жағдайда, бұл сома алушыға бір рет толығымен төленеді. 12 еселенген мөлшер – 463 632 теңге. Егер шоттағы ақшаның көлемі бұл сомадан артық болса, зейнетақы төлемдері тек ай сайын беріледі", - деп нақтылады БЖЗҚ.

 

17854
Кілт сөздер:
зейнетақы жинағы, зейнетақы
Тақырып бойынша
Министр зейнетақы жинағының тең жартысын кімдерге алуға болатынын айтты
Үкімет халықтың табысын арттыруға кірісті
Тоқаев зейнетақы жинағын пайдалану бойынша алғашқы қадам жасалғанын мәлімдеді
Министр Нұрымбетов президент кеңесшісінің атышулы жазбасына жауап берді   
Қазақстанда бала үш жасқа толғанға дейін жәрдемақы төленуі мүмкін
"Бұдан бәрі ұтады": министр жалақыға қатысты жағымды жаңалықты бөлісті
Отбасы банк басты бетінің скриншоты

Зейнетақы жинағын пайдалану: өтінім беру сайтында жаңа функция іске қосылды

93
Өтінім беру кезінде деректерді қате енгізген немесе зейнетақы жинағын пайдалану мақсатын өзгерткісі келетін адамдар берген өтінімін жоя алады

НҰР-СҰЛТАН, 25 қаңтар – Sputnik. Enpf-otbasy.kz онлайн-платформасында жаңа функция пайда болды. Енді қазақстандықтар зейнетақы жинағын алуға берген өтінімін жойып тастай алады, деп хабарлайды Sputnik Қазақстан.

"Біз онлайн-платформаның алғашқы жұмыс күнін бақылап, платформаның мүмкіндіктерін кеңейттік. Енді, егер сіз деректерді енгізу кезінде қате жіберген болсаңыз немесе біржолғы зейнетақы төлемдерін пайдалану мақсатын өзгерткіңіз келсе, жеке кабинетіңізге кіріп, өтініміңізді жойып тастай аласыз", - деп хабарлады "Отбасы банк" Instagram-да.

Ол үшін:

  • жеке кабинетке кіріп,"менің өтінімдерім" батырмасын басыңыз;
  • жойғыңыз келетін өтінімді таңдаңыз;
  • экранның төменгі бөлігіндегі "өтінімді жоюды" басыңыз.

Онлайн платформада жұмыс істеу үшін қолданыстағы электронды цифрлық қолтаңба мен NCALayer сертификаты қажет. Сертификаттарды Pki.gov.kz сайтынан жүктеп алуға болады.

Отбасы банк зейнетақы жинағын алуға қатысты барлық жұмысты тәулік бойы тек компьютерден немесе ноутбуктен орындауға болатынын еске салды.

Сондай-ақ, банк enpf-otbasy.kz онлайн-платформасында өтінім неге жойылуы мүмкін екенін түсіндірді.

Оның бірнеше себебі бар:

  • егер қажет сома "0" деп көрсетілсе;
  • егер қаражат сомасы қосымша белгілермен жазылса.

"Мысалы, "1.000.000" немесе "1000000,00" түріндегі сомаларды жүйе қабылдамай, дөңгелектуді сұрайды. Яғни соманы қосымша белгілерсіз "1000000" немесе "1234567" түрінде көрсету керек", - деп нақтылады банк.

Егер бәрі дұрыс енгізілсе, жүйені жаңарту немесе қайта кіру қажет.

Еске салсақ, 23 қаңтарда Қазақстанда зейнетақы жинағының бір бөлігін мерзімінен бұрын алуға өтінім қабылдау басталды.

www.enpf-otbasy.kz онлайн-платформасында зейнетақы жинағын алуға өтінімді қалай беруге болатыны көрсетілген видеонұсқау жарияланды.

93
Кілт сөздер:
жаңа функция, зейнетақы жинағы
Тақырып бойынша
Ертең зейнетақы жинағын алатын сайт іске қосылады - мекенжайы қандай?
Зейнетақы жинағын пайдалану: процентсіз ипотеканы қалай алуға болады
Зейнетақы жинағына өтінім қабылдау басталды: жұртты мазалаған 10 сұрақ жауабы
Бір жарым тәулік ішінде 15 мыңнан астам адам зейнетақы жинағын алуға өтініш берді
Компьютер, архивтегі фото

Бір жарым тәулік ішінде 15 мыңнан астам адам зейнетақы жинағын алуға өтініш берді

135
(Жаңартылды 19:18 24.01.2021)
Қазақстанда тұрғын үй жағдайын жақсарту үшін зейнетақы жинағын пайдалануға өтініш қабылдау сенбі, 23 қаңтарда басталды

НҰР-СҰЛТАН, 24 қаңтар – Sputnik. "Отбасы банк" қанша қазақстандықтың зейнетақы жинағын мерзімінен бұрын алуға өтініш бергенін хабарлады.

"24 қаңтар сағат 12:00-дегі жағдай бойынша 228 миллиард теңгеге (541 миллион доллар – Sputnik) 15 262 өтініш келіп түсті", - деп хабарлады банктің басқарма төрағасы Ләззат Ибрагимова.

23 қаңтардан бастап "Отбасы банк" (бұрынғы Тұрғын үй құрылыс жинақ банкі) зейнетақы жинағын пайдалануға өтініш қабылдау үшін Enpf-otbasy.kz онлайн-платформасын іске қосты.

Зейнетақы жинағына өтінім қабылдау басталды: жұртты мазалаған 10 сұрақ жауабы 

700 мыңнан астам қазақстандық БЖЗҚ-да жинақталған қаражатының бір бөлігін тұрғын үй сатып алуға немесе кеңейтуге, емделуге және инвестициялауға жұмсай алады. Әзірге тұрғын үй жағдайын жақсарту үшін ғана өтініш беруге болады.

Банк сонымен бірге қазақстандықтар өзінің зейнетақы жинағын жұмсауды жоспарлап отырған ең танымал бағыттарды атады. Олардың ішінде:

  • ипотекалық қарызды өтеу;
  • тұрғын үйді толығымен сатып алу;
  • жақын туыстарына зейнетақы жинағын беру;
  • "Отбасы банктен" тиімді шарттармен ипотекалық қарыз алу.

Зейнетақы жинағын алуға компьютерден ғана өтініш беруге болады. Сайттың мобильді нұсқасы жоқ.  

Айта кету керек, біржолғы зейнетақы төлемін алуға арналған арнайы шотты Halyk Bank арқылы да ашуға болады.  

БЖЗҚ қаражатын алуға өтініш беру үшін не істеу керектігін мына жерден оқи аласыз.

135
Кілт сөздер:
тұрғын үй, баспана, зейнетақы жинағы
Тақырып бойынша
Балаларға мүгедектік тобы 7 жастан берілген жағдайда жәрдемақы қанша болады
БЖЗҚ салымшыларға 193 млрд теңгеден астам қаржы аударды
Halyk Bank зейнетақы жинағын мерзімінен бұрын алудың шарттарын атады
Зейнетақы жинағын пайдалану: процентсіз ипотеканы қалай алуға болады
Зейнетақы жинағын алуға өтінімді қалай береді – видеонұсқау
Архивтегі фото

Американың теңіз жаяу әскері Норвегияда не істеп жүр?

0
Ақпанда америкалықтар, норвегиялықтар, сондай-ақ голландиялықтар мен британдықтар Joint Viking 2021 ауқымды маневрлеріне қатысады

НҰР-СҰЛТАН, 25 қаңтар – Sputnik. АҚШ Ресей шекарасына жақын орналасқан Норвегияда әскерін күшейтіп жатыр. Мұнда қаңтарда мыңға жуық теңіз жаяу әскері қоныстанды. Ал америкалық саясаткерлер мен генералдар Арктикадағы шиеленістің күшеюін жиі сөз етіп жатыр. Бірақ, сарапшылардың пікірінше, бұл шиеленісті тудырып жатқан да өздері, деп жазды РИА Новости.

Теңіз жаяу әскерлері ротация аясында Солтүстік Каролинадан Норвегияға қоныс аударды. Америкалықтар бірнеше жылдан бері осындай қулыққа барып жатыр: бір бөлімшені басқа бөлімшемен ауыстырып, АҚШ-тың әскери контингенті елден кеткен емес.

Теңіз жаяу әскерлерінің міндеті – Норвегия нұсқаушыларының жетекшілігімен Арктиканың қатал жағдайында ұрыс қимылдарын жүргізуді үйрену және НАТО-дағы әріптестерімен тығыз іс-әрекетті  пысықтау.

Ақпан айында америкалықтар, норвегиялықтар, сондай-ақ голландиялықтар мен британдықтар – барлығы он мыңға жуық жауынгер Joint Viking 2021 ауқымды маневрлеріне қатысады. Натолықтар әскердің үлкен қашықтықтарда жылдам орын ауыстыруын пысықтап, барлық деңгейде ақпарат алмасу әдістерін игереді және бірнеше бірлескен операция жүргізеді.

JointViking оқу-жаттығулары жыл сайын өтеді. Броньды техника, артиллерия, авиация, кемелер және суасты қайықтары орманды немесе таулы алқапта бірнеше жүздеген шаршы километр аумақта жоғары қарқынды соғыс жағдайын қалыптастырады.

Әскери сарапшы Александр Жилин РИА Новостиге берген сұхбатында АҚШ-тың әскери доктринасына сәйкес, олардың армиясы ең алдымен шетелде соғысуға дағдыланатанын айтты.

"Сондықтан, мемлекеттің саясаты америкалық әскери күш басқа елдерде үнемі жауынгерлік операциялар, барлау, аэродромдарды айнала ұшу, теңіз жолдарын айналып өтуді пысықтау мүмкін болатындай етіп құрылды", - деп түсіндірді ол.

Сарапшының айтуынша, Пентагон жағдайды әдейі шиеленістіріп отыр. Себебі, АҚШ пен НАТО Арктикадан дәмелі.

"Теңіз жаяу әскерінің оқу-жаттығулары қорғану емес, шабуылдау сипатында өтеді, - деп сенім білдірді Жилин. – Соның ішінде, Ресейге қарсы әрекеттер пысықталады. НАТО-ның Еуропадағы маневрлеріне тұтастай сипаттама берер болсақ, онда олар Мәскеу үшін шиеленіс аймақтарын құру бойынша ұйымдастырылатыны анық. Біздің әскер алаңсыз отыра бермейді, әрине. Әсіресе, Норвегияда болып жатқан оқиғаларға қатысты әрекет ету керек. Ешқандай дегбірсіздік жоқ, бірақ біз кез келген арандатушылыққа жол бермей, жағдайды толығымен бақылауды ұстау керекпіз".

"Валдай" аналитикалық клубының сарапшысы Артем Куреев америкалықтардың Аляскада Арктикадағы әскери әрекеттерді пысықтауға арналған инфрақұрылымы бар екенін айтты. Бірақ АҚШ сонда да оқу-жаттығуда Норвегияда өткізуді ұйғарып отыр.

"Бұл НАТО көшбасшылары ретінде оларға қажет. Норвегия – альянстың ең "аға" мүшесі. Осло Ресейді ықтимал қарсылас деп санайды. Алда-жалда қақтығыс бола қалса, Солтүстік Норвегия НАТО-ның басты плацдармына айналады", - деп санайды Куреев.

Вашингтонның Арктикаға берік орын теуіп, ол жақтан басқа мемлекеттерді ығыстырғысы келген ниетіне Әскери-теңіз күші мен Теңіз жаяу әскері корпусының жаңа Арктикалық стратегиясы дәлел. Бұл құжатта "арктикалық өңірге америкалықтардың әскери-теңіз араласуы болмаса, әлемге төнген Ресей мен Қытай қаупі азаймайды" деп жазылған.

АҚШ Әскери-теңіз күштерінің хатшысы Кеннет Брейтуэйт атап өткендей, Ресей жағалауына жақын акваторияны патрульдеу және "Мәскеудің Қиыр Солтүстікке шабуыл жасауына" жол бермеу мақсатында Пентагон тұрақты түрде Арктикада әскери кемелер мен сүңгуір қайықтарды орналастырады.

Мойындау керек, АҚШ Солтүстікке нық орналасып алды. Норвегия бұл мәселеде басты рөл ойнап отыр. Қыркүйек айында норвегиялық Тромсе портына Seawolf субмариналары қоныс тебетіні туралы хабарланды. Бұл сүңгуір қайықтар ресейлік суасты қайықтарының бағыттарын бақылауда ұстауға негізделген.

Пентагон Арктикадағы әуе күштерін нығайтуға шындап кірісті. Өткен жылы америкалық және норвегиялық әскери-әуе күштерінің ауқымды оқу-жаттығулары өтті. Алты B-52 Stratofortress стратегиялық бомбалаушылары Солтүстік полюстің үстімен ұшып өтіп, Норвегия әскери-әуе күштерінің жойғыштарымен бірге жаттығу жасады.

0