Қазақстан парламенті сенатының төрағасы Дариға Назарбаева

Дариға Назарбаева: Халықтың тамағы тоқ болуы тиіс

3003
(Жаңартылды 09:12 19.02.2020)
Сенаты төрағасы Қазақстанда ет маңыздылығы жағынан наннан кейін екінші тұратындықтан, бұл өнім дәмді, сапалы және бағасы қолжетімді болуы керек екенін атап өтті

НҰР-СҰЛТАН, 19 ақпан – Sputnik. Қазақстан парламенті сенатының төрағасы Дариға Назарбаева парламенттік тыңдауларға дайындық аясында еліміздің мемлекеттік органдарының өкілдерінің және ауыл шаруашылығы өнімдерін өндірушілердің қатысуымен ет өндірісі саласының қазіргі жағдайына арналған кездесу өткізді.

Жүздесуге сенат депутаттары, ауыл шаруашылығы министрлігінің өкілдері мен мал шаруашылығы бойынша өнім өндірушілер қатысты.

Алдымен ауыл шаруашылығы министрінің бірінші орынбасары Айдарбек Сапаров Қазақстандағы мал шаруашылығының қазіргі күй-жайымен таныстырды, деп хабарлады сенаттың баспасөз қызметі.

Министрдің бірінші орынбасары ет өндірісі еліміздегі негізгі салалардың бірі екенін айта келіп, өткен жылы 1,1 миллион тонна ет өндірілгенін жеткізді.

"Отандық ет өнімдерінің экспорты айтарлықтай емес. 2019 жылы 372 тонна шұжық және 769 тонна консерві өнімдері экспортталды. Сонымен қатар, Қазақстаннан 156 063 ірі қара және 263 737 ұсақ мал сыртқа жөнелтілді", - дейді Сапаров.

2019 жылдың қазан айында елімізден ірі қара мен саулықтарды сыртқа шығаруға тыйым салынғанына қарамастан 26 781 ірі қара және 22 272 бас ұсақ мал әкетілген.

Сенат төрағасы Дариға Назарбаева мал шығаруға тыйым салу және оның зардаптары мәселесін көтерді.

"Ет дәмді, сапалы және бағасы қолжетімді болуы тиіс. Бүгін біздің қолымызда не бар? Ет бағасы өте тез өседі. Бізде ет бар, бірақ біздің нарықта неге қымбат? Оның үстіне, біздің еліміз бен халқымыз етті бағдарға алады. Маңыздылығы жағынан наннан кейін екінші өнім – ет", - деді Д.Назарбаева.

Батыс Қазақстан облысындағы "Кублей" серіктестігінің бас директоры Талғат Берекешев қайта өңдеу өнеркәсіп орындарының басты мәселелеріне тоқталды. Оның пікірінше, қайта өңдеу кәсіпорындарының толық іске қосылмауы негізгі проблема болып отыр.

"Бұл қалай болғаны?": Дариға Назарбаева үкіметтің жұмысын сынға алды

"Ет комбинаттары 40-45% қуатында жұмыс істеп тұр. Бұған ауыл шаруашылығы министрлігінің мал шаруашылығы жөніндегі бағдарламасы басты себеп болуда. Оған сәйкес, барлық субсидия өндірістік кәсіпорындарда шикізатты қайта өңдеуге емес, бордақылау алаңдары арқылы жіберіледі. Сондықтан фермерлер малды ет комбинатына емес, бордақылау алаңына тапсырса ғана малға субсидия алады. Яғни, олар бізге ет беруге құштар емес. Ал бордақылаушыларға экспорт тиімді, сондықтан субсидиямен алынған мал сатып алушыларға кетеді", - деп атап өтті Т.Берекешев.

Сенат төрағасы егер әр зауыт ең болмағанда 90% қуатында жұмыс істегенде, өнім көлемі мүлдем басқа әрі нарықтағы бөлшек баға да басқа болатынын және делдалдар азаятынын атап өтті.

"Қазір біз халықтың тамағы тоқ болуын, негізгі азық-түліктің қолжетімді болуын ойластыруымыз керек. Бұл – біздің басты міндетіміз. Ауыл шаруашылығының алдында сала ретінде басымдықтар бар. Қазақстандықтар туралы ұмытпайық. Олардың дастарқанында қолжетімді дәмді ет болуы керек. Алдымен азық-түлік қауіпсіздігін ойлау керек. Өз еліміздің тоқшылықта болуы маңызды", - деді Назарбаева.

Сенат басшысы ет саласының қазіргі жағдайы туралы айта келіп, оның жеңіл өнеркәсіппен байланысын атап өтті.

"Малды сою – бұл да маңызды мәселе. Себебі терінің сапасы бізде жеңіл өнеркәсіптің дамуына әсер етеді. Бұл мәселеге барлық жағынан кешенді түрде қарау керек", - деді ол.

Дариға Назарбаева кездесуді қорытындылай келіп, парламенттік тыңдаудан кейін де жұмыс жалғасатынын атап өтті.

"2020 жылдың соңына, 2021 жылдың басына қарай Агроөнеркәсіпті дамытудың жол картасы дайын болады. Зерделі заңдар мен ережелер қабылдануы керек. Сіздермен мүддеміз ортақ – ауыл шаруашылығымызды көтеру, отандық өндірістің дәмді әрі арзан өнімдері дастарқанда мол болуы үшін бай ел болу керек. Оны қарапайым заттардың экономикасы дейміз", - деді Д.Назарбаева.

 

3003
Кілт сөздер:
ет, Дариға Назарбаева
Тақырып бойынша
"Бұдан жағдай жақсармайды": Дариға Назарбаева сенатта маңызды мәселені көтерді
Назарбаевтың кенже қызы желіде жазба жариялады
"Жаңа қонысыңыз құтты болсын": Назарбаева жаңа министрге сәттілік тіледі
Дариға Назарбаева банктердің неден қорқатынын айтып берді
Назарбаева "Күнделіктің" жұмысын кімдер шектеп отырғанын айтты
Назарбаева сенаттың ұсынысына атүсті қараған үкіметтегі шенеуніктерді сынады  
Ақша, тиын, теңге

Қазақстанда 2021 жылы зейнетақы қаншаға өсетіні белгілі болды

3322
Келесі жылға арналған республикалық бюджет туралы заңға сәйкес, айлық есептік көрсеткіш пен ең төменгі күнкөріс деңгейі де өзгерді

НҰР-СҰЛТАН, 4 желтоқсан – Sputnik. Қазақстанда келесі жылы мемлекеттік базалық зейнетақының ең төменгі мөлшері өседі.

Егер былтыр ол 17 641 теңге болса, 2021 жылы 18 524 теңгеге жетеді.

Сондай-ақ, ең төменгі зейнетақы да 40 441 теңгеден 43 272 теңгеге дейін өседі.

Тиісті нормалар президент қол қойған 2021-2023 жылдарға арналған республикалық бюджет туралы заңда жазылған.

Тағы оқыңыз: Жәрдемақыны оңды-солды таратуды доғару қажет – Тоқаев

Бұдан бөлек, жәрдемақы және өзге де әлеуметтік төлемдерді, айыппұл, салық және басқа да төлемдерді есептеу үшін қолданылатын айлық есептік көрсеткіш те (АЕК) өзгереді. 2021 жылы 1 АЕК 2 917 теңгені құрайды. Биыл 1 қаңтардан ол 2 651 теңге болса, 1 сәуірден 2 778 теңгеге дейін ұлғайған еді.

Базалық әлеуметтік төлемдерді есептеу үшін ең төменгі күнкөріс деңгейі 34 302 теңге шамасында белгіленді. Осы жылы ең төменгі күнкөріс деңгейі 32 668 теңге болды.

Ал ең төменгі жалақы өзгерген жоқ – 42 500 теңге.

3322
Кілт сөздер:
жалақы, ең төменгі күнкөріс деңгейі, зейнетақы
Тақырып бойынша
Зейнетақы жинағын алу: 10%-тік салыққа қатысты өзгеріс енгізілді
Досаев Тоқаевқа зейнетақы активтерінің жағдайы туралы есеп берді
ЕАЭО елдерінде жұмыс істеген азаматтарға зейнетақы қалай төленеді
2021 жылы зейнетақы қорының сыйақы мөлшері қанша болатыны жарияланды
Мәулен Әшімбаев

Әшімбаев қазақстандық кәсіпкерлерді қандай жаңалық күтіп тұрғанын айтты

61
Спикер тиісті нормалар бойынша заң жобалары әзірленгенін атап өтті. Сенаторлар мәжілістегі әріптестермен бірге оларды мұқият қарап шығуға дайын

НҰР-СҰЛТАН, 4 желтоқсан – Sputnik. Қазақстанда кәсіпкерлердің қызметіне заңсыз араласқаны үшін лауазымды тұлғалардың жауапкершілігі күшейтілуі мүмкін. Сенатта өткен парламенттік тыңдауда депутаттар шағын және орта бизнесті қорғауға және дамытуға бағытталған бірқатар ұсыныс тастады, деп хабарлайды Sputnik Қазақстан тілшісі. 

Сенат спикері Мәулен Әшімбаевтың айтуынша, депутаттар кәсіпкерлердің қызметіне араласқаны үшін лауазымды тұлғалардың жауапкершілігін күшейтуге бағытталған шараларды ұсынды. Атап айтқанда, Әкімшілік құқықбұзушылық туралы кодекс пен Қылмыстық кодекске бірқатар өзгеріс енгізу көзделіп отыр. 

Депутаттар бизнес қызметіне заңсыз араласу, тексеріс жүргізу тәртібін бұзу, рейдерлік үшін жауапкершілікті заңнамалық тұрғыда күшейтуді қолдайды. Сондай-ақ, олар "кәсіпкерлердің адалдығы презумпциясы" принципін енгізуді мүмкін деп санайды. Ел президенті атап өткендей, кәсіпкерлік қызметке заңсыз кедергі келтіру мемлекетке қарсы жасалған ауыр қылмыс ретінде бағалануы тиіс. Президенттің бұл сөзі заңнамаға өзгерістер енгізу арқылы жүзеге асады", - деді Әшімбаев парламенттік тыңдауда. 

Сондай-ақ, жер телімін кәсіпкерлерге қолжетімді ету бағытында да ұсыныстар айтылды. 

"Бұл әлі күнге дейін өз шешімін таппай жүрген өзекті мәселелердің бірі. Бес-алты жыл бойы әртүрлі деңгейде талқыланып келеді. Бірақ, проблема сол күйі шешілмеді. Бұл мәселені шешу үшін кешенді шаралар қабылдау қажет", - деді спикер. 

Депутаттар ұсынған тағы бір шара – бос жер телімдері мен жоспарланып отырған сауда-сатттық туралы ақпараттың қолжетімділігі мен барынша ашықтықты қамтамасыз ету. Мұндай ақпараттар интернет-ресурстар мен басқа да алаңдарда жариялануы тиіс.

Бұдан бөлек, елді мекендерде жерді мақсатты пайдалануды өзгерту процедурасын оңтайландыру қажет. Әшімбаевтың айтуынша, бұл процесте қағазбастылық көп. 

Спикер тиісті нормалар бойынша заң жобалары әзірленгенін атап өтті. Сенаторлар мәжілістегі әріптестермен бірге оларды мұқият қарап шығуға дайын.

61
Кілт сөздер:
кәсіпкер, Мәулен Әшімбаев
Тақырып бойынша
"Шабуыл жасап, үш қап ақшаны алып кетті": банк желіде тараған видеоны растады
Банктер мемлекеттің көмегінсіз бизнесті кредиттеуге құлықсыз – депутат
Министр шағын және орта бизнестің экономикадағы үлесі туралы айтты
Сенатор қазақстандық бизнесмендердің өтінішін жеткізді
Ұлттық банктің саясаты түсінбестік тудырады – Мырзахметов
Илья Ильин Sputnik студиясында өткен баспасөз мәслихатында

Илья Ильин сүйінші жаңалығын бөлісті

0
Әлемнің төрт дүркін чемпионы Илья Ильин жаңа қызметке тағайындалды. Бұл туралы спортшы әлеуметтік желіде жазды

НҰР-СҰЛТАН, 5 желтоқсан – Sputnik. Танымал қазақстандық спортшы Илья Ильин Ұлттық ғылыми-практикалық дене тәрбиесі орталығының дене шынықтыру саласындағы ғылыми зерттеу жұмыстары зертханасының бас ғылыми қызметкері болып тағайындалды.

Ауыр атлет сүйінші жаңалығын Instagram-дағы парақшасында бөлісті.

"Тағайындау! Ильин Илья Александрович ҚР БҒМ "Ұлттық ғылыми-практикалық дене тәрбиесі орталығы" РМҚК дене шынықтыру саласындағы ғылыми зерттеу жұмыстары зертханасының бас ғылыми қызметкері лауазымына тағайындалды", - делінген жазбада.

Посмотреть эту публикацию в Instagram

Публикация от Илья Ильин (@ilyailyinforever)

Биыл 10 қыркүйекте Ильин Қазақстандық спортшылар одағының Қызылорда облысы бойынша филиалын басқаратынын мәлімдеген еді. Танымал спортшы туған жерінде спортты дамытуға қатысты үлкен жоспарларының бар екенін жеткізді.

Ал 8 қазанда ауыр атлет "Халық алғысы" медалімен марапатталды.

0
Кілт сөздер:
жаңа қызмет, спортшы, Илья Ильин
Тақырып бойынша
Ауруханаға түсіп қалған Илья Ильин видео жариялады
Илья Ильин алтын медаль ұтып алды - видео
Илья Ильин "Халық алғысы" медалімен марапатталды
Илья Ильин жаңа қызметке тағайындалды