Гарант 24 Ломбард

Халықты алдаған ломбард басшыларының қайда екені анықталды

2351
(Жаңартылды 14:00 26.02.2020)
Ломбардтар ісіне қатысты арыз-шағымның саны 3 000-нан асқанын айтты. Шағымдардың көлемі әлі де арта түседі деген болжам жасалып отыр

НҰР-СҰЛТАН, 26 ақпан – Sputnik. Халықты алдаған  "Гарант 24" және "Estate Ломбард" ломбардының екі басшысы қайда екені анықталды, деп хабарлайды Sputnik Қазақстан тілшісі.

Журналистерге сұхбат берген тергеу департаментінің басшысы Санжар Әділов ломбардтар ісіне қатысты арыз-шағымның саны 3 000-нан асқанын айтты. Шағымдардың көлемі әлі де артады. Себебі тәркіленген келісімшарттардың жалпы саны 42 000-нан асады. Қазіргі кезде 15 адам қамауға алынды.

 Вывески Гарант 24 Ломбард
© Sputnik / Абзал Калиев
22 ақпанда бірқатар өңірде "Гарант 24" ломбарды филиалдарының директорлары ұсталды

"Ал 12 күдіктіге мемлекетаралық іздеу жарияланды. Өкінішке қарай, олардың дені халық шуламай тұрғанда шекара асып, бой тасалаған. Әзірше, екі адамның шекарадан өткені тіркелді. Арнайы тергеу тобы Ресей мен Қырғызстанға жіберілді. Қалғанын іздеп жатырмыз. Әзірше, екі адамның жері анықталып отыр. Басқалар Қазақстанда жүруі мүмкін. Шекарадан заңсыз өтіп кетуі де ықтимал", - дейді Әділов.

Департамент басшысы ақшаның басым бөлігі халықтан қолма-қол жиналғанын жеткізді. Сол күйінде инкассация жасалып тұрған. Қазіргі кезде ақша мен мүлікті іздестіру шаралары атқаралып жатыр.

"Тінту кезінде 40 миллион теңге тәркіленген болатын. Бұдан бөлек, 21 пәтерге, 3 үйге және 30-дан астам көлік құралына арест салынды. Шығынның жалпы көлемі 5 миллиард теңгеден асады. Қазақстан бойынша 13 өңірде осы қаржы пирамидасының қылмыстық әрекеті тіркелген. Осы қылмыс үшін 12 жылға дейін бас бостандығынан айыру жазасы қарастырылған", - деп атап көрсетті Әділов.

Ломбардтардың заңсыз қызметі

Өткен аптаның соңында Нұр-Сұлтан, Ақтөбе, Атырау және басқа өңірлердің тұрғындары бірнеше күннен бері "Гарант 24", "Estate Ломбард" және Home Avto Invest ломбардтарына салған ақшасын қайтара алмай жатқанын айтып шағымданды.

Қаржы нарығын реттеу және дамыту агенттігі ломбардтардың қызметін қаржы пирамидасымен салыстырып, лицензиясыз банк қызметін заңсыз жүзеге асырғанын мәлімдеді. 

Ломбардтар азаматтардан жылжымалы және жылжымайтын мүлікті жоғары құны бойынша бөліп-бөліп сатып алған, кейіннен 3-5 ай ішінде клиенттерге мәміле сомасының бір бөлігін төлеген, ал осы уақытта қабылданған мүлікті үшінші тұлғаларға нарықтық құнынан төмен сатқан. Бұдан басқа, аталған компаниялар өз клиенттерінен депозит ретінде ай сайынғы сомадан 30-дан 40%-ға дейін сыйақы төлеуге уәде бере отырып, салымдар қабылдаған. Барлық ақшалай қаражат бас офиске құйылатын.

22 ақпанда бірқатар өңірде "Гарант 24" ломбарды филиалдарының директорлары ұсталды. Ішкі істер министрлігінің баспасөз қызметі Павлодар, Тараз және Қарағандыда ломбард директорлары қамауға алынғанын мәлімдеді.

"Ақшаларыңды қайтармаймын!"

Ломбардтар салымшыны көптеп тарту үшін қазақстандық эстрада және спорт жұлдыздарының қатысуымен кең жарнамалық науқан жүргізген. "Whats App" мессенджерінде ЖШС басшылары чат құрып, оған барлық салымшы кірген.

Осы жылдың 15 ақпанында серіктестіктердің басшылары өз қызметін бір уақытта тоқтатып, ұрланған ақшамен бой тасалаған. 19 ақпан күні "Гарант 24 Ломбард" ЖШС құрылтайшысы, 1993 жылы туған Мырзабеков Аслан Пазылжанұлы "WhatsApp" чатында салымшыларға "Мен сендердің ақшаларыңды қайтармаймын. Сенімдерің үшін рахмет! Тегін ақша әуесқойлары! Бәріңіз сау болыңыздар!" деген хабарлама қалдырған.

Сол күні әр аймақтардағы ішкі істер органдарына азаматтар жылжымалы және жылжымайтын мүлікті, сондай-ақ ақшаны заңсыз иеленуге байланысты шағым түсіре бастаған. Шетелде бой тасалап жүргендердің ішінде Мырзабеков те бар.

 

2351
Кілт сөздер:
ақша, халық, басшы, ломбард
Тақырып бойынша
Қуат "Найман" Хамитовтың басы бәлеге қалды
Шетелге қашқан ломбард құрылтайшысы мәлімдеме жасады - видео
"Котёл" ойыны: Тоқаевтың кеңесшісі өз ойын ашық айтты
"Ақшаларыңды қайтармаймын": Ломбард басшысы халықты қалай алдағаны белгілі болды
Шымкентте бетперде киген шабуылшы ломбард қызметкерін жаралады
Ақорда

Зейнетақы төлеуге 7,3 триллион теңге бөлінеді: Тоқаев заңға қол қойды

175
Кепілдендірілген трансферт республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне жұмсалады

НҰР-СҰЛТАН, 24 қараша – Sputnik. Президент Қасым-Жомарт Тоқаев "Қазақстан Республикасының Ұлттық қорынан 2021 – 2023 жылдарға арналған кепілдендірілген трансферт туралы" заңға қол қойды, деп хабарлады Ақорданың баспасөз қызметі.  

Заңда Ұлттық қордан 2021 жылы – 2 триллион 700 миллиард теңге, 2022 жылы –  2 триллион 400 миллиард теңге, 2023 жылы – 2 триллион 200 миллиард теңге кепілдендірілген трансферт бөлу көзделген.

Оқи отырыңыз: Нұрымбетов жәрдемақы төлеу кезінде әділетсіздікке жол беріліп жатқанын айтты 

Сондай-ақ, құжат кепілдендірілген трансфертті пайдаланудың нысаналы бағытын айқындайды. Осы қаражат республикалық бюджеттен ортақ зейнетақыларды төлеуге және мемлекеттік базалық зейнетақы төлемдеріне бағытталады.

Кепілдендірілген трансферт бөлінгеннен кейін Ұлттық қордағы қаражат жалпы ішкі өнімнің 30% мөлшерінен төмендемейді. 

175
Кілт сөздер:
Қасым-Жомарт Тоқаев, зейнетақы
Тақырып бойынша
Зейнетақы жинағын алу: қазақстандықтар 10%-тік салықты қалай төлейді
Зейнетақы жинағын емделуге пайдаланудың шарты қандай – министрлік жауабы
Депутат Бектаев әр балаға 18 жасқа дейін қаржы бөлуді ұсынды
Мамин Қазақстанда зейнет жасын төмендету туралы ұсынысқа жауап берді
Теңізде орналасқан Қашаған мұнай кеніші

Министр Қашағанда мұнай өндіруді шектеудің себебін түсіндірді

13
Министрдің айтуынша, Атырау облысында ілеспе газды өңдейтін тағы бір зауыт салу жоспарланып отыр

НҰР-СҰЛТАН, 24 қараша – Sputnik. Қашағандағы мұнай өндіру көлемі ілеспе газды кәдеге жаратуға байланысты шектелетін болды. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан.

"Қашаған кен орнында өндірісті шектеудің негізгі себебі – ілеспе газды кәдеге жарату", – деді министр.

Осы мақсатта North Caspian Operating Company (NCOC) Атырау облысындағы "Болашақ" газ өңдеу зауытының жанынан қуаттылығы 1 миллиард текше метр болатын газ өңдеу зауытын салу туралы инвесторлармен келісімге келді.

"Болашақта тараптар барлық көрсеткіштер бойынша келісімді мақұлдаған соң, оның қуаттылығын 5 миллиард текше метрге дейін ұлғайту жоспарланып отыр", – деп атап өтті Ноғаев.

Оқи отырыңыз: Қазақстан Қашаған кен орнынан қанша мұнай алуды көздейді

Министрдің айтуынша, қазіргі кезде жұмыс белсенді жүргізілуде және келіссөздер аяқталуға жақын.

13
Кілт сөздер:
мұнай өңдеу зауыты, мұнай
Тақырып бойынша
Тұрымов ОПЕК+ келісімі мұнай өндірісіне қалай әсер еткенін айтты
Қазақстанда мұнай-сервис компанияларына қатысты талаптар өзгеруі мүмкін
Қашаған мұнайы әлемдік нарыққа шығарылды
Қашаған кен орнында ірі зауыт салынады
COVID-19 вакцинасына қатысты жаңалықтан соң мұнай 10%-ке қымбаттады
Швейный цех

Неліктен әскери киім киюге тыйым салынды?

0
(Жаңартылды 21:46 24.11.2020)
Sputnik Қазақстан тілшісі азаматтық тұлғаларға аяқ астынан әскери киім киюге тыйым салынуына не себеп болғанын анықтауға тырысып көрді

НҰР-СҰЛТАН, 24 қараша – Sputnik. Өткен демалыста қазақстандық аңшылар, балықшылар, туристер мен шаруа басында жүрген азаматтар тосын жаңалыққа таң-тамаша болды. Атырау облысының әскери полицейлері оларға бұдан былай әскери киім киюге тыйым салынатынын мәлімдеді. Полицейлердің айтуынша, әскери форманы масқаралауға енді жол берілмейді.  

Ал бұл ескертуді елемегендерге жақын уақытта айыппұл салынады. Бұл талап қазақстандықтарды таңғалдырғаны рас. Себебі, олардың арасында ыңғайлы бұл киімді талай жылдан бері тастамай киіп жүргендер бар. Аң мен балық аулау, туристік саяхат, тіпті, бақшадағы жұмыстар үшін де әскери киімнен артық қолайлы киім жоқ. Алайда атыраулық гарнизонның әскери полицейлері қатаң түрде талап қойды: "Әзірге ескертіп жатырмыз. Бірақ алдағы уақытта аяусыз айыппұл саламыз!".

Мұндай шешімге не ықпал еткенін әскерилер түсіндіріп жатпады.

"Әскери киім қарапайым халық арасында үлкен сұранысқа ие. Олар бұл киімді көбіне жұмысқа, үй шаруасын атқарғанда киеді. Ал әскери киім киген азамат қылмыс жасаса, қоғам оны әскери қызметшінің қылмысы ретінде қабылдайды. Бұл қарулы күштер мен әскери қызметшілердің беделіне нұқсан келтіріп жатыр", - деді Атырау әскери полициясының қызметкері Бақтияр Дәуренқұлов "Хабар 24" телеарнасының тілшілеріне.

Әскери киімді құрметтеп, әскери қызметшілердің беделін көтеру дұрыс іс. Бұған ешкім дау келтірмейді. Әскери адам төзімділіктің, батылдықтың және патриотизмнің үлгісі болуы керек. Бірақ Атырау облысының әскери полициясы еш шені жоқ, әскери салаға қатысы жоқ қарапайым азаматтың әскери киіммен жүруіне қандай заңдар мен ережелер негізінде тыйым салынатынын түсіндірмеді.

Оқи отырыңыз: Қазақстандықтарға әскери киім кигені үшін айыппұл салынады 

Бұл мәселе өте маңызды. Өйткені, біз құқықтық мемлекетте өмір сүреміз. Сондықтан, кез келген рұқсат немесе тыйымдар заң саласында нақты реттеліп, түсіндірілуі керек. Әйтпесе, ертең спортшылар трико мен олимпийка киюге тыйым салуды талап етсе ше? Спорт киімін киген адамның қылмыс жасамауына кепіл жоқ. Спортшылар бұл беделімізге кері ықпал етеді деп қабылдайды. Сол сияқты саусағынан бал тамған аспаздар үй шаруасындағы қыз-келіншектерге алжапқыш киюге тыйым салуы да ғажап емес.

Атырау облысы әскери полициясының бұл бастамасына қазақстандық танымал заңгер Жангелді Сүлейменов те таңғалды. Оның айтуынша, Қазақстан президентінің жарлығына сәйкес, арнайы киімде азаматтың қандай да бір әскер түріне қатысты екенін анықтайтын погондар мен шеврондар болса ғана ол әскери киім болып есептеледі.

"Погоны жоқ камуфляжды киім – бұл әскери киім емес. Оны киюге рұқсат, ешқандай айыппұл салынбайды", - деді Жангелді Сүлейменов өзінің фейсбук парақшасында.

Заңгердің пікірінше, әскери полицейлердің қағидасына сүйенсек, мұндай тыйым салынатын киімдер қарасы көбейіп кетеді. Себебі, олардың қатарында қара және ақ түсті қолғаптар, қара бәтіңкелер, шәркей мен белдіктер бар.

Қарапайым халықтың әскери киім киюге құқығы бар ма, жоқ па, анықтау үшін интернеттен "Қазақстан Республикасының Қарулы күштері, басқа да әскерлері мен әскери құралымдары әскери қызметшілерінің әскери киім нысаны және айырым белгілері туралы" Қазақстан президентінің 2011 жылғы 25 тамыздағы №144 жарлығын тауып алып, екінші азат жолдағы мәтінге назар аударса жеткілікті. Мұнда "әскери киім нысаны – Қазақстан Республикасының заңнамасымен белгіленген погондары бар нысанды киім (киім-кешек)" деп жазылған.

Сондықтан, атыраулық әскери полицейлердің жоғарыда көрсетілген талабы қаншалықты заңды деген сұрақ туындайды. Оған заң тұрғысында былай жауап беруге болады: Қазақстан Республикасының Әкімшілік құқықбұзушылық туралы кодексінің 675-бабында айырым белгілері және (немесе) әскери форманың нышаны бар киімді заңсыз киіп жүру (пайдалану) жеке тұлғалар үшін бес АЕК – 13 890 теңге (шамамен 32 доллар) мөлшерінде айыппұл салуға, айырым белгілері және (немесе) әскери форманың нышаны бар әскери киімді тәркілеуге әкеп соқтыратыны айтылған.

Sputnik Қазақстан редакциясы Қазақстан қорғаныс министрлігінен Атырау облысы әскери полицейлерінің әрекетіне қатысты және олардың бұл талабы қаншалықты заңды екені жөнінде пікір білдіруді сұрады. Ресми жауап алған бойда оны жариялаймыз.   

0
Кілт сөздер:
Атырау облысы, әскерилер
Тақырып бойынша
Тоқаев қорғаныс министрлігінің әскери алқасын жинауды тапсырды
Танымал қазақстандық әнші төтенше жағдайға байланысты әскерге шақырылды – видео
"Тарихта болмаған": министрлік әскери қызметке шақыру тәртібін түсіндірді 
Тойға полицей болып кіріп келген асаба жауапқа тартылады – видео