Instagram

Ломбардтарды жарнамалаған әртістер мен блогерлер заң алдында жауап береді

216
Қазақстанда танымал эстрада жұлдыздары мен блогерлерден мыңдаған "салымшыны" алдап соққан ломбардтар туралы іс бойынша жауап алынады

НҰР-СҰЛТАН, 26 ақпан – Sputnik. Даулы ломбардтардың қызметін жарнамалаған Қазақстандағы танымал тұлғалардан полиция жауап алады. Бұл туралы мәжіліс кулуарында Қазақстан ішкі істер министрлігі тергеу департаментінің бастығы Санжар Әділов мәлімдеді, деп хабарлайды Sputnik Қазақстан тілшісі.

Оның айтуынша, эстрада жұлдыздары мен блогерлерден жауап алу жақын арада басталады.

Оқи отырыңыз: Халықты алдаған ломбард басшыларының қайда екені анықталды 

"Жарнама туралы заңға сәйкес жауапкершілік қарастырылған. Бірақ бұл жауапкершілікті де анықтау керек. Біздің шоу-бизнес, эстрада жұлдыздарымыз қылмыстық іс-әрекетті жарнамалай отырып, ақшаны алдап алу мақсатында құрылған қылмыстық ұйымдардың жұмысын жарнамалайтынын білуі тиіс", - деді Санжар Әділов.

Қазақстандағы ломбард жанжалы

Өткен аптаның соңында Нұр-Сұлтан, Ақтөбе, Атырау және басқа өңірлердің тұрғындары бірнеше күннен бері "Гарант 24", "Estate Ломбард" және Home Avto Invest ломбардтарына салған ақшасын қайтара алмай жатқанын айтып шағымданды.

Қаржы нарығын реттеу және дамыту агенттігі ломбардтардың қызметін қаржы пирамидасымен салыстырып, лицензиясыз банк қызметін заңсыз жүзеге асырғанын мәлімдеді. 

Ломбардтар азаматтардан жылжымалы және жылжымайтын мүлікті жоғары құны бойынша бөліп-бөліп сатып алған, кейіннен 3-5 ай ішінде клиенттерге мәміле сомасының бір бөлігін төлеген, ал осы уақытта қабылданған мүлікті үшінші тұлғаларға нарықтық құнынан төмен сатқан. Бұдан басқа, аталған компаниялар өз клиенттерінен депозит ретінде ай сайынғы сомадан 30-дан 40%-ға дейін сыйақы төлеуге уәде бере отырып, салымдар қабылдаған. Барлық ақшалай қаражат бас офиске құйылатын.

22 ақпанда бірқатар өңірде "Гарант 24" ломбарды филиалдарының директорлары ұсталды. Ішкі істер министрлігінің баспасөз қызметі Павлодар, Тараз және Қарағандыда ломбард директорлары қамауға алынғанын мәлімдеді.

"Ақшаларыңды қайтармаймын!"

Ломбардтар салымшыны көптеп тарту үшін қазақстандық эстрада және спорт жұлдыздарының қатысуымен кең жарнамалық науқан жүргізген. "Whats App" мессенджерінде ЖШС басшылары чат құрып, оған барлық салымшы кірген.

Осы жылдың 15 ақпанында серіктестіктердің басшылары өз қызметін бір уақытта тоқтатып, ұрланған ақшамен бой тасалаған. 19 ақпан күні "Гарант 24 Ломбард" ЖШС құрылтайшысы, 1993 жылы туған Мырзабеков Аслан Пазылжанұлы "WhatsApp" чатында салымшыларға "Мен сендердің ақшаларыңды қайтармаймын. Сенімдерің үшін рахмет! Тегін ақша әуесқойлары! Бәріңіз сау болыңыздар!" деген хабарлама қалдырған.

Сол күні әр аймақтардағы ішкі істер органдарына азаматтар жылжымалы және жылжымайтын мүлікті, сондай-ақ ақшаны заңсыз иеленуге байланысты шағым түсіре бастаған. Шетелде бой тасалап жүргендердің ішінде Мырзабеков те бар.

216
Кілт сөздер:
жарна, әртіс, ломбард
Тақырып бойынша
Қазақстандықтар сан соғып қалды: атышулы ломбардтарға қатысты тың дерек шықты
Қуат "Найман" Хамитовтың басы бәлеге қалды
Бірнеше басшы ұсталды: Қазақстан ломбардтарында не болып жатыр
"Ақшаларыңды қайтармаймын": Ломбард басшысы халықты қалай алдағаны белгілі болды
Шетелге қашқан ломбард құрылтайшысы мәлімдеме жасады - видео
Ақша, теңге, тиындар

Министрлік қазақстандықтарға 366 млрд теңге жәрдемақы төленгенін айтты

1524
Еңбек министрлігі былтыр Қазақстан азаматтарына мүгедектігі және асыраушысынан айырылуына байланысты мемлекеттен төленген әлеуметтік жәрдемақының мөлшерін жариялады

НҰР-СҰЛТАН, 18 қаңтар – Sputnik. 2020 жылы қазақстандықтарға мүгедектікке және асыраушысынан айырылуына байланысты 366 миллиард теңгеден астам жәрдемақы төленді, деп хабарлайды Sputnik Қазақстан еңбек және халықты әлеуметтік қорғау министрлігінің баспасөз қызметіне сілтеме жасап.

2021 жылдың 1 қаңтарындағы жағдай бойынша мүгедектігі бойынша әлеуметтік жәрдемақы алатындар саны шамамен 525 мың адамды, асыраушысынан айырылуына байланысты жәрдемақы алатындар 166 мың адамды құрады.

"2020 жылдың қаңтар-желтоқсан айларында республикалық бюджеттен 366 миллиард теңгеден астам жәрдемақы, оның ішінде мүгедектігі бойынша 291 миллиард теңге, асыраушысынан айырылуына байланысты 75 миллиард теңге төленді", - делінген ведомствоның сайтында.

Мүгедектігі бойынша жәрдемақы мөлшері мүгедектік тобына және себебіне, сондай-ақ тиісті қаржы жылына арналған "Республикалық бюджет туралы" заңда белгіленген ең төменгі күнкөріс деңгейінің шамасына байланысты болады.

Тағы оқыңыз: Балаға берілетін жәрдемақы - 2021: кімге, қалай және қанша төленеді?

Мәселен, былтыр 1 сәуірден бастап жалпы аурудан болған I топтағы мүгедектерге 62 723 теңге, II топқа – 49 983 теңге, III топқа – 33 975 теңге, 16 жасқа дейінгі мүгедек балаларға 45 736 теңге төленді.

Асыраушысынан айырылуына байланысты берілетін жәрдемақы қайтыс болған (қаза тапқан) асыраушының асырауындағы адамдардың санын, қайтыс болу себебін және ең төменгі күнкөріс деңгейін ескере отырып есептеледі.

Мысалы, 2020 жылдың 1 сәуірінен бастап асырауындағы бір адам үшін жәрдемақы 28 095 теңгені, ал екі адам үшін 48 676 теңгені құрады.

1524
Кілт сөздер:
Еңбек және халықты әлеуметтік қорғау министрлігі, мүгедектер, жәрдемақы
Тақырып бойынша
Тоқаев арнаулы жәрдемақы кімдерге төленетінін айтты
Мүгедектік бойынша жәрдемақы көбейе ме – министр жауап берді
Қазақстанда зейнетақы мен жәрдемақы қанша болады – министрлік ақпарат жариялады
"413,4 мың көпбалалы отбасы жәрдемақы алады": Нұрымбетов жылды қорытындылады
Доллар және теңге

Қазнетте доллар бағамы күрт өзгеретіні туралы тараған ақпарат рас па

135
Экономистердің пікірінше, АҚШ долларының бағамын "алтын стандартқа" тәуелді ету оң нәтиже бермейді

НҰР-СҰЛТАН, 18 қаңтар – Sputnik. Қазақстандықтар бір-біріне доллар бағамы күрт өзгеретінін ескертіп жатыр. Желіде тараған ақпаратта 27 қаңтардан бастап шетелдік валюта алтын құнына тәуелді болатыны айтылған.

stopfake.kz порталы бұл ақпараттың шындыққа жанаспайтынын хабарлады.

"АҚШ-тың валюталық жүйесіндегі өзгерістерге қатысты ресми мәлімдеме болған жоқ. Федералды резервтік жүйенің сайтында да мұндай хабарлама жарияланбаған. Демек, осы жылдың 27 қаңтарында доллардың "алтын стандартқа" байланатыны туралы хабарлама расталмайды", - делінген хабарламада.

Көптеген экономистің пікірінше, долларды "алтын стандартқа" тәуелді ету оң нәтиже бермейді. Керісінше, бұл шара айналымдағы ақшаны едәуір азайтады.

Сондай-ақ, алтынның құбылмалы бағасы АҚШ валютасына теріс әсерін тигізеді.

135
Кілт сөздер:
доллар, валюта
Тақырып бойынша
Ұлттық қор активтері бір жылда 3,1 миллиард долларға төмендеді – Досаев
Парламент сайлауынан кейін доллар бағамы қалай өзгерді
Спутник V вакцинасы

Еуропалық басылым "Спутник V" вакцинасына қолдау білдірді

0
АҚШ пен Еуропалық Одақ елдеріне қарағанда Ресей ақша табуды көздеп отырған жоқ, деп жазды "Monde diplomatique"француз газеті

НҰР-СҰЛТАН, 18 қаңтар – Sputnik. Ресей коронавирус пандемиясын бәсеңдетуге қабілетті препарат әзірледі. Батыс ресейлік ғылымды қаралаудан танар емес, деп жазды "Monde diplomatique"француз газетінің Испаниядағы өкілдігі.  

Мақала авторы Федерико Кусконың пікірінше, Батыс орыстың ғылыми дәстүрін білмегендіктен, "Спутник V" вакцинасына немқұрайлы қарап, сенбеді.

"Тілдік, мәдени пен саяси айырмашылықтан туындаған бұл білімсіздік ресейлік бастамаға күдікпен қарауға себеп болып отыр", - деді журналист.  

Ол препаратты әзірлеу Ресейдегі ғылыми дамудың бүкіл тарихи тізбегінің нәтижесі екенін баса айтты. Алайда, оның пікірінше, батыстықтар көп жыл бойы Ресейдің ғылыми жетістіктерін жоққа шығарып келді де, енді вакцина ойлап табу туралы хабарландыруға таңғалуда.

"Фармацевтикалық зертханалары дәрі-дәрмекке удай қымбат баға белгілейтін АҚШ пен Еуропалық Одақ елдеріне қарағанда Ресей ақша табуды көздеп отырған жоқ", - деді Куско.

Кусконың пікірінше, шамамен 50 жыл өткен соң қазір әлемнің түрлі еліне таралып жатқан "Спутник V" вакцинасына қатысты күдік ешкімнің есіне түспейді.

 

0
Тақырып бойынша
Тоқаевтың көмекшісі коронавирусқа қарсы вакцинаны екінші рет салдырды
2021 жылы коронавирусқа қарсы жаппай вакцинациялау басталады
Министрлік отандық вакцинаға уақытша тіркеу куәлігін берді
Қазақстанда он миллион адамға вакцина салу жоспарланып отыр
Ресейде коронавирустан жаппай вакцинациялау басталғалы жатыр