НҰР-СҰЛТАН, 17 наурыз – Sputnik. Қазақстанның ірі қалаларында АҚШ валютасы 438-440 теңгеден сатылып жатыр, деп хабарлайды Sputnik Қазақстан тілшісі.
Kurs.kz сайтының мәліметінше Нұр-Сұлтан қаласында бір доллар 440 теңгеге бағалануда. Алайда кейбір ақша айырбастау пункттерінде шетелдік валюта сатылып жатқан жоқ. Ал ақша айырбастау пункттері долларды 435-437 теңгеден алып жатыр.
Алматыда долларды бір теңгеге арзанға алуға болады. Бағасы – 439-439,5. Қазіргі кезде АҚШ-тың ақшасын тапсырған адамдар бір доллар үшін 433-437 теңге ала алады.
Оқи отырыңыз: Ұлттық банк мәлімдеме жасады
Шымкентте бір доллар 438 теңгеден сатылып жатыр.
17 наурызда Ұлттық банк теңгенің долларға шаққандағы ресми бағамын 434,59 теңге көлемінде бекітті.