Ақша салынған әмиян

Төтенше жағдай кезінде табысын жоғалтқан қазақстандықтарға жәрдемақы төленеді

3531
(Жаңартылды 15:16 23.03.2020)
Президенттің айтуынша, алдын ала есеп бойынша мұндай қолдауға кемінде 1,5 миллион отандасымыз ие бола алады

НҰР-СҰЛТАН, 23 наурыз – Sputnik. Президент Қасым-Жомарт Тоқаев Ақордада өткізген төтенше жағдай жөніндегі мемлекеттік комиссияның отырысында коронавирус індетіне байланысты табысын жоғалтқан адамдарға жәрдемақы төлеуді тапсырды, деп хабарлайды Sputnik Қазақстан.

Бүгінде тек Алматы қаласындағы карантин кезеңінде кәсіпорындардағы жұмысшылар саны 266 мың адамға азайды. Бұл жағдай жеке кәсіпкерлер арасында да байқалып, олардың 80%-ті өз қызметін тоқтатқан.

"Алдын ала есептеулер бойынша қазіргі жағдай 500 мыңға жуық азаматтың қаржылық жағдайына кері әсерін тигізді. Сондықтан, төтенше жағдай салдарынан кірісін жоғалтқан адамдарға 1 ең төменгі жалақы (42 500 теңге) көлемінде ай-сайынғы төлемдер жасауды тапсырамын", – деді Тоқаев.

Президенттің айтуынша, алдын ала есеп бойынша мұндай қолдауға кемінде  1,5 миллион отандасымыз ие бола алады.

"Қажет болса, қолдау көлемін ұлғайтуға резервтік қор жеткілікті. Сонымен қатар қолдау түрлерін кеңейту жағы қарастырылады. Мемлекеттік комиссияға төлемдердің ашық әрі тиімді тетігін жасауды тапсырамын", – деді президент.

Оқи отырыңыз: Тоқаев 55 жастан асқан адамдардың үйде отыруын қамтамасыз етуді тапсырды

Ал мемлекет тарапынан көрсетілетін қолдауға кімдер ие болатындығын қоғам өкілдері мен "Атамекен" ұлттық кәсіпкерлер палатасының мүшелері кіретін арнайы өңірлік штабтар анықтайды.

Бұдан бөлек, кәсіпкерлер де жұмыс орындарын сақтап, қызметкерлерді жұмыстан шығармауды ойластыру керек, деді Тоқаев. Ол комиссияға жұмыс берушілерді, әсіресе, шағын және орта бизнесті қолдау бойынша кешенді іс-шаралар әзірлеуді тапсырды. 

Тоқаевтың төтенше жағдай жөніндегі мемлекеттік комиссияның отырысында сөйлеген сөзінің толық мәтінін Ақорданың ресми сайтынан оқи аласыздар. 

 

 

3531
Кілт сөздер:
төтенше жағдай, Қасым-Жомарт Тоқаев
Тақырып бойынша
Назарбаев: Мерекелік көңіл-күйге бөленуге ештеңе кедергі бола алмайды
Бұл індетке жайбарақат, бей-жай қарауға болмайды – Тоқаев  
"Бұл әзіл емес": Тоқаев үкіметке тапсырма берді
Қазақстанда 8 процентпен кредит беріледі
Ақша, тиын, теңге

Қазақстанда 2021 жылы зейнетақы қаншаға өсетіні белгілі болды

3333
Келесі жылға арналған республикалық бюджет туралы заңға сәйкес, айлық есептік көрсеткіш пен ең төменгі күнкөріс деңгейі де өзгерді

НҰР-СҰЛТАН, 4 желтоқсан – Sputnik. Қазақстанда келесі жылы мемлекеттік базалық зейнетақының ең төменгі мөлшері өседі.

Егер былтыр ол 17 641 теңге болса, 2021 жылы 18 524 теңгеге жетеді.

Сондай-ақ, ең төменгі зейнетақы да 40 441 теңгеден 43 272 теңгеге дейін өседі.

Тиісті нормалар президент қол қойған 2021-2023 жылдарға арналған республикалық бюджет туралы заңда жазылған.

Тағы оқыңыз: Жәрдемақыны оңды-солды таратуды доғару қажет – Тоқаев

Бұдан бөлек, жәрдемақы және өзге де әлеуметтік төлемдерді, айыппұл, салық және басқа да төлемдерді есептеу үшін қолданылатын айлық есептік көрсеткіш те (АЕК) өзгереді. 2021 жылы 1 АЕК 2 917 теңгені құрайды. Биыл 1 қаңтардан ол 2 651 теңге болса, 1 сәуірден 2 778 теңгеге дейін ұлғайған еді.

Базалық әлеуметтік төлемдерді есептеу үшін ең төменгі күнкөріс деңгейі 34 302 теңге шамасында белгіленді. Осы жылы ең төменгі күнкөріс деңгейі 32 668 теңге болды.

Ал ең төменгі жалақы өзгерген жоқ – 42 500 теңге.

3333
Кілт сөздер:
жалақы, ең төменгі күнкөріс деңгейі, зейнетақы
Тақырып бойынша
Зейнетақы жинағын алу: 10%-тік салыққа қатысты өзгеріс енгізілді
Досаев Тоқаевқа зейнетақы активтерінің жағдайы туралы есеп берді
ЕАЭО елдерінде жұмыс істеген азаматтарға зейнетақы қалай төленеді
2021 жылы зейнетақы қорының сыйақы мөлшері қанша болатыны жарияланды
Мәулен Әшімбаев

Әшімбаев қазақстандық кәсіпкерлерді қандай жаңалық күтіп тұрғанын айтты

61
Спикер тиісті нормалар бойынша заң жобалары әзірленгенін атап өтті. Сенаторлар мәжілістегі әріптестермен бірге оларды мұқият қарап шығуға дайын

НҰР-СҰЛТАН, 4 желтоқсан – Sputnik. Қазақстанда кәсіпкерлердің қызметіне заңсыз араласқаны үшін лауазымды тұлғалардың жауапкершілігі күшейтілуі мүмкін. Сенатта өткен парламенттік тыңдауда депутаттар шағын және орта бизнесті қорғауға және дамытуға бағытталған бірқатар ұсыныс тастады, деп хабарлайды Sputnik Қазақстан тілшісі. 

Сенат спикері Мәулен Әшімбаевтың айтуынша, депутаттар кәсіпкерлердің қызметіне араласқаны үшін лауазымды тұлғалардың жауапкершілігін күшейтуге бағытталған шараларды ұсынды. Атап айтқанда, Әкімшілік құқықбұзушылық туралы кодекс пен Қылмыстық кодекске бірқатар өзгеріс енгізу көзделіп отыр. 

Депутаттар бизнес қызметіне заңсыз араласу, тексеріс жүргізу тәртібін бұзу, рейдерлік үшін жауапкершілікті заңнамалық тұрғыда күшейтуді қолдайды. Сондай-ақ, олар "кәсіпкерлердің адалдығы презумпциясы" принципін енгізуді мүмкін деп санайды. Ел президенті атап өткендей, кәсіпкерлік қызметке заңсыз кедергі келтіру мемлекетке қарсы жасалған ауыр қылмыс ретінде бағалануы тиіс. Президенттің бұл сөзі заңнамаға өзгерістер енгізу арқылы жүзеге асады", - деді Әшімбаев парламенттік тыңдауда. 

Сондай-ақ, жер телімін кәсіпкерлерге қолжетімді ету бағытында да ұсыныстар айтылды. 

"Бұл әлі күнге дейін өз шешімін таппай жүрген өзекті мәселелердің бірі. Бес-алты жыл бойы әртүрлі деңгейде талқыланып келеді. Бірақ, проблема сол күйі шешілмеді. Бұл мәселені шешу үшін кешенді шаралар қабылдау қажет", - деді спикер. 

Депутаттар ұсынған тағы бір шара – бос жер телімдері мен жоспарланып отырған сауда-сатттық туралы ақпараттың қолжетімділігі мен барынша ашықтықты қамтамасыз ету. Мұндай ақпараттар интернет-ресурстар мен басқа да алаңдарда жариялануы тиіс.

Бұдан бөлек, елді мекендерде жерді мақсатты пайдалануды өзгерту процедурасын оңтайландыру қажет. Әшімбаевтың айтуынша, бұл процесте қағазбастылық көп. 

Спикер тиісті нормалар бойынша заң жобалары әзірленгенін атап өтті. Сенаторлар мәжілістегі әріптестермен бірге оларды мұқият қарап шығуға дайын.

61
Кілт сөздер:
кәсіпкер, Мәулен Әшімбаев
Тақырып бойынша
"Шабуыл жасап, үш қап ақшаны алып кетті": банк желіде тараған видеоны растады
Банктер мемлекеттің көмегінсіз бизнесті кредиттеуге құлықсыз – депутат
Министр шағын және орта бизнестің экономикадағы үлесі туралы айтты
Сенатор қазақстандық бизнесмендердің өтінішін жеткізді
Ұлттық банктің саясаты түсінбестік тудырады – Мырзахметов
КамАЗ аударылды

Шымкентте КамАЗ 11 автокөлікті соқты видео

111
Жүк көлігінің жүргізушісі зардап шекті, алайда алғашқы көмек көрсетілгеннен кейін амбулаторлық емге жіберілді

НҰР-СҰЛТАН, 5 желтоқсан – Sputnik. Шымкентте Тәуке хан даңғылында ірі жол апаты болды. Алдын ала мәліметке сүйенсек, арматура тиелген жүк көлігінің тежегіші істен шыққан.

Жол-көлік оқиғасы 4 желтоқсан күні кешке болды. Арматура тиелген жүк көлігі 11 автокөлікті соқты. Оған тежегіштің істен шығуы себеп болған.

Апат салдарынан төрт адам зардап шекті, арасында жүк көлігінің жүргізушісі де бар. Дәрігерлер олардың жағдайы қанағаттанарлық екенін айтты, ауруханаға жатқызылған жоқ.

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

Құқыққорғау органдарының қызметкерлері оқиғаның мән-жайын анықтап жатыр.

Еске салсақ, бұған дейін Алматы облысында жантүршігерлік апаттан екі адамның көз жұмғаны хабарланды. Бетон тиелген көлік жеңіл машина мен бензовозға құлаған.

Жол апаты салдарынан Lexus көлігінің жүргізушісі мен жолаушысы қаза болды. Олардың денесін құтқарушылар алып шықты.

111
Кілт сөздер:
КамАЗ, жол апаты, Шымкент
Тақырып бойынша
Щучинсктегі жол апаты: министр қаза тапқан полицейлердің отбасына көңіл айтты
Нұр-Сұлтанда жаппай жол апаты болып, бір адам жарақат алды – видео
Түйе көліктің ішіне кіріп кеткен: Маңғыстауда жантүршігерлік жол апаты болды
Алматы облысында жол апаты болып, екі адам көз жұмды – видео