Монеталар, архивтегі фото

Сарапшы мұнай бағасының құлдырауы Қазақстанға қалай әсер ететінін айтып берді

2184
Маманның айтуынша, әлемдік мұнай нарығында қиын-қыстау кезең туды, ал бұл жағдайдың Қазақстан экономикасына әсер етпей қоймасы анық

НҰР-СҰЛТАН, 22 сәуір – Sputnik. Brent маркалы мұнайдың әлемдік бағасы 17 доллардан төмен түсті. Соңғы рет ондай көрсеткіш 2001 жылы қараша айында тіркелген болатын. Sputnik Қазақстан тілшісіне сұхбат берген Қазақстанның мұнай сервистік компаниялары одағының басшысы Рәшид Жақсылықов "қара алтынның" құнына және теңгенің болашағына болжам жасады.

Шикі мұнайға қызығушылық жоқ

"Бүгінде экономика адам баласына бағынбай кетті. Біз ондай жағдайға алғаш рет тап болып отырмыз. Бір вирус жер бетіндегі барлық мемлекеттің экономикасын тоқтатты. Бұл індет Қытайда анықталғанда қатты карантин енгізіліп, осы елдің экономикасы ақырындап тоқтай бастады. Мұнайға деген сұраныс та азайды. Сол азайғаннан бастап күннен-күнге азайып келеді. Өйткені вирустың таралуына байланысты әлем елдері бірінен соң бірі шекараны жауып, халқын карантинге тықты", - дейді Жақсылықов.

Дүниежүзі бойынша карантиндік шаралар енгізіліп, кәсіпорындар мен көліктер тоқтаса да, мұнай өндіруші елдер шикізатты шығаруды азайтқан жоқ. Наурыз айында Сауд Арабиясы, керісінше, ұлғайтып жіберді. Содан сұраныс азайса да, ұсыныс көбейе берді. Екі ортада үлкен дисбаланс пайда болды. Бұл жағдайда ОПЕК+ қысқартамын деп отырған 9,7 миллион баррель де көмектесе алмайды. Рәшид Жақсылықовтың ойынша, ұйым нарықтағы мұнайдың үштен бір бөлігін ғана қысқартты. Сол кезде оны 30 миллион баррелге қысқарту керек еді.

Қазіргі кезде сарапшылар да жер бетінде сатылмай тұрған мұнайдың нақты көлемін айта алмай отыр. Қытай өз қоймаларын шикі мұнайға толтырып тастады деген қауесет бар. Америка 500 миллион баррельге дейін қор жинап алды деген әңгіме тарады. Оған қоса, мұхит пен теңіздерде жүрген танкерлерде 280 миллион баррель сатылмай тұрған мұнай бар дейді.

"Кеше WTI маркалы мұнайдың бағасы минус 40 долларға құлады. Ондай оқиға мұнай тарихында алғаш рет болды. Сол кезде 100 мың баррельдей ғана сатылды. Бірақ осының өзі шикі мұнайға деген ешкімнің қызығушылығы жоқ екенін көрсетіп отыр", - деп атап көрсетті Жақсылықов.

"Теңгенің құнсыздануына әкеледі"

Сарапшының айтуынша, бүгінде әлем бойынша шикі мұнайдың 60 проценті бензин жасауға жіберіледі. Ал карантин жағдайында көліктердің бәрі тоқтап тұр. Содан сұраныс жоқ. Мұнай өңдеу зауыттарының қоймалары да толып кетті.

"Бұрын мұнай бағасы төмен болса, ертең түзеледі-ау деген үміт болушы еді. Бірақ маусым айындағы сауданың өзі 17 доллардан жоғары болмай отыр. Соған қарағанда мұндай жағдай ұзаққа баратын сияқты. Жылдың аяғына дейін 24-25 доллардың деңгейіне шықсақ, ол өте жоғары жетістік болар еді. Бірақ қазіргі сұраныс мен ұсыныстың арасындағы дисбалансты реттеуге біраз уақыт кетеді. Сосын ғалымдар мына індеттің қай кезде тоқтайтынын нақты айта алмай отыр ғой", - дейді Жақсылықов.

Оның сөзіне қарағанда, әлемдік экономика бір күнде дөңгеленіп кетпейді. Себебі барлық мемлекет карантиннен бір уақытта шықпайды. Ал күзде вирустың екінші толқыны болса, тағы төрт қабырғаға қамалып отыруға тура келеді.

Оқи отырыңыз: Мамин карантин режиміне қандай өзгеріс енгізілуі мүмкін екенін айтты 

"Бұл жағдайдың кері әсері көп. Біріншіден, мемлекетіміздің қамбасына түсетін бюджеттік салықтар азаяды. Екіншіден, табыс төмендейді. Себебі мұнайды доллармен сатып отырмыз. Ал доллардың азаюы міндетті түрде теңгенің құнсыздануына әкеледі, инфляцияға жетелейді", - деп атап көрсетті Жақсылықов.

Тағы 20 процентке қысқарту қажет

Рәшид Жақсылықов ОПЕК-тің кешегі шұғыл бейнеконференциясының кейбір тұстарын да ашып берді. Оның айтуынша, ұйым бұған дейін қысқартамыз деген мұнайдың үстіне әрбір мемлекетке тағы 20 процент қосып отыр.

"Бұған дейін Қазақстан ОПЕК+ аясында мұнай өндіруді күніне 390 мың баррельге қысқартуға келісті. Енді, ұйым тағы 20 пайыздан қосыңдар деп жатыр. Бұл дегеніміз, біздің қысқартуымыз 500 мың баррельдің төңірегіне барады. Қазір жыл сайын 90 миллион баррель өндіріп отырмыз, жаңағы қысқартуға баратын болсақ, биыл өткізетін мұнайымыз 70 миллионнан аспайын деп тұр", - деді сарапшы.

Оның сөзіне қарағанда, мұнай өндіру көлемі азайса, табыстың мөлшері де айтарлықтай төмендейді. Осы салада жұмыс орындары да қысқаруы әбден мүмкін. Ал қазіргі жағдайды оңалту үшін мұнай өндіруші елдердің ашықтығы керек. Олар нақты қанша мұнай өндіргенін және сақтап отырғанын айтуы тиіс. Сосын мойнына алған міндеттерін жауапкершілікпен атқарса, мұнай нарығындағы жағдайды өзгертуге болады. 

"Мұнай өндіретін мемлекеттердің бәрі бас қосып, нақты менің артық мұнайым мынау, өндіріп отырғаным мынау деп ашық айтуы керек. Өйткені олар шикізатты өндіріп отырғанда кейбір мәліметтерді жасырады ғой. Бір-бірімізге ашық болатын сәт туды. Осы сәтті дұрыс пайдалану қажет. Онсыз мұнай бағасының түбін таба алмаймыз. Сосын мұнайды қай жерден бастап қысқартамыз? Соның есептеу нүктесін таппай отырмыз", - деп атап көрсетті Жақсылықов.

Сарапшы мұнай өндіруші елдердің бүкіл келісімдерін реттейтін жаңа органды құруға болатынын да жеткізді. Әйтпесе, бүгінде барлығы бірдей өздеріне жүктелген міндеттерді орындамайды. Ал біреуі алдап кетсе, артынан екіншісі де өз есесін жібермеуге тырысады. Ондай қарым-қатынасты тоқтатпаса, мұнай нарығын ретке келтіру мүмкін емес.

2184
Кілт сөздер:
теңге, мұнай
Тақырып бойынша
Теңге құнсыздана ма – сарапшылар болжам жасады
Жарты айда 1 миллиард: алматылық автопарктер шығын орнын толтыруды сұрайды
Монета, архивтегі фото

"Әділ болуы керек": Тоқаев зейнетақы жинағын пайдалану туралы айтты

1181
(Жаңартылды 11:05 15.01.2021)
Қазақстан президенті азаматтарға өз жинағын түрлі құрал арқылы басқаруға мүмкіндік беру қажет екенін атап өтті

АЛМАТЫ, 15 қаңтар – Sputnik. Мемлекет басшысы Қасым-Жомарт Тоқаев VII шақырылған парламенттің алғашқы сессиясында зейнетақы жүйесін одан әрі дамыту тұжырымдамасы әзірленіп жатқанын мәлімдеді, деп хабарлайды Sputnik Қазақстан тілшісі.

Президенттің пікірінше, зейнетақы жүйесі әділ және адам мүддесіне сай келуі керек.

"Зейнетақы жүйесі әділ болып, адамдар мүддесіне сай болуы керек. Біз маңызды, бірегей реформаны – зейнетақы активтерін ішінара алу және пайдалану мүмкіндігін іске қостық. Сонымен қатар азаматтарға өз жинағын түрлі құрал арқылы басқаруға мүмкіндік беру қажет", - деді мемлекет басшысы.

Оның айтуынша, үкімет пен Ұлттық банк зейнетақы жүйесін одан әрі дамыту тұжырымдамасын әзірлеп жатыр.

"Оны іс жүзінде жүзеге асыру сапалы заңнаманы талап ететіні анық", - деді Тоқаев.

Тоқаев: Басты мақсат – халықтың тұрмысын жақсарту

Айта кетейік, бүгін Қасым-Жомарт Тоқаев VII шақырылған парламенттің алғашқы сессиясына қатысты.

10 қаңтарда Қазақстанда мәжіліс пен мәслихаттар депутаттарын сайлау өтті. Орталық сайлау комиссиясының мәліметіне сәйкес, парламенттің төменгі палатасына үш партия өтті: Nur Otan, "Ақ жол" және Қазақстан халық партиясы.

Сондай-ақ, мәжіліс депутаттарының қатарына Қазақстан халқы Ассамблеясының өкілдері де енді.

1181
Кілт сөздер:
Қасым-Жомарт Тоқаев, зейнетақы жинағы
Тақырып бойынша
Зейнетақы жинағын SMS арқылы тексеруге болатын жаңа қызмет іске қосылды
Зейнетақы жинағын пайдалану: БЖЗҚ жеткіліктілік шегі туралы ақпарат таратты
Бір күнде 12 мыңнан астам қазақстандық зейнетақы төлемін алу үшін арнайы шот ашты
Президент саяси жүйеге қатысты тың ұсыныс жасады
Телефон, иллюстративті фото

Бір күнде 12 мыңнан астам қазақстандық зейнетақы төлемін алу үшін арнайы шот ашты

71
Зейнетақыны алуға арналған арнайы шотты қосымшаның көмегімен ғана емес, сонымен қатар бейне қоңырау арқылы да ашуға болады

НҰР-СҰЛТАН, 14 қаңтар – Sputnik. Бір күнде 12 мыңнан астам қазақстандық зейнетақы төлемін алу үшін арнайы шот ашты. Бұл туралы "Отбасы банкінің" Instagram-дағы аккаунты хабарлады.

"Кеше 12 222 қазақстандық ЖССБ 24 қосымшасы және бейне қоңырау арқылы біржолғы зейнетақы төлемін алу үшін арнайы шот ашты. Кейбір қиындықтарды мұқият анықтап, оларды жаңартылған қосымшада түзедік", - деп жазылған парақшада. 

Зейнетақы жинағын пайдалану: БЖЗҚ жеткіліктілік шегі туралы ақпарат таратты 

Банк құжаттарды тану функциясын жақсартып, қосымшаның жылдамдығын арттырған.

ЖССБ 24 қосымшасының жаңартылған нұсқасын Play Market жүйесінен жүктеп алуға болады. AppStore жүйесінде қосымшасының жаңартылған нұсқасы сәл кейінірек іске қосылады.

 "Егер сіз ЖССБ 24 қосымшасы арқылы арнайы шотты ашу кезінде қиындыққа тап болсаңыз, оны БИО-дағы сілтеме бойынша бейне қоңырау арқылы ашуға болады", - делінген хабарламада.

71
Кілт сөздер:
шоттар, зейнетақы жинағы
Тақырып бойынша
Зейнетақы жинағын пайдалану үшін банкке бару керек пе?
Қазақстандықтардың табыс салығы дұрыс есептелмеді: ақшаны қалай қайтаруға болады
"Отбасы банкке" тағы бір қаржылық операция орындауына лицензия берілді
Зейнетақы жинағын пайдалануға қатысты тың ақпарат жарияланды
Зейнетақы жинағын шешіп алу үшін есепшот қалай ашылады – видео
Индонезиядағы жер сілкінісі

Мемлекет басшысы Индонезия президентіне көңіл айтты

0
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

0
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев