Ақша, теңге

"ҚазМұнайГаз" дағдарыстан келетін шығын туралы айтты

391
(Жаңартылды 13:12 04.05.2020)
Биыл бірінші тоқсанда "ҚазМұнайГазға" қарасты компаниялар, бірлескен кәсіпорындар мен мұнай өңдеу зауыттары шығынға ұшырады

НҰР-СҰЛТАН, 4 мамыр – Sputnik. "ҚазМұнайГаз" ҰК" АҚ басқарма төрағасының орынбасары - қаржы директоры Дәурен Қарабаев мұнай дағдарысынан келетін шығын туралы айтып берді, деп хабарлайды Sputnik Қазақстан тілшісі.

"Осы жолы мұнай бағасының құлдырауы 2014-2015 жылдардан да қатты болды. Дәл қазір қандай бір болжам жасаған қиын. Дегенмен, қазіргі жағдай біздің қаржылық көрсеткіштерімізге теріс әсер ететін болады", - деді Қарабаев бүгінгі онлайн брифингте.

Оның айтуынша, биыл бірінші тоқсанда "ҚазМұнайГазға" қарасты компаниялар, бірлескен кәсіпорындар мен мұнай өңдеу зауыттары шығынға батты. Алайда мұнай тасымалдау мен газ өндіру салаларының жағдайы жаман емес. Себебі осы екі секторға мұнай бағасының құбылуы қатты әсер етіп отырған жоқ. 

"Бұдан бөлек, 2020 жылда біз бірлескен кәсіпорындардан түсетін дивидендтер азаяды деп болжап отырмыз. Жалпы, осы жылда біздің еркін ақша ағынымыздың көрсеткіші теріс болуы әбден мүмкін. Сондықтан кәсіпорындардың жұмысын қолдау үшін жинаан қорымыздағы ақшаны пайдалануға тура келеді", - деп атап көрсетті Қарабаев.

Тағы оқыңыз: "ҚазМұнайГаз" компаниясы қызметкерлерін қысқартып жатыр

 

391
Кілт сөздер:
мұнай, карантин, келтірілген шығын, дағдарыс, ҚазМұнайГаз
Тақырып бойынша
Сарапшы мұнай бағасының құлдырауы Қазақстанға қалай әсер ететінін айтып берді
Мұнай дағдарысынан кейін газ нарығы қалай өзгереді?
Қазақстан ОПЕК+ келісімі бойынша мұнай өндіруді қысқартуды бастайды
"Бұдан әрі күтуге болмайды": Назарбаева дағдарыс проблеманың бетін ашқанын айтты
Мұнай бағасының құлдырауы рекордтық көрсеткішке жетті
Стенд компании Еврокоптер группы АО НК Казахстан инжиниринг

Қазақстан халықаралық көрмеде алғашқы отандық дронды таныстырды

182
Бұған дейін Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды

НҰР-СҰЛТАН, 24 шілде – Sputnik, Мария Науменко. Осы жылы Қазақстан халықаралық авиация-ғарыш салоны шарасында серіктес мемлекет болды. Мәскеу маңындағы Жуков қаласында республика атынан авиация және ғарыш өнеркәсібінің үлкен павильоны таныстырылды.

Sputnik тілшісі павильонда болып, қазақстандық компаниялар Ресейдегі көрмеде қандай техниканы таныстырғанын және Ресей Федерациясымен бірлесіп қандай жобаны жүзеге асырып жатқанын біліп қайтты.

Ғарыш саласындағы ынтымақтастық

Ресей авиақұрылыс пен ғарыш саласында Қазақстанмен өзара әрекеттестікті дамытады. Бұл туралы ХАҒС-2021 Халықаралық авиация-ғарыш салоны ашылуы кезінде РФ президенті Владимир Путин мәлімдеді.

"Біз авиақұрылыс сынды жоғары технологиялық салада қазақстандық әріптестерімізбен және Еуразиялық экономикалық одақ бойынша серіктестерімізбен өзара әрекеттестікті дамытуды көздеп отырмыз. Біздің кәсіпорындар бірқатар перспективалы жобаны жүзеге асырып жатыр. Мысалы, Қазақстанда МИ тобындағы тікұшақтар құрастырылып жатыр, "Роскосмос" желісі бойынша бірлескен "Бәйтерек" жобасы ілгерілетілуде. Экологиялық таза зымыран тасымалдағыш көмегімен "Байқоңыр" ғарыш айлағынан ғарыш аппараттарын ұшыруға арналған ұйымдастырушылық-техникалық құрылымды дайындау аталған жобаның мақсаты болады", - деді Ресей президенті.

Стенды казахстанских компаний в национальном павильоне на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде ұлттық павильондағы қазақстандық компаниялардың стенді

Авиасалон аясында Қазақстанның цифрлық даму, инновациялар және аэроғарыш өнеркәсібі министрлігінің аэроғарыш комитеті Нұр-Сұлтанда құрастырылған Ғарыш аппаратын құрастыру-сынау кешені (ҒАҚСК) мен "Союз-5" зымыран тасымалдағыш макетін ұсынды.

Ғарыш аппаратын құрастыру-сынау кешені алты тоннаға дейінгі ғарыш аппараттары мен олардың компоненттерін жобалау, дайындау, құрастыру және сынауға арналған технологиялық және өндірістік база болып саналады.

Қазақстандық "Байкал"

"Байкал" жеңіл көп мақсатты ұшағын дайындау жобасындағы Қазақстан-Ресей кооперациясы ХАҒС-2021 көрмесіндегі басты оқиғаның біріне айналды. Болашақта "Байкал" ескірген Ан-2 ұшағын алмастыруы керек.

Қазақстандық тарап аталған жобаға 1 миллиард рубль көлемінде инвестиция салды. Есесіне Қазақстан жобадағы миноритарлы үлеске (акциялардың бақылаушы емес пакеті) және сол ұшақтардың өндірісіне арналған лицензияға ие болады.

"Қазір ғылыми-зерттеу тәжірибелік-конструкторлық жұмыстар жүріп жатыр. Сондай-ақ осы жобаны қаржыландыруға қатысып отырмыз. Алайда "Орал азаматтық авиация зауыты" АҚ-мен арадағы келісімшарт бойынша ұшақтың лицензиялық өндірісін Қазақстанда ұйымдастыруды жоспарлап отырмыз", - деді "Қазақстанның авиация индустриясы" ЖШС маркетинг бөлімінің басшысы Игорь Сыздықов.

Қазақстанның авиация индустриясындағы ұшақтардың толыққанды өндірісі 2024 жылы басталуы керек. Мамандар кәсіпорын қуаты жылына 50-30 ұшақ дайындауға мүмкіндік береді деп санайды. Сондай-ақ Қазақстан басқа мемлекеттер үшін "Байкалдың" экспорттық нұсқасын да шығара алады.

Игорь Сыздықов Қазақстан ресейлік тараптың ұсынысымен ХАҒС-2021 серіктесі атанғанын атап өтті. Бұған дейінгі жылдары Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды.

Модель пилотской кабины на стенде казахстанской компании на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде қазақстандық компаниялар стендіндегі пилоттық кабинаның моделі

Сонымен қатар Қазақстандағы кәсіпорында Су-30СМ ұшақтарын жөндеу бойынша компанияның ресейлік "Иркут" авиақұрылыс корпорациясымен бірлескен жобасы бар.

"Біз ұшақтардың алғашқы жөндеуін 2025 жылы бастауды жоспарлап отырмыз. Қазір өндіріске дайындалып жатырмыз. Авиасалон аясында ресейлік серіктестермен кейбір мәселелерді нақтылауды жоспарлап отырмыз. Бізде Су-30СМ ұшақтарына техникалық қызмет көрсету және күрделі жөндеу жүргізу, мамандарды даярлау бойынша келісімшарт бар", - деді Sputnik агенттігіне сұхбат берген қазақстандық тарап өкілі.

Тікұшақ және пилотсыз ұшу аппараты

"Еурокоптер Қазақстан Инжиниринг" ЖШС Халықаралық авиация-ғарыш салонында ЕС-145 жаңа тікұшағының макетін таныстырды. Кәсіпорын сондай-ақ Н-145 қос қозғалтқышты тікұшағы, Н-130 бен Н-125 бір қозғалтқышты тікұшақтарының ірі торапты құрастыруы, оларға техникалық қызмет көрсету және жөндеуді жүзеге асырып, ұшу-техникалық құрамды даярлайды.

"Жақында біз Мәскеу авиация орталығы үшін ЕС-145 тікұшағын қалпына келтіруді қамтитын жөндеу бойынша Ресеймен ірі жобаны аяқтадық. Тікұшақ төтенше жағдайлар министрлігінің қажеттілігі үшін қолданылады", - деді "Еурокоптер Қазақстан Инжиниринг" ЖШС коммерциялық директоры Александр Савельев.

Сонымен қатар Қазақстан салон барысында өзінің алғашқы пилотсыз ұшатын әуе нысанының имитаторын таныстырды. Дрон құрлықтағы әскердегі әуедегі шабуылға қарсы қорғанысқа зенитші атқыштарды үйретуге арналған.

Тамыз-қыркүйекте аталған пилотсыз ұшатын аппарат соңғы әскери сынақтан өтіп, 2022 жылы Қазақстан Республикасындағы құрлықтағы әскер қарулануына қабылдануы керек.

Гендиректор АО 811 Авторемонтный завод КИ Рамиль Баязитов
© Sputnik / Мария Науменко
"Қазақстан инжиниринг - 811 автожөндеу зауыты" АҚ бас директоры Рамиль Баязитов

"Біздің пилотсыз ұшатын техника шетелдік аналогтардан әлдеқайда арзан және Қазақстанның қатал ауа райына, яғни жойқын желге, аязды қысына және аптап ыстық жазына төзімді", - деді Sputnik тілшісіне "Қазақстан инжиниринг - 811 автожөндеу зауыты" АҚ бас директоры Рамиль Баязитов.

Бұған дейін Қазақстанның қорғаныс министрлігі дрондарды тек шетелден, атап айтсақ, Ресей, Беларусь және Израильден сатып алатын. Енді республика жылына 10 данаға дейін пилотсыз ұшу аппаратын шығара алады.

Жуков қаласындағы Халықаралық авиация-ғарыш салоны авиа-ғарыш саласындағы жетістіктер мен техникаларды таныстыруға арналған әлемдегі ең ірі көрменің бірі. ХАҒС-2021 көрмесіне 140 мыңнан астам маман, сондай-ақ 570 мыңнан астам көрермен мен қонақ қатысты. Салон жұмысы 25 шілдеде аяқталады.

Sputnik агенттігі – авиасалонның ресми ақпараттық серіктесі.

Халықаралық авиация-ғарыш салонында қазақстандық павильонда авиация техникасы мен жабдығын дайындауға мамандандырылған мына жетекші кәсіпорындар өнімі таныстырылды: "Қазақстанның авиация индустриясы" ЖШС, "Еурокоптер Қазақстан инжиниринг" ЖШС, "Қазақстан Аселсан инжиниринг" ЖШС, "Қазақстан Ғарыш Сапары" ҰК" АҚ, "Байтерек" БК" АҚ, "Тыныс" АҚ, "№405 авиажөндеу жұмысы" АҚ, "811 автожөндеу зауыты", "Қазаэронавигация" РМК және басқалар.

182
Көлік, архивтегі сурет

"Көлікті ЕАЭО аймағынан шығару қажет": салықшылар ескерту жасады

126
(Жаңартылды 17:05 22.07.2021)
Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын

НҰР-СҰЛТАН, 22 шілде – Sputnik. Алматы қалалық мемлекеттік кірістер департаменті қыркүйектің соңына дейін шетелден әкелінген көліктерді Еуразиялық экономикалық одақтан шығару қажеттігін ескертті, деп хабарлайды Sputnik Қазақстан.

Бұған дейін Еуразиялық экономикалық комиссия кеңесі пандемияға байланысты жеке тұлғалардың шет елден әкелген көлігін пайдалану мерзімін ұзартқан болатын. 2021 жылы 5 сәуірде қабылдаған № 25 шешімге сәйкес, ЕАЭО аймағына шетелден әкелінген көліктерді 30 қыркүйекке дейін жеке мақсатта пайдалануға рұқсат бар.

Одан бөлек, кеңес шешімі бойынша одаққа тұрақты түрде көшіп келуші, босқын немесе мәжбүрлі түрде көшіп келуші мәртебесін алған шетел азаматтары үшін жеке мүлікті 18 айға салықсыз әкелуге рұқсат беру режимі тоқтатылған еді. Осыған байланысты салықшылар қыркүйектің соңына дейін шетелден әкелінген көлікті ЕАЭО аймағынан шығару қажеттігін еске салды.

"Ондай көліктерді одақ аймағынан шығаруды сұраймыз. Ал осы санаттағы көлік 2021 жылдың 30 қыркүйегіне дейін Еуразиялық экономикалық одақтан шығарылмаса, кедендік баж бен салықтарды толығымен төлеуге тура келеді", - делінген ресми хабарламада.

126
Кілт сөздер:
ЕАЭО, видео, салық, көлік
Тақырып бойынша
Ақтауда жол апаты адам өмірін қиды: көлік ішінде түсірілген видео жарияланды
Қазақстанда көліктің электронды паспорты енгізілді
Көліктегі бас санитар дәрігердің жаңа қаулысы жарияланды
Ақтөбе облысында үш жасар бала ауладағы көліктің ішінде тірідей жанып кетті
Маман телефон көлікте қалып қойса не болатынын айтты
Қасым-Жомарт Тоқаев

Тоқаев Үндістан президентіне көңіл айтты

0
Махараштра штатында су тасқыны мен лай көшкінінен кем дегенде 138 адам көз жұмды

НҰР-СҰЛТАН, 25 шілде – Sputnik. Мемлекет басшысы Қасым-Жомарт Тоқаев Үндістан президенті Рам Нат Ковиндке көңіл айту жеделхатын жолдады, деп хабарлайды Ақорда.

Қазақстан президенті Махараштра штатында болған су тасқыны мен лай көшкіні салдарынан көптеген адамның қаза тапқаны және үйлер мен ғимараттардың қирағаны туралы суыт хабарды терең күйзеліспен қабылдады.

"Қазақстан халқының және жеке өзімнің атымнан қаза болған адамдардың отбасыларына көңіл айтамын және зардап шеккендердің тезірек сауығып кетуіне тілектестік білдіремін. Із-түзсіз жоғалған отандастарыңыз өз отбасыларына аман-есен оралсын. Осындай қиын-қыстау шақта біз Үндістан халқымен біргеміз", – делінген жеделхатта.

Тағы оқыңыз: "Қайғырып көңіл айтамын": Тоқаев Си Цзиньпинге жеделхат жолдады

Үндістанның орталығындағы Махараштра штатында су тасқыны мен лай көшкінінен кем дегенде 138 адам көз жұмды, деп хабарлайды РИА Новости.

84 мыңнан астам адам штатттың оңтүстігіндегі Пуна округінде қауіпсіз аймаққа орналастырылды.

Үнді метеорология бюросы Махараштра штатының әкімшілік орталығы Мумбаидағы нөсер жауынға байланысты дабылдың қызыл деңгейін жариялады. Табиғи апат салдарынан қала тұрғындарын жарық және сумен қамтамасыз етуде қиындықтар туындады.

0
Кілт сөздер:
көңіл айту, Үндістан, Қасым-Жомарт Тоқаев