Мұнай өндірісі

Отандық мұнайдың қаншаға сатылып жатқаны айтылды

2676
Бүгінде әрбір кен орнында өндірілетін қара алтынның шығынсыз бағасы әртүрлі. Оның құны – баррель үшін 10-36 доллардың шамасында

НҰР-СҰЛТАН, 4 мамыр – Sputnik. "ҚазМұнайГаз" ұлттық компаниясының басшылығы дағдарыс жағдайында отандық мұнайды қандай бағаға сатып жатқанын айтты, деп хабарлайды Sputnik Қазақстан тілшісі.

Басқарма төрағасының орынбасары - қаржы директоры Дәурен Қарабаевтың айтуынша, бүгінде әрбір кен орнында өндірілетін қара алтынның шығынсыз бағасы әртүрлі. Оның құны – баррель үшін 10-36 доллардың шамасында. Мәселен, Өзенмұнайгазда мұнайдың өзіндік бағасы барреліне 29 доллар болса, Ембімұнайгазда одан да төмен. 

"Біз шығынды қысқарту арқылы осы көрсеткішті төмендетуді көздейміз. Мәселен, қазірдің өзінде 2020 жылдағы жалпы әкімшілік шығындар 15,7 миллиард теңгеге қысқартылды. Соның ішіне консалтингтік қызметтер, басшылықтың сыйақы қоры, қызметтік көліктер және тағы басқасы бар. Ал операциялық шығындар 20,2 миллиард теңгеге қысқарады. Сөйтіп, бес жылда 281 миллиард теңге үнемделеді", - деді Қарабаев бүгінгі онлайн брифингте.

Қаржы директоры ұлттық компанияның мұнайды қандай бағамен сатып жатқанын да айтып берді.

"Қазіргі кезде "ҚазМұнайГаз" компаниясы CPC Blend пен Urals маркалы мұнайды сатады. Сондай-ақ, Алашанькоудағы шикізат бар. Мысалы, 1 мамырда Brent маркалы мұнайдың бағасы 19 доллар болса, Urals Қара теңізде, шамамен, 17 долларға саудаланып жатыр. Ал CPC Blend 12-14 теңгенің айналасында сатылады. Қытаймен шекарадағы мұнайдың бағасы 14 доллардың шамасында. Алайда бұл шикізаттың толық бағасы емес. Салық пен тасымалдау шығындарын да ескеру керек", - деп атап көрсетті Қарабаев.

2676
Кілт сөздер:
баға, доллар, мұнай, ҚазМұнайГаз
Тақырып бойынша
"ҚазМұнайГаз" дағдарыстан келетін шығын туралы айтты
Қазақстан ОПЕК+ келісімі бойынша мұнай өндіруді қысқартуды бастайды
"ҚазМұнайГаз" компаниясы қызметкерлерін қысқартып жатыр
"ҚазМұнайГаз" қызметкерлері коронавирус жұқтырды деген күдікке ілінді
Отбасы банк басты бетінің скриншоты

Зейнетақы жинағын пайдалану: өтінім беру сайтында жаңа функция іске қосылды

88
Өтінім беру кезінде деректерді қате енгізген немесе зейнетақы жинағын пайдалану мақсатын өзгерткісі келетін адамдар берген өтінімін жоя алады

НҰР-СҰЛТАН, 25 қаңтар – Sputnik. Enpf-otbasy.kz онлайн-платформасында жаңа функция пайда болды. Енді қазақстандықтар зейнетақы жинағын алуға берген өтінімін жойып тастай алады, деп хабарлайды Sputnik Қазақстан.

"Біз онлайн-платформаның алғашқы жұмыс күнін бақылап, платформаның мүмкіндіктерін кеңейттік. Енді, егер сіз деректерді енгізу кезінде қате жіберген болсаңыз немесе біржолғы зейнетақы төлемдерін пайдалану мақсатын өзгерткіңіз келсе, жеке кабинетіңізге кіріп, өтініміңізді жойып тастай аласыз", - деп хабарлады "Отбасы банк" Instagram-да.

Ол үшін:

  • жеке кабинетке кіріп,"менің өтінімдерім" батырмасын басыңыз;
  • жойғыңыз келетін өтінімді таңдаңыз;
  • экранның төменгі бөлігіндегі "өтінімді жоюды" басыңыз.

Онлайн платформада жұмыс істеу үшін қолданыстағы электронды цифрлық қолтаңба мен NCALayer сертификаты қажет. Сертификаттарды Pki.gov.kz сайтынан жүктеп алуға болады.

Отбасы банк зейнетақы жинағын алуға қатысты барлық жұмысты тәулік бойы тек компьютерден немесе ноутбуктен орындауға болатынын еске салды.

Сондай-ақ, банк enpf-otbasy.kz онлайн-платформасында өтінім неге жойылуы мүмкін екенін түсіндірді.

Оның бірнеше себебі бар:

  • егер қажет сома "0" деп көрсетілсе;
  • егер қаражат сомасы қосымша белгілермен жазылса.

"Мысалы, "1.000.000" немесе "1000000,00" түріндегі сомаларды жүйе қабылдамай, дөңгелектуді сұрайды. Яғни соманы қосымша белгілерсіз "1000000" немесе "1234567" түрінде көрсету керек", - деп нақтылады банк.

Егер бәрі дұрыс енгізілсе, жүйені жаңарту немесе қайта кіру қажет.

Еске салсақ, 23 қаңтарда Қазақстанда зейнетақы жинағының бір бөлігін мерзімінен бұрын алуға өтінім қабылдау басталды.

www.enpf-otbasy.kz онлайн-платформасында зейнетақы жинағын алуға өтінімді қалай беруге болатыны көрсетілген видеонұсқау жарияланды.

88
Кілт сөздер:
жаңа функция, зейнетақы жинағы
Тақырып бойынша
Ертең зейнетақы жинағын алатын сайт іске қосылады - мекенжайы қандай?
Зейнетақы жинағын пайдалану: процентсіз ипотеканы қалай алуға болады
Зейнетақы жинағына өтінім қабылдау басталды: жұртты мазалаған 10 сұрақ жауабы
Бір жарым тәулік ішінде 15 мыңнан астам адам зейнетақы жинағын алуға өтініш берді
Компьютер, архивтегі фото

Бір жарым тәулік ішінде 15 мыңнан астам адам зейнетақы жинағын алуға өтініш берді

133
(Жаңартылды 19:18 24.01.2021)
Қазақстанда тұрғын үй жағдайын жақсарту үшін зейнетақы жинағын пайдалануға өтініш қабылдау сенбі, 23 қаңтарда басталды

НҰР-СҰЛТАН, 24 қаңтар – Sputnik. "Отбасы банк" қанша қазақстандықтың зейнетақы жинағын мерзімінен бұрын алуға өтініш бергенін хабарлады.

"24 қаңтар сағат 12:00-дегі жағдай бойынша 228 миллиард теңгеге (541 миллион доллар – Sputnik) 15 262 өтініш келіп түсті", - деп хабарлады банктің басқарма төрағасы Ләззат Ибрагимова.

23 қаңтардан бастап "Отбасы банк" (бұрынғы Тұрғын үй құрылыс жинақ банкі) зейнетақы жинағын пайдалануға өтініш қабылдау үшін Enpf-otbasy.kz онлайн-платформасын іске қосты.

Зейнетақы жинағына өтінім қабылдау басталды: жұртты мазалаған 10 сұрақ жауабы 

700 мыңнан астам қазақстандық БЖЗҚ-да жинақталған қаражатының бір бөлігін тұрғын үй сатып алуға немесе кеңейтуге, емделуге және инвестициялауға жұмсай алады. Әзірге тұрғын үй жағдайын жақсарту үшін ғана өтініш беруге болады.

Банк сонымен бірге қазақстандықтар өзінің зейнетақы жинағын жұмсауды жоспарлап отырған ең танымал бағыттарды атады. Олардың ішінде:

  • ипотекалық қарызды өтеу;
  • тұрғын үйді толығымен сатып алу;
  • жақын туыстарына зейнетақы жинағын беру;
  • "Отбасы банктен" тиімді шарттармен ипотекалық қарыз алу.

Зейнетақы жинағын алуға компьютерден ғана өтініш беруге болады. Сайттың мобильді нұсқасы жоқ.  

Айта кету керек, біржолғы зейнетақы төлемін алуға арналған арнайы шотты Halyk Bank арқылы да ашуға болады.  

БЖЗҚ қаражатын алуға өтініш беру үшін не істеу керектігін мына жерден оқи аласыз.

133
Кілт сөздер:
тұрғын үй, баспана, зейнетақы жинағы
Тақырып бойынша
Балаларға мүгедектік тобы 7 жастан берілген жағдайда жәрдемақы қанша болады
БЖЗҚ салымшыларға 193 млрд теңгеден астам қаржы аударды
Halyk Bank зейнетақы жинағын мерзімінен бұрын алудың шарттарын атады
Зейнетақы жинағын пайдалану: процентсіз ипотеканы қалай алуға болады
Зейнетақы жинағын алуға өтінімді қалай береді – видеонұсқау
Микрофон

Әнші Досымжан Таңатаров зейнетке шықты видео

0
(Жаңартылды 18:52 25.01.2021)
2009 жылы Қазақстанның еңбек сіңірген қайраткері атанған Досымжан Таңатаров Жамбыл облысы Тұрар Рысқұлов ауданында туған

АЛМАТЫ, 25 қаңтар – Sputnik. Әнші Досымжан Таңатаров президент оркестрінде 20 жыл қызмет етіп, майор шенімен зейнетке шыққанын хабарлады.

"2000 жылы Тараз қаласынан арнайы шақырумен келдім. Содан бері ешқайда жылжымай оркестрде қызмет істеген екенмін. 2003 жылдан бастап әскери жұмысқа кірістім, оның алдында әнші ретінде қызмет атқардым. Осы оркестрдің артқан сенімін алып шығуға бар күш-жігерімді салып өнер көрсетіп қызмет істегеніме де 20 жылдың көлемі болған екен", – деп жазды Таңатаров Instagram парақшасында.

Айтуынша, осы уақыт ішінде мемлекеттік іс-шараларда, шетелдің мемлекет басшылары мен арнайы қонақтар қатысқан салтанатты жиындарда өнер көрсеткен. 

Посмотреть эту публикацию в Instagram

Публикация от Досымжан Танатаров (@dossymzhan_tanatarov)

"Осы оркестрмен АҚШ, Қытай, Германия, Ресей, Араб елдерінде өнер көрсетіп, өз еліміздің мәдениетін, өнерін танытуға үлес қосқанымды мақтан тұтамын. Өнер биігінде өзімді қалыптастыруға, танымал болуыма, жалпы азамат болуыма осы ортаның берген көмегі көп болды. 20 жылдық ғұмырым оркестрге арналды. Мен де оркестрге аз нәрсе берген жоқпын. Мемлекеттік деңгейдегі марапаттардың бәріне бірден-бір себепші болған да осы оркестр", – деп жазды ол.

Досымжан Таңатаров оркестрдің толық құрамымен бірге 2015 жылы "Қазақстан" орталық концерт залында жеке шығармашылық кешін берген. Бір жылдары оркестрдің көркемдік жетекшісі болды.

"Әскери қызмет болғаннан кейін өткен жылы осы мемлекеттік күзет қызметі президент оркестірінен майор шенімен арнайы зейнетке шықтым. Оркестр басшысы Талғат Айтжанұлы әріптестерім Клара Түленбаева, Ардақ Балажанова үшеумізді осылай құрмет көрсетіп шығарып салды. Осы ұжымға, осында арнайы шақыртқан ағаларға, мені қолдаған басшыларға, халқыма рахмет айтып, басымды иемін", – деді ол.

Оқи отырыңыз: "Мені көргендер қарапайым екенсіз ғой деп таңғалады": Қайрат Байбосыновтан 10 кеңес

Айтуынша, 2000 жылы қызметке кіріскен кезде президент оркестрінің бастығы Арыстанбек Мұхамедиұлы, көркемдік жетекшісі Бекболат Тілеухан, бас әнші Нұрлан Өнербаев, ансамбль жетекшісі Рүстем Күлшебаев болған.

Досымжан Таңатаров 1975 жылы Жамбыл облысы Тұрар Рысқұлов ауданында туған. 2008 жылы Дарын мемлекеттік жастар сыйлығының иегері, 2009 жылы Қазақстанның еңбек сіңірген қайраткері атанды.

0
Кілт сөздер:
әнші, зейнеткер
Тақырып бойынша
Димаш Құдайберген АҚШ-тың жаңа президентін қазақ тілінде құттықтады – видео
Коронавирус жұқтырған Мейрамбек Бесбаев қазақстандықтарға үндеу жасады
"Басқа проблема жоқ па?" Тоқаевтың тойға қатысты ұсынысы кімге жақпай қалды?
Ернар Айдар туралы не білеміз?
"Сантехник болып, трактор айдадым". Әншілер өнерге келмес бұрын не істегенін айтты