Нұр-Сұлтан келбеті

42 500 теңгені алғандарға мемлекеттік қолдау көрсетіледі

9804
(Жаңартылды 15:23 11.05.2020)
Президент бірыңғай жиынтық төлемді алғаш рет төлеген азаматтардың қайтадан "көлеңкеге" кетуіне жол бермеуді тапсырды

НҰР-СҰЛТАН, 11 мамыр – Sputnik. Мемлекет басшысы Қасым-Жомарт Тоқаев бірыңғай жиынтық төлем аудару арқылы 42 500 теңге көлемінде жәрдемақы алғандарға мемлекеттік қолдау көрсетуді тапсырды, деп хабарлайды Sputnik Қазақстан тілшісі.

"Бірыңғай жиынтық төлем жасау жаңа әлеуметтік төлемді алудың шарты ретінде белгіленген болатын. Осы көмекті алғандардың 40 проценті – бірыңғай жиынтық төлемді алғаш рет төлеген азаматтар. Дәл осы адамдарға мемлекеттік қолдау қажет. Оларды экономикаға барынша тарту керек", - деді Тоқаев төтенше жағдайды қамтамасыз ету жөніндегі мемлекеттік комиссияның отырысында.

Оқи отырыңыз: Тоқаев жоғары жалақы алатындардың салығын арттыруды ұсынды 

Президент осы санаттағы азаматтардың қайтадан "көлеңкеге" кетуіне жол бермеу қажеттігін айтты. Себебі тағы жасырын кәсіп жасаса, әлеуметтік қорғаусыз қалады. Мемлекеттік қолдау болмайды. Ал қиын жағдайда көмек алу үшін, сондай-ақ, болашақта лайықты зейнетақы алу үшін ресми түрде жұмыс істеп, салық төлеп отыру қажет.

"Сол себепті дәл осы санаттағы адамдар уақытша жұмыссыз қалғандармен бірге үкімет пен әкімдердің назарында болуы шарт", - деп атап өтті Тоқаев.   

Мемлекет басшысының айтуынша, нарықтық экономика жағдайында кез келген адам уақытша жұмыссыз болып қалуы мүмкін. Осыған байланысты, президент үкіметке еңбек биржасында жұмыссыз ретінде тіркелу және осы санатқа тиісті жәрдемақы беру тәртібін барынша жеңілдетуді тапсырды.

9804
Кілт сөздер:
Қасым-Жомарт Тоқаев, төлемақы, жәрдемақы
Тақырып:
Төтенше жағдай және карантин (667)
Тақырып бойынша
Президент төтенше жағдайдан кейін қандай өзгеріс болатынын айтты
Тоқаев: Карантин өңірлерде біртіндеп алынады
Қазақстанда "5-10-20" бағдарламасы іске қосылады
Мемлекет басшысы кредит алғандарға қатысты тағы бір тапсырма берді
мәжіліс отырысы

Мамин бастаған үкімет мүшелері мәжіліске келді

823
(Жаңартылды 10:45 21.10.2020)
Мәжілісте 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасы қаралып жатыр

НҰР-СҰЛТАН, 21 қазан – Sputnik. Премьер-министр Асқар Мамин бастаған үкімет мүшелері мәжіліске келді, деп хабарлайды Sputnik Қазақстан тілшісі.

Отырыстың басында депутаттар экономикалық өсуді қамтамасыз ету бойынша кейбір заңнамалық актілерге өзгерістер мен толықтырулар енгізу туралы заң жобасын жұмысқа алды. Депутат Нұртай Сабильяновтың айтуынша, осы құжат аясында 14 кодекске және 67 заңға өзгеріс енгізіледі. Соның ішінде кәсіпкерлік қызмет, бюджет, жер, экология, агроөнеркәсіп, сәулет, құрылыс, денсаулық сақтау, білім беру, микроқаржыландыру, жасанды интеллект және тағы басқа салалар бар.

"Экономикалық реформа және өңірлік даму комитеті осы заң жобасын жұмысқа алуға және ол бойынша 2021 жылдың 17 наурызына дейін қорытынды әзірлеуге дайын", - Сабильянов.

Осыдан кейін депуттаттар "Ұлттық қордан 2020-2022 жылдарға арналған кепілдендірілген трансфет туралы" заңға өзгеріс енгізу мәселесін қарады. Ұлттық экономика министрі Руслан Дәленов нақтыланған бюджет бойынша Ұлттық қордан кепілдендірілген трансферттің мөлшері 4 триллион 770 миллиард теңге көлемінде айқындалғанын жеткізді.

"Заң жобасында 2020 жыл бойынша осы соманы қолданыстағы кепілдендірілген трансферт туралы заңда белгілеу көзделеді", - деп атап көрсетті Дәленов.

Мәжіліс кепілдендірілген трансфет туралы заң жобасын бірауыздан мақұлдады. Осыдан кейін депутаттар 2020-2022 жылдарға арналған республикалық бюджет туралы заңға өзгерістер мен толықтырулар енгізу бойынша заң жобасын қарауға кірісті.

Осы мәселе бойынша ұлттық экономика министрі, қаржы министрі мен ұлттық банк басшысы баяндама жасады. Қазіргі кезде талқылау басталып кетті.

823
Кілт сөздер:
Асқар Мамин, үкімет, Мәжіліс
Дәрі-дәрмек

Заңсыз айналымнан 230 миллион теңгенің дәрі-дәрмегі тәркіленді

35
(Жаңартылды 15:52 20.10.2020)
Жүргізіліп жатқан жұмыстар мен қылмыстық істердің тергелуін қауіпсіздік кеңесінің аппараты қатаң бақылауға алды

АЛМАТЫ, 20 қазан – Sputnik. Қазақстанда заңсыз айналымнан 10 миллионнан астам бума дәрі-дәрмек пен медициналық бұйым тәркіленді.

Мемлекет басшысының тапсырмасы бойынша құқық қорғау органдары COVID-2019 пандемиясы кезінде дәрі-дәрмектерді алып-сатудың және заңсыз айналымға түсірудің жолын кесу жұмыстарын жүргізді, деп хабарлады Ақорда.

"Дәріханаларда медикаменттерді қымбат бағада сатуға қатысты 1 мыңға жуық жағдай тіркелді. Мысалы, Батыс Қазақстан облысындағы дәріханалардың бірінде "Арбидол" дәрісінің бағасы шекті деңгейден екі есе жоғарылатып бекітілген,  2312 теңгенің орнына 5000 теңгеден сатылған", - делінген ақпаратта.

Сонымен қатар дәріханалардан тыс жерлерде қауіпсіздік лицензиялары мен сертификаттары жоқ дәрі-дәрмектер мен медициналық бұйымдарды заңсыз сатуға қатысты 300-ден астам жағдай анықталды. 

Соның ішінде Жамбыл облысында дәрі-дәрмектерге жалған қауіпсіздік сертификаты жасалған. Сонымен қатар фармацевтикалық қызметке лицензиясы жоқ құны 44 миллион теңге болатын Қырғызстаннан  әкелінген 82 препарат түрін сатуға тосқауыл қойылды. 

"Жалпы заңсыз айналымнан құны 230 миллион теңгеден асатын 10 миллион бума дәрі-дәрмек пен медициналық бұйым тәркіленді. Анықталған заңбұзушылық деректер бойынша 3 сотқа дейінгі тергеу амалдары жүргізіліп жатыр. 1 183 адам әкімшілік жауапқа тартылды", - делінген ақпаратта.

Денсаулық сақтау министрлігі дәрі-дәрмектердің бөлшек саудадағы шекті бағасын қою үшін олардың тізімін толықтыру мәселесін пысықтап жатыр.

Сонымен қатар медицина қызметкерлеріне үстемақы төлеу кезінде болатын заңбұзушылықтарды анықтауға қатысты кешенді шаралар жалғасуда.

Жүргізіліп жатқан жұмыстар мен қылмыстық істердің тергелуін Қауіпсіздік кеңесі аппараты қатаң бақылауға алған.

35
Кілт сөздер:
миллион теңге, дәрі-дәрмек
Тақырып бойынша
Баяғы жартас – сол жартас: коронавирусқа қарсы тегін дәрілер қайда кетті?
"Малды дәрімен семіртеді" - отандық ғалым ет жемеуге кеңес берді
Ғалымдар коронавирусқа қарсы дәрінің өлімге әкеп соғатын қаупін анықтады
Коронавирусты емдейтін алғашқы дәрі жасалды
Вице-министр коронавирустың екінші толқынында кімдерге тегін дәрі берілетінін айтты
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

0
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

0
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды