Қаржы министрі Әлихан Смайылов

"Жалған ақпарат": министр 13,5 млрд доллар туралы жазған блогерлерге жауап берді

932
(Жаңартылды 17:18 11.05.2020)
Жалпы республикалық бюджеттен бөлінген 150 миллиард теңге дағдарысқа қарсы шараларды жүзеге асыруға бағытталған 5,9 триллион теңгенің ішіне кіреді

НҰР-СҰЛТАН, 11 мамыр – Sputnik. Бірінші вице-премьер, қаржы министрі Әлихан Смайылов Қазақстан коронавирусқа 13,5 миллиард доллар бөлді деген блогерлерге жауап берді, деп хабарлайды Sputnik Қазақстан тілшісі.

"Интернетте кейбір блогерлер Қазақстан коронавируспен күреске 13,5 миллиард доллар жұмсағанын жазып, аз қаражат бөлген көрші елдермен салыстырған. Бұл мүлдем қате ақпарат екенін айтқым келеді", – деді Смайылов үкімет үйінде өткен онлайн брифингте.

Министр коронавируспен күреске немесе эпидемияға қарсы шараларға республикалық бюджетте 125 миллиард теңге қарастырылғанын, ал бұған дейін үкімет резервінен 25 миллиард теңге бөлінгенін атап өтті.

"Барлығы сонда 150 миллиард теңге немесе долларға шаққанда 350 миллион доллар бөлінді. Бұл ақша дағдарысқа қарсы шараларды жүзеге асыруға бағытталған 5,9 триллион теңгенің ішіне кіреді", – деп түсіндірді ол.

Алты триллион теңгеге жуық қаржы жұмыспен қамтуға, әлеуметтік төлемдерге, бизнесті қолдауға, кәсіпкерлерге жеңілдетілген несие беруге, тұрғын үй құрылысына және тағы басқаға қарастырылған.

"Бұл қаражат жыл бойына жоспарланған", – деді Смайылов.

Мәселен, бизнесті жеңілдікпен кредиттеуге 1 триллион теңге бөлінеді. Министр бұл ақша түбінде қайтарылатынын айтты, яғни бизнеске төмен мөлшерлермемен кредит түрінде беріледі.

Оқи отырыңыз: Экономиканы қалпына келтіру бағдарламасын бастау қажет – Назарбаев

Жұмыспен қамту жол картасын іске асыруға 1 триллион теңге бағытталады, оның 300 миллиард теңгесі – бюджеттен, ал қалғаны – бюджеттен тыс қаражат. Бұл ақша әлеуметтік нысандар, тұрғын үй-коммуналдық шаруашылық нысандарын, инженерлік инфрақұрылымдар салуға және жөндеуге, елді мекендерді абаттандыруға жұмсалады. 255 мың жұмыс орны құрылады.

Смайылов үкімет жыл бойы бағыттайтын барлық қаражаттың әлеуметтік-экономикалық маңызы зор екенін және халықты жұмыспен қамтуға, табысын арттыруға, іскерлік белсенділікті қолдауға мүмкіндік беретінін атап өтті.

932
Кілт сөздер:
коронавирус, қаржы нарығы, экономика, Әлихан Смайылов
Тақырып бойынша
Әлемдегі қаржы дүрбелеңі: кім бастады және енді не болады
Тоқаевтың тапсырмасынан кейін қомақты қаржы үнемделмек
"14 мың сал да, 114 мың ал": сарапшы жаңа қаржы пирамидасы туралы шындықты айтты
Қаржы министрі дағдарыс кезінде аурухана салу тәртібін түсіндірді
Мәдени іс-шаралар тоқтатылды, ал қаржы қалай игерілуде – министр жауап берді
Теңге, архивтегі фото

Зейнетақы мен жәрдемақы 10-12%-ке индексацияланды Мамин

346
(Жаңартылды 14:12 21.06.2021)
Сонымен қатар ол мұғалімдердің жалақысы 25%-ке, медицина қызметкерлерінің айлығы 50%-ке дейін өскенін атап өтті

НҰР-СҰЛТАН, 21 маусым – Sputnik. Премьер-министр Асқар Мамин былтыр үкімет халық алдындағы әлеуметтік міндеттемелерін толық орындағанын мәлімдеді, деп хабарлайды Sputnik Қазақстан тілшісі.

"Елдегі күрделі әлеуметтік-экономикалық жағдайға қарамастан, біз халық алдындағы барлық әлеуметтік міндеттемені орындадық. Зейнетақы мен мемлекеттік жәрдемақылардың мөлшері 10-12%-ке индексацияланды", - деді Мамин парламент палаталарының бірлескен отырысында.

Сонымен қатар ол мұғалімдердің жалақысы 25%-ке, медицина қызметкерлерінің, сондай-ақ мәдениет және архив істері қызметкерлерінің айлығы 50%-ке, құқық қорғау және арнайы қызметтер қызметкерлерінің еңбекақысы 30-дан 70%-ке дейін өскенін атап өтті.

Оқи отырыңыз: Мамин халықтың табысы 5%-ке өсетінін айтты 

Бұған қоса премьер төтенше жағдай және карантин кезінде халықтың табысын қолдау мақсатында 42 500 теңге әлеуметтік көмек көрсетілгенін еске салды. Бұл әлеуметтік төлемді 4,6 миллион адам алған.

Тұрмысы төмен 1,1 миллион азаматқа азық-түлік жиынтығы түрінде қолдау көрсетілді.

346
Кілт сөздер:
зейнетақы, жәрдемақы
Тақырып:
Зейнетақы мөлшері қалай өзгерді
Теңге, архивтегі фото

 Депутат үкіметке: Ұлттық қорды ойламау елдің болашағын ойламаумен бірдей

51
Салық және кедендік жұмысты жақсартудан алынуға тиіс 1,5 триллион теңге қосымша қаржы түспеген, деді Жамалов

НҰР-СҰЛТАН, 21 маусым – Sputnik. Мәжіліс депутаттары үкіметке Ұлттық қордан ақша алуды доғару қажеттігін ескертті, деп хабарлайды Sputnik Қазақстан тілшісі.

Депутат Аманжан Жамаловтың айтуынша, республикада салық жинау деңгейі әлі де төмен. 2020 жылы бюджеттің салықтық түсімдері 17,4%-ке төмендеген. 2021 жылдың 1 қаңтарындағы жағдай бойынша бюджетке жалпы берешек 378 миллиард теңгені құрады.

"Осы проблемалардың барлығы "Салықтық әкімшілендіру жүйесін реформалау" бағдарламасы аясында шешілуге тиіс еді. Осы бағдарламаны іске асыруға 11 жыл ішінде миллиардтаған теңге жұмсалды. Сонда нәтиже қандай? Мемлекеттік кіріс комитетінің 16 ақпараттық жүйесінің 12-сі ақпараттық қауіпсіздік талаптарына сай келмейді, оның ішінде 9-ы өнеркәсіптік пайдалануға енгізілмеген", - деді мәжілісмен парламент палаталарының бірлескен отырысында.

Айтуынша, салдарынан салық және кедендік жұмысты жақсартудан тек 2020 жылдың өзінде ғана түсуге тиіс 1,5 триллион теңге қосымша түсім түспеген. Нақты сома 221 миллиард теңгені құрады.

Оқи отырыңыз: Тиімсіз қарыз тартқан шенеуніктердің жеке жауапкершілігін қатаңдату ұсынылды 

Депутат салықтық әкімшілендірудің әлсіз болуы бюджетке Ұлттық қордан қосымша қаржы тартуға әкеп соққанын атап өтті.  2020 жылы республикалық бюджет кірістерінің 45%-і Ұлттық қордан тартылған трансферттер құраған. Оның жалпы сомасы – 4,8 триллион теңге.

"Бұл – соңғы жылдардағы ең жоғарғы көрсеткіш. Үкіметке болашақта ұлттық қорсыз кіріс кірмей қалуы мүмкін екенін түсінетін уақыт келді. Сондықтан бүгін Ұлттық қор туралы ойламау ол елдің болашағы туралы ойламаумен бірдей", - деді Жамалов.

51
Кілт сөздер:
депутаттар, ұлттық қор
халыққа қызмет көрсету орталығы

eGov.kz порталында цифрлық құжаттар пайда болды

0
Жеке куәлік, жүргізуші куәлігі, туу туралы куәлік, COVID-19 бойынша ПТР-тест нәтижесі - енді бұл құжаттардың цифрлық нұсқасы eGov.kz порталында қолжетімді

НҰР-СҰЛТАН, 21 маусым – Sputnik. Электронды үкімет порталында цифрлық құжаттарды алуға мүмкіндік бар. Бұл туралы eGov.kz порталының операторы - "Ұлттық ақпараттық технологиялар" АҚ-сы мәлімдеді, деп хабарлайды Sputnik Қазақстан тілшісі.

"Азаматтардың көптеген сұранысы бойынша біз цифрлық құжаттарды eGov.kz порталына шығардық", - делінген ресми хабарламада.

Цифрлық құжаттарды көру үшін алдымен порталда авторизациядан өту керек. Одан кейін "Жеке кабинетке" кіріп, жоғарғы жақта тұрған "Цифрлық құжаттар" бөлімін басу қажет. Сол кезде құжаттардың тізімі шығады. Олар:

  • Жеке куәлік;
  • Жүргізуші куәлігі;
  • Туу туралы куәлік;
  • Неке туралы куәлік;
  • Аты-жөні мен текті ауыстыру туралы куәлік;
  • Некені бұзу туралы куәлік;
  • Техникалық төлқұжат;
  • COVID-19 бойынша ПТР-тесттің нәтижесі;
  • Студенттік билет;
  • Диплом;
  • Зейнеткердің куәлігі;
  • Қандастың куәлігі;
  • Көлік құралын тіркеу туралы куәлік;
  • Әлеуметтік ID;
  • Вакцинация төлқұжаты.
0