Касым-Жомарт Токаев посетил Дом социальных услуг

Тоқаев үкіметке берген тапсырмасын түсіндірді - видео

651
(Жаңартылды 18:01 12.05.2020)
Мемлекет басшысы жеке табыс салығының проценттік мөлшерлемесінің жоғарғы шекті деңгейі 15 пайыздан аспауы керек екенін айтты

НҰР-СҰЛТАН,12 мамыр - Sputnik. Мемлекет басшысы Қасым-Жомарт Тоқаев Алматыға жұмыс сапары барысында жеке табыс салығының үдемелі өлшемін енгізу туралы тапсырмасының мәнін түсіндірді, деп хабарлады президенттің баспасөз хатшысы Берік Уәли.

Президенттің пікірінше, бұл жаңалықтың мақсаты әлеуметтік әділдікті қамтамасыз ету. Мұндай жүйе бірқатар мемлекетте қолданылады.

"Қасым-Жомарт Тоқаев айына 250-300 мың теңге жалақы алатын азаматтар табыс салығын 7 проценттік мөлшерлеме бойынша төлеуге тиіс деп санайды. Яғни, қазіргі 10 ппроценттік мөлшерлемеден төмен болады. Ал, айына 300 мың теңгеден 1,5-2 миллион теңгеге дейін табыс табатындар үшін қазіргі 10 проценттік мөлшерлеме сақталады", - деп жазды Уәли.

Президент жылына 25 миллион теңгеден көп табыс табатын азаматтар үшін пайыздық мөлшерлеме көлемі артуы тиіс деген пікірде. Мөлшерлеме көлемін үкіметтің комиссиясы анықтайды.

Тағы оқыңыз: Тоқаев жоғары жалақы алатындардың салығын арттыруды ұсынды

Бұл ретте мемлекет басшысы жеке табыс салығының проценттік мөлшерлемесінің жоғарғы шекті деңгейі 15 пайыздан аспауы керек деп есептейді.

651
Кілт сөздер:
видео, салық, Үкімет, Қасым-Жомарт Тоқаев
Тақырып бойынша
Жалақысы көптің салығы өседі: министрлік Тоқаевтың ұсынысын ашық талқылауға уәде етті
Министр кімдер 1 қазанға дейін салық төлемейтінін айтты
БАҚ-тың "салық демалысы": Абаев президенттің шешімі туралы айтты
Елордалық депутат Kaspi Gold иелерін 3% салық төлеуге міндеттеуді ұсынды
Монета, архивтегі фото

"Әділ болуы керек": Тоқаев зейнетақы жинағын пайдалану туралы айтты

1195
(Жаңартылды 11:05 15.01.2021)
Қазақстан президенті азаматтарға өз жинағын түрлі құрал арқылы басқаруға мүмкіндік беру қажет екенін атап өтті

АЛМАТЫ, 15 қаңтар – Sputnik. Мемлекет басшысы Қасым-Жомарт Тоқаев VII шақырылған парламенттің алғашқы сессиясында зейнетақы жүйесін одан әрі дамыту тұжырымдамасы әзірленіп жатқанын мәлімдеді, деп хабарлайды Sputnik Қазақстан тілшісі.

Президенттің пікірінше, зейнетақы жүйесі әділ және адам мүддесіне сай келуі керек.

"Зейнетақы жүйесі әділ болып, адамдар мүддесіне сай болуы керек. Біз маңызды, бірегей реформаны – зейнетақы активтерін ішінара алу және пайдалану мүмкіндігін іске қостық. Сонымен қатар азаматтарға өз жинағын түрлі құрал арқылы басқаруға мүмкіндік беру қажет", - деді мемлекет басшысы.

Оның айтуынша, үкімет пен Ұлттық банк зейнетақы жүйесін одан әрі дамыту тұжырымдамасын әзірлеп жатыр.

"Оны іс жүзінде жүзеге асыру сапалы заңнаманы талап ететіні анық", - деді Тоқаев.

Тоқаев: Басты мақсат – халықтың тұрмысын жақсарту

Айта кетейік, бүгін Қасым-Жомарт Тоқаев VII шақырылған парламенттің алғашқы сессиясына қатысты.

10 қаңтарда Қазақстанда мәжіліс пен мәслихаттар депутаттарын сайлау өтті. Орталық сайлау комиссиясының мәліметіне сәйкес, парламенттің төменгі палатасына үш партия өтті: Nur Otan, "Ақ жол" және Қазақстан халық партиясы.

Сондай-ақ, мәжіліс депутаттарының қатарына Қазақстан халқы Ассамблеясының өкілдері де енді.

1195
Кілт сөздер:
Қасым-Жомарт Тоқаев, зейнетақы жинағы
Тақырып бойынша
Зейнетақы жинағын SMS арқылы тексеруге болатын жаңа қызмет іске қосылды
Зейнетақы жинағын пайдалану: БЖЗҚ жеткіліктілік шегі туралы ақпарат таратты
Бір күнде 12 мыңнан астам қазақстандық зейнетақы төлемін алу үшін арнайы шот ашты
Президент саяси жүйеге қатысты тың ұсыныс жасады
Телефон, иллюстративті фото

Бір күнде 12 мыңнан астам қазақстандық зейнетақы төлемін алу үшін арнайы шот ашты

73
Зейнетақыны алуға арналған арнайы шотты қосымшаның көмегімен ғана емес, сонымен қатар бейне қоңырау арқылы да ашуға болады

НҰР-СҰЛТАН, 14 қаңтар – Sputnik. Бір күнде 12 мыңнан астам қазақстандық зейнетақы төлемін алу үшін арнайы шот ашты. Бұл туралы "Отбасы банкінің" Instagram-дағы аккаунты хабарлады.

"Кеше 12 222 қазақстандық ЖССБ 24 қосымшасы және бейне қоңырау арқылы біржолғы зейнетақы төлемін алу үшін арнайы шот ашты. Кейбір қиындықтарды мұқият анықтап, оларды жаңартылған қосымшада түзедік", - деп жазылған парақшада. 

Зейнетақы жинағын пайдалану: БЖЗҚ жеткіліктілік шегі туралы ақпарат таратты 

Банк құжаттарды тану функциясын жақсартып, қосымшаның жылдамдығын арттырған.

ЖССБ 24 қосымшасының жаңартылған нұсқасын Play Market жүйесінен жүктеп алуға болады. AppStore жүйесінде қосымшасының жаңартылған нұсқасы сәл кейінірек іске қосылады.

 "Егер сіз ЖССБ 24 қосымшасы арқылы арнайы шотты ашу кезінде қиындыққа тап болсаңыз, оны БИО-дағы сілтеме бойынша бейне қоңырау арқылы ашуға болады", - делінген хабарламада.

73
Кілт сөздер:
шоттар, зейнетақы жинағы
Тақырып бойынша
Зейнетақы жинағын пайдалану үшін банкке бару керек пе?
Қазақстандықтардың табыс салығы дұрыс есептелмеді: ақшаны қалай қайтаруға болады
"Отбасы банкке" тағы бір қаржылық операция орындауына лицензия берілді
Зейнетақы жинағын пайдалануға қатысты тың ақпарат жарияланды
Зейнетақы жинағын шешіп алу үшін есепшот қалай ашылады – видео
Теңіз кемелері

Ресей теңіз кемелерін жаңартады ма

0
1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам

Жаңа зымырандар, заманауи борттық жабдықтар, бірегей әскери мүмкіндіктер – 1144 "Орлан" жобасының "Адмирал Нахимов" атты ауыр атомдық зымыран крейсері "Петр Великий" орнына Ресей әскери теңіз кешеніне қызметке түседі. Бұл 2022 жылы іске асады деп болжанып отыр.

Алғашқы қадам 

1144 "Орлан" жобасының крейсерлері әуе тасымалдағыштан кейінгі әлемдегі ірі соғыс кемелері болып табылады. Сыйымдылығы – 25,8 мың тонна, ұзындығы – 250 метр, ені – 28,5 метр, экипаж саны – 760 адам. 

Ресейде осы типтегі екі вымпел бар. "Петр Великий" Солтүстік флоттың құрамында жұмыс істейді. Бірақ "Нахимов" қолданысқа енгізілген сәттен бастап оны модернизацияға жөнелтеді. Екеуі де кез-келген нысананы жоюға қабілетті толық қаруланған теңіз платформалары. Стандартты жиынтық - П-700 "Гранит" кемеге қарсы зымырандарының 20 іске қосу қондырғысы, "Оса-М", "Кинжал" зениттік-зымырандық кешендері және С-300Ф "Форт" алыс қашықтықта әрекет ету зымыраны және "Метел" және "Водопад" кемеге қарсы зымыран торпедалар, АК-130 реактивті бомбометтер мен автоматты қос ұңғылы зеңбірек. 

 Адмирал флота Касатонов фрегаты
© Sputnik / Александр Гальперин

Атомдық энергетикалық қондырғысы, автономдылығы екі ай болса, жылдамдығы 31 торапты құрайды. Жүрісінің қашықтығы шектеусіз деуге болады. Крейсерлер Қиыр Солтүстік жағдайында да жұмыс істей алады және Ресейдің Арктика аймағында әскери қатысуын қамтамасыз етуге қабілетті. Бұл аймақты көптеген сарапшылар жақын болашақта табиғи ресурстар үшін соғыс өтетін алаң деп санайды. 

Алайда, барлық кемелер уақыт өте келе тозады. Егер 80-жылдардың аяғы мен 90-жылдардың басында "Орландар" кез-келген жауға төтеп бере алса, бүгінде жағдай өзгерді. Ресейде бірінші дәрежедегі соғыс кемелерін жасауда әлі де қиындықтар бар болғандықтан, қорғаныс министрлігі қолда бар кемелерді жаңартып, оларға бірінші кезекте жаңа қару-жарақ орнату туралы шешім қабылдады.

Кешен платформасы 

"Адмирал Нахимов" кемесі 1999 жылы жөндеуге жіберілген. Бірақ іс жүзінде крейсердегі жөндеу жұмыстары қорғаныс өнеркәсібіне ауқымды қаражат бөлінген 2013 жылы басталды. 2015 жылға қарай Северодвинскідегі "Севмаш" кәсіпорнында кемеден ескі жабдық шешіліп, корпусындағы ақауларға зерттеу жүргізілді. Модернизацияны 2018 жылға дейін аяқтау жоспарланған болатын. Бірақ бұл мерзім бірнеше рет кейінге шегерілді. Жөндеу жұмыстары борттағы құрал-жабдықтар мен қару-жараққа жаңа жабдықтарды енгізу арқылы пысықталды.

Өткен жылдың мамыр айында Ресей қорғаныс министрінің орынбасары Алексей Криворучко ауыр крейсерге алғашқылардың бірі болып "Циркон" гипердыбысты зымырандарын орнатылатынын мәлімдеді. Олар нысанаға дыбыс жылдамдығынан тоғыз есе жылдам ұшып жетеді. Соның арқасында "Циркон" кез-келген әуе шабуылына қарсы қорғаныс жүйесі үшін алынбас қамалдай. Қашықтығы 1000 шақырымға жуықтайды. Осылайша, "Циркон" америкаық "Гарпун" дыбысқа дейінгі кемеге қарсы зымырандарынан асып түсетін түрі бар. 

"Орландардың" әуедегі шабуылға қарсы қорғаныс жүйесі барлық кезде мінсіз болып келді. Модернизацияға дейін "Нахимовта" С-300Ф "Форт" ЗЗЖ болса, енді оған С-400-дің әлдеқайда жетілдірілген әскери-теңіз нұсқасы орнатылады. Түрлі типтегі зениттік оқ-дәрімен оқ ататын бұл кешен "көзге көрінбейтін" ұшақтар мен қанатты және баллистикалық басқа да нысандарға тосқауыл бола алады. 40Н6 жүйесінің зымырандары нысандарды 400 километр қашықтықтан дәлдей алады. "Адмирал Нахимовқа" С-400 ЗЗЖ-ның 96 іске қосу шахтасы орнатылады деп болжануда. Бұл осы кемені әлемдегі әуедегі шабуылдан ең жоғары деңгейде қорғалған кеменің бірі етеді. 

Сексен ұяшық 

Сонымен қатар, жақын аймаққа арналған "Кортик" зениттік-зымыран жүйесінің орнына"Панцирь-МЕ", "Оса-М" зениттік зымырандарының орнына "Редут" жаңа жүйесі келеді. Алайда, модернизация көбіне соққы жасау кешендеріне жүргізілмек. "Циркон", "Адмирал Нахимовтан" бөлек тағы П-800 "Оникс" кемеге қарсы зымырандары және "Калибр" қанатты зымырандары да орнатылады. 

"Граниттер" бір кездері қуатты қару болған. Оның жылдамдығы үш Мах, қашықтығы 625 киломтерге жетті. Бес жүз килотонналық ядролық оқтұмсық бір соққымен авиатасымалдағышты да жойып жіберуі мүмкін. Бірақ көлемі үлкен - ұзындығы он метр және салмағы жеті тонна. Жаңа кемеге қарсы зымырандардың қуаты аз болғанымен, олар әлдеқайда жедел және дәлдігі жоғары. 

Крейсердің кемеге қарсы қаруы да жаңартылады. "Адмирал Нахимовке" жақын қашықтықтағы торпедалар мен суасты қайықтарынан қорғайтын "Пакет-НК" кешені орнатылады. "Пакет-НК" жоғары автоматтандырылған. Ол нысанды өз бетінше анықтайды және саралайды, қозғалыс параметрлерін нақтылап, торпедоға нақты нысан мәліметін ұсынады. 

Сол сияқты, крейсердің электроникасы да толық модернизацияланады. Бұл кеме экипажының жағдай туралы хабардар болуын едәуір арттырады және борттағы қаруды қолдану мүмкіндігін әлдеқайда кеңейтеді. Сонымен қатар, крейсерге байланыс пен навигацияның жетілдірілген жүйелері, радиоэлектронды қорғаныс кешендері және жаңартылған үш Ка-27М палубалық тікұшақтарымен қамтамасыз етеді. Бұл машиналар экипаждың ықтимал жаудың сүңгуір қайықтарын табуын айтарлықтай жеңілдетеді.

0
Тақырып бойынша
АҚШ әскери-теңіз флотын қайта жарақтандырмақ
Балықшы теңіз алыбына мініп алды – экстремалды видео
Қара теңіз аймағында жаңа жүйе сынақтан өткізіліп жатыр
"Скиф" – теңіз түбіндегі құпия
Әскери-теңіз күштерінің әлеуеті артқан жыл