Астана ХҚО басқарушы директоры Қайрат Келімбетов

Қазақстан мен Ресей әлемдегі ірі азық-түлік жеткізушіге айналуы мүмкін Келімбетов

387
(Жаңартылды 09:01 21.05.2020)
"Астана" халықаралық қаржы орталығының басшысы пандемиядан кейін әлемдік экономиканы дамытудың үш сценарийін атады

НҰР-СҰЛТАН, 21 мамыр – Sputnik. Коронавирус пандемиясынан кейін азық-түлік қауіпсіздігі әлемдік экономиканың басты сын-қатерлерінің бірі болады, ал Қазақстан мен Ресей бұл жағдайдан ауыл шаруашылығы өнімдерінің көлемін ұлғайту арқылы пайда көре алады және бүкіл әлем үшін ірі азық-түлік жеткізушіге айналады, деп хабарлады "Астана" ХҚО басқарушы директоры Қайрат Келімбетов РИА Новостиге берген сұхбатында.  

"Қазіргі коронавирус пандемиясы сияқты эпидемиологиялық дағдарыстың ықтимал салдарының бірі азық-түлік қауіпсіздігі проблемасы болуы мүмкін. Мен Ресей мен Қазақстан сияқты елдер ауыл шаруашылығы өнімдерін өндіру мүмкіндігін арттырып, бүкіл әлем үшін осы өнімдердің ірі көзіне айналуы қажет деп ойлаймын", - деді Келімбетов.

Оның айтуынша, әртүрлі елдердің үкіметі пандемиядан кейін әлемдік экономика қалай және қай бағытта дамитынын өздері үшін анықтап алуы тиіс.

"Белгісіздік бар жерде жедел құрылымдық реформалар қажет. Мысалы, осындай бағыттардың бірі Ресей соңғы кездері өте үлкен жетістікке жеткен ауыл шаруашылығы саласы болды, бүгінде ауыл шаруашылығы экспорты 25 миллиард доллардан асып отыр", - деп түсіндірді ол.

Агенттіктің сұхбатшысы бүгінгі таңда мұндай көптеген бағыт бар екенін, бұл реформаларды жүзеге асыру қажет екенін атап өтті. Олардың арасында цифрландыру, мемлекеттік басқаруды жетілдіру, жеке қаржы жүйесінің тұрақтылығын арттыру жұмыстарын атап өтуге болады.

Оқи отырыңыз: Экономиканы қалпына келтіру бағдарламасын бастау қажет – Назарбаев 

"Біз бұл бірнеше жыл шығынды қажет етуі мүмкін екенін түсінеміз. Яғни жаһандық экономикалық және қаржы дағдарысы, мұнай-газ өнеркәсібі саласындағы дағдарыс салдарынан салықты жоғалтамыз. Карантин режимін енгізумен байланысты кірістерден де айырыламыз, бірақ орта мерзімді перспективаны ойлануымыз керек, оны қалай қалпына келтіреміз, экономиканы қайта іске қосып, ол өзін-өзі қамтамасыз етіп, болашаққа жаңа резервтер құру үшін компанияларымызды, еліміздегі адамдарды қалай қолдаймыз деген мәселелерге басымдық беру қажет", - дейді ол.

Пандемиядан кейінгі әлемдік экономика

Келімбетов пандемиядан кейін әлемдік экономиканы дамытудың үш сценарийі бар деп санайды.

Экономикасы ең үлкен елдер өздігінен оқшаулану бағытын жалғастырады және коронавирус пандемиясынан кейін әлем бірнеше тәуелсіз макроөңірге бөлінеді, олардың барлығы өз өндірісі мен қаржы жүйелеріне қолдауды арттырады, деп атап өтті АХҚО басқарушы директоры.   

"Мен барлық елдің одан әрі дамуында үш негізгі айырық бар деп есептеймін. Біріншіден, бұл өзін-өзі қамтамасыз ету және өзін-өзі оқшаулау бағыты. Ірі және өзін-өзі қамтамасыз ететін экономикасы, көп халқы бар көптеген ел осы бағытты таңдауы мүмкін. Мысалы, Америка Құрама Штаттары" - деді Келімбетов.

Екінші сценарий – банктер мен кәсіпорындарды ұлттық деңгейде кең көлемде қолдау.    

Оның пікірінше, бұл сценарийлерді іске асыру Ресей мен Қазақстан сияқты елдер үшін проблемаға айналады, өйткені оқшаулау және толығымен импорт алмастыру бағыты оларға әлеуметтік-экономикалық даму үшін қажетті тұрақты өсу қарқынын ұстап тұруға мүмкіндік бермейді. Бірақ елдер қазір қалыптасып жатқан сауда блоктарында лайықты орын ала алса, олар бұған дайындалып, тіпті пайда да таба алады. Осындай блоктарды құру экономикалық дамудың үшінші сценарийіне кіреді.

387
Кілт сөздер:
коронавирус, экономика, Қайрат Келімбетов
Тақырып бойынша
Қазақстанның әуе компаниялары коронавирустан 300 млрд теңге жоғалтуы мүмкін
"Қиын болады": Елбасы коронавирустың салдары қашан сезілетінін айтты – видео
Кредитті үш айға шегеру: банк процентті алып тастай ма?
Смайылов республикалық бюджеттің кірісі төмендегенін айтты
Министр Сұлтанов азық-түліктің неге қымбаттайтынын айтты  
Қол, жер

"Жер учаскелерін беру тәртібі жеңілдейді": заң жобасы әзірленді

16
Заң жобасы біраз қызметтерді электронды форматқа ауыстыруға, жер учаскелерін беру тәртібін оңайлатуға, жалпы, халыққа көрсетілетін қызметтердің сапасын жақсартуға мүмкіндік береді

НҰР-СҰЛТАН, 2 желтоқсан – Sputnik. Парламентке енгізілген заң жобасы аясында жер учаскесін беру тәртібі жеңілдетіледі. Бұл туралы үкіметтің бүгінгі отырысында премьер-министр Асқар Мамин айтты, деп хабарлайды Sputnik Қазақстан тілшісі.  

"Тағы бір маңызды мәселе – жер қатынастарын цифрландыру. Жылжымайтын мүліктің бірыңғай мемлекеттік кадастрын жасау бойынша ауқымды жұмыс жасалып жатыр. Ол жер учаскелері, құрылыстар мен ғимараттар жөніндегі деректерді қамтитын болады", - деді Мамин.

Үкімет парламентке жылжымайтын мүліктің бірыңғай мемлекеттік кадастры шеңберінде мемлекетте көрсетілетін қызметтерді цифрландыруға арналған заң жобасын енгізді. Құжат біраз қызметтерді электронды форматқа ауыстыруға, жер учаскелерін беру тәртібін оңайлатуға, жалпы, халыққа көрсетілетін қызметтердің сапасын жақсартуға мүмкіндік береді, деп отыр премьер.

Үкімет басшысы отандық агроөнеркәсіп кешенін толығымен цифрландыру басты міндет екенін ерекше атап өтті. Соның арқасында өнім өндіру шығындары азайып, сапаны жақсартуға мүмкіндік бар.

"Жалпы, ауыл шаруашылығы мақсатындағы 100 миллионнан астам гектар жер 5 жылдың ішінде цифрландырудан өткізіледі. Оған мемлекеттік-жекешелік әріптестік аясында 50 миллард теңге көлемінде инвестиция қажет болады. Қазірдің өзінде осы саланы цифрландырудың нәтижесінде тиімді тәжірибе жинақталды. Алдағы уақытта цифрландыру есебінен астық жинау жылына 25 миллион тоннаға дейін ұлғаяды", - деп атап өтті Мамин.

Бұдан бөлек, цифрландыру шараларының нәтижесінде өсімідік және мал шаруашылығы саласындағы өнім өндіру 20 процентке дейін артады. Ал фермерлердің шығыны 15 процентке азаяды.

 

16
Кілт сөздер:
жаңа тәртіп, заң жобасы, жер
Тақырып бойынша
"Жерді ешкімге де бермейміз": Назарбаева қазақстандықтардың басты жауын атады
Қазақстан Байқоңыр маңындағы жерді қайтарады – президент заңға қол қойды
Ағылшын саяхатшысын таңғалдырған жер: депутат Қапал ауылының жағдайына алаңдады
Ресей Қазақстанға қанша гектар жерді қайтарады – сенат заң қабылдады
Министрлік жерді тиімсіз игеретін шаруалардың "қара тізімін" жариялайды
Нұрсұлтан Назарбаев

"Ақша қайда кетіп жатыр?": Елбасы халықтың көкейінде жүрген сұраққа жауап берді

7503
(Жаңартылды 21:44 01.12.2020)
Түркістанға 350 миллиард теңге жұмсалады, қаланың құрылысына қажетті ақшаның тең жартысын жекеменшік компаниялар құйып жатыр, деп атап өтті Елбасы

НҰР-СҰЛТАН, 1 желтоқсан – Sputnik. Қазақстанның тұңғыш президенті Нұрсұлтан Назарбаев Түркістан қаласының құрылысына бөлінген ақшаның қалай жұмсалып жатқанын айтып берді, деп хабарлайды Sputnik Қазақстан тілшісі.

"Бұл мәселе ылғи көтеріледі. "Ақшаны қайда жіберіп жатыр?" деп сұрайды. Астананы салғанда да солай болған. Бірақ қазір елордаға салынған бір теңге үш теңге болып қайтып жатыр. Сол сияқты бірінші кезеңде Түркістанға 350 миллиард теңге жұмсалады", - деді Назарбаев "Түркістан: көне мен келешек көпірі" деректі фильмінде.

Оқи отырыңыз: Назарбаев елордада қазақ драма театрының жаңа ғимаратын ашты 

Елбасының айтуынша, Түркістанның құрылысына қажетті ақшаның тең жартысын жекеменшік компаниялар құйып жатыр. Бизнес өкілдері қонақ үйлер, сауда мен туризм орталықтары сияқты ғимараттарды салады.

"Қазіргі кезде 160 нысанның тең жартысы салынып бітті. Соның ішінде әкімшілік ғимараты, қазақ драма театры, конгресс-холл, қонақтарды қабылдайтын үлкен нысан, 10 мың орындық стадион, жастар сарайы және тағы басқа ғимараттар бар", - деді Назарбаев. 

Осы орайда Қазақстанның тұңғыш президенті урбанизация жалғаса беретінін, одан қорқудың қажеті жоқ екенін ерекше атап өтті.  

"Біздің қазақ бәрі қалаға кетсе, далада жағдай қалай болады деп қорқады. Далада бәрі дұрыс болады. Америкада ауылда тұратын халықтың үлесі – 5 процент. Сол бес процент тамақпен қамтамасыз етіп, шетке де шығарып жатыр. Бізде халықтың 40 проценті ауылда тұрады. Оның жартысы ауылда тұрса да, қалада жұмыс істейді. Технология дамыған сайын ол жерге жұмыскердің көп керегі болмайды. Ал ауылды жақсылап көтерсек, қаладан барамын деген адамдар табылады", - деп түйіндеді Назарабаев.  

7503
Кілт сөздер:
Түркістан, Назарбаев
Видеообращение преподавателей гуманитарного колледжа Нур-Султана к Токаеву

Астаналық оқу орнының қызметкерлері Тоқаевтан көмек сұрап, бейнеүндеу жолдады

61
Гуманитарлық колледж 1928 жылы құрылған. Сол уақыттан бері оқу орны қала мен аймақтарды педагогикалық кадрлармен қамтамасыз етті

АЛМАТЫ, 2 желтоқсан – Sputnik. Нұр-Сұлтан гуманитарлық колледжінің қызметкерлері президент пен білім министрі атына оқу орнын жаппау және оны "Астана" университетінің сенімді басқаруына бермеу туралы үндеу жолдады.

Колледж тағдыры кейінгі бес жыл бойы шешіліп келеді. 2019 жылдың 19 тамыздағы мемлекеттік-жекеменшік әріптестік шарты бойынша Нұр-Сұлтан әкімдігінің "Гуманитарлық колледжін" "Астана Халықаралық университетінің" сенімді басқаруына беру көзделген. Оның ішінде колледжге тиесілі жер учаскесі, оқу корпусы, жатақханалар мен барлық кадрлық құрам және студенттер де бар.

Алайда 2020 жылы қала әкімдігінің 2020 жылдың 11 қыркүйектегі гуманитарлық колледжді қайта ұйымдастыру туралы қаулысымен оқу орны Қоғамдық тамақтану және сервис колледжіне қосылды. Ал ол колледж педагогикалық мамандықтар бойынша кадр даярламайды.

"Қаулыға сәйкес мүлік және сенімді басқаруға байланысты барлық қызмет берілді. Ұжыммен өткен жиналыста білім басқармасының өкілдері қайта ұйымдастыру рәсімі педагогикалық ұжымға да, колледж әкімшілігіне де әсер етпейтінін айтты. Алайда білім басқармасының 13 қарашадағы бұйрығымен колледж директоры мен директордың барлық орынбасары жұмыстан босатылды. Оқу жылының ортасында колледж басшысыз қалды", - делінген қызметкерлердің ұжымдық үндеуінде.

Сонымен қатар әлі күнге дейін колледждің алдағы уақытта қалай жұмыс істейтіні айтылмаған.

"Біреудің мүддесін көзделіп отырған сияқты көрінеді. Ғасырлық тарихы бар колледж құрылғанына екі жыл болмаған және білім беру қызметі нарығында өзін дәлелдемеген ЖОО-ға қандай талап бойынша беріледі. Қалада бастауыш және мектепке дейінгі білім беру бойынша педагог кадрлардың жетіспеушілігі сезілетін уақытта елордадағы жалғыз педагогикалық колледждің жабылуы педагог кадрлардың азаюына, кадр даярлау сапасының төмендеуіне әкеледі. Өйткені білім алушылардың ата-анасы оқу орнын таңдау кезінде бірінші кезекте колледж имиджіне қарайды", - деп нақтылады колледж қызметкерлері.

Сонымен қатар гуманитарлық колледж қызметкерлері Қасым-Жомарт Тоқаевтан, білім және ғылым министрінен колледжді "Астана" халықаралық университетіне сенімгерлік басқаруға бермеуді сұрады.

Білім басқармасы не дейді

Нұр-Сұлтан қаласының білім басқармасының хабарлауынша, "Гуманитарлық колледжді"  "Астана Халықаралық университетіне" сенімгерлік басқаруға беру жобасы 2019 жылы іске асырылды.

Бұл жобаға сәйкес, білім берудің оқу процесін құру үшін жеке әріптестің 1 000 орынды оқу корпусын қосып, қолданыстағы колледж базасында "Колледж-институт" педагогикалық  кешенін құру көзделіп отыр.

"Гуманитарлық колледж өз жұмысын университет жанындағы колледж ретінде жалғастырады. Бұл өз кезегінде үздіксіз білім беруді қамтамасыз ету, бюджетті оңтайландыру және білім саласына жекеменшік серіктестерді, яғни инвестиция тарту мақсатында жасалып отыр", - деді білім басқармасының баспасөз қызметі.

Бұған дейін оқу орнының қоғамдық тамақтандыру және сервис колледжіне қосылғаны хабарланды. Басқарманың айтуынша, қазір қоғамдық тамақтандыру және сервис колледжі "Астана Халықаралық университетіне" сенімгерлік басқаруға берілу жұмыстары жүргізіліп жатыр.

"Азаматтық кодексте  "Заңды тұлғаның қызметін тоқтату" туралы ұғым жоқ. Кодексте "Заңды тұлғаның қызметін қайта құру және тарату" ұғымы қарастырылған. Осыған орай "Гуманитарлық колледж"  "Қоғамдық тамақтандыру және сервис колледжіне" біріктірілді. Бұдан әрі қарай біріктірілген колледж "Астана халықаралық университетіне" сенімгерлік басқаруға тапсырылады", - деп түсіндірді білім басқармасы.

Гуманитарлық колледж 1928 жылы құрылған. Сол уақыттан бері оқу орны қала мен аймақтарды педагогикалық кадрлармен қамтамасыз етті. Қазір оқу орнында 1 748 студент білім алып жатыр және 250-ден астам оқытушы мен қызметкер жұмыс істейді.

61
Кілт сөздер:
бейнеүндеу, Қасым-Жомарт Тоқаев, колледж
Тақырып бойынша
Отставкаға дейін Тоқаев пен Назарбаев не туралы сөйлескені белгілі болды
"Енді кездеспейміз деді": Назарбаев жақындарының қазасы туралы айтты
Алматыда әбден ашынған балалар Тоқаевтан көмек сұрады
Мұхтар Шахановтың орынбасары Тоқаевтан көмек сұрады
COVID-19: Тоқаевтан соңғы рет ескерту алған әкім өңірдегі жағдайды баяндады