Ақша, теңге

42 500 теңге: министрлік шілде айындағы төлемге қатысты ақпарат жариялады

3417
(Жаңартылды 10:48 30.07.2020)
Мемлекет басшысының тапсырмасы бойынша шілде айында карантин шаралары енгізілуіне байланысты жұмыс істеп жатқан қазақстандықтарға табысы толық жоғалған жағдайда біржолғы төлем жасалады

НҰР-СҰЛТАН, 30 шілде – Sputnik. Шілде айында 2 миллионнан астам қазақстандық 42 500 теңге алды.

Еңбек және халықты әлеуметтік қорғау министрлігінің ақпаратына сәйкес, 42 500 теңге мөлшерінде біржолғы төлем тағайындауға азаматтардан 2,3 миллионнан астам өтініш қабылданған. Оның ішінде: 

  • 833,3 мың адам проактивті форматта төлем тағайындауға келісім берді;
  • 578,9 мың адам Egov.kz порталы және telegram-боттар арқылы;
  • 314,6 мың адам 42500.enbek.kz порталы арқылы.

Ал 595,8 мың адам екінші деңгейдегі банктердің мобильдік қосымшалары мен интернет-ресурстары арқылы өтініш берген.

Азаматтар санаты бойынша:

  • 833,3 мың өтініш бірыңғай жиынтық төлем төлеушілерден берілді;
  • 186,5 мың өтінішті жалдамалы қызметкерлері үшін жұмыс берушілер берді;
  • 1 млн 302,8 мың өтініш азаматтардың басқа санаттарынан келіп түсті (жеке кәсіпкерлер; жеке практикамен айналысатын адамдар; азаматтық-құқықтық сипаттағы шарттар бойынша табыс алатын жеке тұлғалар).

Төлем 2 миллион 80 мың адамға тағайындалды. Ақшалай қаражат 2 миллион 58 мың қазақстандыққа аударылды. Өтініш 1 қыркүйекке дейін қабылданады.

Төлем үшінші рет тағайындалды

Мемлекет басшысының тапсырмасы бойынша 2020 жылдың шілде айында карантиндік шаралардың енгізілуіне байланысты жұмыс істеп жатқан қазақстандықтарға табысы толық жоғалған жағдайда біржолғы төлем (бір ең төменгі жалақы – 42 500 теңге мөлшерінде )жасалады.

3417
Кілт сөздер:
төлем, Еңбек және халықты әлеуметтік қорғау министрлігі, теңге
Тақырып:
Төтенше жағдай және карантин (705)
Тақырып бойынша
Депутат 42 500 теңге төлеуге қатысты тың ұсыныс жасады
Шілдеге берілетін 42 500 теңге: әлеуметтік төлемге қалай өтінім беруге болады
Министрлік қанша қазақстандыққа 42 500 теңге төленгенін айтты
42 500 теңгені алу ережесі жарияланды 
Министрлік 42 500 теңгеге қатысты жиі қойылатын сұрақтарға жауап берді
Өзен, су

Қазақстанда тасқын судың есебінен электр энергиясы арзандауы мүмкін

36
(Жаңартылды 12:17 26.11.2020)
Қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады

НҰР-СҰЛТАН, 26 қараша – Sputnik. Қазақстан парламенті жаңартылатын энергия көздерін пайдалануды қолдау және электр энергетикасы мәселелері туралы заңды қабылдады. Оған сәйкес, елде су тасқыны кезінде өндірілетін электр энергиясының есебінен тариф төмендетілуі мүмкін, деп хабарлайды Sputnik Қазақстан тілшісі. 

Мәжіліс депутаты Шавхат Өтемісовтің айтуынша, қазір гидроэлектр станциялар табиғатты қорғау үшін су жіберу кезеңінде өндірілген электр энергиясын орталықтандырылған сауда-саттықта сатады. Ал оны трейдерлер сатып алады. Осылайша, мемлекет тасқын судан өндірілген электр энергиясының бағасына араласа алмайды. 

"Жүйелік оператордың деректері бойынша көктемгі су тасқыны кезінде жыл сайын орта есеппен 300 миллион кВтс электр энергиясы өндіріледі. Орталықтандырылған сауда-саттықта трейдерлер электр энергиясын 1 кВтсағ үшін 2-3 теңгеге сатып алып, оны екі-үш есе қымбатқа сатады. Осыған байланысты, гидроэлектрстанциялардың су тасқыны электр энергиясын "КЕГОК" АҚ-ға қарайтын қаржы-есеп орталығына сату міндетін заңнамалық түрде бекіту ұсынылады", - деді мәжілісмен. 

Айтуынша, бұл арзан электр энергиясы елдің барлық тұтынушылары арасында бөлінеді. 

Сонымен қатар, заң жобасы Қазақстанның электр энергетикасы жүйесінің сыртқы көздерге тәуелділігін төмендетпек. Атап айтқанда, қазір Ресейге кетіп жатқан ақша өз елімізде қалады. Ал бұл жыл сайын шамамен 10-12 миллиард теңге.

Бұдан бөлек, жаңартылатын энергия көздерін қолдауға "өтпелі тариф" белгіленіп отыр. Заң жобасында "жаңартылатын энергия көздерін пайдалануды қолдауға арналған үстемеақы" ұғымы көзделген, ол шекті тарифтен тыс ескеріледі.

Жаңартылатын энергетиканы дамыту үшін жаңартылатын энергия көздерінің электр энергиясын сатып алуға арналған келісімшарттың қолданылу мерзімін 15 жылдан 20 жылға дейін ұлғайту ұсынылды. Ол инвесторға аукциондық сауда-саттықта неғұрлым төмен тарифтерді ұсынуға жағдай жасайды. Бұл өз кезегінде тұтынушылардың шығынын төмендетуге мүмкіндік береді.

Сенат заңды бірауыздан қабылдады.

36
Кілт сөздер:
электр энергиясы, су, Қазақстан
Тақырып бойынша
Сарапшы елордадағы экомешіттің не себепті электр қуатын тарата алмағанын айтты
Елордалық жылу электр орталықтары ішінара газбен жұмыс істей бастады
Петропавлда жол апатының алдын алған автобус электр бағанын құлатты – видео
Алматының жылу электр орталықтары түгел газға көшіріледі
Вице-министр атом электр станциясы қандай жағдайда салынуы мүмкін екенін айтты
ақша, теңге

ЕАЭО елдерінде жұмыс істеген азаматтарға зейнетақы қалай төленеді

471
Келісім ратификацияланғаннан кейін ЕАЭО-ға мүше елдердің кез келген азаматы одақ елдерінің бірінде жұмыс істеген жылдары үшін зейнетақы алады

НҰР-СҰЛТАН, 26 қараша – Sputnik. Парламент сенаты "Еуразиялық экономикалық одаққа мүше мемлекеттердің еңбекшілерін зейнетақымен қамсыздандыру туралы келісімді ратификациялау туралы" заңды қабылдады, деп хабарлайды Sputnik Қазақстан тілшісі.

Сенаттың жалпы отырысында "ЕАЭО-ға мүше мемлекеттердің еңбекшілерін зейнетақымен қамсыздандыру туралы келісімді ратификациялау туралы" заң жобасы қаралды.

Келісімге ел президенттері 2019 жылы 20 желтоқсанда Санк-Петербург қаласында қол қойды.

"Келісімнің негізгі мақсаты – ЕАЭО елдерінде еңбекшілердің зейнетақы құқықтарын қалыптастыру, сақтау және іске асыру, еңбекшілердің зейнетақысын тағайындауға және экспорттауға байланысты мәселелерді шешу, сондай-ақ мүше мемлекеттер арасындағы зейнетақымен қамсыздандыру саласындағы ынтымақтастықты дамыту", - деді еңбек және халықты әлеуметтік қорғау министрі Біржан Нұрымбетов.

Айтуынща, қазір ЕАЭО елдерінде әртүрлі зейнетақы жүйесі қолданылады. Мәселен, Беларусьте жинақтаушы жүйе жоқ. Қазақстан, Ресей, Арменияның жинақтаушы жүйелері әртүрлі. Зейнетақы жүйелерін қаржыландыру және зейнетақы қаражатын бөлу тәсілдерінде де айырмашылықтар бар.

Бұдан бөлек, зейнетақымен қамсыздандыру жүйесі зейнет жасы, мөлшері, еңбек өтілі, зейнетақы аударымдарының көздері және басқа параметрлер бойынша да ерекшеленеді.

"Қазіргі уақытта тұрақты тұратын азаматтар үшін зейнетақымен қамсыздандыру мәселелері реттелген. Ал Еуразиялық экономикалық одақ елдерінен "жұмыс" мақсатында келген еңбекшілер үшін зейнетақымен қамсыздандыру мәселелері реттелмеген күйінде қалып отыр. Келісімнің күшіне енуі еңбекшілердің зейнетақы саласындағы проблемалық мәселелерін реттеуге мүмкіндік береді", - деді министр.

Атап айтқанда, еңбекшілердің өзі жұмысқа орналасқан мемлекеттің азаматтарымен құқықтары тең болады; әрбір мемлекет өз аумағында жұмыс істеген жылдар үшін зейнетақы төлейді; әрбір мүше мемлекет зейнетақы алу құқығын айқындап, оның мөлшерін өзінің ұлттық заңнамасына сәйкес есептейді; зейнетақы экспорты мәселесі реттеледі.

Оқи отырыңыз: Зейнетақы жинағын алу: қазақстандықтар 10%-тік салықты қалай төлейді

Яғни, келісімді ратификациялағаннан кейін, егер аталған елдердің кез келген азаматы ЕАЭО елдерінің бірінде немесе тіпті бірнеше елде бірнеше жыл жұмыс істесе, содан кейін өз Отанына кетсе, онда осы елдердің заңнамасы бойынша зейнеткерлік жасқа жеткен кезде ол онда жұмыс істеген уақыты үшін олардан зейнетақының өз бөлігін алады. Қазақстан бұл еңбек мигранттарын зейнетақымен қамтамасыз етудің әділ тәсілі деп санайды.

Қазақстан тарапынан келісімді іске асыру жөніндегі құзыретті орган ретінде Бірыңғай жинақтаушы зейнетақы қоры белгіленді.

Сенат депутаттары заңды бірауыздан қабылдады.

471
Кілт сөздер:
ЕАЭО, зейнетақы
Маска таққан қыздар

Қазақстанда 27 қарашада қандай маңызды оқиғалар болады

0
(Жаңартылды 18:48 26.11.2020)
Sputnik Қазақстан 27 қараша мен 12 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

27 ҚАРАШАҒА ЖОСПАРЛАНҒАН ШАРАЛАР

10.00 – "Азап вагондарында" видеоэкскурсиясы (трансляция Сәкен Сейфуллин музейінің Instagram парақшасында жасалады)

11.00 - Жалпыұлттық социал-демократиялық партиясының XVI съезі, алдағы Қазақстан парламенті мәжілісі мен мәслихаттары сайлауына байланысты мәселелер талқыланады (Park Inn қонақ үйі, Сарыарқа даңғылы 8а. Аккредитация +7 701 190 00 18, +7 707 716 11 92 телефондары арқылы жасалады)

11.15 - Орталық коммуникациялар қызметі базасында "Junior Eurovision-2020 ("Балалар Евровидениесі") конкурсының финалы туралы" баспасөз конференциясы. Спикерлер: "Хабар" агенттігі " АҚ басқарма төрағасы Ерлан Бекхожин,"Хабар" агенттігі" АҚ басқарма төрағасының бірінші орынбасары Ринат Кертаев, Қазақстанның "Балалар Евровидениесі конкурсындағы өкілі Қарақат Башанова, Қ.Башанова әнінің авторы Хамит Шанғалиев. Трансляцияны Youtube пен Facebook-тен көруге болады.   

12.30 – "Мемлекет басшысының жолдауы аясындағы аумақтық даму туралы" баспасөз конференциясы. Спикер: Ақмола облысының әкімі Маржықпаев Ермек Боранбайұлы. Трансляцияны Youtube пен Facebook-тен көруге болады.

16.00 – "Бозайғыр" қобызшылар квинтетінің онлайн-концерті (трансляция Қазақстанның Мемлекеттік филармониясының Instagram парақшасында жасалады)

16.30 - Орталық коммуникациялар қызметінде "Елдегі эпидемиологиялық жағдай және коронавируспен күрес шаралары туралы" баспасөз конференциясы. Спикерлер: Қазақстан денсаулық сақтау министрі Алексей Цой, денсаулық сақтау вице-министрі Ажар Гиният, денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова. Трансляцияны Youtube пен Facebook-тен көруге болады.

28 ҚАРАШАҒА ЖОСПАРЛАНҒАН ШАРАЛАР

15.00 - European Film Festival-дің жабылу салтанаты. Фестиваль эстониялық режиссер және IT кәсіпкер Рейн Раннудың "Погоня за единорогами" фильмімен жабылады. Тікелей эфирде Рейн фильм туралы сұрақтарға жауап береді және жеке тәжірибесін бөліседі. ЕО-ның Қазақстандағы елшісі Свен Олов Карлсон мен Эстония елшісі Хейти Мяемеэс те фестивальдің жабылу салтанатында сөз сөйлейді (тікелей эфир фестивальдің Facebook және Youtube парақшаларында).

Нұр-Сұлтан

10.00 - Жергілікті брендтерді, жас суретшілер мен Arts, Design and Flears дизайнерлерін қолдау шарасы (Hydra арт-зауыты, Омаров көшесі, 111)

18.00 - Композитор Петр Чайковскийдің 180 жылдығына арналған "Жан мен музыка үндестігі" концерті. Солист – "Астана Опера" театрының жетекші солисі, Қазақстанның еңбек сіңірген әртісі, мемлекеттік сыйлықтың лауреаты Майра Мұхамедқызы ("Астана Опера" театры, Қонаев көшесі, 1).   

Алматы  

18.00 – "Корсар" балеті (Абай атындағы Қазақ мемлекеттік академиялық опера және балет театры)

19.00 (Алматы) – Қазақстан мемлекеттік академиялық симфониялық оркестрінің Go for Baroque концерті. Бағдарламаға барокко дәуірінің туындылары енген (Монтеверди, Люлли, Вивальди, Гендель, Перселл, Бах). (Жамбыл атындағы филармонияның үлкен залы, Қалдаяқов көшесі, 35)

19.00 – "Италиялық музыка кеші. Верди" концерті (Абай атындағы Мемлекеттік академиялық опера және балет театры)

29 ҚАРАШАҒА ЖОСПАРЛАНҒАН ШАРАЛАР

Нұр-Сұлтан

18.00 – "Людвиг ван Бетховеннің барлық сонаталары" топтамасы аясында концерт қойылады, Астана Опера театры (Қонаев көшесі, 1)

1 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

17.00 – "Астана Опера" театрының опера солистері мен аспаптық музыканттарының қатысуымен "Ел тірегі - Елбасы!" мерекелік концерті өтеді (Қонаев көшесі, 1)

2 ЖЕЛТОҚСАНҒА ЖОСПАРЛАНҒАН ШАРАЛАР

Алматы

19.00 – "Париж аспаны астында" концерті: барлық уақыттағы француз музыкасының жауһарлары (Жамбыл атындағы филармонияның үлкен залы, Қалдаяқов көшесі, 35)

9 желтоқсанға жоспарланған іс-шаралар

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры орыс және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)  

12 желтоқсанға жоспарланған іс-шаралар

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0