Құс еті

Қазақстан құс еті импортынан жыл сайын 77 млрд теңге жоғалтып отыр

61
Министр 13 инвестициялық жобаны жүзеге асыру үшін қосымша 147 миллиард теңге, оның ішінде 69 миллиард теңге кредиттік ресурс қажет екенін айтты

НҰР-СҰЛТАН, 6 қазан – Sputnik. Құс еті импортының көлемін қысқарту жыл сайын 77 миллард теңгені ел экономикасында қалдыруға мүмкіндік береді. Ал қазір ол ақша басқа елдерге кетіп жатыр. Бұл туралы ауыл шаруашылығы министрі Сапархан Омаров мәлімдеді, деп хабарлайды Sputnik Қазақстан тілшісі. 

Министрдің айтуынша, қазір құс еті бойынша отандық өндіріс ішкі нарық қажеттілігінің 58%-ін ғана жабады. 

"Отандық өндіріс есебінен құс еті импорты көлемін қысқарту ел экономикасында жыл сайын шамамен 177 миллион АҚШ долларын немесе 77 миллиард теңгені сақтап қалуға мүмкіндік береді. Олар қазір валюталық түсім түрінде басқа елдерге кетуде", - деді Омаров үкімет отырысында. 

Ол ішкі нарықты толық қамтамасыз ету құс еті өндірісінің қуатын қосымша 171 мың тоннаға арттыру қажет екенін атап өтті. Ведомство бұл міндетті жаңа құс фабрикаларын іске қосу, сондай-ақ, құс фабрикаларының қазіргі қуаттылығын ұлғайту есебінен 2023 жылдың соңына дейін іске асыруды жоспарлап отыр. 

"Аталған міндетті орындау үшін жалпы қуаты 285 мың тонна құс етін өндіретін 19 құс фабрикасы, оның ішінде биыл жалпы қуаты 70 мың тонна болатын 6 құс фабрикасы, 2021-2023 жылдары жалпы қуаты 215 мың тонна болатын 13 құс фабрикасы іске қосылады. Бұл ішкі нарық қажеттілігін толық көлемде қамтуға мүмкіндік береді", - деді министр.  

Айтуынша, 13 инвестициялық жобаны жүзеге асыру үшін қосымша 147 миллиард теңге, оның ішінде 69 миллиард теңге кредиттік ресурс қажет.

Омаров жобаларды табысты іске асыру үшін тез арада мына мәселелерді шешу керек екенін айтты: 

  • инженерлік инфрақұрылым жүргізуге қаражат бөлу; 
  • құс етін өндіруді субсидиялауға және инвестициялық субсидияларға қаржы бөлу; 
  • құс еті импортына арналған тарифтік квоталарды бөлу тетігін өңдеуші кәсіпорындардың пайдасына өзгерту; 
  • азық өндіру үшін жер бөлу.
61
Кілт сөздер:
теңге, ет, құс, Қазақстан
Тақырып бойынша
Базардағы құс өнімдерін тұтыну қауіпті ме – министрлік өкілдері жауап берді
Желіні шулатқан видео: полиция шикі ет жеп отырған баланың ата-анасын іздеп жатыр
Депутат құс тұмауының салдары неге әкеп соғатынын айтты 
Құс тұмауы оңтүстік өңірлерге де жетті
Отандық диқандар егін жинау науқанын бір айға ерте аяқтады 
Ақша, теңге

Тұрақты жұмыс орнын ашатын кәсіпкерлерге кредит беріледі

54
(Жаңартылды 11:20 27.10.2020)
Министрлік Жол картасы аясында жұмыспен қамтудың уақыты аз жөндеу жұмысын көздейтін және республикалық меншік объектілерін, капиталды көп қажетсінетін жобаларды қарамауды ұсынып отыр

НҰР-СҰЛТАН, 27 қазан – Sputnik. Қазақстанда Жұмыспен қамту жол картасын 2021 жылы жалғастыру бойынша дайындық жұмыстары басталды. Жұмыссыздарды тұрақты жұмыс орнымен қамтамасыз ету үшін жол картасына бірқатар талап енгізу көзделіп отыр, деп хабарлайды Sputnik Қазақстан тілшісі. 

Еңбек және халықты әлеуметтік қорғау министрі Біржан Нұрымбетовтің айтуынша, Жұмыспен қамту жол картасын тұрақты жаңа жұмыс орындарын құруға бағыттап, оның тәсілдерін жетілдіру үшін бірқатар талап енгізіледі. 

"Қаржыландыру лимиттерін аймақтар бойынша жұмыссыздар мен өзін-өзі жұмыспен қамтығандар санына сәйкес анықтау, сондай-ақ, тұрақты жұмыс орындарын құратын жаңа нысандарды салуға және кәсіпкерлікті несиелеуге белгілеу", - деді Нұрымбетов үкімет отырысында. 

Тағы бір талап – іске асырылатын жобалардың сапасын қамтамасыз ету мақсатында орталық деңгейде жобаларды іріктеу бойынша мемлекеттік органдардың өкілдерімен және парламент депутаттарының қатысуымен жұмыс тобын құру. 

Сондай-ақ, министрлік Жол картасы аясында жұмыспен қамтудың уақыты аз жөндеу жұмыстарын көздейтін жобаларды және республикалық меншік объектілерін, капиталды көп қажетсінетін жобаларды қарамауды ұсынып отыр. 

Нұрымбетов жұмыспен қамту саласындағы бірлесе атқарып жатқан жұмыстар жұмыссыздықтың әлеуметтік қолайлы деңгейін сақтауға және халық табысының төмендемеуіне оң әсерін тигізеді деп сенеді.

54
Кілт сөздер:
жұмыс, кредит, кәсіпкер
Тақырып бойынша
Қазақстанда шағын кредит беру тәртібі өзгерді
Қазақстандықтар кредитін кешіру ұсынылды – үкімет жауабы
Кредит төлеу кешіккенде борышкер не істеу керек – заңгерлер пікірі
Ауылда әр отбасының мойнында 900 мың теңге кредит бар – ҰКП төрағасы
Парламентте қазақстандықтардың кредитін кешіру мәселесі көтерілді
Ақорда ғимараты

ЕАЭО-дағы кедендік баждың жаңа нормативтері қабылданды Тоқаев заңға қол қойды  

31
Құжат тұрақты негізде кедендік әкелу баждарының сомаларын бөлудің жаңа нормативтерін бекітуді қарастырады

НҰР-СҰЛТАН, 26 қазан – Sputnik. Президент Қасым-Жомарт Тоқаев "2014 жылғы 29 мамырдағы Еуразиялық экономикалық одақ туралы шартқа өзгерістер енгізу, сондай-ақ жекелеген халықаралық шарттардың қолданысын өзгерту және тоқтату туралы хаттаманы ратификациялау туралы" заңға қол қойды, деп хабарлады Ақорда.   

Бұған дейін құжатта ЕАЭО-дағы кедендік баждың жаңа нормативтері айқындалғаны хабарланған болатын.

Шартты ратификациялауға хаттаманың көрсетілген мерзімінің аяқталуы себеп болды.

Оқи отырыңыз: Экономиканы әртараптандыру үшін жаңа реформаларды жүзеге асыру қажет – Тоқаев

Құжат тұрақты негізде кедендік әкелу баждарының сомаларын бөлудің жаңа нормативтерін бекітуді қарастырады (Армения – 1,220%, Қырғызстан – 1,900%, Беларусь – 4,860%, Қазақстан – 6,955%, Ресей Федерациясы үшін – 85,065%).

Бұл нормативтер Еуразиялық экономикалық одаққа мүше мемлекеттер арасындағы кедендік әкелу баждарын бөлуге өлшемдес тәсілдемені қамтамасыз етуге арналған.  

31
Кілт сөздер:
Қасым-Жомарт Тоқаев, ЕАЭО
Тақырып бойынша
Қазақстан мен Беларусь арасындағы тауар айналымы төмендей ме?
Сұлтанов сыртқы сауданың қаншалықты төмендегенін айтты
Қазақстандықтар ЕАЭО-дағы ең бақытты халық атанды – әлемдік рейтинг 
Тоқаев Қазақстанның алдында тұрған басты міндетті атады
Мария Бутина, ресейлік публицист және қоғам қайраткері

Журналистер өз құқығын қалай қорғауы тиіс

0
Sputnik халықаралық ақпараттық агенттігі және радио SputnikPro білім беру жобасының онлайн-сессияларын жалғастыруда. Модульге қатысуға қазақстандық журналистер мен медиа сарапшылар шақырылады

НҰР-СҰЛТАН, 27 қазан – Sputnik. АҚШ-қа қарсы қастандық жасады деп айыпталып, тура бір жыл бұрын Ресейге оралған ресейлік әлеуметтік белсенді Мария Бутина ресейлік және шетелдік журналистерге "Егер сіз журналист болсаңыз, өз құқығыңызды қалай қорғауыңыз қажет?" тақырыбында вебинар өткізеді. Вебинар 30 қазан, жұма күні Sputnik халықаралық жаңалықтар агенттігі мен радиосының SputnikPro жобасы аясында сағат 16:00-де (Нұр-Сұлтан уақытымен) өтеді.

Мария Бутина шеберлік сабағында қатысушылар сауалдарына жауап береді. Модульге қатысу үшін мына сілтеме бойынша тіркелуге болады.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз етуді, сондай-ақ "жалған ақпараттардан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

Оқи отырыңыз: SputnikPro вебинары: мамандар БАҚ-ты қалай ілгерілету керек екенін түсіндіреді

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің өкілдері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабағы мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ауқымды халықаралық бұқаралық ақпарат құралдарының бірі. Ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарларды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы – айына 80 миллион, ал оның әлеуметтік желідегі тіркелушілерінің саны 20 миллионнан асады. Бішкектен Кишиневке және Пекиннен Монтевидеоға дейінгі әлемнің 24 редакциялық орталығында мыңнан астам ондаған ұлт өкілдері жұмыс істейді. Sputnik "Россия сегодня" медиатобына кіреді. Бас кеңсесі Мәскеу қаласында орналасқан.

0
Кілт сөздер:
оқыту, баспасөз
Тақырып бойынша
SputnikPro сарапшысы қызықты тікелей эфирдің лайфхактарын бөлісті
Видеоролик жасау кезеңдері және оны безендіру ережесі – SputnikPro лайфхактары
SputnikPro жобасы редакциялық кәсіби шеберлік құпиясымен бөліседі
SputnikPro-да Беларусьтегі жағдай мен әлеуметтік желі мүмкіндігі талқыланады
Әлеуметтік желілер ықпалды саяси алаңға айналды – SputnikPro сарапшысы