Magnum Cash & Carry сауда кешені

Президент әлеуметтік маңызы бар азық-түліктің бағасы қымбаттағанын айтты

325
Мемлекет басшысы дер кезінде азық-түлік қорын жасақтау қажеттігін жеткізді. Әкімдер тұрақтандыру қорларын толтырып алуы қажет

НҰР-СҰЛТАН, 7 қазан – Sputnik. Қазақстан президенті Қасым-Жомарт Тоқаев азық-түлік бағасын ұстап тұруға тапсырма берді, деп хабарлайды Sputnik Қазақстан Ақорданың ресми сайтына сілтеме жасап.  

"Әлеуметтік маңызы бар азық-түлік тауарларының бағасы жыл басынан бері 4 процентке өсті. Статистика мәліметіне сәйкес, 2020 жылы қаңтар-қыркүйек айларында өткен жылдың сәйкес кезеңімен салыстырғанда қарақұмық, сары май, қой еті, жұмыртқа мен сиыр еті ең көп қымбаттағаны байқалады. Ал нан мен сүттің бағасы 8 процентке көтерілді. Ашытқан сүт өнімдері 7 процентке қымбаттады", - деді Тоқаев коронавирус індетінің екінші толқынына дайындық мәселелеріне арналған кеңесте.

Оқи отырыңыз: Биыл біз қатаң шектеу шараларынан айналып өте аламыз – Тоқаев 

Мемлекет басшысы дер кезінде азық-түлік қорын жасақтау қажеттігін жеткізді. Осы орайда әкімдер тұрақтандыру қорларын барынша толтырып алуы қажет. Себебі бұл шаралар бағаны ұстап тұруға көмектеседі. Президент азық-түлікті қымбаттатпаудың басқа да шараларын қолдануды тапсырды.

"Әлеуметтік маңызы бар тауарлардың бағасы мен азық-түлік қауіпсіздігі мәселелерін жіті бақылауда ұстап тұру қажет. Құс тұмауының өршіп кетуі азық-түлік қауіпсіздігінің осалдығын көрсетті. Жеке аулалар мен құс фабрикаларында қырылған құстың саны жарты миллионға жетті", - деп атап өтті Тоқаев.

Осы орайда президент ауыл халқын қолдау шараларын қарастырып, қырылған құстың орнын толтыру қажеттігін жеткізді.

325
Кілт сөздер:
баға, азық-түлік, Қасым-Жомарт Тоқаев
Тақырып бойынша
Қазақстан Ауғанстанға гуманитарлық көмек көрсетті
Перуашев зейнетақы мен жәрдемақыны басқаша есептеуді талап етті
Парламентте тұрмысы төмен отбасылар үшін азық-түлік қорын құру ұсынылды  
Депутаттар азық-түлік сатып алу үшін арнайы купондар шығаруды ұсынды
Үш жыл ішінде Қазақстан өзін қандай азық-түлікпен қамтамасыз етеді
Выборы, голосование, иллюстративное фото

Мәжіліс пен мәслихат сайлауы бір күнде өтеді ОСК себебін айтты 

1
(Жаңартылды 17:14 21.10.2020)
Орталық сайлау комиссиясының мүшелері қазіргі жағдайда екі саяси шараны бір уақытта өткізудің арқасында бюджет қаржысын үнемдеуге болатынын айтты

НҰР-СҰЛТАН, 21 қазан – Sputnik. Қазақстанда мәжіліс пен маслихаттар сайлауы бір күнде өтеді. Бұл туралы Орталық сайлау комиссиясының мүшесі Константин Петров мәлімдеді, деп хабарлайды Sputnik Қазақстан тілшісі.

"Заң бойынша мәслихат депутаттарын президент пен сенат депутаттарымен бір уақытта сайлауға болмайды. Осы жолы мәслихат депутаттарының кезекті сайлауын 2021 жылы 10 қаңтарда өткізу ұсынылды. Ал мәжіліс пен мәслихат депутаттарының сайлауын бірге өткізу заңға қайшы емес", - деді Петров комиссияның бүгінгі отырысында. 

Оның айтуынша, қазіргі жағдайда осы екі саяси шараны бір уақытта өткізудің арқасында бюджет қаржысын да үнемдеуге болады. Оған қоса, мәжіліс мен мәслихат депутаттарын сайлау жүйесі партиялық тізімдерді тіркеу мерзімі жағынан ұқсас, үгіт-насихатты бір уақытта бастауға да мүмкіндік береді. 

Сайлау тәртібі 

Айта кетейік, бүгін мәжіліс сайлауының тәртібі жарияланған болатын. Оған сәйкес, кандидаттарды ұсыну 10 қарашада басталып, 30 қараша күні кешкі сағат 18:00-де аяқталады. Үміткерлерге қойылатын талаптар конституциялық заңда көрсетілген. Олар:

  • Қазақстан азаматтығы;
  • Қазақстан аумағында соңғы 10 жыл тұру;
  • 25 жасқа толу;
  • бәсең сайлау құқығының болуы.

Сайлаудың жарнасы 679 500 теңгені құрайды. Оны партиялық тізімге енген әрбір адам үшін төлеу керек. Ал бұған дейінгі сайлауда 7 проценттік межеден асқан партиялар – Nur Otan, Ақ жол мен Қазақстан коммунистері партиясы жарна төлемейді.

10 желтоқсан күні кешкі сағат 18:01-де сайлауалды үгіт-насихат басталады да, 2021 жылы 9 қаңтарда түнгі сағат 00:00-де аяқталады. Сол күн тыныштық күні болады. Ал 10 қаңтарда дауыс беру таңғы сағат 7:00-де басталып, кешкі сағат 20:00-ге дейін жалғасады. Дауыстарды 12 сағаттың ішінде санап шығу қажет. 

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

1
Кілт сөздер:
сайлау, мәслихат, Мәжіліс
Тақырып:
Мәжіліс сайлауы
Тақырып бойынша
Мәжіліс депутаты қайтыс болды
Мәжіліс пен мәслихат сайлауына жұмсалатын қаржы көлемі жарияланды 
Мәжіліс сайлауы қалай өтеді – орталық комиссия тәртібін жариялады
Мәжіліс сайлауының тарихы
"Өте маңызды қадам": Нығматулин алдағы мәжіліс сайлауы туралы айтты
Ақша, теңге

Мәжіліс пен мәслихат сайлауына жұмсалатын қаржы көлемі жарияланды 

18
(Жаңартылды 16:21 21.10.2020)
Халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады

НҰР-СҰЛТАН, 21 қазан – Sputnik. Орталық сайлау комиссиясы мәжіліс пен мәслихаттар сайлауына жұмсалатын қаржының көлемін жариялады, деп хабарлайды Sputnik Қазақстан тілшісі.

Комиссия мүшесі Сәбилә Мұстафинаның айтуынша, халық санының өсуіне байланысты сайлауға кететін шығындардың көлемі артып отыр. Биыл қараша айында кандидаттарды ұсыну мен партиялық тізімдерді тіркеу шаралары атқарылады. Желтоқсанда үгіт-насихит басталады. Ал келесі жылы 10 қаңтарда сайлау өтеді. Сондықтан шығындардың басым бөлігі осы жылға жоспарланған. 

"2020 жылға үкіметке ұсынылған шығындардың сметасы 10,8 миллиард теңгені құрайды. Осы қаржының басым бөлігі  10 061 сайлау комиссиясында жұмыс істейтін 70 681 адамның еңбекақысына жұмсалады. Ол, шамамен, 7,3 миллиард теңге, яғни, жалпы шығындардың 68 проценті", - деді Мұстафина ОСК-ның бүгінгі отырысында. 

Оның айтуынша, қалған 3,5 миллиард теңге (32% ) бюллетеньдерді шығаруға, полиграфиялық қызметтерге, ақпараттық жұмысқа және сайлау комиссияларының ұйымдастырушылық шараларына жұмсалады. Карантиндік ережелер де сақталады. Сондықтан комиссия мүшелеріне жеке қорғаныс құралдары таратылады. Оған 341,4 миллион теңге бөлінеді. 

"Ал келесі жылдың шығындары 2021-2023 жылдарға арналған республикалық бюджет туралы заңда қарастырылған. Оның көлемі - 4,5 миллиард теңге. Осы қаржының барлығы дерлік сайлау комиссияларының мүшелері алатын жалақыға жұмсалады. Осылайша, жалпы парламент мәжілісі мен мәслихаттардың сайлау науқанына кететін шығындардың жобалық сметасы 15,3 миллиард теңгені құрайды", - деп атап көрсетті Мұстафина.

18
Кілт сөздер:
қаржыландыру, сайлау, Мәжіліс
Тақырып:
Мәжіліс сайлауы
Тақырып бойынша
Мәжіліс депутаты қайтыс болды
Мәжіліс сайлауының тарихы
"Өте маңызды қадам": Нығматулин алдағы мәжіліс сайлауы туралы айтты
Мәжіліс сайлауы: кім дауыс бере алады
Мәжіліс сайлауы қалай өтеді – орталық комиссия тәртібін жариялады