Еңбек және халықты әлеуметтік қорғау министрі Біржан Нұрымбетов

Министр Нұрымбетов депутаттардың зейнет жасын төмендету туралы ұсынысына жауап берді

7426
(Жаңартылды 17:44 09.10.2020)
Көрші елдер зейнет жасын ұлғайтып жатыр, ал Еуропада, басқа да дамыған елдерде зейнет жасы біздікімен салыстырғанда бұрыннан жоғары, дейді министр

НҰР-СҰЛТАН, 9 қазан – Sputnik. Қазақстан үкіметі экономикалық-демографиялық жағдайларды ескеріп, қазіргі таңда зейнет жасын төмендету мәселесін қарастырып отырған жоқ. Бұл туралы еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Sputnik Қазақстан тілшісі.

"Әлемдік тәжірибені ескеріп, өзіміздің экономикалық, демографиялық жағдайларға сүйене отырып, бүгінгі таңда үкімет тарапынан зейнет жасын төмендету мәселесі қаралып отырған жоқ", - деді Нұрымбетов онлайн брифингте.

Министрдің айтуынша, қазір елімізде 65 жастан асқан азаматтардың саны көбейіп жатыр. Егер бес жыл бұрын 6,8 процент болса, биыл 7,7 процентке жетті.

"Әлемде бұдан да жоғары, Мәселен, Америкада 16-18%, Еуропада 20%, Ресейдің өзінде 15,5%. Сондықтан әлемдегі трендтерді ескеріп, бүкіл ел қайта зейнет жасын ұлғайтып жатыр. Еуропада, басқа да дамыған елдерде зейнет жасы біздікімен салыстырғанда бұрыннан жоғары", - деді ол.

Нұрымбетов көрші елдер де зейнетке шығу жасын кезең-кезеңмен ұлғайтып жатқанын айтты. Мәселен, Әзербайжанда 2017 жылдан бастап 60 жастан 65 жасқа дейін көтеру қолға алына бастады. Грузияда ерлерге 65, әйелдерге 60 жаста шығуға, Латвияда да 62 жастан 65 жасқа дейін көтеру мәселесі қаралып жатыр. Беларусьте 2017 жылдан бастап кезең-кезеңмен ерлер үшін зейнет жасын 63, ал  әйелдер үшін 58 жасқа дейін жеткізу көзделген.

Оқи отырыңыз: Депутат Қазақстанда зейнет жасын төмендетуді ұсынды 

Бұған дейін мәжілістегі "Халық коммунистері" фракциясының депутаттары коронавирус пандемиясына байланысты ерлер мен әйелдер үшін зейнет жасын 60 жасқа дейін төмендетуді ұсынған еді.

Мәжілісмендердің пікірінше, бұл шара қарттардың өмірі мен денсаулығын сақтауға ғана септігін тигізбей, экономикалық дағдарыс жағдайында еңбек нарығына да оң әсер етеді.

7426
Кілт сөздер:
депутаттар, зейнет жасы
Тақырып бойынша
Министрлік желіде зейнет жасының өзгеретіні туралы тараған ақпаратқа жауап берді
БЖЗҚ зейнетақы мен төлемдерге қатысты ақпарат жариялады
Министр зейнетақы жинағын алу үшін шотта қанша ақша болуы керектігін айтты
Депутат бес жылдан кейін бала туатын әйелдер санының азаятынын айтты
Құжатқа қол қою

Кәсіпкерлер барлық мемлекеттік қызметті жеке кабинет арқылы алатын болады

50
(Жаңартылды 16:24 30.10.2020)
"Атамекен" палатасы мен үкімет өзара келісімге қол қойылды. Соның негізінде мемлекеттік ақпарат базаларымен интеграция жасалады

НҰР-СҰЛТАН, 30 қазан – Sputnik. "Атамекен" палатасының басқарма төрағасы Абылай Мырзахметов үкіметпен арадағы келісімге қол қойылғанын мәлімдеді, деп хабарлайды Sputnik Қазақстан тілшісі.

"Күні кеше біз үкіметпен арадағы келісімге қол қойдық. Соның негізінде  мемлекеттік ақпарат базаларымен интеграция жасалады. Сонда кәсіпкерлер өзіміздің atameken.kz сайтындағы жеке кабинеті арқылы барлық мемлекеттік қызметті ала алады. Мемлекеттік сатып алулар туралы ақпарат та ұсынылады", - деді Мырзахметов орталық коммуникациялар қызметінде өткен онлайн брифингте. 

Палата басшысының айтуынша, бухгалтерлік және заңгерлік қызметтер де болады. Ал, ең бастысы, "Бизнес петициялар" деген бөлім ашылды. 

"Мысалы, маңызды мәселе жарияланады. Кәсіпкерлер оны белгілеп, өз даусын береді. Сонда өзекті деген мәселелер бірден көрініп тұрады. Ал үкімет тиісті шараларды шұғыл қолға алатын болады. Кешегі келісімшартта осы мәселе де жазылған. Барлығы цифрлық форматта жасалады. Әрине, олай жұмыс істеген ыңғайлы әрі тиімді", - деп атап көрсетті Мырзахметов. 

Бүгінде микро және шағын бизнесте кәсіби бухгалтерлер аз, заңгерлік көмек те жетіспейді. Ал келісім аясында әрбір шағын кәсіпкердің жеке кабинетіне қажетті ақпарат жіберіледі. Сондай-ақ, бизнес қай нарықтарға өз тауарын шығара алатынын біле алады. Үкімет болса, бизнес жағдайға қатысты толыққанды талдауды көреді және осы саладағы саясатты дер кезінде өзгертіп тұрады.

 

50
Кілт сөздер:
құжат, бизнес, Қазақстан
Тақырып бойынша
Назарбаевтың өзі сияқты: отандық кәсіпкер Елбасы костюмдерін кімнің киіп көретінін айтты
Мырзахметов пандемия туралы: келесі жылдың аяғына дейін жалғасуы мүмкін
Қазақстаннан көшіп кеткен кәсіпкер туған ауылына 30 мың доллардың дәрісін жіберді
Мамин пандемия кезінде бизнеске қандай қолдау көрсетілетінін айтты
Тоқаев карантинге байланысты қазақстандықтарға үндеу жасады
Дәмхана, архивтегі сурет

Мырзахметов пандемия туралы: келесі жылдың аяғына дейін жалғасуы мүмкін

103
Карантиндік шектеулер кезінде 132 мыңнан астам адам шығынға батты. Бұдан бөлек, бір миллионға жуық бизнесмен коронавирус пандемиясынан зардап шекті

НҰР-СҰЛТАН, 30 қазан – Sputnik. "Атамекен" палатасының басқарма төрағасы Абылай Мырзахметов кәсіпкерлерді мазалап жүрген негізгі мәселе туралы айтты, деп хабарлайды Sputnik Қазақстан тілшісі.

"Отандық кәсіпкерлерді мазалап жүрген мәселеге келетін болсақ, пандемия көп нәрсені шектеп отыр. Көптеген салада бизнестің жабылып қалу қаупі бар. Бұл оңай кезең емес. Қазіргі болжамдар бойынша тағы жарты жыл, бәлкім, келесі жылдың аяғына дейін жалғасатын шығар", - деді Мырзахметов орталық коммуникациялар қызметінде өткен онлайн брифингте. 

Оның айтуынша, бизнеске карантиндік шектеулерден аман шығу маңызды. "Атамекен" палатасы өз кезегінде отандық кәсіпкерлерге барынша көмек көрсетіп, үкіметке өзекті проблемаларды жеткізіп тұрады. Қазірдің өзінде бизнес салық, кредит, жалға алу ақысы және әлеуметтік төлемдер жағынан жеңілдік жасап беруді жиі сұрайды. 

"Кәсіпкерлердің көбісі арзан кредиттер мен қайта қаржыландыруды сұрайды. Бүгінде бизнес үшін барлық бағдарламалар бойынша 6 проценттік мөлшерлеме белгіленген. Алайда кәсіпкерлер 2 процентке дейін төмендетуді сұрайды, я болмаса, Ресейде сияқты 0 процентке түсіру керек дейді. Бәлкім, локдаун қайталанса, осы шараларды қарастыруға болады. Президент тапсырма берді, біз үкіметпен бірге сан алуан сценарийді пысықтап жатырмыз", - деп атап көрсетті Мырзахметов.

Оның сөзіне қарағанда, "Атамекен" палатасы ұлттық экономика министрлігімен бірлесіп, зардап шеккен салалардың тізімін кеңейту жағын қарастыруда. Қазіргі мәліметке сәйкес, карантиндік шектеулер кезінде 132 мыңнан астам адам қатты шығынға батты. Бұдан бөлек, бір миллионға жуық бизнесмен коронавирус пандемиясынан әртүрлі мөлшерде зардап шекті.

103
Кілт сөздер:
"Атамекен" ҰКП, карантин, коронавирус, Абылай Мырзахметов
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Коронавирустың екінші толқыны: азық-түлік бағасы қандай болады
ДДҰ коронавирус туралы: бұл соңғы пандемия емес
Бір минут үнсіздік: Тоқаев пандемия құрбандарын еске алды – видео
Тоғжанов пандемия кезінде азаматтардың өзін-өзі ұстау ережелерін әзірлеуді тапсырды
Өрт сөндіруші

Павлодарда көпқабатты үйден өрт шықты

0
Жедел жәрдем көрші пәтердегі балаларды ауруханаға жеткізді. Өрттің алдын ала себебі - темекі шегу кезінде қауіпсіздікті сақтамау

ПАВЛОДАР, 30 қазан — Sputnik. Өрт сөндірушілер көпқабатты үйден егде жастағы әйел, баласы мен көрші пәтердегі балаларды қолға алып шығарды, деп хабарлады Павлодар облысы төтенше жағдайлар департаментінің өрт сөндіру қызметі.

"Жұма күні сағат 12.36-да Жаяу Мұса көшесіндегі 1-ші үйде өрт шыққаны туралы хабар түсті. Сегізінші қабаттағы екі бөлмелі пәтерде жиһаз бен киімдер отқа оранды. Өрт аумағы - 10 шаршы метр", - делінген хабарламада.

Өрт сөндірушілер пәтерден 65 жастағы әйел мен 45-тегі баласын қауіпсіз жерге шығарды. Әйел орта дәрежедегі газбен улану, арқасын күйік шалу және алкогольге улану диагнозымен терапия бөліміне жеткізілді.

Баласы да орта дәрежедегі улану диагнозымен жансақтау бөліміне жатқызылды. Жағдайы ауыр.

Жедел жәрдем көрші пәтердегі балаларды ауруханаға жеткізді. Жағдайлары жақса, үйлеріне жіберілді.

Өрттің алдын ала себебі - темекі шегу кезінде қауіпсіздікті сақтамау.

0
Кілт сөздер:
көпқабатты тұрғын үй, өрт сөндірушілер, Павлодар
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Нұр-Сұлтанда жаңа өрт сөндіру депосы ашылды
Нұр-Сұлтанда тұрғын үйден өрт шығып, екі адам көз жұмды
Түркістан облысында жойқын өрт видеоға түсіп қалды
"Бізді басып озбақ болды": Өрт сөндіру көлігі аударылып, жүргізуші көз жұмды