Асқар Мамин

Мамин экономиканы қалпына келтіру жағынан артта қалған өңірлерді атады 

2232
(Жаңартылды 11:36 13.10.2020)
Премьер пандемия мен жаһандық экономикалық дағдарысқа қарамастан, Қазақстан экономикасында көрсеткіштер біртіндеп өскенін атап өтті

НҰР-СҰЛТАН, 13 қазан – Sputnik. Мұнай-газ секторындағы өндіру көлемінің төмендеуіне байланысты Қызылорда, Атырау және Батыс Қазақстан облыстарында әлеуметтік-экономикалық даму өсімі төмен. Бұл туралы премьер-министр Асқар Мамин мәлімдеді, деп хабарлайды Sputnik Қазақстан тілшісі. 

Үкімет басшысы 9 айдың қорытындысы бойынша экономиканың негізгі салаларында өсудің оң серпіні сақталғанын атап өтті. Өңдеу өнеркәсібі, құрылыс, ауыл шаруашылығы, тау-кен, қызметтер саласында өсім бар. 

"Қызметтер секторындағы өсім шағын және орта бизнес қызметінің жанданғанын көрсетеді. Ал бұл жаңа жұмыс орындарын, азаматтардың әл-ауқатының жақсаруын білдіреді. Көрсеткіштердің орнықты өсу қарқыны жалпы экономиканың қалыпқа келгенінің белгісі болып табылады", - деді Мамин үкімет отырысында.   

Жыл басынан бері жеті өңір 5 негізгі көрсеткіш бойынша әлеуметтік-экономикалық дамудың өсуін қамтамасыз етті. Бұл – Ақмола, Алматы, Жамбыл, Қостанай, Павлодар, Солтүстік Қазақстан облыстары және Шымкент қаласы. 

Жеті өңірде – Ақтөбе, Қарағанды, Маңғыстау, Түркістан, Шығыс Қазақстан облыстары және Нұр-Сұлтан, Алматы қалаларында 4 көрсеткіш бойынша оң серпін байқалады. 

"Қызылорда, Атырау және Батыс Қазақстан облыстары бұрынғыдай артта қалған өңірлердің қатарында. Бұл, негізінен, мұнай-газ секторындағы өндіру көлемінің төмендеуіне байланысты. Осы облыстардың әкімдері жағдайды жақсарту үшін тиісті шаралар қабылдауы қажет. Барлық өңір президент қойған міндеттерді тиімді іске асыру үшін жұмысты жандандыруы керек", - деді премьер.   

Ол пандемия мен жаһандық экономикалық дағдарысқа қарамастан, Қазақстан экономикасында көрсеткіштер біртіндеп өскенін атап өтті.   

Мамин жыл соңына дейін бюджеттің кіріс бөлігіне қатысты жоспарды жүз пайыз орындауды тапсырды. 
Сонымен қатар, орталық және жергілікті атқарушы органдардың басшылары жыл соңына дейін бюджет қаржысын тиімді игеруді қамтамасыз етуі тиіс, деді премьер-министр.   

Бұған дейін қаржы министрі Ерұлан Жамаубаев 9 айдың қорытындысы бойынша мемлекеттік органдар 20 миллиард теңгені игермегенін мәлімдеген еді.

2232
Кілт сөздер:
өңірлер, экономика, Асқар Мамин
Тақырып бойынша
Досаев теңгенің қазіргі жағдайы туралы айтты
Қолма-қол ақша арқылы вирус жұқтыру қаупі бар – ұлттық банк түсініктемесі
Қазақстандықтардың ақшасы танымал сайт арқылы ұрланып жатыр
Мемлекеттік органдар 20 млрд теңгені игере алмай қалды
Қазақстанның халықаралық және алтын-валюта резервтері төмендеді
Ақша, теңге

Қазақстанның сыртқы қарызы қанша депутат сұрағына үкімет мүшелері жауап берді

47
(Жаңартылды 14:19 21.10.2020)
Премьер-министрдің орынбасары Әлихан Смайыловтың айтуынша, Қазақстанның қазіргі мемлекеттік қарызы қауіпсіз деңгейде сақталып тұр

НҰР-СҰЛТАН, 21 қазан – Sputnik. Мәжілістің жалпы отырысында депутаттар мемлекеттік қарыз мәселесін көтерді, деп хабарлайды Sputnik Қазақстан тілшісі.

Депутат Дания Еспаеваның айтуынша, әлеуметтік-экономикалық болжамда мемлекеттік қарыздың жыл сайын өсетіні көрсетілген. Атап айтқанда, 2021 жылы оның көлемі ішкі жалпы өнімге шаққанда 30,3 процентке өссе, 2022 жылға дейін 30,5 процентке дейін көтеріледі. Ал 2025 жылға қарай үкіметтің қарызы 2019 жылмен салыстырғанда екі есеге артып, 25 триллион 692 миллиард теңгеге жетеді.

"Ел үкіметі ұсынған мәліметке сүйенсек, 2020 жылдың өзінде мемлекеттік қарыздың көлемі ішкі жалпы өнімге шаққанда 29,2 процентті құрайды. Қарыз сомасы өскендіктен, республикалық бюджетке түсетін салмақ та артады. Себебі оны өтеуге қажетті шығындар өседі", – деді Еспаева.

Ұлттық экономика министрі Руслан Дәленов мемлекеттік қарызды өтеу мен қызмет көрсетуге кететін шығындардың артатынын растады. Биыл осы санаттағы шығындардың көлемі 12 процент болса, 2023 жылда 23 процентке дейін өседі. Ал қаржы министрі Ерұлан Жамаубаев мемлекеттік қарыздың көлемі қауіпсіз деңгейде екенін жеткізді.

"Біз күн сайын бақылау жасап отырамыз. Иә, қазіргі жағдай нашарлап, тапшылық сәл көбейді. Сосын біз өз қарызымызды басқа елдермен салыстырып тұрамыз. Мәселен, Түркияда мемлекеттік қарыздың мөлшері ішкі жалпы өнімге шаққанда 40 процентті құрап отыр. Мексикада – 55 процент, Индонезияда – 37 процент", – деп атап көрсетті Жамаубаев.

Оқи отырыңыз: Вице-министр Қазақстанның берешегі туралы: әлі де қарыз алуға мүмкіндік бар 

Премьер-министрдің орынбасары Әлихан Смайылов та осы мәселеге қатысты түсініктеме берді. Оның айтуынша, үкімет нақты лимитті белгіледі. Ол – 27 процент. Сондықтан мемлекеттік қарыздың мөлшері қауіпсіз деңгейде сақталып отыр.

"Негізі, халықаралық ұйымдар лимитті 50 процент деңгейінде белгіледі. Ал қазіргі дағдарыс жағдайына байланысты Еуропалық одақ елдерінде оны тағы арттыру мәселесі қаралып жатыр. Сондықтан біз халықаралық ұйымдардың лимитінен алыстау тұрмыз", – деді Смайылов.

47
Кілт сөздер:
депутаттар, үкімет, мемлекеттік қарыз
Тақырып бойынша
Есімов Назарбаевқа сыртқы қарыз 5,1 миллиард долларға азайғанын хабарлады
Борышкерлік қарыз үшін Нұр-Сұлтан тұрғынының сатып алған қымбат көлігі тәркіленді
Қазақстандықтар коммуналдық қызмет үшін 17 млрд теңге қарыз болып қалды
Баласына қарыз болған Екібастұз тұрғыны төрт бөлмелі пәтерінен айырылды
Алматылық келіншек банкке 45 миллиард теңге қарыз екенін білді
Калькулятор, архивтегі сурет

"Инфляциядан төмен болады": депутаттар республикалық бюджеттің шикі тұстарын атады

31
(Жаңартылды 13:28 21.10.2020)
Коммунистер атаулы әлеуметтік көмек алатын адамдар саны жыл сайын 120 мыңға азаяды дегенге күмәнмен қарайтынын білдіргенімен, заң жобасын қолдап дауыс берді

НҰР-СҰЛТАН, 21 қазан – Sputnik. Парламент мәжілісінің депутаттары 2021-2023 жылдарға арналған республикалық бюджеттің шикі тұстарын атады, деп хабарлайды Sputnik Қазақстан тілшісі.

Депутаттың айтуынша, осы жолы да бюджетте шикізаттық секторға басымдық беріліп, табыстың басым бөлігін мұнаймен толтыру жоспарланып отыр. Бұл стратегия президент қойған мақсат-міндеттерге сай келмейді.

Сондай-ақ, ол 2021 жылы ішкі жалпы өнім 2,8 процентке өседі деп көрсетілгенін еске салды.

"Бұл дегеніміз, экономика 2019 жылдың деңгейіне де шыға алмайды деген сөз. Ал 2025 жылға қарай 4,6 процентке дейінгі өсім бір ғана фактордың арқасында болады делінген. Ол – мұнай өндіруді 17 процентке арттыру және экспорт көлемін ұлғайту. Ондай стратегия президент қойған міндеттерге сай келмейді. Мемлекет басшысы шикізаттық емес экономиканы дамытуды тапсырған", – деді Қоңыров мәжілістің жалпы отырысында.

Оның сөзіне қарағанда, мұндай жағдайда мемлекеттік бағдарламаларды іске асыру шаралары да мұнайдың әлемдік бағасына тәуелді болады. Себебі қаржының басым бөлігі шикізат экспортынан түседі.

"Бұған дейін әлеуметтік шығындар көбейді деп айтылды. Алайда коммунистер үш жылдық бюджетті әлеуметтік салаға бағытталған дей алмайды. Экономикалық ынтымақтастық және даму ұйымына мүше елдерде әлеуметтік шығындар ішкі жалпы өнімнің 15-30 процентін құрайды. Соның ішінде зейнетақы, денсаулық сақтау, әлеуметтік қызметтер, жұмысшы халықты қолдау және тағы басқа шаралар бар. Ал Қазақстанда әлеуметтік салаға жұмсалатын шығындарға сан алуан инвестициялық жобалар да кіреді. Ондай жобалардың бенефициары – бизнес құрылымдар", – деп атап көрсетті Қоңыров.

Зейнетақыны көбейтудің кемшілігі қандай?

Осы орайда депутат үш жылдық бюджетте көрсетілген маңызды бір мәселеге назар аударды. Ол жерде инфляцияны ескере отырып, ынтымақты зейнетақының көлемін көтеру туралы айтылған.

"Ынтымақты зейнетақының көлемін көтергенде инфляция деңгейінен 2 процентке артық меже ескеріледі деген. Алайда 2021 жылы зейнетақының орташа мөлшері 5,7 процентке көтеріледі. Мұның өзі инфляциядан төмен болып тұр", – дейді Қоңыров.

Бұдан бөлек, келесі жылы атаулы әлеуметтік көмекті 979 мың адам алады деген жоспар бар. Олардың қатары жыл сайын 120 мың адамға азаяды. Қоңыров ондай есеп-қисаптың экономикалық негізі жоқ деп санайды. Себебі қазіргі жағдайда соншама көп адамның мемлекеттік көмек алатындардың қатарынан жылдам шығуы мүмкін емес. Соған қарамастан, коммунистер заң жобасын қолдады және өз ұсыныстарын ескеруді сұрады.

Оқи отырыңыз: Қазақстанда инфляция 9-11% шамасында болжанып отыр

Айта кетейік, бүгінгі отырыста депутаттар үш жылдық бюджет туралы заң жобасы бірауыздан мақұлдады.

31
Кілт сөздер:
депутаттар, республикалық бюджет
Тақырып бойынша
2019-2021 жылдарға арналған республикалық бюджет халыққа жұмсалмақ
Нұр-Сұлтанда бюджет 32 миллиард теңгеге оңтайландырылды
Министр Жамаубаев бюджет ақшасын игермеген мемлекеттік органдарды атады
Жыл соңына дейін инфляция 8%-ке дейін өседі 
Шымкенттің мәртебесіне байланысты республикалық бюджет қайта қаралды
Кісен, архивтегі сурет

Шығыс Қазақстанда халықаралық іздеуде жүрген қылмыскер ұсталды

27
Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады

АЛМАТЫ, 21 қазан – Sputnik. Шығыс Қазақстан облысында сегіз айдан бері халықарылық іздеуде жүрген қылмыскер ұсталды.

Ер адам ұзақ уақыт бойы Ресейдің құқық қорғау органдарынан жасырынған. ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтады, деп хабарлады Polisia.kz.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.

27
Кілт сөздер:
қылмыскер, халықаралық іздеу, Шығыс Қазақстан
Тақырып бойынша
"Өзіме қол салуға мәжбүрмін" Сот үкімін тыңдаған қылмыскер қиғылық салды
Түрмедегі "Қазақ аруы": ең сұлу қылмыскер әйел анықталды - фото
Алматыда сегіз жыл бойы іздеуде жүрген қылмыскер ұсталды - видео
Шымкенттегі қанды оқиға: қылмыскер 4 адамды қалай өлтіргенін айтып берді 
Халықаралық іздеуде болған қылмыскер Қазақстанда ұсталды