Теңге, доллар

Қазақстан экономикасына үлкен салмақ түсіп жатыр Назарбаев

201
Тиімсіз инвестициялардан арылып, оларды барынша табыс әкелетін инвестицияға ауыстыру қажет, деп атап өтті Елбасы

НҰР-СҰЛТАН, 13 қараша – Sputnik. Қазақстанның тұңғыш президенті Нұрсұлтан Назарбаевтың төрағалығымен "Самұрық-Қазына" ұлттық әл-ауқат қорын басқару жөніндегі кеңестің отырысы өтті.

Жиында пандемия кезінде отандық өндірушілерді қолдау шаралары және "Самұрық-Қазына" қорын инвестициялық холдингке айналдыру мәселесі қаралды, деп хабарлады Елбасының ресми сайты.

"Біздің бүгінгі жиынымыз күрделі кезеңде өтіп отыр. Алпауыт елдер арасындағы бәсекелестік пен текетірес күшейіп барады. Қазақстан экономикасына үлкен салмақ түсуде. Сонымен бірге бұл жаңа экономикалық модель қалыптастыру үшін қажетті реформалар жүргізу мүмкіндігі", – деді Назарбаев.

Елбасы қорды қайта құру мәселесін талқылау барысында тиімсіз инвестицияларды қысқартып, табысы жоғары инвестицияларға ауыстырудың маңыздылығын атап өтті.

"Біз негізгі мақсаттарды қордың 2028 жылға дейінгі жаңартылған даму стратегиясында айқындадық. Ең бастысы – таяу мерзімде "Самұрық-Қазына" қорының жұмысын жаңа форматқа көшіріп, жетекші тәуелсіз әл-ауқат қорлары сияқты инвестхолдинге айналдыру. Бізге Қордың портфеліндегі активтерді географиясы мен саласына қарай әртараптандыру керек. Тиімсіз инвестициялардан арылып, оларды барынша табыс әкелетін инвестицияға ауыстыру қажет. Бұл дивидендтердің өсуі есебінен бюджетке түсетін түсімдерді ұлғайтуға мүмкіндік береді", – деді "Самұрық-Қазына" ұлттық әл-ауқат қорын басқару жөніндегі кеңестің төрағасы.

Сонымен қатар Қазақстанның тұңғыш президенті дағдарыс жағдайында үкімет отандық бизнесті қорғау үшін теңдессіз шаралар қабылдағанын атап өтті.

"Төтенше жағдай кезеңінде халық пен бизнесті қолдау, экономикалық тұрақтылықты сақтау үшін дағдарысқа қарсы шаралардың үш бірдей топтамасы қабылданды. Бірақ пандемия бәсеңдер емес. Оның екінші кезеңі болжануда. Мұндай күрделі жағдайда бұған дейін атап өткендей, отандық кәсіпкерлерге қолдау көрсету қажет", – деді Елбасы.

"Самұрық-Қазына" акционерлік қоғамының басқарма төрағасы Ахметжан Есімовтің ақпаратын тыңдай келе, Нұрсұлтан Назарбаев бизнес белсенділіктің күрт төмендеуі жағдайында квазимемлекеттік сектордың мемлекеттік тапсырыстары мен сатып алулары өндірістік кәсіпорындарға және кәсіпкерлерге көмек көрсетудің тиімді шарасына айналғанын атап өтті.

Оқи отырыңыз: "Самұрық-Қазынаны" инвестициялық холдингке айналдыру тұжырымдамасы ұсынылды 

"2018-2020 жылдар аралығында қордың сатып алуының 93 пайызы, яғни жалпы соммасы бір триллион теңгеден асатын 4200 позиция бәсекелестік ортаға берілді. 23 мыңға жуық кәсіпкерлік субъектілер сатып алуға тікелей қол жеткізді. Осы кезеңде бір көзден сатып алу 60 пайызға азайған. Нәтижесінде 400 миллиард теңгеден астам қаржы үнемделді. Осы жұмысты жалғастыру керек", – деді қорды басқару жөніндегі кеңестің төрағасы.

Кеңес барысында "ҚазМұнайГаз" ұлттық компаниясы" акционерлік қоғамы, "Қазақстан темір жолы" ұлттық компаниясы" акционерлік қоғамы, "Қазатомөнеркәсіп" ұлттық атом компаниясы" акционерлік қоғамы, "Қазақтелеком" акционерлік қоғамы, "Самұрық-Энерго" акционерлік қоғамы және "Эйр Астана" акционерлік қоғамы басшыларының есептері тыңдалды.

Сондай-ақ, Қазақстанның тұңғыш президенті кәсіпорындардың тұралап қалуына және жұмысшылардың қысқартылуына жол бермей, оң қарқын сақтап қалуға әсер еткен Қордың жаңа даму стратегиясының тиімділігін атап өтті.

"Стратегиялық маңызды салаларда барлық кәсіпорынның әлеуметтік тұрақтылығын сақтау, жұмысшыларға қамқорлық таныту және тұрақты қызметін қамтамасыз ету қажет. Өндірістік персоналды барынша қорғауымыз керек. Бұл  300 мың адам және 340-тан астам кәсіпорынды қамтиды. Импортқа тәуелділікті азайту үшін де біраз шаруа атқарылды. Қордың үлгісінде отандық бизнеске белсенді қолдау көрсетуді үйрендік", – деді Елбасы.

Нұрсұлтан Назарбаев ұсынылған өзгерістер тәуелсіз қорларды дамытудың әлемдік тәжірибесіне сәйкес келетінін атап өтті.

Қазақстанның тұңғыш президенті қордың даму стратегиясын іске асыру бойынша "Самұрық-Қазына" басшылығының қызметіне оң баға берді.

Отырыс қорытындысы бойынша кеңес мүшелері қорды инвестициялық холдингке айналдырудың тұжырымдамасын мақұлдады. Сондай-ақ "Самұрық-Қазына" акционерлік қоғамы басқармасына пандемия кезінде отандық тауар өндірушілерді қолдауға бағытталған іс-шараларды жүзеге асыруды жалғастыруды тапсырды.

201
Кілт сөздер:
Назарбаев, экономика
Тақырып бойынша
Тоқаев Есімовті Ақордада қабылдады
Нұрсұлтан Назарбаев екі жобаға қыруар қаржы бөлуді тапсырды
"Қазпоштаға" жаңа басшы тағайындалды
Air Astana мен "ҚазМұнайГаз" 2022 жылы IPO-ға шығарылады 
Ұлттық қорды көбейту қажет – Назарбаев
Автокөліктер

Салықшылар Абхазия мен Оңтүстік Осетиядан көлік сатып алатындарға ескерту жасады

3051
Әлібек Әбділов аталған екі елден автокөлік сатып алғандар Армениядан тасымалданған көліктер мәселесін қайталауы мүмкін екендігін айтады

НҰР-СҰЛТАН, 19 сәуір – Sputnik. Қырғызстанда Абхазия мен Оңтүстік Осетиядан сатып алынған көліктер мәселесі ушығып барады. Сенімхатпен әкелінген көлік құралдарын уәкілетті органдар тіркеуге алмай жатыр. Осыған байланысты Қазақстанның салық органдары қазақстандықтарға ескерту жасап, бұрынғы Армения көліктерімен болған қателікті қайталамауға шақырды, деп хабарлайды Sputnik Қазақстан тілшісі.

Қаржы министрлігінің мемлекеттік кірістер комитеті Абхазия мен Оңтүстік Осетиядан келген көліктер ЕАЭО-ның тауары болып саналмайтын мәлімдеді. Сондықтан кедендік рәсімдеуге жатады. Ал оны уақытша кіргізсе, көлік заңды иесінің атында болуы шарт. Дегенмен, бүгінде осы көлік құралдарын сенімхатпен сату жағдайлары бар.

"Қазір Қырғызстанда ондай көліктер көбейе бастады. Осыған байланысты біз қазақстандықтарға алдын ала ескерту жасап отырмыз. Егер Абхазиядан көлік алсаңыз, барлық кедендік рәсімдерден өту керек. Сосын Қазақстанда заңды түрде тіркеуге қою қажет. Ал сенімхатпен сатып алынған көліктердің проблемасы болады", – дейді комитеттің баспасөз хатшысы Әлібек Әбділов.

Оның айтуынша, әзірше Абхазия мен Оңтүстік Осетиядан көлікті сатып алу жағдайлары тіркелген жоқ. Дегенмен, Армениядан келген көліктердің мәселесі қайталанбау үшін алдын ала ақпараттық түсіндіру жұмыстары жүргізілгені жөн.

Айта кетейік, Қазақстанға заңсыз көлік әкелгені үшін әкімшілік немесе қылмыстық жаза қарастырылған. Ал көліктің өзі тәркіленеді. Еуразиялық экономикалық одаққа уақытша кірген көліктер бір жыл ғана жүре алады. Ал тіркеуге қою үшін барлық кедендік рәсімнен өту керек. Одан кейін тіркеу мен утилизациялық алым төленеді.

Оқи отырыңыз: Көлікті тіркеу мәселесі: Армения мен Қырғызстанға қайта бару керек пе?

Ал Қырғызстанда Абхазия мен Оңтүстік Осетиядан сатып алынған көліктер мәселесі ушығып барады. Бішкекте 100-ге жуық жүргізуші митингке шығып, ЕАЭО талаптарына сай келмейтін көліктерді рәсімдеп беруді талап етті. Полицейлер ондай көлік құралдарын ұстап, айыппұл тұрағына тоғытып жатыр. 

3051
Кілт сөздер:
көлік иелері, автокөлік
Тақырып бойынша
Көлікті тіркеу мәселесі: Армения мен Қырғызстанға қайта бару керек пе?
Армения көлік сатып алған қазақстандықтарға ескерту жасады
Вице-министр қазақстандықтар армениялық көлікті қалай сатып алатынын айтты
Армениядан әкелінген көліктерді тіркеу мерзімі ұзартылды
Армениядан әкелінген көліктерге екі салық салына ма – қаржы министрлігінің жауабы
Мемлекеттік кірістер комитеті өткен жылдың көлік салығы неге есептелгенін түсіндірді
Ақша

Қазақстанда жалақысы ең төмен өңірлер аталды

2232
Былтыр төртінші тоқсанда орта есеппен жан басына шаққандағы номиналды табыс 125,4 мың теңгені құраған

НҰР-СҰЛТАН, 19 сәуір – Sputnik. 2020 жылдың төртінші тоқсанында орта есеппен жан басына шаққандағы номиналды табыс оңтүстік өңірлерде 100 мың теңгеге де жетпеген, деп хабарлайды Ranking.kz.

Былтыр төртінші тоқсанда орта есеппен жан басына шаққандағы номиналды табыс 125,4 мың теңгені құрады. Бұл 2019 жылдың сәйкес кезеңімен салыстырғанда 12,9%-ке көп.

Нақты мәнде, тауар мен қызмет бағаларын ескерсек, халықтың номиналды ақшалай табысы 5,2%-ке өсті.

Төртінші тоқсанда Қазақстан өңірлері арасында орта есеппен жан басына шаққандағы номиналды табыс Түркістан облысында 65,9 мың теңгеден Атырау облысында 230,2 мың теңгеге дейін құбылды.

Десе де Атырау облысында халықтың кірісі нақты мәнде 2%-ке төмендеген, ал Түркістан облысында, керісінше, 7,4%-ке артты.

Тұтастай алғанда, Қазақстан бойынша жан басына шаққандағы ең төменгі номиналды ақшалай табыс оңтүстік өңірлерде тіркеліп отыр. Ол жақта бұл көрсеткіш 100 мың теңгеден аспайды.

Тағы оқыңыз: Халықтың көбісі білмейді: вице-министр 1 миллион отбасыға арналған төлем туралы айтты

Мәселен Түркістан облысында 65,9 мың теңге болса, одан кейін Шымкент (79,1 мың теңге), Жамбыл облысы (86,5 мың теңге), Алматы облысы (90,7 мың теңге) және Қызылорда облысы (91,2 мың теңге), деп жазады Ranking.kz.

Ал жан басына шаққандағы ең жоғары номиналды табыс Атырау облысынан басқа, Нұр-Сұлтан (192,9 мың теңге) мен Алматы (185 мың теңге) қалаларында тіркелді.

Шымкентте орта есеппен жан басына шаққандағы табыс нақты мәнде 3,3%-ке, Батыс Қазақстан облысында 5,1%-ке азайды.

Биыл ақпан айында халықтың орта есеппен жан басына шаққандағы номиналды табысы 122,4 мың теңгені құрады. Бұл 2020 жылдың ақпанымен салыстырғанда 11%-ке, ал 2021 жылдың қаңтарына қарағанда небәрі 0,1%-ке көп.

2232
Кілт сөздер:
өңірлер, жалақы
Тақырып бойынша
Қазақстанда шілдеден бастап кімдердің жалақысы 150 процентке дейін өседі?
Қазақстандықтар табысы 30%-ке өседі – қай салаға басымдық берілді
Қазақстанда орташа жалақы 223 мың теңгеге жетті
Министр келесі жылдан бастап кімдердің жалақысы өсетінін айтты
Женевадағы БҰҰ ғимаратының алдындағы тулар аллеясы

Путин Байденмен кездесе ме: келіссөзге қай тарап мүдделі

0
Мұнда мәселе Путиннің кездесу туралы Байденге бірінші болып ұсыныс жасағанында емес. Ең маңыздысы тараптардың мүддесі қандай

НҰР-СҰЛТАН, 19 сәуір – Sputnik. Сәуір ресейлік-америкалық қарым-қатынастың айналасында неше түрлі жаңалықтар жария болған "қызыққа толы" ай болды, деп жазды РИА Новости.

Байден ең алдымен Путинді "кісі өлтіруші" деп атап, одан кейін "Ресейдің Украинаға басып кіруі төңірегіндегі шиелесіке" қатысты жағдайды өршіту белең алды. Одан соң АҚШ президенті Путинге телефон соғып, жақын уақытта бетпе-бет кездесу туралы ұсыныс айтады да, артынша Ресейге қарсы санкцияларға қол қояды. Содан кейін БАҚ-қа сұқбат беріп, Ресеймен бірлесіп жұмыс істеуге АҚШ қызығушылық танытатынын және осы мәселелерді талқылау үшін жазда Еуропада Путинмен кездесу ойда бар екенін мәлімдеді.

Біресе достың, біресе дұшпанның кейпіне еніп отырған мұндай жағдайда Путин не істеуі керек? Байденнің ұсынысын қабыл алуы қажет пе?

Қазір келіссөздер орыстарға қарағанда америкалықтарға аса қажет секілді көрінеді. Сондықтан Байден өзінің түрлі бағыттағы әрекеттері арқылы Путинді кездесуге, "саммитке қатысуға мәжбүрлеп отыр".

Америкалықтар расында да "жоқ" деген жауап алғанды, келіссөздер жүргізуге келіспегенді аса ұнатпайды. Мысалы, Иран мен КХДР көп уақыттан бері осы қағиданы ұстанып келеді. Солтүстік Корея АҚШ-тың дұшпандық әрекеттерінен кейін және өз тараптарына қатысты санкцияларды жеңілдету бойынша әрекет болмағандықтан бір жылдан бері америкалықтармен қандай да бір байланысқа бармай отыр. Мұнда карантиндік шектеулер еш себеп емес. Ирандықтар америкалықтармен келіссөздер жүргізуден бірнеше рет бас тартты. Бұл бірқатар елдермен қарым-қатынаста дұрыс әдіс.

Мұнда мәселе тіпті Путиннің кездесу туралы Байденге бірінші болып ұсыныс жасағанында емес. Ал қазір Ресей мүддесі қандай? Конфронтацияны жеңілдету туралы Америкамен келісу ме? Өңірдегі маңызды проблемалардың бірі – Таяу Шығыс, Ауғанстан, ирандық ядролық мәміле, КХДР зымыран-ядролық бағдарламасы бойынша ортақ мәмілеге келу ме? Украина бағытында америкалықтар үшін тыйым салу ма?

Жоқ, мұның барлығы жергілікті деңгейдегі мәселелер. Иран бағыты бойынша Мәскеу 2015 жылы қолынан келгеннің бәрін жасады. Сондықтан қазір ирандықтарға ешқандай қысым жасамақ емес. Кәрістер бағыты бойынша бірдеңе жасау тіпті мүмкін емес. Ким Чен Ынды зымыран-ядролық бағдарламадан бас тартуға көндірмек түгілі, келіссөз жүргізуге үгіттеу екіталай шаруа. АҚШ Пхеньянға қысымды бәсеңдетпейінше, КХДР қатысуымен өтетін қандай да бір келіссөздерге үміттенбеген абзал.

Америкалықтармен "Солтүстік ағын-2" жобасы туралы келісімге келу ме? Мүмкін емес. Оның үстіне еуропалықтар өз мүдделерін талап етуде жан салмай жатқан уақытта мұның қажеті де шамалы.

Украина ма? Мұнда ешқандай келісім жайлы сөз болмауы керек. Себебі Ресейді Украинаны атлантизациялаумен мазақ ету Вашингтон үшін жақсылықпен аяқталмайтынын америкалықтар түсінуі керек.

Байденмен Қытай жайын талқылау ма? АҚШ президентінің Қытай Ресей үшін де қауіпті екені мұны Брежнев жақсы түсінгені (өзі ешқашан Брежневпен кездеспесе де) туралы әңгімелерін тыңдау үшін бе?

Бұл проблемалардың барлығы маңыздылығына қарамастан Байденмен кездесуге себеп бола алмайды. Адами қызығушылық әлдеқайда маңызды: Путин үшін бұл бесінші америкалық президент. Қалай болғанда да әлемдік аренадағы практикалық жұмыстар үшін адамның мінез-құлқы мен өзін ұстауын жеке кездесу кезінде танып-білу маңызды.

Ресей ХХІ ғасырдың әлемдік жүйесін қалыптастыруға қатысуға үміттеніп қана қоймай, ол іспен белсенді түрде айналысып жатыр. Ресей көпполярлы әлемнің жаңа қаңқасын қалыптастырып жатыр. Бұл бағдардағы жұмыстарды Қытаймен бірлесіп жүргізіп жатқаны жасырын емес. Себебі қос державаның мүдделері мен ойы бір жерден шығып жатыр.

Байденнің "Ресей Американың ісіне араласып жатыр" деген сөзі шындық. Ресей расында да "АҚШ-тың мүдделеріне кедергі келтіріп отыр". Бірақ мұнда сөз жаһандық мүдде жайында, олардың өз өздерін әлем билеушісі етіп тағайындауында. Алайда осы рөлді АҚШ тиісті деңгейде атқарып жүргені шамалы.

0
Кілт сөздер:
Ресей, АҚШ