Құс фабрикасы

Қазақстанда өткен жылы тұмаудан 2 миллионға жуық құс қырылды

74
(Жаңартылды 20:13 06.01.2021)
2020 жылы құс тұмауынан зардап шеккен құс фабрикалары өз жұмысын 2-3 айдың ішінде қалпына келтіре алады

НҰР-СҰЛТАН, 6 қаңтар — Sputnik. Қазақстанда 2020 жылы құс тұмауы салдарынан 1,9 миллион құс өлген. Бұл туралы республиканың ауыл шаруашылығы министрлігі Sputnik Қазақстан агенттігінің ресми сауалына берген жауабында мәлімдеді.

Министрліктің мәліметі бойынша, 2020 жылдың қыркүйек айынан бастап қараша айына дейін жеке аулаларда және құс фабрикаларында құс тұмауының таралуы Қазақстанда жұмыртқа өндірісінің төмендеуіне негізгі фактор болды.

"Барлығы 1,9 миллион бас құс арам өлген. Бұл Қазақстандағы құстың жалпы санының 4,2%-ін құрайды (45 миллион бас құс). Жұмыртқа өндіретін 35 кәсіпорынның бесеуінде қазір жұмыртқа өндірісі толық тоқтатылған", - деді ауыл шаруашылығы министрлігі.

Жұмыртқа өндірісімен айналысатын фабрикалардың барлығы құсты вакциналады. Қазіргі уақытта зардап шеккен фабрикалар Ресей Федерациясының балапан жеткізумен айналысатын кәсіпкерлермен келісімшарт жасады. Өндірістік кезеңге сәйкес, 120 күннен кейін өндіріс қалпына келіп, жұмыртқа өндіру қайта басталады.

Оқи отырыңыз: Ауыл шаруашылығы министрлігі өлген құстарға өтемақы төлеу тәртібін түсіндірді 

Осылайша, құс тұмауынан зардап шеккен құс фабрикалары осы жылдың наурыз-сәуір айларында жұмысын қайта қалыпқа келтіреді деп болжануда.

Қалыптасқан жағдайға қарамастан, бірқатар құс фабрикасы өндіріс көлемін сақтап қана қоймай, алдыңғы жылдың сәйкес кезеңімен салыстырғанда көрсеткішті арттырған.  

Батыс Қазақстан облысында өндіріс көлемі 3,4%, Жамбыл облысында 2,5%, Павлодар облысында 2,2%, Түркістан облысында 15,6%, Шығыс Қазақстан облысында 1,6%-ке өскен.

"Жоғары патогенді құс тұмауының өршуі республиканың сегіз облысында тіркеліп, 1,9 миллионға жуық құстың көзі жойылды. 2020 жылдың желтоқсанында құс тұмауынан құстардың жаппай қырылуы тіркелген жоқ", - деп хабарлады министрлікте.

2020 жылдың қаңтар-қарашасында тауық жұмыртқасының өндірісі 3,5 миллиард дананы құрады. Бұл 2019 жылдың сәйкес кезеңімен салыстырғанда 390,3 мың данаға немесе 10%-ке төмен.

Қазіргі уақытта ауыл шаруашылығы министрлігі елдің ішкі нарығында тауық жұмыртқасы тапшылығы бар деген ақпаратты жоққа шығарып отыр.

74
Тақырып бойынша
Белгілі дәрігер өлім-жітім көп болатын жаңа эпидемияға дайындалу керектігін айтты
Құс тұмауы Шығыс Қазақстанға жетті
Министр Ресеймен арадағы шекарада бақылау бекеттерін қоюды ұсынды
Теңге, архивтегі фото

Зейнетақы мен жәрдемақы 10-12%-ке индексацияланды Мамин

371
(Жаңартылды 14:12 21.06.2021)
Сонымен қатар ол мұғалімдердің жалақысы 25%-ке, медицина қызметкерлерінің айлығы 50%-ке дейін өскенін атап өтті

НҰР-СҰЛТАН, 21 маусым – Sputnik. Премьер-министр Асқар Мамин былтыр үкімет халық алдындағы әлеуметтік міндеттемелерін толық орындағанын мәлімдеді, деп хабарлайды Sputnik Қазақстан тілшісі.

"Елдегі күрделі әлеуметтік-экономикалық жағдайға қарамастан, біз халық алдындағы барлық әлеуметтік міндеттемені орындадық. Зейнетақы мен мемлекеттік жәрдемақылардың мөлшері 10-12%-ке индексацияланды", - деді Мамин парламент палаталарының бірлескен отырысында.

Сонымен қатар ол мұғалімдердің жалақысы 25%-ке, медицина қызметкерлерінің, сондай-ақ мәдениет және архив істері қызметкерлерінің айлығы 50%-ке, құқық қорғау және арнайы қызметтер қызметкерлерінің еңбекақысы 30-дан 70%-ке дейін өскенін атап өтті.

Оқи отырыңыз: Мамин халықтың табысы 5%-ке өсетінін айтты 

Бұған қоса премьер төтенше жағдай және карантин кезінде халықтың табысын қолдау мақсатында 42 500 теңге әлеуметтік көмек көрсетілгенін еске салды. Бұл әлеуметтік төлемді 4,6 миллион адам алған.

Тұрмысы төмен 1,1 миллион азаматқа азық-түлік жиынтығы түрінде қолдау көрсетілді.

371
Кілт сөздер:
зейнетақы, жәрдемақы
Тақырып:
Зейнетақы мөлшері қалай өзгерді
Теңге, архивтегі фото

 Депутат үкіметке: Ұлттық қорды ойламау елдің болашағын ойламаумен бірдей

51
Салық және кедендік жұмысты жақсартудан алынуға тиіс 1,5 триллион теңге қосымша қаржы түспеген, деді Жамалов

НҰР-СҰЛТАН, 21 маусым – Sputnik. Мәжіліс депутаттары үкіметке Ұлттық қордан ақша алуды доғару қажеттігін ескертті, деп хабарлайды Sputnik Қазақстан тілшісі.

Депутат Аманжан Жамаловтың айтуынша, республикада салық жинау деңгейі әлі де төмен. 2020 жылы бюджеттің салықтық түсімдері 17,4%-ке төмендеген. 2021 жылдың 1 қаңтарындағы жағдай бойынша бюджетке жалпы берешек 378 миллиард теңгені құрады.

"Осы проблемалардың барлығы "Салықтық әкімшілендіру жүйесін реформалау" бағдарламасы аясында шешілуге тиіс еді. Осы бағдарламаны іске асыруға 11 жыл ішінде миллиардтаған теңге жұмсалды. Сонда нәтиже қандай? Мемлекеттік кіріс комитетінің 16 ақпараттық жүйесінің 12-сі ақпараттық қауіпсіздік талаптарына сай келмейді, оның ішінде 9-ы өнеркәсіптік пайдалануға енгізілмеген", - деді мәжілісмен парламент палаталарының бірлескен отырысында.

Айтуынша, салдарынан салық және кедендік жұмысты жақсартудан тек 2020 жылдың өзінде ғана түсуге тиіс 1,5 триллион теңге қосымша түсім түспеген. Нақты сома 221 миллиард теңгені құрады.

Оқи отырыңыз: Тиімсіз қарыз тартқан шенеуніктердің жеке жауапкершілігін қатаңдату ұсынылды 

Депутат салықтық әкімшілендірудің әлсіз болуы бюджетке Ұлттық қордан қосымша қаржы тартуға әкеп соққанын атап өтті.  2020 жылы республикалық бюджет кірістерінің 45%-і Ұлттық қордан тартылған трансферттер құраған. Оның жалпы сомасы – 4,8 триллион теңге.

"Бұл – соңғы жылдардағы ең жоғарғы көрсеткіш. Үкіметке болашақта ұлттық қорсыз кіріс кірмей қалуы мүмкін екенін түсінетін уақыт келді. Сондықтан бүгін Ұлттық қор туралы ойламау ол елдің болашағы туралы ойламаумен бірдей", - деді Жамалов.

51
Кілт сөздер:
депутаттар, ұлттық қор
Қылмыскер, көрнекі фото

Топпен зорлаған: Шымкентте 7 жыл бойы жасырынып келген күдікті ұсталды видео

0
(Жаңартылды 18:45 21.06.2021)
Бұған дейін полиция оның үш серіктесін тұтқындап, қылмыстық жауапкершілікке тартқан

АЛМАТЫ, 21 маусым – Sputnik. Жеті жыл бұрын топпен бірге зорлық жасап, сот төрелігінен жасырынып жүрген күдікті Шымкентте ұсталды, деп хабарлады ішкі істер министрлігінің баспасөз қызметі.

Бұған дейін полиция оның үш серіктесін тұтқындап, қылмыстық жауапкершілікке тартқан. Олар 2014 жылдың наурызында Шымкент қаласының Игілік ауылында Москвич 412 автокөлігінің салонында 23 жастағы қызды зорлаған.

Полиция күдіктінің тұрған жерін анықтап, оны ұстау үшін көршілері мен туыстарынан, жақын достары мен таныстарынан, бұрынғы серіктестерінен жауап алды.

Оқи отырыңыз: Павлодарда күдікті өзін полицей зорлағанын мәлімдеді - департамент түсініктеме берді

Оған мемлекетаралық, содан кейін халықаралық іздеу жарияланды. Ол бой тасалауы мүмкін Қырғызстан, Өзбекстан, Тәжікстан және Ресей Федерациясының ішкі істер министрліктеріне бағдарлар жолданған.

"Қылмыс жасалғанға дейін күдікті Ресей аумағына бірнеше рет барған. Соған байланысты қазақстандық детективтер көрші елге іссапарға барды. 7 жыл іздеуден кейін жедел полиция қызметкерлері қашқынның орналасқан жерін анықтап, оны Шымкент қаласында "Эврика" сауда орталығының жанында тұтқындады", - деп хабарлады министрлік.

Күдікті бой тасалап жүргенде туыстары және достарымен араласуын тоқтатқан. Әртүрлі қалаларда жалдамалы пәтерлерде тұрып, пәтер мен үйлерді жөндеумен айналысқан.

Әшкере болып қалмас үшін үнемі баскиім, қара көзілдірік тағып, мұрт пен сақал өсірген.

Адамдар көп жиналатын жерлерге, қоғамдық орындарға бармаған. Қазір күдікті Шымкент қаласы полиция департаментінің уақытша ұстау изоляторына қамалды.

0
Кілт сөздер:
Шымкент, зорлау